رواية اخوات زوجتي الفصل الثاني بقلم مني عبدالعزيز
رواية اخوات زوجتي الفصل الثاني
داخل المستشفي ..
دخل رجل أواخر العقد الخامس سال عن روعه ..تحدثت الممرضه اليه بابتسامه وهيام وأعطته رقم الغرفه ..يالهوية علي الحلاوة ايه دي ماشي ينقط عسل هو في رجاله عسلات كده ياخواتي
نبيل ضاحكا هههههههههههه زي ما في ممرضات قمرات كده ودمهم خفيف يا انسه .
الممرضه :انسه الله يجبر بخاطرك للاسف مودام .
نبيل :يا ااه مش معقول بقي حضرتك مدام مش باين عليكي خالص علي العموم يا بخت جوزك بيكي ..وداخله يقول سمحني يارب علي الكذب ال عمال اكذبه من الصبح ده.
تركها مسرعا قبل أن تتحدث وذهب في اتجاة غرفه روعه.
دخل الي الغرفه وجد طبيب وبجوارة شابان في أواخر العشرينات وروعه جالسه على السرير وحجابها علي رأسها بإهمال ويوجد تحت منه لفافه بيضاء ظاهرة .
نبيل بلهفه : روعه حبيبتي مالك يا روحي.
روعه: ببكاء بلبل حبيبي وتفتح زراعيها مرتميه باحضانه بلبل شوفت ال جراري أنا روعه الاسيوطي اشهر محاميه تحت التدريب في مصر كلها ال تدخل القسم يقفلوا ليها الكل تعظيم سلام..
نبيل :مش قوي كده ياروعتي بيضرب لك تعظيم سلام من خوفهم من مقالبك انتي ناسيه لقبك هناك ولا بلاش كلام هنا .
روعه :, اميه يابلبل انت كده على طول بتسيح.
نظر نبيل الي الواقفون مين الاستاذه .
تحدث نادر :الرائد نادر المصري قوات مكافحة الارهاب .
خالد:المرحوم خالد العدلي رائد سابقا .
روعه :بلبل ال عضل ده هو ال ضربني علي دماغي عملي ارتجاج بالمخ لازم ترفع قضيه عليه أنا مخي مرجوج يابلبل.
نادر : مخك مرجوج والله انا شاكك انك عندك مخ اساسا .
خالد: يا عم سيبك منها خاليك معايا أنا هموت قبل ما ادخل دنيا .
روعه : كله من طفستك حد قالك تاكل حاجه مش بتعتك .
نادر : انكتمي أنا مش طايق اسمع صوتك .
نبيل :باس ممكن تفهموني في ايه .
روعه :هحكيلك أنا يا بلبل المفجوع ده اكل سندوتش البرجر والفول والطعميه حتي الطرشي اكله كله مخلاش طرشايه واحده.
نادر: طرشايه ليه كنتي هتبروزيها ولا هتعملي عليها عزومه .
روعه : نننننني لا ياخفيف كنت هجوزهالك اصل انت اخرك كده تجوز طرشايه.
نبيل باس فهموني في ايه .
الكل يتحدث في وقت واحد
روعه اكل الاكل كله ومخلاش حاجه .
نادر المجنونه دي حطه جوه شنطتها اكل مسمم.
خالد أكلت البرجر والفول والفلافل طلعوا مسممين .
باااااس كل واحد يكلم لوحده .
روعه :مسرعه بلبل قلتلك المفجوع ده اكل سندوتش البرجر.
خالد:المسموم .
نادر : حرز القضيه.
بلبل :نعم اكل ايه وحرز ايه وقضيه ايه.
خالد: السندوتشات ال كانت دخله لمتهم وطلعت مسممه وحرز بالقضيه
نبيل: هو حضراتكم شغلين ايه بالضبط .
نادر :ضباط شرطه .
نبيل :وهل يعقل أن حرز قضيه تشيله محاميه تحت التدريب وكمان تروح بيه الجامعه .
روعه: هههههههههههه
نادر: أصلها قالت الكلام بطريقه مقنعه أنا صدقتها .
خالد:وانا حسيت بالمغص .
روعه : ده تأثيري وقوة إقناعي بدليل هههههههههههه صدقتوا الكلام وصحبك حس بالمغص .
نادر :بت انتي مش عاوز اسمع صوتك بتعصب لما اسمعه .
روعه: بت في عينك هي مين البت.
نادر:اهو انتي بنفسك قلتيها ومعترفه انك مش بنت اصلا .
روعه :بت في عينك أنا الأستاذة روعة المحاميه اشهر من النار علي العلم تقلها بت ...؛بلبل بقوا قضيتين ارفع عليه قضيه سب وقذف والتانيه شروع في القتل وسبني أنا بقي اكتب المزكرة أن شاء الله هجبله اعدام.
نادر استغفر الله العظيم يابنتي افصلي شويه صوتك بيعملي تلبك معوي.
خالد:, بس يا انسه انتي مقصرتيش خبطيه عضه ياخد فيها واحد وعشرين حقنه .
روعه : يخرب بيتك جيت تكحلها عمتها ليه ال غضه كلب .
نبيل : روعتي هو انتي استخدمتي سلاحك الفتاك .
روعه تهز راسها بمعنى نعم .
الدكتور :,يا انسه متهزيش راسك غلط انتي عندك ارتجاج بالمخ واي حركه مش كويسه .
روعه ،: اعملي تقرير بالكلام ده مفهوم .
فجاءه يدخل شاب في أواخر العشرينات .
روعتي حببتي مين الحيوان ال عمل فيكي كده
روعه : ببكاء عمدة قلبي وهو يحتضنها وتشير الي نادر اهو .
عمده: وهو ينظر له لا مش بطال عضلات ومجانس وبطن مشدوده بيضالك في القفص يالوزه والله بنت حلال كنت لسه بدورلك علي عريس عشان اخوكي يجوزني بقي اختك خللت من القعده جنبي .
نبيل : انت بتقول ايه يا غبي ده وقت الكلام العبيط ال بتقوله.
عمده: عمنا الكبير منور والله مخدت بالي بس كنت مفروض اعرف نورك مغطي علي اللمبه الليون في عز النهار .
نبيل: الصبر يارب مين الحيوان ال قا لك علي مكان المستشفي .
خالد:يشير إلي ناد اهو
نبيل :, معاتبا يعني تلفون طويل عريض فيه مليون وخمسميت اسم ملقتش غير ده تكلمه .
لم يكمل دخل شاب روعه تؤم روحي مين
الحيوان ال عمل فيكي كده .
روعه وعماد يشيرون علي نادر اهو .
روعه : مرمر تؤم روحي شفت ال حصلي بقي مخي مرجوج ومش قادرة احرك راسي ؟.
مرمر : متوجها إلي نادرقدك دي عشان تعمل فيها كده.
نبيل :ارجع ياعضل دي مستخدمه سلاحها الفتاك وانت مجربه وعارف .
مرمر :,وهو يتحسس مؤخرته ايوه مجربها ..بس برده يضربها يجبلها ارتجاج .
نبيل :اعرف ناس عملولها عاه مستديمه .
روعه : اميه يابلبل بتسيح كتير.
خبط الباب دخل ثلاث شباب حاملين بأيديهم اكياس طعام مملؤه .
روعه : عرفتوا اني في المستشفي ازاي .
أحد الشباب :واحد اتصل عليا وقالي أن حضرتك في المستشفي ومش عارف حد من أهلك .
هو مين الحيوان ال عمل فيكي كده .
أشار كل من روعه وعمده ومرمر الي نادر.
نادر وهو يخرج نار من أذنيه فالكل ينعته بالحيوان.
روعه : وسبت شغلك وملوخيه لوحده وجيتن تشفني اصيل ياحوده .
حوده: اكيد يا استاذه كل ده بفضل اختراعاتك .
الشاب الثاني: حمدالله على سلامتك يا استاذه .
روعه :تسلم يابرجر وانت كمان سبت فلافل وجيت .
برجر : ما يجيش في جماياك يا استاذه كفايه اختراعاتك والرزق الحلال ال زاد بعدها .
الشاب الثالث : وهو يضع الكيس أمامها الف سلامه عليكي يا استاذة
روعه مش قادرة اصدق حتي انت يا ابو هاجر تسبب هاجر وتجي تشوفني .
ميجيش من بعد خيرك واختراعك ال مزود الرزءق.
كل هذا تحت أسماع شاب يقف علي الباب .
بعد قليل خبط الباب فتحت خالد ..اتفضل بتسال علي مين.
دخل شاب روعه نور عيني مين الحيوان ال عمل كده .
أشارت روعه هي والكل علي نادر قائلين اهو .
توجه اليه ممسكا لياقه قميصه ومقبلا له من وجنتيه .شاكرا له .
معاذ :متوجها إلى الثلاث شباب مين حضراتكم وتعرفوا روعه منين .
الشاب الاول:مخرج كارت من جيبه أنا حوده صاحب محل ملوخيه ال بفضل اختراع ست الأستاذة بقي اشهر من النار علي العلم دي أفكارها ايه هبه فوق .
روعه :وهي تغمز لحوده أن يصمت
خلاص يا حوده مافيش حاجه يلا مشكرة جدا علي زيارتك متسبش ملوخيه لوحده.
معاذ خاليك معايا أنا يا اخ ملوخيه:ياتري هي ايه الفكرة .
حوده :سوري ياكابتن ده مجهود وسهر ليالي طويله للأستاذة روعه وهي بطيبه قلبها وظروفي مقبلتش تاخد مني حقها في براعه اختراعها الرهيب غير عشين الف جنيه مع أن اتعرض عليها مئات الآلاف من الجنيهات وهي رفضه وقالت إنها بتساعد الشباب علي تحقيق ذاتهم وأحلامهم .
معاذ متوجها لها حتي الشعار بتاعي يامفتريه قبضتي عليه هو كمان ولا اتبرعتي بيه للدعايه .
نبيل :خلاص يا استاذ حوده مشكرين جدا لحضرتك .
معاذ:لا استنه هي الأستاذة مضت معاك تنازل علي براءة الاختراع ليك ولا عملت معاك ايه.
حوده : دي الأستاذة ام قلب دهب طبعا عملت كده قصاد نسبه بسيطه من الارباح حاجه لا تذكر ٣٥ في الميه بتجي كل يوم تحسبني وتضبط الحسابات وتمشي دي حته وفرت عليا أجرة المحاسب وبتاخد نص أجرته مش بقلك قلبها دهب .
نبيل ضاحكا : مش عتقه حتي أجرة المحاسب بتاخدي نصها داانتي ساقطه في الحساب ياتري بتحسبيله ازاي .
روعه:أميه يا بلبل احنا ستر وغطاء علي بعض بلاش تسيح هنا .
نادر : دي طلعت حرميه مش محاميه .
روعه :احترم نفسك يا عسل افندي انت أنا مش نصابه أنا بساعد الشباب علي شق طريق الكفاح مش بدل ما ينحرفوا .
الشاب الثاني برجر : متقلش علي أستاذتنا نصابه داانا كنت هتص خمس سنين سجن لولا فكاقه الأستاذة طلعتني منها ذي الشعره من العجينه وعطتني بكورة اختراعها ال ياما سهرت عليها ايام وليالي عشان تساعد الشباب أمثالي علي العمل لا وبقيت اشهر برجر في مصر القديمه تما .
نبيل :وهو يشير بصباعين اتنين في بعض مكفكيش اختراع وسهر الليالي بتاخدي زباين المكتب .
روعه :مش قلتلي انتي وشطرتك اهو شايف بنفسك خرجته من قضيه كان هيطس خمس سنين وبقي اشهر برجر في مصر القديمه تما.
معاذ : حتي الكلام ياربي أنا الوحيد ال كنت معترض علي خلفتها كان ليا حق . وبقي يا استاذ برجر بتتحاسبوا ازاي .
روعه سريعه خلاص يابرجر الحق انت شوف شغلك تلاقي الزباين هيكسروا المحل سر الوصفه معاك .
معاذ : لاطما خد حتي سر الوصفه مخلتيش حاجه .
قلي يا كابتن اشجيني الحسابات بتاعتك ماشيه ازاي .
برجر لا دي ست الأستاذة تعجبك قوي ده كان في محاسب نصاب بيقارتسني في الحسابات لحد ست الأستاذة الله يسطرها كشفته وبقت بتاخد نص أجرته ووفرتلي النص بقلك ست الاستاذ ة جهبز في القانون .
نبيل : قول اشجيني ست الأستاذة عملتلك ايه بالقانون .
برجر : دي عندها علاقات رهيبه في أمنه الدوله تلاقي في الأقسام تلاقي الشهر العقاري تلاقي الضرايب تلاقي وخصوصا الضريب بعد محاسب الغبرة مكان هيلبسني في حطه سد وهيخليهم يربطوا عليا ضرايب خمسين ألف جنيه ست الأستاذة الجهبز طلعتلي متساوي ارباح وخسارة وربطه عليا خمساشر الف بس والله يسطرها ويذدها من واسع رفضت تقسمني في المبلغ كله خدت خمساشر الف بس.
نبيل :اموت واعرف عملتيها ازاي دي يا مفتريه تقفلي ميزانيه وطلعيها متساويه مدين وداين اخترعتي محاسبه ياجهبز .
معاذ : وحضرتك يا استاذ .
ابو هاجر : أنا مكوجي ابو هاجر عندكم في الحته ياباشا حتي حضرتك وأخواتك بتكوو عندي لبسكم الأستاذة عطتني بكورة اختراعاتهامكوه انما ايه حكايه تكوي وتوفرفي الكهربا وكمان جهاز يوقف سحب التيار الكهربائي .
نادر لا دي عادت بقي حتي سرقه الكهربه معتقتهاش .
ابو هاجر :مسمهاش سرقه يا استاذ اسمها تحايل لبناء مستقبل الشباب وبعد الدنيا تظبط نرجعوكل شي لأصله والحكومه تاخد حقها بعد كده اه ما هي أستاذتنا الهمام ضمرها صاحي ولا يمكن أبدا تتخلي عن مبادئها وحفظه فضل بلدها عليها وزي ما بلدنا بتدينا احنا كمان نديها.
عماد:لا دي بقي تعدي عليا شخصيا حتي شعاري ياروعتي .
نبيل :ازفت انت اسكت جات علي دول مش شايف البلاوي ال بيقولها .
معاذ وعلي كده بقي حسابكم ما شي ازاي .
ابو هاجر : الست الأستاذة بتحسبني بالحته كل زبون تبعتهولي تاخد فلوسها اول باول الربع يعني نسبه لا تزكر وبتسبلي تلات تربع أنا والمحل والعمال .
نادر،:لا انسانه وليها مبدء بتسبلك التلات تربع أنت والمحل والعمال ومبتخدش حاجه .
ابوهاجر،:لا الطقم ال بيعجبها ويجي مقاسها بتاخده لفه وترجعه علي طول من غير خدشايه وبتدفع تمن التنضيف والمكوة امال ايه عندها ضمير .
نبيل :هتقولي ضمرها صاحي .
روعه وهي تضرب وجهها بيدها وتنظر لنا در نظرات توعد علي مافعله بها وكشفها أمام الجميع .
شكر نبيل الثلاث شباب واوصلهم الي باب الغرفه .
وجد ثلاث فتيات متوجهين إلي الغرفه مسرعين .
الاولي كلوتي حبيبتي من الحيوان ال عمل فيكي كده

الثانيه دراعي اليمين من الحيوان ال عمل فيكي كده

الثالثه دراعي الشمال قوليلي مين عمل فيكي كده وانا اطبق في زمرة رقبته
أشار الجميع الي نادر هو ده .
خالد مزهولا يغمض عينه ويفتحها هي جارته وحبيبته لحظه ماذا تفعل هنا لا وتقول دراعي الشمال اهي مع هذة المحتاله خالد لا يمكن دي رقيقه وكيوت ومش بتكلم ..لحظه بتقول أطبق في زمارة رقبته خالد
تسنيم :بتقولي ايه

تسنيم تنظر له بصدمه وتحولت الي قطه وديعه أبيه خالد حضرتك بتعمل ايه هنا .
خالد : ابيه تاني المهم انتي ال بتعملي ايه هنا .
نبيل :اهلا باقي اعضاء زعهمتهم امال فين الفشه والطحال والكبده والمرارة .
تسنيم طالعين ورانا .
روعه وهي تنسحب لتجري من الغرفه لتنقذ نفسها مما سيحدث لها لم تري شي فور وقوفها المفاجء سقطت أرضا .
يا تري ايه ال هيحصل لروعه بعد اكتشافها لاوالدها واخواتها
يتبع الفصل الثالث اضغط هنا
- الفهرس يحتوي على جميع فصول الرواية كاملة :"رواية اخوات زوجتي" اضغط على اسم الرواية