رواية يا أنا يا هي الفصل العشرون بقلم هاجر عبد الرحيم
رواية يا أنا يا هي الفصل العشرون
بعد مرور 3 شهور
عشق وأميرة قاعدين ف الصالة بيتفرجو ع التليفزيون
عشق.اي الملل دا انا زهقت من الافلام دي اتفرجت عليها ميت مرة
اميرة..وانا كمان زهقت
عشق بلهفة اطفال....طب م تيجى نرغي شوية
أميرة تنهدت وقالت..لو هتتكلمي ع هشام اسكتى انا مش عايز اسمع
عشق..ليه ياأميرة هتفضلى كدا لامتى؟
أميرة..طول عمرى انا هبقى مخلصة لحسين ومش هبقى لغيرو ابدا
عشق..بس حسين مات وانتى عايشة من حقك تحبي وتعيشى حياتك وتكوني ام ليه تحرمى نفسك من دا؟
اميرة بعصبية..هو العادي انه الواحدة تروح تتجوز اول م جوزها يموت دا معداش شهر ع وفاته ياعشق
عشق..هشام مستعد يستنى هو مش مستعجل
أميرة..لو استنا عمرو كلو انا مش موافقة
عشق..قرارك دا غلط ع فكرة انتى بتظلمى نفسك
أميرة..لو إخلاصى لحسين يعتبر ظلم ف انا موافقة ابقى ظالمة
عشق..انتى اتجوزتى حسين ف ظروف غامضة من حقك تفرحي وتلبسى فستان ويتعملك احلى فرح وتحسى انك عروسة مع شخص يقدرك وهشام هو احق واحد بيكي انتى ليه مش عايزة تفهمي دا؟
أميرة..لو هو اللى قالك كلمينى قوليلو خلي عندو دم ويروح يتجوز ويسيبنى ف حالي انا راضية بنصيبى كدا انا اتجوزت وخلاص مش هروح لراجل تانى
عشق..هو انتى روحتى اولاني خلينا متففين لولا حسين الله يرحمه كتب عليكي غيابي انتى مكننيش هترجعيلو ابدا وكمان ضغط عمى ممدوح والظروف اللى كنا فيها كل دا خلاكي توافقى عليه طبيعى تحسى بحنين ليه م هو هيفضل اللى رباكى ع ايدو وكبرتى قدام عنيه وع حبه كمان بس ربنا بيعوض خد منك حسين عشان يديكي الافضل
أميرة..مفيش حد افضل من حسين انا قلبى اتقفل عليه
عشق..يعنى كنتى هتنسى اللى عملو معاكى؟
أميرة..اكيد عشان هو اتغير للاحسن وربنا غفور رحيم وانتى بنفسك قولتيلى انسي وعيشى حياتك دلوقت عايزانى اغير رايي ليه؟
عشق..عشان الظروف اتغيرت
أميرة..بس قلبي عمرو م يتغير
عشق..هشام كان جمبك ع طول وحافظ عليكي وحبه ليكي طاهر حرام تضيعيه من ايدك
اميرة بعصببة..يحب واحدة متجوزة وتقوليلى حبه طاهر انتى جرا لعقلك حاجة حسين مات بدالى افهمي بقا بقولك مات بدالي يعنى المفروض انا اللى ابقى ف القبر دلوقت مش هو ابدا
عشق..لا انا خلاص دماغى هتفرقع يابنتى ربنا مش رايدلك الموت حسين ف مكان احسن ميت مرة هو مرتاح ليه انت مش عايزة الراحة والسعادة لنفسك مش فاهمة؟
أميرة..عشق الكلام منتهي
عشق..حتى بعد م عرفتى هشام عمل عشانك اي؟
اميرة..دة واجبو ع فكرة هو حرر القدس يعني؟
عشق..لا انتى بقيتى باردة برود انا مشوفتش كدا ابدا انا ماشية وخليكى كدا انا شاغلة نفسى بيكي ليه انتى حرة
اميرة..انتى من ساعة م رجعتى من العمرة وانتى متغيرة
عشق.لولا هشام اصلا مكنتش سافرت جاسر مكنش راضى يسييك لوحدك ولما هو عرف اني متضايقة اقترح عليه يجيب اخته تقعد معاكي هنا الفترا اللى هنكون فيها ف السعودية ولما رجعنا انتى قولتى انها كويسة وحكيتلك عن هشام وانتى بنفسك حسيتى بحبه من كلامها عليه انا مقدرة انك مش عايزة تبقى انانية وخاينة ف عيون نفسك بس دي مش خيانة ياأميرة انا مش هضغط عليكي واللي يقولك عليه قلبك اعمليه
اميرة قعدت ع الكرسى وتنهدت بتعب وهى بتفتكر اليوم اللى كلمها فيه هشام وطلب منها تقابلة ف اي كافية ع النيل
فلاش باك
اميرة..خير ياهشام؟
هشام..تشربي اي؟
اميرة..خير ياهشام مش عايزة اشرب انا؟
هشام..انا بحبك ياأميرة وعايز اتجوزك
اميرة بعصبية..انت اتجننت انت بتقول اي جواز اي وزفت اي؟
هشام..هو انا لما بقولك بحبك وعايزك ف الحلال ابقى مجنون
أميرة..ايوة مجنون عشان انت عارف كويس اني بحب حسين ومش معني انه مات يبقى انساه واتجوزك هو مبستاهلش منى كدا
هشام..هتترهبنى يعنى هتعيشى من غير جواز؟
اميرة..دا حقو ودي حاجة تخصنى ملكش دعوة بيها
هشام..يعنى رافضاني؟
اميرة..ودي عرفتها لوحدك ولا حد قالك وبعدين احمد ربنا اني وافقت اقابلك؟
هشام..وانا عملت اي مضايقك منى اوي كدا؟
أميرة بعصبية..بطل استعباط انت عارف كويس انا اقصد اي؟
هشام..لو عشان الصورة ف انا مش ندمان انى عملت كدا ولو عليا احفر صورتك جوايا مش احطها ف محفظتى بس
أميرة..يينى افهم انا مش بحبك خلي عندك كرامة وسيبنى بقولك مش عايزاك
هشام.دي حاجة ترجعلك اما بقا احبك او لا دي حاجة ترجعلى انا
أميرة قامت وهى متعصبة وقالت..تمام عيش بقا لوحدك ف الوهم دا كتير انت حر لكن لو اتعرضلى تانى انا مش هسكت وهقول لجاسر ومش معنى انه صاحبك هيقف معاك ضدي خصوصا انك غلط وانا اللي صح عن اذنك
ف اوضة جاسر
أميرة.بارد برود مشوفتوش انا مش عارفة هو بيعمل ف نفسه كدا ليه؟
جاسر..مش يمكن عشان بيحبك مثلا واللى بيحب مش بيمشى ولا بيقدر يبعد
اميرة..جاسر ياريت تكلمو انا مش هتجوزه لا هو ولا غيرو انا مرتاحة كدا
جاسر...وانتى مين قالك انى موافق تعيشى كدا؟
اميرة...اي هتجبرنى؟
جاسر..مش هقدر اعمل كدا دا جواز يابنتى لو مش عايزاه محدش يقدر يمنعك بس انا بتكلم تدي نفسك فرصة
أميرة..حاولت معرفتش
جاسر..فين دا انتى اصلا متعرفهوش ولا اتكلمتى معاه براحة عشان تحكمى عليه؟
اميرة.انا لسة بحب حسين ومش هبقى لغيرو وياريت متضغطش عليا
جاسر.خلاص براحتك بس صدقينى لو لفيتى الدنيا كلها مش هتلاقى شخص يحبك زي هشام فكرى كويس لحسن تندمى
باك
اميرة قامت ولبست اسدالها وقررت تصلى وتدعى ربنا يلهمها للصواب
ف اوضة عشق
عشق..ها اي رايك؟
عشق قررت تتجحب وجابت فستاتين وكذا خمار ماليزي تحفة
جاسر بحب..كلهم حلوين عليكي اوي
عشق بدموع..مكننش متخيلة اني ممكن ابقى كدا؟
جاسر مسح دموعها وقال..ليه بس الدموع دي ياعشق؟
عشق..عشان فرحانة بص ياجاسر ف المرايا كدا دي مش عشق اللى اتجوزتها ابدا؟
جاسر..مين قال كدا انتى قلبك طيب اوي وصافى وربنا بيحبك لو مش عايزك قريبة منو مكنش من عليكي بالخطوة دي كل الموضوع انه لبسك كان مغطى ع صفاء روحك كان لازم تتحجبى عشان اللى جواكي يبقى براكي
عشق..لما سافرنا السعودية حسيت انه مفيش حاجة ف الدنيا تساوي لمستنا للكعبة جسمى كلو اترعش وحسيت بربنا قريب منى اوي دعيت كتير واستجاب ياجاسر خليك بقا هنا عقبال م اقيس الفستان دا انا حاسة هيبقى تحفة عليا
وراحت تقيس الفستان وهو قاعد ببفكر ف أميرة مش عارف ازاي يقنعها انه مصلحتها ف جوازها من هشام هو الوحيد اللى حبها بجد وكان مخلص ليها هيبقى مطمن عليها معاه
عشق ماسكة جهاز اختبار الحمل وضحكت بحب بعد تلت سنين جواز ربنا انعم عليها بطفل جواها من حبيب عمرها
خرجت لقيته سرحان فضلت تمشى لحد م بقت وراه حضنته من رقبته وقربت ناحيه الجهاز هو مسكو بفرحة وجرى ناحيتها وهى بتضحك من تعبيرات وشو اللى مليانة لهفة
جاسر بلهفة..دا بجد انتى حامل؟
عشق بحب..ايوة ياجاسر انا حامل كنت متابعة عند الدكتور بقالى سنة وقالي مفيش حاجة تمنع الخلفة بس قالى هناخد ادوية تنشط المبايض والحمد الله ربنا عوضنا
جاسر فضل حوالين نفسه بفرحة وعمال يضحك بصوت عالي..مش مصدق يعنى انا هبقى اب اتاكدتى يعنى وبعدين ثوانى انتي ازاي تروحي من غيرى؟
عشق باسته بحب وبعد كدا بعدت عنو وقالت...لا ياجاسر مش وقت عصبية خالص عايزين نحتفل
وحطت ايدها حوالين بطنها وهى بتقول..انا حاسه انه بيتحرك حتى شوف كدا
جاسر..ثواني بس هو ببتحرك؟
عشق..ايوة طبعا مش روح
جاسر..بس لسة بدرى اوي عشان يتحرك ياعشق انتى لسة ف بداية الحمل
عشق..لا هو بيتحرك هو انا اللى حامل ولا انت وبعدين خد هنا انا عرفت انه الستات بتتوحم ف الفترة دي انا عايزة فسيخ
جاسر..فسيخ اي انتى مش بتحبيه اصلا وبعدين وحم اي دلوقت انتى م صدقتى انك حملتى كلو ورا بعضه؟
عشق..انت بتتهرب عشان متجبليش الفسيخ صح بس دا بعدك انت تنزل حالا تجيبلى الفسيخ بسرعة يلا
جاسر..انتى يابت مجنونة عارفة الساعة كام المحلات دلوقت قافلة؟
عشق..انت نزلت اصلا بطل كسل وروح يلا
جاسر..طب بصى انا عندي فكرة احلى من كدا وبالمرة نحتفل سوا
عشق حطت ايدها حوالين رقبتو وهى بتقول..وياترى حبيبى عايز مني اي شكلو كدا حابب يتدلع
جاسر..كلك نظر تعبان ياكابتن والله
عشق ضحكت بصوت عالي
جاسر...اموت ف المانجا لما بتتحول تفاح
عشق..هتفضل طول عمرك قليل الادب
جاسر..طب انا عايزك ترقصيلى
عشق بحب..طلب بسيط اوي انت تؤمرنى
جاسر..تصدقى من ساعة م اتجوزنا ومرقصتليش ابدا
عشق..لاجل عيونك الحلوة هرقصلك بس استنى اقعد وراجعة
جاسر قعد وهو مستنيها ع احر من الجمر وكل شوية يبص ع الباب عنيه مفتوحة بلهفة طفل مستنى هدية من ابوه
الباب اتفتح وعشق خرجت كانت لابسة بدلة رقص شفافة ورقصتله ع اغنية اه يابنت السلطان كانت ببمايل بمهارة عالية وهو كان بيتفرح عليها بلهفة وحب حس انه سلطان وهى اميرته اومته ورقص معاها بعديها شالها وحطها برفق ع الفراش وكفايا كدا عشان عيب😂
ف اوضة اميرة
تليفونها رن جت تشوف مين ف لقيته هشام
أميرة..الو
هشام..كويس انك رديتى
أميرة..لو هتتكلم ف نفس الموال اقفل
هشام..اعوذ بالله منك انتى دبش كدا ليه؟
اميرة..عايزنى اتكلم معاك ازاي وانت شخصية لازقة كدا لو حد غيرك كان مشى من زمن
هشام..اديكي قولتيها حد غيرى انا بقا مش بستسلم بسهولة ومتعودتش اتنازل عن حاجة تخصنى
اميرة..لا ياهشام انا مش ملكك ولا عمرى كنت انا قلبى مش معاك صدقتنى انت تستاهل واحدة احسن منى تحبك وتصونك لكن ليه تاخد واحدة زيي انت مش اول راجل ف حياتها وقلبها اتهلك من كتر الوجع اللى شافو انت انسان طيب بس انا مش شايفاك ولا هشوفك ف يوم
هشام بوجع..يعنى انت خلاص حكمتى علينا بكدا العلاقة دي مفيش فيها امل
اميرة..صدقنى دا اسلم حل انا بحب حسين واللى حصلى بسببه انا سامحتو عليه من ساعة م شوفته بس كنت خايفة منو لكن انا فعلا قلبى بيكن ليه مشاعر كبيرة اوي انا مش ليك ياهشام ربنا خدو منى انا راضية لكن مش هبقى لغيرو
هشام..هستناكي
أميرة..بلاش ياهشام اتجوز وعيش حياتك وانسانى بلاش تحسسنى بالذنب واتجبر اعمل حاجة عشان ارضيك منا ياما جيت ع نفسى بس انا مش هرضا انك تعيش مع واحدة زيي خد بالك ع نفسك واتمنالك التوفيق والخير مع السلامة
قفلت معاه وهى بتعيط جامد مش عليه هو وبس لا ع حاجات كتير حصلت معاها خايفة توافق تكون بتظلمو هى خلاص قلبها مات محتاجة سنين كتير عشان ترجع تاني زي الاول خايفة يروح منها زي حسين م راح مش هتقدر تنسى اليوم اللى مات فيه حسين بين ايديها وف حضنها كورت نفسها ف وضعية الجنين وهى بتعيط وبتقول..وحشتنى ياحسين وحشتنى اوي💔
تانى يوم
ف مكتب هشام
هشام.مبروك
جاسر..الفضل كلو ليك
هشام..مش مصدق انى اترقيت بجد احنا قبضنا ع اكبر مافيا الكترونية ف العالم
جاسر..الولد لو كان حصلو حاجة كان ممكن اموت وراه انا وعدت والدته اني هرجعولها سليم مفيش فيه خدش
هشام..جيينا حق الاطفال اللي ماتت بس ربنا يصبر اهلهم
جاسر..الموضوع صعب دول حاولو يقتلوني مفيش اسهل من الدم عندهم
هشام.اهو فضلنا وراهم لحد م بقوا تحت ايدنا
جاسر..بس دفعنا تمن كبير كنا بنخاطر بحياتنا كل يوم انت صح كنت عايزنى ف اي؟
هشام..انا قررت اسافر باريس ومش عارف هرجع امتى مهمة شغل سرية وكان صاحبى هو اللي ياخدها بس انا اللى هروح مكانو واقنعت سيادة اللواء
جاسر..انت يأست بسرعة اوي مكننش متخيل انك من النوع اللي بيزهق بسرعة
هشام..متحاولش تعصبنى انا بس كرامتى متسمحش خالص اني اقعد هى قالتلى انها مش عايزاني مينفعش افرض نفسى عليها
جاسر..بس انت مراعي الظروف اللي هى فيها صعب تنسى بالسهولة دي
هشام..انا كان ممكن اتقبل ذكرى حسين ف قلبها ومش هيبقى عندي اي مشكلة لكن هى داست عليا
جاسر..انا بقول تستنى ولو يومين اكلمهالك يمكن قلبها يحن ولا حاجة
هشام.انا ع عينى امشى بس دي هدنة مش اكتر انا راجع تانى ان شاء الله هى هتاخد وقتها لحد م تنسى حسين عشان تعرف تفكر صح من غير اي ضغوط قلبى بيقولى انا هتجوزها وعارف كويس انه مشاعرى استحالة تكدب عليا
ف شقة جاسر
جاسر..هيسافر ياأميرة خلاص هيمشى بقالو تلت شهور بيلف وراكي وبيسمع كلامك اللي زي السم وساكت لا بيكل ولا بيمل لكن هو جاب اخرو وقرر ينسحب من حياتك
اميرة..كدا احسن ياجاسر
جاسر..انتى عارفة انه عينه دمعت عليكي انتى مش عارفة قيمة الدمعة دي عشان لو مقدراها مش هتبقي بالبرود دا الراجل اللى بيتحسر ع ست اقسم بالله دي لو لفت الدنيا من الشرق للغرب مش هتلاقي زيه
أميرة..مين يشهد للعروسة م دا صاحبك طبيعى هتقولى كدا وتجيب اللوم كلو عليا
الراجل..هى الهرمونات اشتغلت ولا اي انتى اختى ع فكرة مش هاجى عليكي لعشان هشام ولا غيرو ولو مش واثق بحب هشام ليكي مش هتكلم ولا هفتح بقي بس انا شايفك بتخبطى ولازم تفوقي هشام لو مشي الله اعلم هييجى تانى ولا لا؟
اميرة..لازم ابقى قاسية عشان يفوق لنفسو انا بحب حسين ومش من السهل ابقى لغيرو وياريت تقولو كدا
ودخلت الاوضة ومسحت دموعها وحاولت تواسى نفسها انه اللي بتعملو دا الصح هى اه مشدودة لهشام بسبب حنيته معاها اي ست بتحب اللي يجرى وراها واللى يشترى خاطرها ويحبها الحب دا كلو لكن هى معندهاش استعداد تبقى انانية كدا لازم تبقى مخلصة ليه لحد اخر يوم ف عمرها اللى عملو عشانها مش شوية
ف الصالة
عشق..انا بقول تطلع ايدك من الموضوع وتسيب ربنا هو اللي يختارلها الصالح احنا مش هنعرف نعمل حاجة اديك شايف دماغها ناشفة ازاي سيبها ع ربنا واوم يلا نصلي يمكن ترتاح
جاسر مسك ايدها وقامو يصلو وفضل يدعيلها يمكن قلبها يحن عليه وتغير رايها
بعد مرور شهر
هشام حاول يوصل ل أميرة بس هى كانت بتصدو ..الحركات اللى كان بيعملها بتخليها مشدودة ليه وبتفرحها بس كانت دايما بتمنع نفسها هى متستاهلش الفرحة
كانت نايمة حست بايد بتملس ع خدها بحنيه بتبص لقيته حسين
بصتله بفرحة وقامت حضنته جامد اوي وهى بتعيط
ليه سيبتنى ياحسين ليه مشيت تعالى بقا خدنى انا عايزة اشوفك وحشتنى اوي شوفت اللي بيحصل ياحسين عايزين يجوزنى واحد تاني غيرك انا قولتلهم لا انا هبقى مخلصة ليك مهما حصل انا سامحتك ع فكرة ممكن بقا ترجع وتجيبلى علبة النوتيلا عشان اطلع عينك ونلعب سوا وتودينى الملاهى انا اسفة اوي ياحسين انا السبب انا اللي كان لازم اموت انا اللى كان لازم اموت مش انت لا مش انت حسين انت مش بترد عليا ليه؟ ليه ساكت انت زعلان منى انا عملت حاجة ضيقتك؟
جت تخرج من حضنه اتصدمت بوش تاني خالص واللى هو هشااام كان بيبصلها بحب وعنيه مليانة دموع مسك ايدها وباسها وهو بيقول بهمس..متسينيش انا بحبك
قامت مفزوعة من النوم وهى بتنادي باسم حسين حسين
مسكت راسها بالم حاسة انه فى تنميل ف كل جسمها مش قادرة تفكر ولا تتحرك فضلت تعيط بصوت عالي
جاسر وعشق صحيو من النوم مفزوعين وجريو يشوفوها
جاسر بقلق..فى اي مالك؟
اميرة حضنت عشق وهى بتقول..انا خايفة خليكي معايا مش عايزة انام لوحدي
عشق..حاضر ياحبيتى احنا معاكي دا اكيد كابوس
جاسر..مش عارف هترحمى نفسك امتى بقا نامى ياعشق معاها ع السرير وانا هنام ع الكنبة ولو احتاجت حاجة صحينى
عشق..حاضر
اميرة فضلت نايمة ف حضن عشق وهى بتشد عليها جامد وهى بتعيط بحيرة ووجع غمضت عنيها ونامت
تاني يوم
هشام حضر هدومو وقرر يمشى خلاص نزل من البيت وركب العربية وف طريقه للمطار
مسك صورة أميرة بحنين ووعدها انه هيرجعلها تاني ومش هيسيبها تبقى لغيرو ابدا
اميرة كانت قاعدة ف البلكونة وبصة للسماء وبتفكر نظرات هشام اللى كانت بتحسسها بقيمتها وانها غالية وكلام عشق وجاسر لما كانو بيقنعوها بهشام تنهدت بوجع كبير
💔💔💔💔💔💔💔💔💔💔💔💔💔💔💔
هشام كان ف العربية وسرحان وباصص ف السماء وصورة أميرة مش مفارقاه
واميرة كانت ف البلكونة ونظرات هشام مش مفارقاها
تصدع اغنية غدر الزمن وبتوصف معاناتهم هما الاتنين
انا وحدي عيشت الأسا
صعب اني اقدر انسا
بكانى زماني وها العمر كلو فاني
طفلة وحكمي بي المدا
غيرك ما عندي حدا
قلبى نار والمشوار
دربو طال وشوبو كتير اذاني
بعتم الليل شوفتك جاي ع احلامي سكنت بقلبى وبكياني
ياحب خليك ف حياتى لا لتروح
بقلبك ع طول خليني
بالهوي اوعا توعيني
دخلك ياهوا
اجمعنا سوا
وياحب لا لتروح
سافر هشام باريس لمهمتة الجديدة وساب قلب أميرة متعلق بين ايدين الخالق وحده ياترى ليه نصيب معاها فعلا ولا خلاص هتبقى مخلصة لحسين عمرها كلو
ميعادنا مع الخاتمة
يتبع خاتمة الرواية اضغط هنا
- الفهرس يحتوي على جميع فصول الرواية كاملة :"رواية يا أنا يا هي" اضغط على اسم الرواية