رواية روح الأدهم الجزء الأول 1 الفصل الثامن بقلم هاجر العفيفي

الصفحة الرئيسية

    رواية روح الأدهم  الجزء الأول 1 الفصل الثامن بقلم هاجر العفيفي


رواية روح الأدهم الجزء الأول 1 الفصل الثامن 

فى صباح يوم جديد على أبطالنا بأحداث جديده
فى شركة الحديدى
فى مكتب خالد
كالعاده بيتخانق هو وجنه على الشغل بس فى نص الكلام اتفجأت من كلامه
جنه : أيوه أيوه هتعمل زى كل مره وتاخدنى فى الكلام
خالد : بحبك
جنه بصدمه : ها
خالد : ب ح ب ك
جنه وهى على نفس صدمتها : مين وازاى
خالد : ده غباء ولا ايه بالظبط عشان أعمل حسابى
جنه : صدمه
خالد : وايه رايك بقا
جنه : بغباء : فى ايه
خالد : ياربى ده طلع غباء فى ال قولتهولك ياجنه
جنه : انت بتحبنى انا طب اززززاى
خالد بنفاذ صبر : زى النااااس تصدقى أنا غلطان ليكى كملى شغلك
جنه مسرعه : طب استنا ياعم انت قفوش كده ليه  كنت لسه بستوعب
خالد : واستوعبتى ياختى
جنه : اها
خالد : وايه رايك ياجنتى
جنه بذهول : جنتك وبتحبنى الاتنين فى يوم واحد
خالد بضحك على منظرها : يخربيت جنانك ههههههه
جنه : انت بجد بتحبنى ولا بتعمل كده عشان تستفزنى
خالد قرب منها : وهى ال حاجات دى فيها استفزاز ياجنتى
جنه بعدت عنه بتوتر : ط طب ابعد ياخالد
خالد قرب أكتر : طب لو مبعدتش
جنه : هصوت والم عليك الشركه كلها ابعد ياخالد
خالد بعد بضحك : خلاص خلاص يامجنونه انا هسيبك دلوقتى بس عايزك تفكرى فى كلامى ياقمر
وسابها وخرج
هى حطت ايدها على قلبها : اااااه يخربيتك ياخالد انا ناقصه خوف
لقته دخل تانى  : على فكره بقا اسم خالد زى العسل منك
جنه زقته وقفلت الباب وابتسمت على كلامه وجلست على مكتبها وهى بتفكر فى كلمته ليها ومش مركزه فى الشغل خالص
💗💗💗💗💗💗💗💗💗💗💗💗💗💗
فى مكان ما
سلمى : انتى ناويه على ايه يامايا
مايا : همسك عليها أى غلطه ومش هخليهم سعدا أبدا
سلمى : انتى بتعملى كده ليه دى بنت خالتك وزى أختك
مايا بحقد : لاء دى مش أختى دايما مفضلنها عليا وهو حبها هى ومحبنيش أنا يبقا يستاهلوا ال هيحصلهم منى
سلمى : أنا بحذرك بلاش تلعبى مع أدهم الحديدى
مايا بسخريه : هه انا مبخافش ياماما وهتشوفى
سلمى بقلة حيله : براحتك يامايا بس مترجعيش تندمى بعد كده
سلمى بوعيد : لاء أذا كان على الندم هما ال هيندموا مش أنا ههههههههه
💗💗💗💗💗💗💗💗💗💗💗💗💗💗
ندى : يعنى أنا دلوقتى دكتور زى ده هيشيلنى الماده ده أنا هوريله النجوم فى عز الضهر
سمر : يخربيتك هتعملى ايه ندى ياندى
ندى جريت ودخلت مكتب العميد
العميد بدهشه : ندى خير يابنتى
ندى بغضب : يعنى دكتور مالك يشيلنى الماده ليه ده كله عشان اتاخرت خمس دقايق على المحاضره
العميد : ازاى يعمل كده
ندى : معرفش اساله هو
العميد : طيب روحى انتى ياندى وانا ليا كلام تانى معاه
ندى : تمام بس ياريت حضرتك تعرف انك لو ماخدتليش حقى أدهم أخويا هيتصرف عن أذنك
وخرجت وهى متعصبه
سمر كانت واقفه مستنياها واول ماشافتها راحت عندها بلهفه : عملتى ايه ياندى
ندى بعصبيه : أنا هوريه مين ندى الحديدى
سمر : اهدى بقا مش عملتى ال عايزاه
ندى : صحيح ياسمر مشوفتيش سليم ق قصدى دكتور سليم
سمر بخبث : بتسالى ليه
ندى : أصل مشوفتوش خالص النهارده
سمر : اممم بيقولوا ياستى تعبان ومجاش النهارده
ندى بلهفه وقلق ظاهر : تعبان ازاى ط طب انا همشى دلوقتى سلام وسابتها ومشيت بسرعه
سمر بضحك : مجنونه ووقعت فى حبه
💗💗💗💗💗💗💗💗💗💗💗💗💗💗
فى المساء
كانت روح فى غرفتها وفونها رن برقم أدهم ردت وهى مبتسمه
روح : سلام عليكم
أدهم : وعليكم السلام وحشتينى
روح بضحك : على فكره دى مجامله أنا لسه سايباك من ساعه
أدهم : هتصدقينى لو قولتلك انك بتوحشينى وانتى معايا
روح بخجل : بجد
أدهم : وحيات روح عندى
روح : أدهم
أدهم : عيونه
روح : توعدنى أنك متزعلنيش أبدا
أدهم : أوعدك بعمرى كله ياروحى وحياتى ال جايه
روح : بس أنا خايفه
أدهم : من ايه
روح : خايفه يحصل حاجه تبعدنا للأبد
أدهم : روح ممكن متقوليش الكلام ده تانى ياحبيبتى
روح : حاضر
أدهم : أيوه كده بتعملى ايه بقا
روح : كنت هقرأ روايه لسه
أدهم : والبطل اسمه ايه
روح بخجل : أدهم عشان بيفكرنى بيك
أدهم بابتسامه : والله انتى أحلى حاجه حصلتلى فى حياتى
روح : وانت كمان
أدهم بخبث : أنا كمان ايه
روح بخجل : أدهم خلاص
أدهم : مش هسيبك غير ماتعترفى
روح بخجل : يوووه انت كمان أحلى حاجه حصلتلى فى حياتى
أدهم : أحلى كلام بسمعه من أجمل انسانه هاين عليا أجى أخطفك دلوقتى
روح : طب سلام بقا عشان خالتوا بتناديلى
أدهم بضحك : والله ماشى ياروح لما اشوفك سلام
روح : مع السلامه
وقفلت معاه وابتسمت على كلامه ليها وفجأه فونها رن برقم دولى ردت باستغراب
روح : سلام عليكم
الشخص : وعليكم السلام وحشتينى ياروح
روح دموعها نزلت : حبيبى وحشتنى ياحبيبى كده برضوا متسالش عليا كل الفتره دى وحشتنى ياروحى
أدم : انتى أكتر ياقلبى والله مشاغل كتير أنا اسف
روح : هتنزل امتى وأشوفك امتى انا مفتقداك أووى
أدم : قريب يانور عينى مش هغيب عليكى
روح : متتأخرش ياحبيبى أنا عايزه روحى ترجعلى تانى
أدم : حاضر ياست قلبى هقفل معاكى هخلص شغل واكلمك تانى ياقمرى فى حفظ الله
روح : مع السلامه ياحبيبى
روح قفلت معاه وحضنت الفون باشتياق : ياااااه ياحبيبى ياريت ترجعلى تانى بقا ونرجع زى زمان ونامت وهى دموعها نازله
ومخدتش بالها من ال بتسجل ليها كل الكلام من ورا الباب وهى بتضحك بانتصار
مايا بانتصار وحقد : هه أخيرا هتوقعى ياروح ده أنا هوريكى وأخدت التسجيل ودخلت أوضتها
💗💗💗💗💗💗💗💗💗💗💗💗💗💗
فى فيلا الحديدى
فى غرفة ندى
كانت محتاره تكلم سليم تطمن عليه ولا لاء بس هى قلقانه عليه جدا وقررت تكلمه وطلعت رقمه وطلبته
وبعد وقت جاءها الرد
ندى بأحراج : احم سلام عليكم دكتور سليم
سليم بفرحه بعد ماعرف صوتها : وعليكم السلام ندى صح
ندى : اه كويس انك عرفتنى
سليم : صوتك الوحيد ال مقدرش أنساه ياندى
ندى بخجل : ك كنت بتصل أسال عليك عشان مجتش
سليم ابتسم من اهتمامها : أنا مش عارف اودى فرحتى فين بس على العموم أنا كنت تعبان شويه
ندى بلهفه وبدون وعى : ايه تعبان ط طب روحت للدكتور وانت كويس
سليم بضحك : يااارب ياريتنى كنت تعبت من زمان عشان أسمع الكلام ده
ندى أخدت بالها من كلامها واتكسفت وسكتت
سليم : ياخبر انتى أتكسفتى أنا أسف ياستى أنا بقيت الحمد لله أحسن ده كان شوية تعب صغيرين مش أكتر
ندى : طب الحمد لله ألف سلامه عليك وأسفه لو أزعجتك
سليم : لو كل الأزعاج حلو كده أنا مستعد فى أى وقت
ندى : مع السلامه وقفلت الفون بسرعه
سليم : هههههههه مجنونه بس عسل
عند ندى قفلت معاه وحاولت تهدى نفسها : اهدى اهدى كده مانتى ال كلمتيه وفجأه ابتسمت ورجعت كشرت وتحدثت مع نفسها لااا أنا شكلى أتجنيت ايه ال بيحصلى ده انا فرحانه ولا زعلانه لااا شكلى وقعت ولا ايه
💗💗💗💗💗💗💗💗💗💗💗💗💗💗
فى منزل جنه
كانت فى غرفتها بتكلم روح
جنه : أه والله يابنتى زى مابقولك كده قال الكلمه وانا فضلت زى ال حد رش عليا مايه ساقعه فى الشتا
روح : ههههههههه يخربيتك ياشيخه فصلتينى ومقولتليش ليه ده كله الصبح ياهانم
جنه : ملحقتش والله ياصحبى انتى خرجتى مع أدهم عشان يوصلك وانا كنت جيالك خالد أصر يوصلنى
روح بخبث : أيوه بقا خالد ولاف لاف لاف بقا ومش هنعرف نلمك
جنه : بنت عيب مش احنا بتوع الكلام ده أوعدك ياروح ان بكره هديلوا دبشايه تفتح دماغه
روح : الله يهدك ياشيخع اتلمى هيطفش
جنه : ولو ولو لازم أنكد عليه
روح : جنننننه روحى نامى ياماما ده انتى نكد
جنه : سيبنالك انتى الحنيه ياختى تصبحى على خير
روح : وانتى من أهل الجنه ياجنتى
جنه قفلت معاها ولقت والدتها دخلت عليها
ناديه : ال سمعته ده صح يابت
جنه : ايوه ياست الكل بس ايه انتى بتتصنطي عليا ياناديه مش واثقه فى بنتك ياناديه اااه ياقلباااااى
ناديه خبطتها على كتفها بخفه : بطلى تمثيل يابت انتى مش عليا
جنه : احم هو باين ان بمثل
ناديه : أيوه ها قوليلى انتى فعلا بتحبيه
جنه : والله ياماما لسه معرفش أنا من ساعة ماشوفته مبطلناش خناق لسه هنشوف الدنيا ناويه على ايه
ناديه بحنان : بصى ياحبيبتى انتى شوفى ال يهم مصلحتك واعمليه وانا وابوكى مش هنعارضك لأننا عارفين أختيارك وأخلاقك وال فيه الخير يقدموا ربنا المهم كل حاجه تبقا على نور وواضحه ومتخبيش عنى حاجه
جنه باست ايد والدتها : حاضر ياحبيبتى ربنا يحفظك ليا يارب
ناديه حضنتها : ويخليكى لينا ياقلبى يلا تصبحى على خير
جنه : وانتى من أهله ياحبيبتى
والدتها خرجت وهى نامت على السرير وذهبت فى ثبات عميق
💗💗💗💗💗💗💗💗💗💗💗💗💗💗
فى صباح اليوم التالى
فى شركه الحديدى
أدهم كان جالس بيباشر بعض الأعمال وروح مكانتش لسه جت وبعد وقت الباب خبط ودخلت مايا
أدهم زفر بضيق : خير
مايا راحت جلست أمام المكتب ووضعت قدم فوق الأخرى واتكلمت بضحكة انتصار : عندى ليك أخبارك هتعجبك أووى يا أدهم أوووبس سورى قصدى يامستر أدهم
أدهم بغضب : ماتخلصى انتى لسه هترغى كتير
مايا : براحه عليا شويه اتفضل اسمع
وشغلت التسجيل بتاع روح وأدهم كان مصدوم من ال بيسمعوا
أدهم بغضب : روح !

يتبع الفصل التاسع  اضغط هنا
google-playkhamsatmostaqltradent