رواية جنان في بيت صعيدي الفصل الثامن عشر 18 بقلم أسماء حبيب

الصفحة الرئيسية

       رواية جنان في بيت صعيدي الفصل الثامن عشر بقلم أسماء حبيب


رواية جنان في بيت صعيدي الفصل الثامن عشر

منصور بحنان،،،، علشان اني بعتبرك بنتي يا جنان.
جنان بشلل،،، منصور ممكن تديني قفاك اشوفه كدا باين كدا في نموسه وقفه عليه.
منصور،،، وووه جنان اعقلي.
جنان بشللل،،، منصور والله انا نفسي اشوفك بين يد جون سينا هلحين ولا اتراب لاتش ده وانت بتترن علقه وكون مسكه كيس لاء كيس اي علبه فشار موحوح علشان بعد اما اخلصه انزل عليك وأبوع الي في قلبي يااااامنصووور هتشل بقييي .
منصور بخبث،،، وه سلامتك يا غاليه.
جنان بابتسامه غيظ،،،،، الله يسلمك يااارب.
منصور،،، ها مش يلا بقي نعاود البلد.
جنان،،، لاااء مش عااايزه وابعد عن وشاااااعاااي.
منصور بتنهيده،،، لا إله إلا الله اهو الهطل طلع اهون.
جنان،،، هو انت جاي تعلن اسلااامك هنا بقولك اي يا منصور متكلمنيش دلوقتي لاني والله العظيم شوف انا بحلف اهووو والله ممكن ارتكب جنااايه ووسع كدا.
جنان طلعت من البلكونه وقعده تكلم نفسها وتعمل حركات بأديها..
منصور،،، ودي مالها دي ربنا يشفيكي.
منصور دخل عند زين...
زين بتعب،،، كان مستخبيلك فين ده يا زين دنت كونت عنتره ابن شداد ولا قييس لاء انا محسود حسوده هي الوليه حيث اني اول ما شافتني داخل البلد قالتلي ايوه والله يا عم حاتم قالتلي انت يا واااد ابن الجبلاوي ألافرنجي، اعااااء انا اي الي كان رجعني اناااا مفروض اتف علي نفسي والله.
حسام،،،، ههه معلش النصيب.
زين،،، ولا اي بقي كنت انزل كل البنات كدااا اومم يا ابني وانا كنت مش بعبرهم كنت أليط في نفسي اوي بصراحه كدا انزل اختك تروح مصوته بصوت السرينه بتعها دا تلم الشعب عليا يعملووو معايه القلاشه اعااااااء اشتريت بخت وطلع مضروب يا زيين.
حسام بضحك اكبر هو وحاتم وزهره كتمه الضحك بأديها،،، معلش يا زين ربنا يجعله في ميزان حسناتك.
زين ومكمل،،،، لااااا وكله كوم وجنان كوم تاني تصلتني علي منصور وتخلع هي وانا اخد بومبه في لأخر.
منصور ضحك معاهم مقدرش يميك نفسه.
حسام،،،، هههههههه معلشششش ربنا يعوضهالك خير في عيالك.
زين بأسي علي حاله،،، انا يؤسفوني اقولك ان بعد العلقه الي اختهااا لا اصلح لشئ ابدا.
حسام،،،،، هههههه سبها علي الله معلش.
زين بصله بغيظ،،، هو انت ياض هتقعد اتمعلشلي ولا اي وانا سكتلك انت واختك وانا بصراحه مبقوق منكم انتم لاتنين هو انت مستحملهم ازاي يا عموا حاتم اييي ده مستحملهم ازاااي قولي علي الطريقه وانا هعملها.
زهره وبتبوم تخرج،،، انا هقولك معلقه صبر ونقطه هدوء مع رشه ذكاء في التعامل مع الهبل ودخلهم الخلاط علي سرعه الحل الفوري وبعدين تصبهم في كبايه عوضك يارب وبكده تكون الوصفه خلصت والسلاموا عليكوا علشان جنان بتنادي.
زين وبيبص لحاتم،،، الي قولي يا عموا ألاقي رشه الذكاء في التعامل مع البهبل عند انهي عطار!؟
زهره وبتهدي جنان الي بتمشي راحه جايه في لاوضه بشلل،،، ياااا رب فك كرب كل من عذبه الحب وشطشط في معدته... اتهدي هيجيني دوار البحر وهغرق منك في السرير كدا.
جنان وبتمشي برضوا وعلي وضعها ،،،، ياااافرستي يااا وكستي يااااميله بختك يااااجوجوو.
زهره،،، ربنا يهد الكفره يا بت اعقلي ونشفي كدا متبقيش عملي زي الهبله مدلوقه كدا.
جنان قعده جمب زهره بسرعه،،، زهره اوريد حلا وبسرعه اختك بتلوص انا مبقتش فهمه حاجه دااا بقولي زي بنتي دا عايز يموتني منقوطه يا زهره.
زهره بتمثل الذكاء،،، انتي عارفه في مثل بيقول طليقك طلقيه واي بلوه فيه ولزقيه.
جنان،،، سوري يا سقراط العواف منك يا اخ افلاااطون اسكيوز مي ياااا اخي اينشطين مين قالك اني هطلق هو انتي بتفولي عليا يا بنت روحيه بقولك عيزه وصفه تخلي المنصور هذا ينطق بالطلب المعلوم مش نديله مصيبه ونقفل في وشه الباب ونقولوا معندناش الله يسهلك.
زهره،،، اااه قولي كدا وعندي ليكي الحل متخفيش يا شااابه انا مدوباهم اتنييين.
جنان،،، بالله انا بقلق من فرط الثقه الذااايد ده اديني المفيد وانا هتصرررف.
زهره،،،، يا هبله لازم تكوني تقيله كدا ورااسيه لازم تموتيه من الغيظ كدا و...
جنان وقفتها،،، ثواني يا اخ نجيب محفوظ، وهو لما يموت يا بنت روحيه هيحب فيا في المقااابر وانا راحه اعمله زياره روحه تطلع تقولي وحشتيني اتأخرتي عليا لي الفراق اثر فيا وجرح قلبي... زهره ابوس ايد امك قولي كلام يوعقل.
زهره بتنهيده،،، بقولك اي شكلك هبله وهتتعبيني في الشرح.
جنان،،، انجزي علشان متزرزرش عليكي وانتي شبه حموده لقرع بالبونيه الي لبساه ده.
زهره بأسي،،، شكراً لليكي اشكحتيني، المهم خلي منصور هنا الفتره دي وسبيها علي الله ثم علي العبد الفقير الي الله و....
جنان بخنفه،،، مش وقت شحته هبقي اديكي حسنتك بهدين المهم هخليه يقعد ازاي يعني دا عنده مشاغل في البلد يعني.
زهره بخبث،،، هو مش الواد زين تعبان انت لو حسيته اتحسن صحياً هحطله دوا صرصير المهم مش ليكي دعوه من النحيه دي اطمني انا هخليه يقعد المهم عيزاكي تخرجي انتي ومنصور وتتمشوا علي الكورنيش وكمان تحولي تبقي والعياذ بالله سامحني يارب حولي تبقي رومنسيه كدا بلاش تصدريله وش عم برعي الغفير الله يسترك.
جنان بتفكير،،، وده هيجيب مع منصور دا جبلتاً والله بي وماله تعمل الرومنسيه الي بالحق اي المقااادير.
زهره،،، يا حزني ألاسود اللهم ان كان هطلاً فأعقله يارب العالمين.
~ اما في بيت عمار.....
دنيا قعده قدام التلفزيون وبتتفرق علي قناه للطبخ.
المذيعه،،، وبعدين بقي تحطي العجينه في البوله وتسليها ترتاح...
دنيا بأسي،،، يارتني كنت عجينه اعاااااء.
عمار فتح باب الشقه بتعب وقعد علي الكرسي،،، ااااه ياني، دنيا هي اوضتي مش متروقه ليييي وفين لاكل وبعدين هييييي فين امك الي دعت عليا دا اليوم معايه كان عامل زي مصوره المجاري الي طفحت في وشييي.
دنيا،،، يععع الله يقرفك.
عمار،،، بجد يلا قومي وضبي لاوضه وجهزيلي لاكل بسرررعه اصل ممكن اتحول لي الغيلان الي بيكلوا بنأدمين حاكم انا هفرفر من الجوع.
دنيا،،، هو انا الجاااريه الي امك اشترتهالك ولا اكونش بتشغل هنا باليوميه ما تقوم تظبط اوضتك بدل منت قاعد كدا وبعدين امك مش هنا.
عمار بشلل،،، لي امك معاها حطه رقم سري للحله.
دنيا،،، امك مش عملت اكل وقالت مشوها اي حاجه النهارده اصلها مع طنط نفيسه تحت.
عمار،،، دنيا صحيح فاروق كلمني وكان متنرفز وقالي انه جاي بكره لمؤخذه في السؤال هو انتي عمله مصيبه لا قد الله يعني.
دنيا،،، عيب عليك تعرف عني كداااا.
عمار،،، حاااش لله يا اخت دنيا دا انا بسأل بس، المهم قومي اعمليلي اكل طيب بقوول جعاان يا ناااس اي مفيش رئفه بالمسكين.
دنيا بلا مبالاه،،، لاااء مفيش كان زمان وجبر يا عنيااا..
عمار،،، بالله يا دودو علشان خطري.
دنيا،،، ابدا ولو قلبت قرد وتفطط قدامي مش قيمه.
عمار بتفكير خبيث،، اممم طب ولو جبتلك اوندومييي.
دنيا نطط من علي الكرسي،،،، بجد حابب تاكل اي ؤا قلب اختك.
عمار ومش ناوي علي خير،،، حمريلي كبده عبال مجيب لاندومي واجي وهسبهولك في لاوضه.
دنيا جريت علي المطبخ بس رطعت تاني،،،، وااد اوعي تكون بتضحك عليا هعمل وشك شوارع.
عمار،،، عيييب.
دنيا،،، اه صحيح، المس نغم دي سكر هههه كلمتني بعد المدرسه وبصراحه شكلها نويالك علي نيه سوده يا صحبي.
عمار،،، بتفكريني لييييي استغفر الله العظيم احفظنا يااارب انا نازل اصل السيره دي بتسد نفسي وانا جعان بصراحه.
عمار نزل تحت وكانت امه قعده تحت مع طنط نفيسه قعده المصاتب ربنا يكفينا شر القعده دي يقال فيها جميع مصائب البلد والله.
نرجس،،،، رايح فين يا واد.
عمار،،، هشتري حجات يا ماما وجاي.
نرجس،،، طيب بس شويه وندهني كدا علشان عيزاك في كلمتين..
عمار،،، حاضر يا ست الكل المهممممم رضاكي ليا هااا ويكفينا شر الدعوتين الي كانوا علي الصبح دوول.
دنيا بقي كانت بتحط الكبده في الطاسه وتجري تدخل لاوضه بتاعت عمار تعمل فيها اي حاجه وترجع تقلب لاكبده وهاااذا.
عمار طلع ومعاه كيسه سوده فيها اندومية.
دنيا وجت تاخد الكيس بسرعه عمار بعده عنها،،، توووء توووء خشي اغرفيلي لاكل وحطيه علي السفره يلاااا.
دنيا،،، صحييح ان كان ليك عند ال...
عمار قاطعها بسرعه ،،، قوليها ومش هدهولك.
دنيا،،، ماااشي يا عمااار ليك يوم.
دنيا دخلت تغرف وهو جري حط لاندومي في اوضتها وطلع ينده ولدته،،، ماااعاامااا تعالي بسرعه في مصيبه.
نرجس بخضه،،،، ياااستااار يااارب جايه اهو.
دنيا حطتله لاكل،،، ها فين لاندومي.
عمار بابتسامه،،، في اوضتك يا قلبي ياااروحي والله انتي في قلبي حبببشييي حببشييي.
دنيا بقرف،،، ما تتعدل ياض كتك لارف.
دنيا دخلت اوضتها وهنا رجس دخلت بخضه،،، جري اي يا عمااار.
عمار باسي،،، تعالي ورايه وانتي هتشوفي بعينك.
نرجس مشيه ورا ابنها وفجأه فتح اوضه دنيا الي كانت مسكه كياس لاندومي.
نرجس وبتخبط علي صدرها،،، نهااااارك مش معدي اندوووومي في بيتي.
دنيا وبترمي لاكياس علي السرير،،، مااامااا و...
نرجس،،، وكمااان في لاوضه.
عمار وبيمثل الصدمه،،، لاااء وعلي السرير كمااان يااااادي الفضيحه يااادي الفضيحه.
دنيا بغيظ،،،، كداااا يا عماااااااااار.
عمار بصلها بابتسامه خبيثه....
نرجس،،،، اتصرفي رجعيه ولا ارميه داااا مش هيتاااكل.
دنيا،،،، ط طيب بصي يا اخت نرجس احنا نتفاهم.
جهاد دخلت وبتحط الشنطه علي السفره ،،،، في اي يا جمااعه.
نرجس بسرعه،،، جهاااد كنت عيزاكي يا بت  تعالي معايه.
عمار،،،استني يا ماما والخناقه ولاندومي و...
دنيا راحت خبطه عمار علي دهره بأيد المقشه،،، بقي انا يا برص الحيطان تعمل فيااا كدا ان مخليتك تقول ان الله حق مبقاش بنت نرجس.
عمار بضحك من بين تأوه،،،، طيب ما دي حاجه تفرحك هههه اااه.نرجس،،، واد ياااعمار هات الموكوسه وتعاالوا.
عمار،،، يلا يا موكوسه قدااامي.
دنيا،،،،  حاضر جيين اهو.
عمار قعد علي السفره وبياكل وجهاد قعده جمب خالتها ودنيا قعده بفضول،،،  اي يا سياده الرائد نرجس لماذا لاجتماع! 
نرجس،،،  فكرين الدكتور الي جه هنا. 
جهاد بسرعه،،،  الدكتووور حسام يا خالته ماااله. 
دنيا بخبث ،،،  يا بت اتقلي اما نسمع للأخر طاااايب. 
عمار، وببلع لاكل،،،  اااه وبعدين. 
دنيا بغيظ،،،،  لغ لغ يا طفس هطفحهولك بس صبرك بالله. 
نرجس بتنهيده،،،  ايوه الدكتور حسام ده طاالب ايدك مني يا جهاد ومتقدملك. 
جهاد تنحت،،،،  دكتوووور حسام متقدملي. 
دنيا،،،  لووولووولوولي الشيخه جهاد ربنا وعدها بعريس الغفله عبالك يا عموري اما نفرح بيكييي. 
عمار،،،  الله يخليكي يا اخشييي يارب. 
~ اما عند بيت زهره... 
في اوضه الضيوف منصور قاعد وزين ببصله وهو نايم علي السرير،،،،  وماله يا منصور نقعد اسبوع نغير جو البلد هناك شويه. 
منصور،،،  بس الديوان و... 
زين،،،  ملكش دعوه اسماعيل هيهتم بالديوان وان كان علي ابوك انا اقنعته هاااا بقي مش تشغل بالك متبقااش فقري. 
منصور بصله بضيق،،،  اتخرس اونااام. 
زين،،،،  طيييب اهو. 
منصور نام جمب اخوه وكان مر سااعات من اليل........................... 
زين وبيتقلب علي السرير بتمهل وفتح عينه وكان هيكمل نوم بعدها اتفاجئ بمنصور الي كان صاحي وبيبص للسقف. 
زين وبيبص للسقف،،، يا حول الله يارب هو السقف فاتن الجمال كدا يا ابني. 
منصور بأنتباه،،،  انت صحيت. 
زين،،،  لاء انا مريض نفسي بتكلم وانا نايم لمؤخذه. 
منصور،،،  بطل تناحه وتخمد. 
زين،،،  هو انت منمتش ولا اي يا منصور. 
منصور بتنهيده وبقوم يقعد قصاد الشباك،،،  مجيليش نوم مخبرش لي اكده. 
زين وسند علي السرير وقعد عليه،،، منصور ممكن اسألك سؤال. 
منصور،،،  قول! 
زين،،،  انت لتحب جنان يا منصور صححح. 
منصور،،،،  مخبرش يا زين حالي معتش فاهم نفسي بس تعرف يا زين ههههه وحشني قرفها الي كنت بنام عليه مكنتش بنام عشيااا الي لما اسمع صوتها. 
زين بضحك،،،  منا عارف سنفونيات جنان ربنا يقدرك عليها. 
منصور بسرحان،،،  تفتكر اني حبتها يا زين بس اني بحب فاطمه . 
زين بسلل،،،  يااادي ام فاااطمه يا اخي اوووف انا هنااام. 
منصور بصله بقرف،،،  نااام نامت عليك حيطه.( وبصوت واطي)  يا حزني اني بتكلم زيها اكده ازاي بيني انجنيييت. 
زين وبينام،،، سلامتك من الجنان يا منصوور يا خويه نام ربنا يهديك.
منصور وقعد جمب زين تاني،،، زيين.
زين بنوم،،، امممم.
منصور،،،، تفتكر حبيتها بصحيح.
زين وفجئه زعق وكان هيلطم،،، اررررحم امي يا اخي متشلنيش اي الحب المهبب ده انا اي الي كان ورطني ياااربي ناااام يا منصوور نام علشان انا في لاخر هبقي ضحيه عشق مجنون.
منصور بضيق،،، جري اي يا زفت انت مش بفضفض وياااك.
زين،،، دي مش فضفضه يا منصور وربنا لي يا ابني بتنكر احساسك والله البت جوجو شربات دي تتحب اقولك لو مش عجباك طلقها وانا هتجوزها ونخلص من الحوار ألاسود ده ديي شربات والله و...
منصور مسكه من هدومه بشده....
زين وكمل كلامه بسرعه،،، وربنا ما قصدي بس كنت عايز اوريك انك بتغير ازاي يعني اهو بتحبها ومش تستحمل تكون مع حد غيرك.
منصور سابه وبيبصله بقرف،،،، يتك دهيه في امثااالك.
زين وبيرجع ينام،،،، صحيح خير تعمل شر تلقي.
منصور،،، زيييين.
زين وبرمي الغطا من عليه،،، ماهياااا ليله مش معديه نعععم.
منصور،،، شوف اني مخبرش صوح بحبها ولا بخاف عليها علشان وعدي لبوي بس اني عايز اتأكد.
زين بتنهيده،،، الصبح هقولك سبني انام علشان ابقي امخمخلك حلو.
منصور،،، زييين.
زين بابتسامه بلهاء،،، نعم يا منصوووور.
منصور،،، مش هتتغطا ولا اخد الغطا اني.
زين،،، خده وحل عن دماغي يا حبيبي خده.
منصور وبينام جمبه،،، كتر خيرك يا خوي والله.
زين بعد دققتين،،، منصور متجيب حته غطيايه وخليني استغطااا معاك 🥺.
في حوالي الساعه 8 الصبح...
في اوضه زين ومنصور في الحمام.
زهره،،،، انا مشيه وهاجي متأخر فهمتي هتعملي أي.
جنان بأبتسامه،،، فهمت يا معلمييي.
زهره ومسكه السكينه وبتدهلها،،، زي ما قولتلك ان لم تستطيعي ان تتركي اثر في قلبه اتركي اثر في وشه يلا بالعواف علشان حسام بنهدني .
زهره بتذكر،،، صحيح يا زين فهمه ينوبك ثواب اوعي تنسي الخطه .
حسام من علي السلم،،،، يااااااازهره انجزي لاجي اجيبك بطرقتييي.
زهره وبترمش بعنيها بسرعه وبأبتسامه،،، لمؤخذه لازم امشي علشان الكراش بتاعي ميسلوقنيش ويعملني بطاطس بالتأليه سلامو عليكوا..
زهره فجأه جريت،،، جياااا اهو يااا حوووساااعااام اوعي تطلع يا ابن روحيه.
جنان بقلق،،، تفتكر يا حسام الخطه هتجيب فيده مع منصور اصله بصراحه كدا جبله لمؤخذه.
زين،،،، لا عادي في دي معاكي حق.
جنان وبتمسك السكينه وبتقلب فيها،،، لا بس حلوه اتركي اثر في وشه هههه منصور هيبقه وشو شوارع منصور صرصيروا هيبقي شوارع يا جدع ههههههه

يتبع الفصل التاسع عشر اضغط هنا 
رواية جنان في بيت صعيدي الفصل الثامن عشر 18 بقلم أسماء حبيب
rana elhady

تعليقات

ليست هناك تعليقات
إرسال تعليق
    google-playkhamsatmostaqltradent