رواية روح الأدهم الجزء الأول 1 الفصل الأخير بقلم هاجر العفيفي

الصفحة الرئيسية

    رواية روح الأدهم  الجزء الأول 1 الفصل الأخير بقلم هاجر العفيفي


رواية روح الأدهم الجزء الأول 1 الفصل الأخير 

فى صباح اليوم التالى

فى فيلا عاصم

روح كانت فى غرفتها وفاتحه فونها وجايبه صوره لأدهم هو كان منزلها استورى وهى حفظتها فى الفون ماسكاها وبتعيط جامد
روح بدموع : تعرف انك وحشتنى طب تعرف ان مش متخيله ان العريس ده واحد غيرك انت أنا حبيتك بجد ياحبيبى بس أعذرنى ده غصب عنى بعد ال عملتوا مقدرش اسامحك قاطعها من كلامها دخول جنه وهى خبت الفون ومسحت دموعها سريعا
جنه : ايدا ايدا فى عروسه كتب كتابها بكره تعيط مالك يابت
روح بصوت متحشرج : أنا مش بعيط دى حاجه دخلت فى عينى
جنه : بس يابت مش عليا أنا
روح بضيق : ياجنه مفيش حاجه
جنه بخبث : شكلك مش عايزه العريس
روح : ها ل لاء طبعا عايزاه
جنه : قدامك فرصة الانسحاب
روح بتردد : ل لاء طبعا انتى بتقولى ايه
جنه : بقول ان محدش غصبك على حاجه
روح : ومين قال كده أنا موافقه برضايه
جنه : اممممم ماشى قاطعهم من كلامهم صوت فون جنه وكان خالد
جنه : ألو ياخالد وبصدمه ايه أدهم ماله فى مستشفى ايه ؟
روح قلبها وجعها أول ماسمعت اسم أدهم
روح وهى تنطق بصعوبه : أ أدهم ماله ياجنه ومستشفى ليه
جنه : خالد بيقول عمل حادثه وحالته خطر
روح بفزع قامت من مكانها بسرعه
جنه : راحه فين
روح بلهفه ودموع : راحه الأدهم وخرجت مسرعه ونزلت وقابلت أدم أخوها
أدم : راحه فين ياروح
روح بدموع : أدهم تعبان أووى يا أدم تعال وصلنى بالله عليك
أدم : طب اهدى ياحبيبتى هاتى العنوان ويلا وأخدها وخرجوا الاتنين وطلعوا على المستشفى

فى المستشفى

وصلت روح ومعاها أدم وطلعوا سالوا على غرفة أدهم قالوا ليها ان هو فى العنايه المركزه راحت عندها لقت خالد واقف
روح بدموع : خالد ماله أدهم هو كويس صح
خالد بلهفه : كنتى فين ياروح ده أدهم من ساعة ماعمل الحادثه وهو مش على لسانه غير روح وبس
روح بدموع أكتر واتحدثت من بين شهقاتها : ياحبيبى ط طب أنا ينفع أدخل ليه
خالد : مش عارف اسالى الدكتور اهو هناك أهو
روح : يادكتور من فضلك ينفع أدخل لأدهم
الدكتور : بس هو حالته خطر جدا
روح : خمس دقايق بس
الدكتور : ماشى بس متغبيش
روح بلهفه : حاضر والله
الدكتور : اتفضلى خلى الممرضه تعقمك وبالفعل عقمتها ودخلت بايد مرتعشه وراحت جلست بجانبه بهدوء ودموعها نازله ومسكت ايده وشافت الأجهزه حواليه
روح بدموع : كده يا أدهم كده تخضنى عليك ياحبيبى والله بحبك ومقدرش استغنا عنك كفايه ان أشوفك من بعيد أنا عمرى ماكرهتك ولا زعلت منك والله بس انت جرحتنى وطبيعى ده يكون رد فعلى أنا أسفه بقا قوم ومش هزعلك تانى قوم لروحك حبيبتك مش أنت دايما بتقولى ان روحك ومحبتش حد خالص قدى قوم بقا روح ملهاش لازمه من غير أدهم خالص حتى لو على العريس بكره مش عايزاه هرفضه والله ومش عايزه حد غيرك هنعيش مع بعض أنا وانت وبس ومش هنسمح لحد يفرقنا ويزعلنا تانى وفجأه لقت أدهم صحى وجلس بفرحه
أدهم بفرحه : بجد ياروحى يعنى مش هتوافقى على العريس ده ومسمحانى
روح بصدمه وشهقه : أدهم أنت
قاطعها أدهم بحب وهو ممسك بيدها : كان لازم أعمل كده عشان تسامحينى ياروح واتأكد انك لسه بتحبينى
روح : لتانى مره تخدعنى حرام عليك وسحبت ايدها منه ولسه هتقوم مسك ايدها مره أخرى
أدهم : أنا مش هسيبك تمشى تانى وانتى زعلانه منى لو سيبتينى والله هموت بجد
روح مسرعه بدون وعى : بعد الشر
أدهم بابتسامه : طالما انتى بتخافى عليا وبتحبينى كده ليه بتعاندى
روح جلست مره أخرى بدموع ووضعت ايدها على وشها : عشان جرحتنى يا أدهم وصدقت عليا ان أعمل كده
أدهم شال ايدها واتحدث بحب : من على وشها عشان كنت غبى والله كنت مش فى وعى الغضب عمانى سامحينى ياروحى وانا اوعدك ان مش هزعلك أبدا تانى ولا هخلى دموعك دى تنزل تانى أبدا طول مانا عايش
روح بصتله بدموع وبطفوله : وعد
أدهم بابتسامه : وعد ياروووح قلبى سامحتينى
روح هزت راسها بمعنى أه بس اتحدثت فجأه : بس برضوا زعلانه منك
أدهم بضحك : ليه تانى
روح بطفوله : كده تخضنى عليك أنا كنت هموت لو جرالك حاجه وبصدمه وبعدين استنا هنا هو خالد يعرف وجنه كمان
أزهم و هو يحك ذقنه بحيره : الصراحه كلهم عارفين حتى أدم ومايا وال مخطط كل ده هى جنه
روح بصدمه : يعنى كانت لعبه بقا ماشى ولسه هتقوم
أدهم : يابت اتهدى بقا تعبتينى معاكى أعمل ايه لما احترت معاكى روحت جمعتهم وقلتلهم يتصرفوا
روح بوعيد : ماشى ياجنه لما أشوفك هجيبك من ودانك
أدهم وهو يكتم ضحكته : عقابك قاسى أووى ياروحى المهم بقا هنكتب الكتاب امتى
روح بتذمر : لاء ياعم أنا اتعقدت من اليوم ده مش هتجوز
أدهم بصدمه : نعم ياختى عشان اقتلك فيها وبعدين خلاص بقا انسا ياجميل
روح ببراءه : متثبتنيش😇
أدهم بضحك : وربنا عسل ولسه هيقرب منها
روح بتحذير : أدهم خليك مكانك
أدهم وهو يقرب أكتر بخبث : ولو مخلتنيش مكانى هتعملى ايه يعنى
روح بتوتر من قربه : ه هصوت والم عليك المستشفى
أدهم بخبث وهو بيقرب أكتر : طب ماتصوتى وايه يعنى صوتى يلا وبغمزه ده انا حتى أدهم حبيبك ولا نسيتى الاعتراف ال من خمس دقايق ده ومتقدريش تبعدى عنى أهون عليكى
روح بتوهان : ها
أدهم بضحك : مالك ياقلبى
روح بطفوله : ياغلس انت ابعد بقا
أدهم بمشاكسه : ياخلاثى على القمر لما يتكسف اصبرى عليا بس كلها يومين
روح بعدم فهم : اشمعنا يومين
أدهم : روح ياحبيبى اصحى معايا كتب كتابنا
روح : امممم ماشى ياخويا بطل تمثيل بقا وقوم يلا
أدهم برفعة حاجب : قلبتى كده ليه يلا ياختى وخرجوا الاتنين من الأوضه
خالد بهمس لأدهم: احم لحقت اعترفت من قبل ماتاخد القلم
أدهم بص لروح بابتسامه : مهانش عليا اسمع عياطها واشوف دموعها
خالد بسخريه : ياحنين
روح : انتوا بتقولوا ايه
خالد : لاء ولا حاجه يلا ياعرسان
روح : مين دول
خالد : انتوا هو فى غيركم ده الواد ده مرمطنا معاه عشان اللحظه دى
أدهم بغيظ : واد فى عينك ياشيخ
روح : ههههههه
أدهم بغيظ : بت انتى متضحكيش وانتى زى القمر كده مش ناقصه
روح اتكسفت وسكتت
خالد بهيام : قلبى الصغير لايتحمل يلا انتوا الاتنين مش فاضلكم ورايا جنتى
أدهم : مش عارف مين الواقع دلوقتى يلا ياخويا
وخرجوا كلهم ركبوا عربية خالد ووصلوا روح وبعدها مشيوا
💗💗💗💗💗💗💗💗💗💗💗💗💗💗
فى فيلا عاصم

روح : ده أنا هقتلكم انتوا الاتنين بقا بتعملوا مؤامره عليا
جنه وهى بتجرى : هدى أعصابك ياحجه مش كده انتى هتعصبى نفسك على عيال تافهه زينا
روح بغيظ : مانتى ال خططتى ياسوسه
جنه بفخر : بس ايه رايك جت بنتيجه صح
روح حدفتها بالمخده : اخرسى خالص ده أنا هولع فيكى
مايا وهى بتتسحب : طب بالسلامه بقا شكلك مش رايقه دلوقتى
روح : استنى عندك انتى كمان أصل المصايب ياختى أثبتى
جنه : يارورو ايه ال مزعلك بس ماهو كله بقا تمام اهو
روح جلست على طرف السرير وضغطت على شفايفها بكسوف : خلتونى أعترف بكل حاجه وأنا فاكراه مش سامعنى كان نفسى الأرض تنشق وتبلعنى
جنه : خلاص بقا ياقلبى قلبك أبيض
روح : خلاص ياختى
مايا بغمزه : ايه خلاص
روح بصتلها وضحكت : أه خلاص
جنه بحركه غير اراديه : لووووووولوووولوووى
روح : منك لله فضحتينا
جنه بفرحه : الحجر نطق ياجدعان
مايا بضحك : ههههه عندك حق
روح بغيظ : كده طب ماشى وفضلت تحدفهم بالوساده وهما كذلك وفضلوا يهزوا ويضحكوا
💗💗💗💗💗💗💗💗💗💗
فى فيلا الحديدى

دخل أدهم وكان فى غاية الانبساط وبيصفر شاف أخته ندى شالها بفرحه ولف بيها
أدهم بفرحه : روح رجعتلى ياندوش أنا مش قادر أوصف فرحتى والله
ندى بفرحه : بجد يا أدهم
أدهم نزلها : أيون ياستى بعد ماطلعت روحى
ندى : ربنا يخليكم لبعض يارب حافظ عليها بقا واوعا تضيعها منك تانى
أدهم : خلاص حرمت بعد ال شوفته يلا تصبحى على خير
ندى بتردد : أدهم
أدهم رجعلها تانى : عايزه تقولى حاجه ياندوش
ندى بتوتر : ب بصراحه أه فى واحد عايز يتقدملى من فتره وأنا كنت مأجله الموضوع عشان ال انت كنت فيه
أدهم : امممم وده شغال ايه
ندى مسرعه : هو دكتور عندى فى الكليه بيدرسلنا
أدهم بابتسامه : طب قوليلوا ان أنا مستنيه بكره
ندى بفرحه باسته من خده : تسلملى ياحبيبى وسابته وطلعت تجرى
أدهم ضحك عليها : مجنونه بس عسل وطلع أوضته هو الأخر وذهب فى ثبات عميق بعد التفكير الطويل فى روح
💗💗💗💗💗💗💗💗💗💗💗
فى صباح يوم جديد على أبطالنا

أدهم بلغ والدته برجوعه لروح وكمان قالها انها تعزم رحاب ومايا وروح وأدم وجنه وندى بلغت سليم يجيب أهله عشان يقابلوا أدهم وخالد كمان جه واستعدوا للمقابله

فى المساء

الجميع كان جالس بعد استقبال أدهم ووالدته ليهم وجلسوا فى جو جميل وابتدا والد سليم فى الكلام
طارق : ابنى سليم عايز يطلب ايد الأنسه ندى ده بعد أذنكم طبعا
أدهم بابتسامه ود : طبعا احنا مش هنلاقى أحسن منكم طبعا ان نسابهم وكمان جيرانا على خيرة الله نقرأ الفاتحه
كلهم قرأو الفاتحه وسلم كان بيختلس لندى النظرات ال كانت مكسوفه جدا
انتهوا من قراءة الفاتحه
أدم : احم ياجماعه بما ان الكل متجمع كده فا انا بكامل قوايا العقليه بطلب ايد مايا
الجميع اتصدم وفرح فى نفس الوقت ومايا ابتسمت وسكتت
أدهم : مبروك ياباشا
أدم بابتسامه : الله يبارك فيك عقبالك
أدهم بص على روح وبخبث : لاء خلااص هانت أووى كمان
روح بصتله بخجل
خالد : هى جت عليا أنا عايز اتجوز
الجميع ضحك عليه
جنه : انت علطول صريح كده
أدم : والله منصحكش يابنى هتتعب بس يلا بقا هنعتبرها بنتنا
جنه بطرف عينها : خليك فى عروستك ومتقطعش الأرزاق
خالد : أنا عايز سواق المكروباص ده
أدهم : ههههههههه والله لايقين على بعض
جنه بعند : طب مش موافقه ها
البنات فى صوت واحد : لااااء هتوافقى
جنه : حاضر ياجماعه بتحرجونى ليه بهزر🙈
الجميع فضل يضحك على هزارهم
فاطمه بحب : ربنا يفرحكم ياولاد
الجميع : ياااارب
أدهم بهمس : القمر هيجى الشركه بكره صح مش عارف أشتغل من غيرك
روح : مش انت طردنى وقولتلى مش عايز أشوفك فى الشركه تانى ولا أنا بيتهيألى
أدهم : خلاص قلبك أبيض بقا ياروحى انسى ال فات وخلينا فى ال جاى
روح بابتسامه بينت غمازتها : امممم هفكر
أدهم : يااااربى على الضحكه ال بتخطفنى دى والله بفكر أخطفك دلوقتى ونتجوز
روح : ههههههه مجنون وتعملها

وانتهى اليوم على خير بعد هزار وضحك وحب بين الجميع
💗💗💗💗💗💗💗💗💗💗💗
بعد مرور عدة أسابيع
تم جوازهم كلهم ماعدا ندى وسليم لان ندى صممت تخلص دراسه الأول كلهم عمله فرح فى يوم واحد وكمان سافرو مكان واحد وقضوا شهر العسل وكانوا عايشين أسعد أيام حياتهم
مع بعض ومايا طبعا اتغيرت 180 درجه وأدم معوضها عن كل شئ
💗💗💗💗💗💗💗💗💗💗💗💗
وبعد مرور سنتين

فى فيلا الحديدى

أدهم : يلا ياروحى أتأخرنا ده كله بتلبسى
روح : حاضر أهو يا أدهم كنت بلبس جودى خد امسك
جود بطفوله : باااابى
أدهم شال بنته بابتسامه : حبيبة بابى القمر لاء أنا كده هتحسد عليكم انتوا الاتنين معايا قمرين
روح حضنته بابتسامه : والله انت ال قمر
أدهم : احم أنا بقول نلغى حوار الفرح ده
روح بضحك : لاء طبعا مينفعش ده فرح أختك يلا ياحبيبى
جودى ببراءه : يلا يابابى هنتأخر على ندى
أدهم : ههههههه حاضر بس سكتى مامى
جودى : حاتر استتى يامامى
روح بزعل مصطنع : بقا كده ياجودى بتسكتى مامى
جودى : لاء اش تزعلى يالوح أنا أفسه
روح بضحك وحب : ياااربى على القمر حبيبة قلبى
أدهم بضحك : بقا اسمك لوح أهو أى خدعه تعالى كل يوم
روح : طب يلا عشان منطردش من الفرح
أدهم بغمزه : يلا قدامى ياقمر
روح : ههههههه يلا
وسباته وخرجت وبعدها خرج هو وجودى ومعاه والدته وطلعه على الكوافير ال فيه ندى

فى الفندق المقام فيه الفرح
جنه كانت جالسه بضيق وكل شويه تنفخ خديها بغيظ
خالد وهو يكتم ضحكته : مالك ياجنتى
جنه بغيظ : انت بالذات متتكلمش قولتلك مش عايزه أخرج جبتنى بالعافيه شايف الناس بتبصلى ازاى عشان الكوره دى
خالد بضحك : والله قمر فين الكوره دى
جنه : مانت مش شايل هم حاجه ياعم
خالد برفعة حاجب : اجى أساعدك يعنى ولا ايه ماهى روح أهى كانت زيك وخلفت وجابت بنوته زى القمر اتجدعنى انتى بس
جنه لسه هترد قاطعها أدم
أدم : الكره الأرضيه بتاعتنا عامله ايه
جنه بغيظ : شايف ياخالد مش قولتلك كوره
خالد : حرام عليك ده أنا ماصدقت أقنعها ان هى قمر
جنه : كمان بتجاملنى يارب ال فيا يجى فيك
خالد بضحك : يخربيتك
مايا : ياجماعه متتريقوش ماهى قمر اهى
جنه بتعب : شالله يخليكى يابنتى يالى جبرتى بخاطرى عقبالك
مايا باعتراض : لاااا حلو عليا كده كفايه عليا أسر ال مش بينمنى خالص
أدم : حرام عليكى متظلمهوش ده ملاك
مايا بغيظ : ابقا اسهر بيه انت ياملاك
جنه : ياختاااى يعنى هخلص من ال أنا فيه هدخل على حوار تانى لاء مش هكمل
خالد : هو ماتش وهتعتزلى
فى الوقت ده جه أدهم وروح
روح : مساء الخير ياحلوين
أدم : هاتوا عروسة ابنى يلا
أدهم : طب راعى ان أبوها ال هو أنا واقف
أدم : لاء خلاص معروفه أسر لجودى مش محتاجه كلام
روح : ياترى موافقه ياست روح
روح بتأكيد : أكييييد ده أبن الغالى
أدم : قلب أخوكى انتى
أدهم : اطلع منها أنا يعنى طيب مبروك ياولاد ابقوا اعزمونى فى الفرح
الجميع ضحك على كلمته

عند العروسين

سليم بابتسامه : فرحانه ياقلبى
ندى بكسوف : طبعا
سليم : الحمد لله ان اليوم ده اتحقق
ندى : بجد بتحبنى ياسليم
سليم : كلمة بحبك دى قليله عليكى وعلى ال أنا حاسه دلوقتى ربنا يقدرنى وأقدر أسعدك ياحياتى
ندى بابتسامه : ويقدونى أنا كمان على أسعادك ياحبيبى
سليم بحب : أحلى كلمة حبيبى سمعتها فى حياتى

وبعد وقت أشتغلت أغنية سلو والجميع استعد للرقص عليها ورحاب وفاطمه كانوا ماسكين جودى وأسر

عند روح وأدهم
أدهم : أنا ربنا بيحبنى ان رزقنى بأجمل هديه انتى وجودى
روح : وأنا كمان بيحبنى أووى كمان عشان يرزقنى بيك يا أجمل حبيب وكمان بأجمل بنوته شبهك بس أوعدنى انك هتفضل جمبى طول العمر
أدهم : أوعدك بعمرى كله ياروحى
روح بابتسامة حب : بجد يا أدهم
أدهم بحب واضح : بجد ياروح أدهم


الحكمه هنا مش معنى ان حياتك مش كلها سعاده أو فرح معنى انك هتفضل كده لاء ربنا بيعوضك خير فى كل حاجه بيبعتلك الشخص ال يسعدك نصك التانى ال طريقه هو طريقك بس كله بيجى بالصبر +
كمان شخصية مايا الكل كان مستنى ليها نهايه مش كويسه عشان كان دورها شرير بس لاء مش كل خطاء نحكم عليه بالأذى ممكن يكون جواه شخص كويس نفسه يطلعوا بس للاسف الشخصيه الحقوده هى ال مسيطره عليه بس طبعا قادر ربنا ان يظهر أحسن مافيه ويجعل ليه ابتلاء يغيروا ويطهروا من كل خطأ
السعاده من قلبى للجميع

يتبع الفصل الأول من الجزء الثاني  اضغط هنا
google-playkhamsatmostaqltradent