رواية روح الأدهم الجزء الأول 1 الفصل الخامس بقلم هاجر العفيفي
رواية روح الأدهم الجزء الأول 1 الفصل الخامس
فى صباح اليوم التالى
فى كلية الهندسه
مرام : سمر ياسمر دكتور سليم عايزك
سمر : انا عارفه بس كنت برتاح وبعدين اروحله
مرام : متعرفيش عايزك فى ايه
سمر : لاء بس شكله موضوع مهم هو فين
مرام : فى مكتبه
سمر : أوك هاروح أشوفه
مرام : هى ندى مجتش النهارده
سمر : لاء قايلالى امبارح انها مش هتيجى
مرام : أوك
سمر راحت عند مكتب سليم وخبطت وأذنلها بالدخول
سليم : اتفضلى اقعدى ياسمر
سمر جلست أمامه بهدوء
سليم بتوتر : كنت عايز أسالك على حاجه كده
سمر بحيره : اتفضل يادكتور
سليم بارتباك : ه هو الموضوع يخص أنسه ندى
سمر بدهشه : ندى مالها ندى
سليم : بصى أنا هعتبرك أختى وأقولك أنا من فتره اكتشفت ان ندى دى جارتى فى الفيلا ال جمبى وفى مره كانت متأخره على الكليه وعرضت عليها أوصلها واكتشفت برضوا انها فى نفس الجامعه ال انا فيها والصراحه انا اتشدتلها من أول مره شوفتها فيها بس فى حاجه حصلت ومش عارف افهمها ممكن انتى تفهمهالى
سمر كانت بتسمع كلامه بصدمه بس فرحانه لصحبتها : ايه هى
أكمل سليم كلامه : فى مره يعنى سمعتها وهى بتكلمك وبتقولك أدهم حبيبى وانا ساعتها اتصدمت لأن كنت فاكرها مش مرتبطه
قاطعته ندى مسرعه : بس ندى مش مرتبطه
سليم بدهشه : ازاى طب وأدهم ده
ندى : أدهم ده يبقا أخوها وكان مسافر ولسه راجع وهيا كانت فرحانه ان رجع وبس كده
سليم بفرحه : ي يعنى ندى مش مخطوبه
سمر بابتسامه : لاء ولا عمرها حبت حد ولا سمحت لحد يكلمها
سليم : بجد انا مش عارف أقولك ايه انتى ريحتى قلبى أووى انا متشكر ليكى جدا
ندى : مفيش شكر والله عادى عن أذنك بقا هروح أشوف المحاضره
سليم بامتنان : طبعا اتفضلى
سمر قامت وقفت وخرجت وسليم ابتسم وفرح جدا وقرر يلحقها قبل ماتضيع منه
💗💗💗💗💗💗💗💗💗💗💗💗💗💗
فى فيلا الحديدى
ندى سالت الداده على والدتها وبلغتها انها فى المطبخ وراحت عندها ودخلت
ندى بمشاكسه : ماتيجى هنا وانا أحبك عشان أعيش على حبك حبيبى ده انت الدنيا وأنا أموت لو غيرى يمسك
فاطمه بضحك : ههههههه انتى مروحتيش الجامعه ليه النهارده
ندى : اممم حسيت ان ملهاش لزوم النهارده المهم ياماما
فاطمه : أيوه أدخلى عليا بالمهم علطول
ندى : الصراحه كده بقا أستاذ أدهم عايز يخطب
فاطمه بفرحه : بجد واختار مين بقا
ندى : عارفه روح بنت أخت طنط رحاب هى دى
فاطمه بابتسامه : ماشاء الله لاقوة الا بالله عرف يختار دى جمال وأدب وأخلاق ربنا يحميها يارب
ندى بفرحه : يعنى انتى موافقه ياماما
فاظمه : طبعا هى دى فيها كلام
ندى باستها من خدها : حبيبتى هاروح ابلغه فى الفون ده هيفرح أووى
فاطمه : ربنا يفرح قلوبكم يارب ياحبيبتى
ندى : يارب
💗💗💗💗💗💗💗💗💗💗💗💗💗💗
فى شركه الحديدى
كان أدهم فى مكتبه مشغول ببعض الأعمال وفجأه فونه رن برقم ندى
أدهم : ألو ياندوش
ندى بابتسامه : عندى ليك خبر بمليون جنيه
أدهم : ماما وافقت
ندى : اممم
أدهم بفرحه : الحمد لله تسلميلى يارب ياقلبى أجمل خبر سمعته النهارده
ندى : يلا أى خدعه متنسناش بقا ياعم أدهومى
أدهم بضحك : امشى يابت سلام
ندى : سلام ياحبيبى
أدهم قفل معاها وقام خرج يطمن على روح ودخل شافها بتشتغل بنشاط
أدهم بابتسامه : تعبينك معانا والله
روح ضحكت برقه : مفيش تعب ده شغلى
أدهم سرح فى ضحكتها قاطعه من سرحانه دخول جنه وعصبيتها ال ماخدتش بالها من أدهم ال واقف
جنه بعصبيه : الواد الغلس ال هناك ده لو مسبنيش فى حالى هقدم فيه شكوه واعمل محضر عدم تعرض
روح باحراج وهمس : يابت اسكتى مش وقته
جنه باندفاع : بقولك انسان مستفز وبارد وغتت ومشوفتش زى كده أبدا و
قاطعها من كلامها لما التفتت وراها وشافت أدهم ال واقف بيسمعها
جنه باحراج : احم هو حضرتك هنا من امتى انا
قاطعها أدهم بضحك : أنا هنا من ساعة الانسان المستفز البارد الغتت ومش فاكر ايه تانى
جنه بضيق : ينهار اسوح انا شكلى نيلت الدنيا انا اسفه
روح بغيظ : قولتلك لمى لسانك ده
أدهم : متتاسفيش مفيش حاجه بس هو عملك ايه لده كله
جنه : لو لقاني غيرت مكاني او عملت حاجه صغيره واقفلي علي الواحده لحد ماخلااااص زهقت
أدهم : انا هتكلم معاه واشوف بيعمل كده ليه
قاطع حديثهم دخول خالد
خالد : هو انا كل شويه الاقيكى أختفيتى ماتتهدى فى حته يابت
جنه بضيق : بت فى عينك وبعدين انت هتحكمنى فى مكان واحد انا حره
خالد باستفزاز : لاء مش حره وراكى وشغل ولازم يكمل
جنه بغيظ : عاااا شايف يامستر أدهم بيعمل ايه
أدهم وهو يكتم ضحكته عليهم : شايف شايف تعال ياخالد عايزك
خالد : انتى بتشهديه عليا ماشى ام خليتك تقدمى استقالتك بنفسك مبقاش أنا خالد القنارى
جنه بغضب : خوفت أنا كده يعنى والله طب ماشى أستقالتى هتكون على مكتبك كمان نص ساعه
روح مسرعه : استهدوا بالله ياجماعه محصلش حاجه لده كله جنه اهدى شويه
جنه : انتى مش شايفه طريقته
خالد : وانتى يابت ال ملاك
أدهم بجديه : خالد قولتلك تعال عايزك
خالد بضيق : طيب
وخرج وراه
روح بهمس : يخربيتك كنتى هتودينا فى داهيه
جنه بضيق : سيبينى فى حالى ياروح انا مش طايقه نفسى
روح : يابنتى أهدى مش كده انتى جايه تشتغلى مش تتخانقى
جنه : انا هاروح المكتب اخلص شويه حاجات
روح بنفاذ صبر : ماشى
جنه خرجت وروح رجعت تكمل شغلها تانى
فى مكتب أدهم
أدهم : ايه يابنى مالك بيها
خالد : مليش بس عايزها تشوف شغلها صح
أدهم بخبث : بس كده
خالد بتوتر : ق قصدك ا ايه
أدهم : معرفش بقا يمكن ال فى بالى
خالد قام وقف : لاء اطمن ياخويا مفيش حاجه
أدهم بخبث : ومين قالك ان قصدى كده
خالد بتوتر : انا رايح أشوف شغلى يا أدهم انت فايق
أدهم بضحك : ماشى يا أخويا بس ملكش دعوه بيها خليها فى حالها
خالد بضيق : حاضر
وسابه وخرج وأدهم لسه هيركز فى الورق ال قدامه دخلت عليه السكرتيره الخاصه بيه
أدهم : خير يانهى
نهى : مستر أدهم فى واحده بره عايزه حضرتك
أدهم باستغراب : واحده واحده مين مقالتش اسمها
نهى : بتقول انها اسمها مايا
أدهم بيحاول يتذكر وافتكر : اااه مايا طب دخليها
نهى خرجت ودخلت مايا وخرجت مره أخرى
أدهم بترحاب : أهلا وسهلا اتفضلى نورتينا
مايا بغرور : ميرسى وجلست أمامه
أدهم : خير يا انسه مايا
مايا : يعنى انت شغلت روح ومفكرتش تسالنى انا عايزه شغل ولا لاء
أدهم بدهشه : هو انتى عايزه تشتغلى فعلا
مايا : وليه لاء
أدهم : انتى تخصصك ايه او معاكى شهادة ايه
مايا : معايا كلية تجاره قسم محاسبات
أدهم : طب ممكن تدينى وقت أشوف محتاج فى
الحسابات ولا لاء
مايا بسخريه : شكلك مش بتشغل غير على مزاجك بس
أدهم بعدم فهم: قصدك ايه
مايا : مش قصدى حاجه
وفى الوقت ده الباب خبط ودخلت روح
روح بتلقائيه : مستر أدهم التصميم عايز
قاطعت كلامها أول ماشافت مايا جالسه فى مكتبه
روح بدهشه واحراج : مايا ! انا ا اسفه مكنت
أدهم بابتسامه : تعالى ياروح
روح : ط طب وقت تانى بقا عشان هعطلكم
أدهم مسرعه : لاء انسه مايا كانت ماشيه تعالى ياروح
مايا اتغاظت لأنها حست ان بيوزعها وعايزها تمشى
مايا بغيظ : اها انا ماشيه سلام على ميعادنا بقا
روح سمعت كده وحست بالضيق مش عارفه ليه الاحساس ده بس حاولت تداريه
أدهم بجديه : تمام
خرجت مايا وروح جلست امامه وكانت نفسها تساله ايه هو الميعاد بس فضلت انها تسكت لانها ملهاش الحق تسال
قاطعها أدهم من شرودها : ماله التصميم بقا
روح بشرود : ها
أدهم بضحك : مالك
روح حاولت تدارى توترها : مفيش المهم التصميم ده خلص اتفضل
أدهم أخده منها وشافه وابتسم باعجاب : بجد برافو ايه الجمال ده
روح اتكسفت : ميرسى
أدهم : لاء بجد ماشاء الله تحفه تسلم ايدك
روح برقه : ميرسى عن أذنك
أدهم : طب ماتخليكى شويه
روح بعد فهم : حضرتك عايزنى فى حاجه تانيه
أدهم : ها لاء خلاص اتفضلى انتى
روح خرجت وهو بص لأثرها بشرود وابتسم
يتبع الفصل السادس اضغط هنا
- الفهرس يحتوي على جميع فصول الرواية كاملة :"رواية روح الأدهم" اضغط على اسم الرواية