رواية عندما تلتقي العيون الفصل الرابع عشر بقلم نجوى ابراهيم
رواية عندما تلتقي العيون الفصل الرابع عشر
ادم كان عند عهد والصدمه حليفه الموقف اللي هو اتحط فيه حبيبته وبنت عمه واللي كانت مفروض هتبقا مراته مش فكراه وبتقوله انت مين هو ساكت وباصصلها وعيونه كلها دموع وبيفكر مع نفسه هي، ممكن فعلا تنساني ومتفتكرنيش هي فعلا فقدت الجزء اللي فيه حبنا لا انا لازم افكرها ولازم اخليها تفتكر حبنا والايام اللي عشناها سوا
الدكتور... استاذ ادم ممكن تتفضل معايا لحظه برا هشرحلك حاله الانسه عهد واي اللي مفروض يتم
ادم... اه طبعا ي دكتور اتفضل وبص علي عهد اللي نامت من حقنه المسكن اللي الدكتور ادهالها
الدكتور... طبعا انت كدا عارف ان عهد فقدت جزء من ذاكرتها وتقريبا الجزء دا من خمس سنين او اكتر فهي حاليا جزء الاعصاب عندها تلفان واي ضغط علي ذاكرتها عشان تفكروها هيجي بالسلب وممكن لقدر الله يحصل فقدان كامل للذاكره وده علاجه صح وشبه مستحيل انا هكتبلها علي حاجات منشطه للذاكره وادويه مهدئه لانها هتبقا عصبيه بشكل ملحوظ الفتره دي فلو سمحتم محدش يضغط علي اعصابها عشان تفتكر سيبوها تفتكر لوحده اعملوا معاها مواقف شبه اللي عاشتها بس بدون ضغط ولو حصل وتعبت لازم تكلمني فورا تعبها هيكون غلي هيئه صداع وتشويش في الرؤيه والذاكره ومل الاحداث هتمر بيها علي هيئه ابيض، واسود
ادم.... انا متشكر جدا ي دكتور وباذن الله ننفذ اللي حضرتك امرت بيه بس انا عندي سؤال هو حالتها هتفضل كدا كتير يعني اقصد، الفقدان الجزئي دا بياخد وقت اد، اي
الدكتور... انا مقدرش، احدد والله ي ادم دا علي حسب استجابة المريض للعلاج او مقدرته علي استيعابه الماضي يعني كله في ايد عهد وهنحدده مع الوقت استاذن حضرتك لازم ارجع علي ضغلي وهي هتقدر تخرج كمان يومين
ادم... اتفضل ي دكتور متشكر لحضرتك وسابه وراح كلم اهله واهل عهد وحكالهم كل اللي الدكتور قاله بالتفصيل وبعدين دخل عند عهد وفضل باصصلها وبيتامل في ملامحها وقرر في نفسه قرار انه لازم يعرفها بنفسها بطريقه مرحه ويحاول يخليها تاخد عليه من جديد حتي لو هيضطر يكونوا صحاب لحد ما ذاكرتها ترجع
عهد بدات تصحي وتتالم بصوت ضعيف نتيجه انها، حركت دراعها المكسوره
ادم... عهد براحه متتحركيش قولي عاوزه اي وانا اعملهولك
عهد... عاوزه اشرب عطشانه
ادم... جاب لعهد مياه وشربها وبعدين قعد، جمبها تاني وبدا يتكلم عهد انا ادم ابن عمك معقوله مش فكراني
عهد... ادم انت رجعت امتي ورجعت لي اصلا انت مش سبتنا زمان وبعدت راجع لي
ادم... انا روحت بسبب دراستي ي عهد واديني رجعت اهو وهنفضل سوا
عهد... بتساؤل نفضل سوا فين
ادم... بحسره في قلبه نفضل صحاب وانا هدويكي الجامعه اول يوم كمان زي ما انتي كنتي متفقه معايا زمان
عهد....انا كبرت ي ادم ومبقتش طفله هتضحك عليها بكلمتين انا استنيتك كتير وتعبت من كتر ما انا بقنع نفسي انك خلاص مش راجع تاني جاي دلوقت تقولي نفضل سوا لا انا اسفه انت مجرد، ابن عمي وبس
ادم... وقلبه نزف لما سمع كدا بس اظهر ابتسامه جذابه جدا ومدلها ايده وقالها طب، ممكن نكون صحاب وولاد عم وبس
عهد... وافقت ومده ايدها وسلمت عليه وقضوا اليومين اللي فاضلين ما بين منغشات ادم وضحك عهد اللي خطف قلبه وبعد يومين رجعت عهد البيت واتفاجأت انهم عايشين في القصر مش في الفيلا بتاعتهم
عهد... بتساؤل ادم احنا رايحين فين دا مش طريق الفيلا
ادم.. اصبري ي عهد محضرلك مفاجاة وبعد ثواني وصلوا القصر وادم نزل وشال عهد عشان يدخلها ودا لانها متقدرش تمشي، علي رجليها المكسوره
ادم اول ما فتح الباب بتاع القصر كانت الانوار كلها مطفيه وعهد خافت ومسكت فيه اكتر بايديها السليمه
ثواني والانوار كلها اشتغلت ولقيت عيلتها كلها متجمعه وفي، بلالين كتر وتورته عليها صورتها ولارا واسراء خالتها ومريم بنت خالتها موجودين لا وكمان عمها ومرات عمها وياسمين بنت عمها ومراد صاحب ادم واللي هي متعرفوش بسبب فقدان الذاكره واحمد صاحب احمد واللي متعرفوش برضو وامها وابوها طبعا عهد استغربت ازاي العيلتين متجمعين سوا، هما مكنوش بيكلموا بعض
محمود.. قرب منها واخدها في حضنه حمد لله علي سلامتك ي نور عيني طبعا انتي مستغربه ازاي احنا متجمعين بس انا حبيت اعملك مفاجاة في عيد ميلادك ونتصالح انا وعمك ونجمع شمل العيله تاني اي رايك
عهد... فرحت اوووي من كل قلبها لان دا اللي كانت بتتمناه وقالت بجد ي بابا يعني هنعيش سوا ومش هيبقا في خصام وزعل تاني
محمود.. بجد ي روح بابا وحضنها تاني وغمز لادم اللي فرح لفرحه عهد
فلاش بااااك
ادم... الو اي ي بابا افتح الاسبيكر واسمعوا كلكوا هقول اي
محمد.. طيب ثواني يابني انده عليهم كلهم عشان انا وعمك محمود بس اللي قاعدين ونده علي الكل والكل اتجمع حتي احمد ومراد ولارا وخاله عهد وبنتها مريم
ادم... بصوا بقا الدكتور قال ان عهد حصلها تلف في اعصاب الذاكره بتاعتها وان اي ضغط عليها عشان تفتكر ممكن يسببلها فقدان كامل للذاكره وهي حاليا فاكره نفسها 18 ولسه داخله اولي جامعه فاحنا هنتعامل معاها علي الاساس دا
محمد... طب يابني هي كانت عارفه ان اناوعمك مبنكلمش بعض هنعمل فيها اي دي
ادم... بصوا عيد ميلاد عهد كمان يومين وهي الدكتور سمحلها تخرج كمان يومين يعني يوم عيد ميلادها فحنا هنعمل حركه ذكيه انا هاخدها من المستشفي، علي طريق القصر وهقولها اني محضرلها مفجاه وانتوا هتزينوا القصر كله وهتجيبوا تورته وجاتوه وهدايا وهتملوا القصر بلالين زي ما هي بتحب واحنا هنفهمها انكم اتصالحتوا كهديه لعيد ميلادها وان خلاص مش هيبقا في خصام تاني وربنا يستر وانت ي مراد انت واحمد تعرفوها علي نفسكوا انكم صحابي ومحدش يجيب سيره قصص الحب بتاعتكوا قدامه انتوا هتبدوا تحبوا البنات في وجودها مش كنتوا بتحبوهم قبل كدا فاهمين
محمد... خلاص يابني باذن الله كل حاجه تتم بخير وعهد ترجعلها ذاكرتها وتتجوزها وتعيشوا سعداء
ادم... يارب ي بابا طيب بصوا هو المفروض لارا هتروح الكليه مع عهد ودي هظبطها مع العميد، لانه بيحبني وياسيمين مفروض صغيره لسه في تانيه ثانوي وانا المفروض اكون لسه بدرس، في اخر سنه جامعه انا مش عارف هحل الموضوع دا، ازاي انتوا لازم تساعدوني
كلهم في نفس الصوت هنساعدك واحنا جاهزين نعمل اللي طلبته نهايه الفلاش
بااااااك ❤️❤️❤️❤️
عهد طبعا قطعت التورته واحتفلت انها وصلت ل19 سنه واتعرفت علي مراد واحمد وقعدت تشجع ياسيمين انها تشد حيالها عشان تدخل هندسه وترفع راسهم وكانت بتقرر هي ولارا انهم هيروحوا الكليه وهيشدوا حيلعم عشان يطلعوا من الاوائل علي الدفعه وفجاه عهد اخدت بالها من مريم وراحت عليها هي مين دي ي خالتو وفين مريم
اسراء بتوتر... جرا اي ي عهد ولا عشان مجتيش عند خالتك من زمان هتوهي عن مريم هي دي مريم بس طولت شويه
عهد... باستغراب بس حاولت تكون طبيعيه كبرتي ي مريومه وشكلك اتغير انتي مش كنتي في حضانه السنه اللي، فاتت
اسراء.. اه اه كانت في الحضانه وقدمنالها مدرسه خاصه وهتروح من بكرا انا مشي بقا ي دودي عشان تعبانه والف سلامه عليكي ي حبيبتي ومشيت هي ومريم ولارا فضلت مع عهد
طبعا اليوم خلص وكان مليان لعب من عهد ولارا واحمد ومراد واللي عهد حبتهم جدا وطبعا ادم اللي طول اليوم ينكش في عهد ويلعب معاها وعدا اسبوع علي الخال دا وعهد مش واخده بالها لا من تاريخ ولا من اي حاجه وهما باعدين عنها كل دا وعهد فكت الجبس وعملت علاج طبيعي ورجعت تقف علي رجليها تاني وكان اول يوم جامعه وطلبت من ادم يوديها هي ولارا ويقدملهم ورقهم وطبعا ادم كان مجهز كل حاجه ومتفق مع العميد و الدكاتره لانهم عارفين عهد ولارا لانهم من اوائل، الدفعه وفضل الوضع كدا حوالي شهر كل يوم ادم يودي عهد الجامعه هي ولارا وعهد حست بعلاقه لارا ومراد واحمد وياسمين وفرحتلهم
لحد ما جه يوم وعهد داخله المحاضره للدكتور البي بدات تعجب بيه وهو دكتور زين الصاوي شباب عنده حوالي 32 سنه معرفش مفيش بنت بتفلت من ايده وسيم وبعضلات وشبه الممثلين الاتراك بدات عهد تعجب بيه واتمنت لو هو كمان يبادلها نفس الشعور بعد ما المحاضره خلصت زين نده علي، عهد والبي فرحت جدا بكدا
زين... عهد ممكن نتكلم شويه في مكتبي
عهد.. بهيام طبعا طبعا ي دكتور ومشيت معاه
زين وعهد دخلوا المكتب وزين قفل الباب واتكلم انسه عهد انا عاوزه اعترفلك بحاجه انا معجب جدا بيكي وبحبك
عهد... انا كمان ي دكتور معجبه بحضرتك
زين.. لا دكتور اي انتي قوليلي ي زين علطول
عهد... بكسف ماشي ي زين واخدوا ارقام بعض وبدا يتكلموا فعلا وادم لاحظ ان عهد ديما عينها في الفون ومبتسبوش وديما سرحانه وبتضحك
ادم وعهد كانوا قاعدين في الجنينه والمفروض ادم بيشرح لعهد جزئيه مش فاهمها بس عهد كانت مركزه في الفون وبتضحك
ادم... بعصبيه انتي نركزه في اي كدا وبتضحكي وشد منها الفون و...........
يتبع الفصل الخامس عشر اضغط هنا
- الفهرس يحتوي على جميع فصول الرواية كاملة :"رواية عندما تلتقي العيون" اضغط على اسم الرواية