رواية روح الأدهم الجزء الأول 1 الفصل الأول بقلم هاجر العفيفي
رواية روح الأدهم الجزء الأول 1 الفصل الأول
فى أحدى الاماكن الراقيه بالقاهره
فى فيلا يبان عليها الثراء الفاحش كانت تنزل فتاه بنشاط وهمه
ندى بابتسامه مشرقه : صباح الخير يا أجمل ماما
فاطمه بابتسامه : صباح الجمال ياحبيبة قلبى
ندى : ابيه أدهم جه ولا لسه
فاطمه : لسه على وصول اهو
ندى : تصدقى الشهرين ال غابهم دول كأنهم سنتين وحشنى جدااا
فاطمه : ربنا يخليكم لبعض يارب ياحبيبتى
ندى قبلت راسها : ويخليكى لينا ياست الكل يلا اسيبك أنا بقا عشان اتاخرت على الكليه وهاجى بدرى
فاطمه : ربنا معاكى يارب يابنتى
ندى : يارب سلام عليكم
فاطمه : وعليكم السلام
خرجت ندى واستعدت انها تركب العربيه الخاصه بها ولقت العجله نايمه
ندى بضيق : أوووف على الصبح كده يارب اروح ازاى دلوقتى
الشخص : محتاجه حاجه ياانسه
ندى بصت خلفها باستغراب : مين حضرتك
الشاب مدلها ايده بابتسامه : أنا سليم العشرى جاركم هنا جديد
ندى مدت ايدها : اهلا بيك
سليم : أى مساعده
ندى بتذمر : العجله نامت وانا هتأخر على الكليه ومش عارفه اعمل ايه
سليم بتفكير : اممم ممكن تسمحيلى أوصلك وابعتلك حد يعملها
ندى : بس كده هعطلك
سليم بابتسامه : لاء عادى لو كل التعطيل حلو كده أنا موافق اتعطل كل يوم
ندى ابتسمت بكسوف
سليم : اتفضلى
وراح فتحلها وجلست على الكنبه الخلفيه وهو استقر مكانه وشغل العربيه وطول الطريق يختلس نظرات ليها وهى حاولت تشغل نفسها فى الفون ومتبصش ليه
وبعد وقت وصلوا عند الكليه وهو نزل فتحلها الباب
ندى برقه : أنا متشكره جدا لذوقك
سليم : مفيش شكر ده واجبى
ندى : ميرسى عن أذنك
سليم : اتفضلى
ندى دخلت وهو بصلها بابتسامه
ندى : سمر سمرررر
سمر بخضه : ايه يخربيتك خضتينى
ندى : مانتى ال طارشه
سمر : عايزه ايه على الصبح بلسانك ده
ندى : دكتور مين دلوقتى ال هيدخل أوعى تقولى عبد الشكور ده والنبى
سمر : هههههههه عبد الشكور ده لو سمعك بتقولى كده هيعلقك لاء ياستى مش هو بيقولوا فى دكتور جديد جاى وسمعت ان هو موز يابت
ندى خبطتها على كتفها : اتلمى شويه ياختى عيب على سنك
سمر : لاء انا مستنيه اشوف النتيجه
ندى : طب اسكتى بقا بدل ماهزقك دلوقتى
سمر : سكتنا ياختى
وبعد وقت دخل الدكتور الجديد وندى كانت مش مركزه بس انتبهت لما سمعت صوته
ندى ببلاهه : انت!
سمر : بت انتى تعرفيه
ندى : ها
سمر : انتى تنحتى ليه كده يابت مالك
ندى : بعدين بعدين
سليم شاف شكلها وهى متنحه كتم ضحكته عليها
سليم بجديه : أنا دكتور سليم العشرى أنا ال هديكم السيكشن الجديد بدل دكتور هيثم ان شاء الله نرتاح مع بعض وبدا فى شرح المحاضره وطول الوقت عينه منزلتش من على ندى وهى كانت مركزه فى الشرح جدا
💗💗💗💗💗💗💗💗💗💗💗💗💗💗
على الجانب الأخر
فى فيلا عاصم
كانت رحاب بتتكلم فى الفون
رحاب : بجد هيرجع النهارده
فاطمه : أه ان شاء الله
رحاب : طبعا انتو معزومين عندنا بكره ان شاء الله
فاطمه : طبعا هقول لندى ولما أدهم يجى هحاول معاه
(طبعا رحاب وفاطمه أصدقاء من زمان جدا من ايام الدراسه وصداقتهم دائمه لحد الأن)
رحاب : تمام ياحبيبتى ربنا يرجعهولك بالسلامه
فاطمه : يارب ويريح قلبى بقا ويتجوز نفسى اشوفله عيال بدل ماهو ماغلبنى كده
رحاب : سيبيه براحته متضغطيش عليه
فاطمه : بحاول والله معلش هقفل معاكى بس عشان احضر الغداء وهكلمك تانى
رحاب : ماشى ياحبيبتى فى حفظ الله مع السلامه
وفى الوقت ده نزلت روح بهدوئها ومرحها الجميل
روح بمرح : صباح النور يارحاب
رحاب : ههههههه قولى مساء النور ياختى العصر هيأذن
روح : انتى عارفه بقا باجى بليل بكون مرهقه ازاى من اللف على الشغل
رحاب : والله انا مش عارفه انتى تاعبه نفسك ليه يابنتى احنا مش محتاجين للشغل ده
روح : ياخالتو افهمينى أنا عايزه اشتغل مش عشان الفلوس أنا عايزه استغل شهادتى انتى عارفه يعنى مهندسه معماريه قاعده فى البيت ده استهتار ههههه
رحاب : أيوه بقا محدش هيعرف يكلمك تانى بعد ماتشتغلى
روح : بس يجى الشغل الأول
رحاب : هيجى ان شاء الله قولى يارب
حور بتنهيده : يارب
فى الوقت ده نزلت مايا بغرورها المعتاد
ماى : هاى
رحاب : اسمها صباح الخير
مايا بلامبلاه : عادى يامامى متكبريش الموضوع يعنى
روح : انتى راحه فين كده يامايا
مايا بصتلها بضيق : هو أنا بسالك راحه فين ولا جايه منين بتسالى انتى ليه
روح باحراج : اسفه عن أذنكم هطلع أوضتى
وطلعت وسابتهم
رحاب بعصبيه : انتى هتفضلى دبش كده لحد امتى ماتظبطى كلامك
مايا : هى ال بتدخل فى حاجات ملهاش دعوه بيها
رحاب : بتسالك سؤال طبيعى ردى عليه عادي ولا انتى لو رديتى حلو هتتعبى
مايا : أنا مش عارفه انتى مكبره الموضوع ليه يامامى كده
رحاب : عشان انتى زودتيها أووى دى بنت خالتك وفى مقام أختك يعنى تعامليها زى الناس مش هقول الكلام ده تانى يامايا مفهوم
وسابتها وطلعت غرفتها هى الأخرى
مايا : أوووف عالم خنيقه
💗💗💗💗💗💗💗💗💗💗💗💗💗💗
فى الكليه عند ندى
سمر : يابنتى استنى مستعجله ليه قطعتى نفسى
ندى وهى بتجرى : لاء ياماما أدهم حبيبى جاى عايز الحقه
سمر : وهو هيطير يعنى
ندى : أهه وانا لازم الحقه سلاموز ياقمر
وركبت تاكسى ومشى علطول
سليم كان خارج من مكتبه وسمع ندى وهى بتقول أدهم حبيبى افتكر ان هو خطيبها زعل جدا ودخل مكتبه مره أخره
💗💗💗💗💗💗💗💗💗💗💗💗💗💗
فى فيلا الحديدى
وصلت ندى الفيلا ولسه هتدخل شافت أدهم نازل من عربيته جريت عليه
ندى بفرحه ولهفه : أبيه أدهم وحشتنى
أدهم أول ماشافها ابتسم وحضنها
أدهم : ندووش وحشتينى أكتر تعالى هنا عملتى كام مصيبه وأنا غايب
ندى ببراءه : ولا واحده ياابيه أنا بسمع كلامك ومش بعمل مشاكل
أدهم قرصها من خدها بمرح : شاطوره ياقلبى ماما جوه
ندى : يااس
أدهم : طب يلا يالمضه ندخل
وأخدها فى ايده ودخلوا الفيلا
(أدهم بيحاول يعوض ندى عن فقدان والدها لأنها كانت متعلقه بيه جدا وهو ملوش غيرها هى ووالدته وهم أهم ناس فى حياته)
ندى أول مادخلت الفيلا ندهت بصوت عالى
ندى : ماااامااااا أبيه أدهم جه
فاطمه جت من المطبخ بابتسامه : حمد الله على السلامه ياحبيبى
أدهم قرب منها بحب : الله يسلمك ياست الكل ازاى صحتك
فاطمه بابتسامه : بخير طول ماشيفاك انت وأختك بخير
أدهم : ربنا يخليكى لينا يارب ياحبيبتى
فاطمه : ويخليكم ليا يلا بقا اطلعوا غيروا هدومكم يكون الغداء جاهز
ندى : هوااا فى ثانيه عشان جعاانه جدا
أدهم : طول عمرك همك على الأكل وبس ياندووش
ندى بزعل طفولى : علطول ظالمنى كده أنا مباكلش خمس مرات على بعض فى اليوم
أدهم : بس
ندى ببراءه : بس
أدهم : طب يلا اطلعى عشان تاكلى المره الرابعه بقا
ندى : فى ثانيه هكون نزلت
وسابتهم وطلعت تجرى
أدهم : هههههههه والله وحشنى لعبها ده
فاطمه : طب يلا اطع انت كمان عشان تتغدا
أدهم : حاضر ياست الكل
وسابها وطلع أوضته
💗💗💗💗💗💗💗💗💗💗💗💗💗💗
فى غرفة روح
كانت جالسه فى شرود قاطعها من شرودها صوت رنين هاتفها
روح : ألو ياجوجو وحشتينى
جنه : عاااااا
روح بخضه : مالك يابت بتعيطى ليه
جنه : البطل بتاع الروايه مات عااااا
روح بارتياح : الله يهدك ياشيخه خضتينى افتكرت مصيبه
جنه : يعنى دى مش مصيبه
روح : لاء طبعا مصيبه انتى بتقولى ايه
جنه : عملتى ايه فى الشغل يا ام بخت مايل انتى
روح : اه والله انتى هتقولى فيها بخت مايل فعلا ملقتش
جنه : ايه الحظ ده
روح : هو ال يصاحبك يبقا حظه حلو
جنه : بت انتى هطلع عليكى نكد الروايه كله وربنا
روح : لاء وعلى ايه خلاص مش ناقصه نكد
جنه : أيوه كده
روح : بت ماتيجى
جنه : لاء ياختى مش قادره وجلى مش شيلانى وحاسه ان ضغطى عالى ودراعى
قاطعتها روح : باااس والله مانتى مكمله خلاص انا اسفه ليكى
جنه : ايه مش بشكيلك
روح : انتى عايزه مستشفى ياحبيبتى انتى ميتسكتش عليكى خالص
جنه : أيوه مانا بقول كده برضوا
روح : طب سلام ياختى هاروح اصلى العصر هيفوتنى بسبب جنانك
جنه ببراءه : اللهم اتقبل ياروحى
روح بضحك : ومنك ياجنتى سلام
جنه : مع السلامه
روح قفلت مع جنه وقامت اتوضت وادت فرضها وجلست مع ربها
💗💗💗💗💗💗💗💗💗💗💗💗💗💗
فى فيلا الحديدى
كانوا اجتمعوا على الغداء
فاطمه : برضوا مفيش بنت عجبتك ولا أى حاجه
أدهم بضحك : هو أنا رايح أحب أنا رايح لشغل ياحبيبتى
فاطمه : هتفضل ناسى نفسك كده لحد امتى يا أدهم
أدهم : لحد مايجى وقته ان شاء الله
فاطمه : طب ايه رايك صديقتى رحاب عزمانا بكره كلنا على الغداء وبالمره تشوف بنتها يمكن تعجبك
أدهم : أنا ممكن أكون مشغول بكره
فاطمه بزعل : يعنى مش هينفع تفضى نفسك شويه يا أدهم أنا قولتلها ان هنروح كلنا ليه تحرجنى
أدهم بابتسامه : مقدرش على زعلك ياست الكل بس ياريت بلاش حوار العروسه ده
فاطمه : جرب مش هتخسر حاجه شوفها اتكلم معاها وكده يعنى هو أنا هعلمك
أدهم بقلة حيله : حاضر بس لو معجبتنيش خلاص مفيش غصب صح
فاطمه : لاء طبعا انت ليك حرية الاختيار بس نجرب
أدهم : تمام هظبط أمورى وأقولكم
ندى : بطلوا كلام بقا مش عارفين ناكل بتركيز
أدهم برفعة حاجه : تاكلى بتركيز أكتر من كده ده انتى خلصتى طبقك وداخله على طبقى
ندى : الله أكبر بعد الشر عليا ربنا يحمينى
أدهم : هههههههه مش هحيدك ياختى كملى أكلك
ندى : لاء خلاص شبعت زعلتونى
فاطمه : تعالى كلينا
ندى بزعل طفولى : خلاص بطلوا قر عليا
أدهم : طب كملى أكلك يلا ياقلبى متزعليش
ندى بفرحه : حاضر
وكملت أكل
أدهم وفاطمه بصوا لبعض وضحكوا عليها
وانتهوا من الغداء فى الجو الأسرى الجميل ده وكل واحد قام يشوف ال وراه أدهم طلع يرتاح من السفر وفاطمه طلعت غرفتها تصلى وندى طلعت تذاكر
يتبع الفصل الثاني اضغط هنا
- الفهرس يحتوي على جميع فصول الرواية كاملة :"رواية روح الأدهم" اضغط على اسم الرواية