رواية روح الأدهم الجزء الثاني 2 الفصل الثامن بقلم هاجر العفيفي

الصفحة الرئيسية

   رواية روح الأدهم  الجزء الثاني 2 الفصل الثامن بقلم هاجر العفيفي


رواية روح الأدهم الجزء الثاني 2 الفصل الثامن 

وقفنا الفصل ال فات لما أدم دخل على مايا وسمعها بتكلم حد
مايا بدموع : طب اعمل ايه مفيش فى ايدى حل والله
الشخص بعصبيه : وحيات أمك انتى بتستعبطى خلاص يبقا انتى ال جنيتى على نفسك وعلى المحروص أبنك متزعليش من ال هيحصل بقا سلام ياقطه
مايا : ط طب هقولك ألو ألو ولكن لايوجد رد مايا بدموع يارب هعمل ايه يارب استرها يارب
أدم دخل عليها بحده : مين ال بتكلميه ده يامايا وايه ال بيحصل فهمينى دلوقتى انتى حالك ده مبقاش طبيعى أنا عايزه أفهم
مايا بصدمه ودموع : أدم أنا
أدم بعصبيه مسك ايدها : مفيش أى حجج تانى أنا عايز افهم ايه ال بيحصل ومين ده
مايا كانت مش عارفه هتقول ايه خايفه تقولوا وهو يتهور ويعمل حاجه ويتأذى
أدم بعصبيه : انطقى سكتى ليه اعملى حسابك أنا مش هسيبك غير لما أعرف
مايا بدموع وارتعاش : د ده واحد بيهددنى
أدم بصدمه : بيهددك ! مين ده وايه علاقتك بيه
مايا بدموع جلست على السرير : والله ماعرفوا لحد دلوقتى
أدم : طب بيهددك ازاى وبيقولك ايه
مايا بدموع : بيقولى انا ماضيكى الأسود وكمان عايزنى اجيبلوا ورق من شركة أدهم يا اما أ
أدم : كملى
مايا : هيأذى أبننا
أدم : طب وهو يعرف أدهم منين وليه عايز يأذيه أنا مش فاهم حاجه
مايا بدموع : ولا انا والله فاهمه حاجه انا ماشيه تحت تهديده
أدم : يعنى يوم مادخلت عليكى فى المكتب كنتى بتدورى على ورق الشركه مش الروايه زى ماقولتيلى
مايا بحزن : سامحنى يا أدم أنا
قاطعها أدم : طب وليه مقولتليش من أول ماكلمك؟
مايا بدموع : خوفت عليك خوفت لايأذيك بس والله أنا قصدى خير أنا أسفه
أدم قلبه وجعه عشان دموعها شدها فى حضنه بحنان
أدم : هشششش خلاص ياحبيبتى متعيطيش عشان خاطرى مبحبش أشوف دموعك اهدى
مايا وهى بتبكى بحرقه داخل أحضانه : أنا نفسى ارتاح يا أدم تعبت أووى والله
أدم : طول مانا جمبك متخافيش ياقلبى عشان خاطرى كفايه بقا
مايا رفعت وشها وبصتله بعيونها الحمراء من الدموع : يعنى مش زعلان منى
أدم قبلها من جبينها بحنان واردف : مقدرش أزعل منك ياحياتى كلها متخافيش ان شاء الله كل حاجه هتتحل
مايا تشبثت فيه أكتر واردفت : أدم متسبنيش
أدم : فى حد يستغنا عن عمره متقلقيش ياقلبى وفضل يملس على شعرها بحنان لحد منامت نايمها بهدوء فى السرير ودثرها بالغطاء جيدا وبصلها بحزن وخرج من الغرفه ومن الفيلا بأكملها
💫💫💫💫💫💫💫💫💫💫💫💫💫💫
فى روما
روح وأدهم وصلوا الأوتيل بدون ولا كلمه وروح نيمت جودى فى السرير وأدهم أخد ملابس ودخل الحمام يبدل ملابسه وبعد وقت خرج وشاف روح نايمه جمب جودى وكانت لابسه بيجامه بيبى بلو وعامله شعرها قطتين وكان شكلها جميل جدا أدهم سرح فى جمالها وبعدها فاق من سرحانه وراح عندها واتكلم بهمس عشان جودى نايمه
أدهم بهمس : روح تعالى نتكلم شويه
روح وهى تتصنع النوم : وقت تانى أنا تعبانه وعايزه أنام
أدهم برجاء : عشان خاطرى هما كلمتين بس والله
روح بنفاذ صبر قامت وقفت قدامه : يانعم
أدهم بصلها وكتم ضحكته على منظرها الطفولى شدها من ايدها وجلسوا على الأريكه
روح : ممكن بقا تقول ايه سريعا قبل ماجودى تصحا عشان الحق أنام شويه
أدهم مسك ايدها واتحدث : ينفع حبيبى ينام زعلان منى
روح بعدم اهتمام : وأنا هزعل منك ليه
أدهم : والله ياروح البنت دى أنا كنت أعرفها من زمان أوى وأول مره أشوفها دلوقتى من ساعة ماشوفتك وحبيتك واتجوزتك
روح بغيظ : ااااه ماهو واضح انت حتى مبعدتهاش عنك لما كانت بتبوسك أنا بنت زيها ومباستنيش زيك كده
أدهم ضحك بشده حتى أدمعت عينه
روح بغيظ : انت كمان بتضحك ليك حق تنشكح ياخويا شكلك عجبك الوضع
أدهم قرب منها : وربنا أنا متجوز مجنونه يابنتى والله الموضوع ده فات عليه سنين من ساعة لما كنت مسافر
روح بتذمر : طب وايه علاقتك بيها وبصدمه أوعا تكون
أدهم مسرع : وربنا ماحصل أنا عمرى مالمست واحده غيرك ولا هيحصل
روح : طب ايه يعنى تعرفها منين
أدهم : انتى عارفه ياحبيبتى ان سافرت 5 سنين بره كملت تعليمى هنا فى ايطاليا وفى عز رحلتى قابلت جاكى و
قاطعته روح وهى تجز على أسنانها بغيظ : اسمها جاكلين مش جاكى متدلعهاش قدامى
أدهم وهو يكتم ضحكته : حاضر جاكلين قابلتها وابتدت تاخد عليا وتكلمنى علطول بس أنا عمرى ماحسيت ناحيتها بأى حاجه خالص دايما معتبرها زى ندى
روح بشك : أومال ايه القبلات ال وزعتها عليك أول ماشافتك دى
أدهم : يابنتى ده الطبيعى عندهم فى ايطاليا هنا عادى
روح أعطته ظهرها بغيظ : بس برضوا مش من حقها تقربلك
أدهم لفها ليه تانى بابتسامه : طب أنا أسف مش هتتكرر تانى ياروحى
روح : لاء زعلانه منك
أدهم وهو يقبلها من جبينها : خلاص بقا ياروح قلبك أبيض مقدرش على زعلك
روح وهى تنظر فى عينيه : هتكلمها تانى
أدهم : تؤ تؤ
روح بطفوله : وعد
أدهم بحب : وعد وشدها لحضنه
روح وهى تخبطه فى كتفه بخفه : بحبك ياغلس
أدهم بابتسامه ومشاكسه : بعشقك ياروحى
💫💫💫💫💫💫💫💫💫💫💫💫💫💫
فى صباح اليوم التالى
فى فيلا خالد القناوى
جنه : يلا ياولاد عشان الفطار
خالد نزل من غير ولا كلمه وجلس على السفره
جنه وهى تكتم ضحكتها : مفيش صباح الخير حتى
خالد بضيق : بت انتى متخلنيش أضربك على الصبح
جنه : يامى يامى خاف ياعيد
خالد بتحذير : مابلاش لاحسن عيد هيقوم يضربك
جنه ببراءة : أهون عليك يالودى
خالد : مانا هونت عليكى امبارح يختى
جنه : انت مش جدع على فكره🙂
خالد بسخريه : أنا برضوا بأمارة نومة الكلاب ال كنت نايمها امبارح ياماااا السرير صغير على قد الولاد أنا نمت عليه بالعافيه
جنه بضحك : معلش معلش تعيش وتاخد غيرها يالودى
خالد بغيظ : لاء ياحبيبتى ماهى مش هتتكرر تانى بعد كده ياتروحى انتى جمبهم يااما تروحى عند مامتك
جنه بصدمه مصطنعه : اخس عليك يا أبو العيال عايز تطرد جنتك حبيبتك وتشردها هى وعيالها
خالد بسخريه : جنتى ايه بقا هى فين جنتى أنا دلوقتى متجوز أم أشرف
جنه : بردك 🙄
خالد : أنا رايح الشركه
جنه ببراءه : مع السلامه ياحبيبى
خالد : يخربيت البراءه وسابها وخرج
جنه : يلا ياولاد نعمل كب كيك وحاجات حلوه كتير
حور وعمر بفرحه طفوليه هييييه يلا وراحوا معاها
💫💫💫💫💫💫💫💫💫💫💫💫💫💫
سمر : الناس ال مبتسالش
ندى : أنا برضوا ياواطيه من ساعة ماسافرتى وسيبتينى مش عارفه أوصلك
سمر : عندك حق انا غيرت الخط عشان التانى باظ وكنت مستنيه بفارغ الصبر عشان ارجع أقابلك
ندى : ها بقا ياستى عملتى ايه فى الصعيد
سمر : أخدت حقى كله من أعمامى والصراحه عمو محمد وقف جمبى لحد ماكل حاجه رجعتلى
ندى بغمزه :  طب ايه بقالك فتره كده ايه منوتيش
سمر بعدم فهم : على ايه
ندى : يادى الغباء يابنتى قصدى مطلعتيش بعريس فى أم السفريه دى
سمر : هو أنا كنت فى ايه ولا فى ايه
ندى : يعنى مش ليكى ولاد عم وكده
سمر : لياااا كتييير مكنتش بشوفهم معظم الوقت مفيش غير ابن عمو محمد بس هو ال كنت بشوفه ومبنبطلش خناق
ندى بغمزه : اسمه ايه 
سمر : اسمه مراد المهم فكك تعالى نخرج شويه وحشنى خروجتنا
ندى بتفكير : امممم فكره حلوه طب تعالى سليم مع صاحبه فى الجنينه هقوله ونخرج
سمر : يلا وخرجوا هما الاتنين
ندى : سليم حبيبى سمر لسه راجعه من السفر هخرج معاها شويه واجى علطول
سليم بابتسامه : ازيك ياسمر
سمر بابتسامة : الحمد لله
سليم : ماشى بس متتأخروش اجى أوصلكم
ندى : لاء خليك انت عشان صاحبك وباستغراب أومال هو فين
سليم : بيعمل تليفون وجاى أهو
ندى : ماشى طب أنا همشى بقا
سليم : خلى بالكم من نفسكم
ندى : حاضر يلا ياسمر ولسه هيمشوا سمعوا صوت بيتكلم
الشخص : معلش ياسليم المكالمه مهمه
سمر اتصدمت الصوت ده والتفت خلفها بدهشه
ندى باستغراب : مالك يابنتى يلا
الشخص نظر ليها وكان نفس الصدمه
سمر : هو انت !
الشخص : انتى !
💫💫💫💫💫💫💫💫💫💫💫💫💫💫
فى شركه الحديدى
خالد دخل عند أدم المكتب لاقاه شارد خالص ومخدش باله ان هو دخل
خالد باستغراب : مالك يا أدم
أدم فاق من شروده على صوته : ها بتقول حاجه ياخالد
خالد : لاااا ده انت مش معايا خالص مالك
أدم اتنهد بضيق : مخنوق أووى ياخالد
خالد : طب ماتقولى يمكن أقدر اساعدك وترتاح شويه
أدم : حاضر بص الحكايه كلها وقص عليه ماحدث
خالد بدهشه : ومين المجهول ده وايه ال دخل أدهم فى الموضوع
أدم : معرفش معرفش هو ده ال محيرنى
خالد : خلاص هحاول اشوف حل معاك وهقولك عليه بس المهم هنا انت أخدت الرقم ال بيتكلم منه
أدم : اه معايا
خالد : خلاص هاته وانا هحاول اتصرف واعرف الخط متسجل باسم مين وفين المكان وهكلم شركة حراسه خاصه تبعت رجاله يقفوا قدام الفيلا بتاعتك لزوم الاحتياطى
أدم : تمام خد الرقم أهو وكتبهوله فى ورقه واعطاهاله وياريت الحراسه دى ضرورى وفى أقرب وقت
خالد : تمام هشوف وابلغك سلام
أدم : مع السلامه
خالد خرج وأدم ابتدا يشوف شغله بس عقله كله فى مايا وأسر وكان خايف عليهم جدا
💫💫💫💫💫💫💫💫💫💫💫💫💫💫
فى مكان ما
الشخص : أدهم الحديدى هيرجع مصر كمان يومين هو ومراته وبنته عايزك تنفذ كل حاجه
الشخص الأخر : طب مش خايف لانتكشف ياباشا
الشخص : عيب عليك يلا هو انت شغال مع أى حد ولا ايه
الشخص الأخر بقلق : ربنا يستر
الشخص بضحكة شر : هههههههههههههه احنا نيتنا خير
الشخص الأخر : أوووى الصراحه
و

يتبع الفصل التاسع  اضغط هنا
google-playkhamsatmostaqltradent