رواية عندما تلتقي العيون الفصل السابع عشر بقلم نجوى ابراهيم
رواية عندما تلتقي العيون الفصل السابع عشر
الماذون... بارك الله لكم وبارك عليكم وجمع بينكم في خير
ادم... بص لعهد بخبث وقالها مبروك ي عروسه الجحيم اللي دخلتيه
عهد بصتله وسكتت وادم راح يسلم علي المعازيم اللي بيباركوله وعهد فضلت تيجي قدامها الخيالات السودا اللي بتشوفها وبدا الصداع جامد في دماغها والرؤيه بدات تتشوش وحاسه دماغها هتنفجر فجاه ندهت علي ادم بضعف ووقعت
ادم... بص عليها بذهول وجري في ثواني عليه وبدا يفوق فيها بخوف ولهفه عهد حبيبتي فوقي اي اللي حصل حد يكلم دكتور بسرعه وشالها وطلعها اوضته بعد شويه وقت الدكتور دخل وفحصها وقال
الدكتور... هي عرضت نفسها لاجهاد شديد في، التفكير ودا اللي وصلها الاغماء من الواضح ان ذاكرتها بدات تعرضلها مشاهد قديمه ليكوا بس الاشخاص مش واضحين وهي فضلت تضغط علي نفسها عشان تفتكر انا هكتبلها علي شويه مهدئات ومطلوب منها الراحه في السرير وتحاولوا بمواقف كويسه تفكروها من غير ضغط علي دماغها
ادم... تمام ي دكتور احنا متشكرين لحضرتك اتفضل معايا ومشي معاه وصله بعدين رجع لعهد وطلب يسيبوهم لوحدهم وفعلا، الكل مشي وفضل عهد وادم لوحدهم
ادم... انا مش عارف ي عهد احنا لي حصل معانا كل دا بس واثق ان ربنا كاتبلنا الافضل انا هحاول ارجعلك ذاكرتك بس مش عارفه هسامحك علي خيانتك ولا لا كل اللي اعرفه اني عمري ما هسيبك تروحي لغيري مهما كلفني الامر انتي ليا لوحدي وانا بحبك انتي وبس ويستحيل احب غيرك
عهد... بدات تفوق ادم انت فين لي سبتني ومشيت انا استنيتك كتير انت لي مرجعتش ونامت تاني
ادم.. مسك ايديها وباس عليها انا جمبك ي حبيبتي ومستحيل اسيبك انا هنا عشانك ي عهد
عهد... فجاه فاقت وفتحت عيونها وراحت حاضنه ادم وبدات تعيط ادم هو اي اللي حصل انا دماغي بتوجعني اوووي ومش عارفه افتكر حاجه ساعدني انا حاسه بصداع رهيب
ادم... ملس علي شعرها وبدا يهديها وادلها برشام صداع واخدها في حضنه وبدا يتكلم اللي حصل ي عهد انك فقدتي الذاكره يوم كتب كتابنا ودخلتي المستشفي تسع ايام وبعدها اكتشفنا انك رجعتي لعمر 19 سنه ودخلتي الجامعه تاني بس احنا اتجوزنا حاليا اتكتب كتابنا انهارده
عهد مكنتش معاه اصلا لانها نامت من المسكن ومسمعتش اي حاجه من اللي ادم قالها ادم باس علي راسها وسابها وخرج وهو بيفكر هيعمل اي عشان يرجعلها الذاكرة
عهد فاقت وبدات تنده علي لارا وياسمين وطلعولها وعهد قالتلهم هو اي اللي حصل وفين ادم
ياسمين قالتلها ادم تحت وان انهارده كان كتب كتابكم
عهد فرحت جدا وقامت تطنطط عشان اتجوزت ادم حبيبها
لارا بصتلها باستغراب وقالتلها هو انتي ذاكرتك رجعت ي عهد
عهد.. ايوا ي لارا ذاكرتي رجعت انا عاوزه اشوف ادم
ونزلوا التلاته واول ما عهد لمحت ادم جريت عليه وحضنته
ادم... استغرب من فعل عهد بس حضنها جامد وكانه اول مره يشوفها بس بعدها عنها وسالها انتي رجعتلك الذاكره امتي
عهد... بصتله بحب وقالت انا رجعتلي من ساعه ما كتبنا الكتاب لما وقعت فضلت حاجات كتير تروح وتيجي قدام عيني بس مش عارفه اي دي بس افتكرت انت مش مبسوط ي ادم
ادم... بصلها بحب ازاي مش مبسوط انا اسعد واحد في الدنيا دلوقت وحضنها جامد
العيله كلها كانت فرحانه ومبسوطه ان عهد رجعتلها الذاكره وكلهم بدوا يحضنوها وادم قرر يعمل حفله بمناسبه ان عهد رجعتلها الذاكره وبمناسبه كتب كتابهم وكله كان مايده في الفكره دي بس قرروا يعملوها في اخر الاسبوع لما عهد تخف خالص
ادم اخد عهد وقرروا يخرجوا شويه ويوريها الهديه اللي جيبهالها ركبوا العربيه وبدوا يتحركوا
عهد.... بحماس ادم هتوديني فين انا عاوزه اروح الملاهي وبعدين وريني المفاجاه براحتك
ادم.... مسك ايديها بحب وقالها عيون ادم وقلب ادم(وشويه محن ملناش دعوه بيهم ي جماعه عشان المراره بس😂😂😂) انتي تامري وانا انفذ وغيره اتجاه العربيه للملاهي
ادم وعهد وصلوا الملاهي وعهد نزلت جري وكان ادم فضي الملاهي كلها عشان هي تلعب براحتها ومحدش يبص عليها
عهد... ادم انا عاوزه ادخل بيت الرعب
ادم... ما بلاش ي عهد انتي بتاخفي من خيالك
عهد... لا طبعا انا استرونج انديبندنت ومان 😂😂
ادم... ماشي يلا ندخل بيت الرعب ودخلوا وعهد بدات تشوف حاجات مرعبه جدا وبدات تصرخ وادم يضحك عليها ويقولها مش كنتي استرونج انديبيندنت ومان ومعرفش اي بتصرخي لي دلوقت (والله ي جماعه انا نفس ادخل بيت الرعب دا ونفس اروح الملاهي بس انا حسي الرعبي عالي وممكن قلبي يقف 😂😂😁)
عهد... لا والنبي انا خوافه وجبانه بس خرجني من هنا وفعلا ادم خرجها
ادم... هاااا هتقولي سترونج تاني ي جبانه وضربها علي قفاها وطلع يجري وعهد طلعت تجري وراه
عهد.... والله ما هسيبك ي ادم خد هنااا نفسي اتقطع من الجري وبدات تمثل انها تعبت
ادم... بص عليها وجه جري عهد حبيبتي انتي كويسه فيكي اي نروح للدكتور
عهد... مسكت وراحت متشعلقه في رقبته بقا انا تضربني ي ادم الكلب والله ما هسيبك وعضته في خده
ادم.... ااااااه ي بنت العضاضه وكملوا جري ورا بعض وركبوا كل الالعاب وادم جابلها ايس كريم وبوب كورن وبعدين ركبوا العربيه عشان يوريها المفاجاه
عهد.. تعرف ي ادم انهارده اجمل يوم في حياتي وبجد اتبسطت من قلبي
ادم... ي روحي باذن الله كل ايامك هتكون جميله معايا هنلف العالم سوا وهخلي كل يوم اسعد من اللي قبله انا اللي انهارده اسعد يوم في همري لان البنت اللي عشت عمري كله بحبها اخيرا اتكتبت علي اسمي وبقيت مراتي حبيبتي
عهد..... انا بحبك اوووووي ي ادم حقيقي انت احلي حاجه في عمري كله
ادم... مسك ايديها باس عليها وقالها وانا بعشقك ي روح ادم
نروح لمكان تاني
مراد... لولو قلبي وحياتي واللي اخيرا اتخطبنا وهنتجوز وهتكون معايا في بيتي وفي حضني
لارا... والله ي مراد ما مصدقه انا بحبك اوووي بجد
مراد... تيجي نخرج نتعشي سوا وناخد البت ياسمين والواد تحمد معانا ونتفسح شويه
لارا.... دا انا مش لسه هتناقش انا طلعت ولبست اصلا ياااااااسمين بت ي ياسمين يلا ي ياسو هنخررررررج وطلعت جري علي السلم
مراد ممسكش نفسه من الضحك عليها مجنونه ووالله بس بموت فيه لما اطلع البس واشوف احمد فين
مراد راح علي اوضه احمد ولقاه ناااايم مراد حب يخضه
مراد... باعلي صوته احممممممممممممد اصحي يلا حريقه
احمد.... اي فين مين النار طفوها
مراد.... وقع علي االارضه من الضحك
احمد... والله ما هسيبك وقام وراه جري
مراد جري بكل سرعه ونزل السلم واستخبي في محمود والد عهد الحقني ي عمو منه انا مش حمل كف بص ي عمو بيبصلي ازاي هياكلني
محمود... بضحك في اي بس فهموني
احمد... بغضب ينفع ي عمو يصحيني علي خضه ويقولي البيت بيولع دا انا قلبي كان هيقف،
مراد.... بهزر ي رمضان اي انت مبتهزرش
احمد... لا ياخويا مبهزرش ومش هسيبك برضو
محمود.... خلاص ي احمد سامحه عشان خاطري انا وانت ي مراد اعتذر لاحمد يلا
مراد... خلاص ي ابو حميد مكنتش اقصد، والله ويلا اطلع البس عشان خارجين مع لارا وياسمين دا بعد اذنك طبعا ي عمو
محمود... اخرجوا يابني واتفسحوا دا حقكوا ربنا يسعد اوقاتكوا يارب وسابهم ودخل المكتب لمحمد اخوه
مراد واحمد طلعوا لبسوا والبنات جهزوا واخدوهم ونزلوا راحوا علي المطعم بتاع لارا دا مطعم لارا فتحته كمشروع بعد ما باباها اتوفي وبقا ليها اكبر سلسله مطاعم في التجمع
في مكان تاني خالص وصلوا ادم وعهد للمكان المقصود وعهد نزلت وادم غطي عيونها بايده واول ما شال ايده عهد شافت صدمه كبيره بالنسبالها
ياتري عهد شافت اي
وياتري السعاده هتدوم بينهم ولا في حزن ومشاكل تاني
يتبع الفصل الثامن عشر اضغط هنا
- الفهرس يحتوي على جميع فصول الرواية كاملة :"رواية عندما تلتقي العيون" اضغط على اسم الرواية