رواية بنت القرية الفصل الثالث عشر بقلم ملك كريم
رواية بنت القرية الفصل الثالث عشر
تميم بتوتر : نور انا عايز اعترف بحاجه كده
نور بتوتر : انا خوفت حاجه ايه
تميم بقلق وتوتر : انا ...انا ..
نور بقلق : انت ايه يا تميم ..تعبان اوديك للدكتور
تميم بتوتر : انا فاكر كل حاجه ....
نور بفرحه : بجد .... الذاكره رجعتلك ....انت زعلان ليه دلوقتي طيب
تميم : انا اقصد انى مفقدتش الذاكره اصلا وانى فاكر كل حاجه
نور بعدم فهم : يعنى ...يعنى انت تقصد أن كل ده كان لعبه
تميم : ايوه ..بس والله عملت كده علشان بحبك
صمتت نور عده دقائق والدموع بدأت تتجمع في عينيها : علشان بتحبنى تضحك عليا واتجوزك ...هو انا رخيصه اوى كده بالنسبه لك
تميم : انتى عمرك مكنتى رخيصه يا نور ..انتى غاليه اوى عندى بس انا حبيت جوازنا يكون مختلف عن الباقى ودى الفكره الوحيده اللى جت فى دماغى
نور ببكاء : انت مقتنع بكلامك ده ...لو انت مقتنع ف انا لا ..انا لو كنت غاليه عندك بجد كنت دخلت البيت من بابه ..إنما انت لعبت عليا لعبه وحشه وخلتنى اتجوزك علشان انا كنت السبب فى اللى حصلت فلازم اصلح غلطى ...انت لعبت عليا يا تميم واستغلت انى هضطر اوافق علشان انا السبب فى المشكله ...استغلتنى يا تميم
تميم : انابس كنت عايز اتأكد من مشاعرك نحيتى ومستحيل كنت اعرف اعمل كده وانتى مش مراتى لانك مكنتيش هتوافقتى أو ترضي تقوليلي حتى ...انا عملك كده علشانك مش علشانى ..ياريت تقدري موقفى
نور بسخريه : اقدر موقفك ثم تابعت ببكاء غاضب : حرام عليك ليه عملت فيا كده ..ليه كدبت عليا وانت كان بأيدك تتجوزنى زي الناس الطبيعية ..انا اتجوزتك علشان مينفعش نعيش فى بيت واحد وانت مفكر انى مراتك....قولت هتجوزك لحد م الذاكره ترجعلك تانى وبعد كده هنطلق وانا عارفه انك بتكرهنى من اول لمى شفتنى علشان أنا متربيه فى حته بيئه مش مناسبه للأستاذ تميم القاسم ابن الطبقه المخملية .... ودلوقتي الذاكره رجعتلك يبقى اتفقنا يكمل ياريت تطلقنى يا تميم وتبعد عنى سبونى فى حالى انا من اول لمى جيت هنا والمصايب مش مفرقانى حرام عليكم ...ثم جمعت بعض اشيائها و توجهت للخروج من الغرفه
تميم بصوت مرتفع : نور استنى انتى رايحه فين انا لسه مخلصتش كلامى ...استنى يا نور
نور ببكاء : انا مش هقعد دقيقه واحده في البيت ده وياريت ورقه طلاقى توصلنى
خرج منير وعصمت من غرفتهم : ايه يا ولاد صوتكم عالى كده ليه
تميم : يا نور طب انتى رايحه فين عرفينى بس
لم تجيبه نور وخرجت خارج المنزل .
منير بغضب : تميم فهمنى في ايه ونور رايحه فين فى وقت متأخر زى ده
تميم بعصبية : معرفش معرفش
عصمت : فهمنا يا تميم اللى حصل
تميم : انا مفقدتش الذاكره من الأصل
منير : بعم.. مفقدتش الذاكره ..يعنى كل ده كنت بتمثل
تميم : اه عملت كده علشان اتجوز نور
عصمت بغضب : تتجوز نور ...ضحكت عليها ولعبت بيها ...... وتسمى ده جواز ..
واتت بسمه : اللى انا سمعاه ده صح ؟؟ انت ضحكت علينا كلنا يا تميم وكنت بتمثل علنا
تميم : ضحكت عليكم فى ايه انا مش فاهم انا عملت كده علشان بحبها وجوازنا يبقى مختلف ده كل قصدى
منير : وتلعب بمشاعرها ليه ....اتجوزتك علشان كانت حاسه انها السبب فى اللى حصلك ...ولو هى حبتك حتى ...ليه عملت فيها كده ...ترضى حد يعمل كده فى بسمه
تابعت بسمه : ليه يا تميم تكسرها ..نور قلبها طيب والله ومتستاهلش اللى انت عملته فيها ده
تميم بغضب : خلاص بقى اللى حصل حصل ونور مشيت ومعرفش راحت فين
بعد مرور ساعه تقريبا
تميم بغضب : تليفونها مغلق ...ومش عارف هى فين
منير : طب اتصل على معتز يمكن راحت عندهم
تميم : حاضر ....الو يا معتز
معتز بصوت نعسان : ايه يا تميم عايز ايه فى الوقت ده
تميم : معلش صحيتك من النوم ..بس كنت هسألك هى نور جت عندكم
معتز بقلق : لا مجتش ...هى سابت البيت ولا ايه
تميم : اه ياريت متقلقش حد من عندك ..وقولى كده اماكن تتوقع انها راحتها .
معتز بغضب : انت ازاى تسيبها تطلع فى وقت زى ده لوحدها انت اتجننت يا تميم ...وعملت فيها ايه
تميم بضيق : معتز مش وقتك دلوقتي ...هتقول ولا اتصرف انا
معتز : مش عارف ممكن تكون راحت عند بيتها ...روح شوفها هناك وانا هنزل امشي بالعربيه ممكن تكون هنا ولا هنا
تميم : ماشي انزل انت وانا هروح عند بيتها ..سلام
منير : ها طلع عارف حاجه
تميم : لا انا هروح اشوفها فى بيتها وهو هينزل يلف بالعربيه يمكن يشوفها
منير : وانا كمان هروح اشوفها يمكن لسه حوالينا ...
بسمه : انا هاجى معاك يا تميم
تميم : ماشي يلا بينا ..........
.............................................................
تحرك معتز من غرفته للذهاب للبحث عن نور الذي لا يعلم أحد طريقها .....ولكن أوقفه صوت الجد نوح : رايح فين فى الوقت المتأخر ده يا معتز
تحدث معتز بنبره متوتره : لا مفيش واحد صاحبى عايزنى فى موضوع كده هخلصه وهرجع علطول..
الجد نوح : صاحبك عايزك في الوقت المتأخر ده
معتز : اه يا جدى ...أوقاته متخلفه زيه كده معلش بقى ..عايز منى حاجه اجبهالك وانا راجع
الجد نوح : لا شكرا انا هطلع أنام ..متتأخرش..
معتز : حاضر مش هتأخر ..
.............................................................
وبعد مرور حوالى ساعتين وقد بدأت الشمس فى الشروق وصل تميم وبسمه إلى منزل نور
تميم : بسمه روحى انتى شوفتها يمكن تكون فى الجنينه اللى ورا البيت وانا هطلع اشوفها فوق
بسمه : حاضر
وانطلق تميم إلى منزل نور وظل يطرق الباب عده مرات ولكن لا يجيب احد ..فتوجه إلى منزل الحاجه نوال وطرقه عده مرات حتى فتحت له محروس
تميم : محروس ازيك ..معلش صحيتك بدري
محروس : لا عادى ولا يهمك ..بس هو حصل حاجه
تميم : انا كنت هسألك هى نور مجتش هنا
محروس : لا محدش جه والبيت مقفول من اخر مره كنتم هنا
تميم : طيب شكرا متقولش لحد انى جيت تمام
محروس : حاضر
ترك تميم المنزل ونزل إلى الأسفل حتى قابلته بسمه إمام السياره : ها لقتيها
بسمه : لا مفيش حد ..
تميم بغضب : هتكون فين بس
بسمه : اللى انت عملته فيها يا تميم برضوا مش قليل واى واحده مكانها كانت عملت كده واكتر
تميم : خلاص يا بسمه كفايه كلام ....الو يا معتز لقيتها
معتز : لا مفيش اى اثر حوالينا انت عملت ايه يا تميم بس فهمنى
تميم : مش وقته يا معتز نتقابل عندنا فى البيت سلام .... واغلق الهاتف ثم اتصل على والده : الو يا بابا وصلت لحاجه
منير : لا مفيش اى اثر حوالينا وحتى دورت فى المستشفيات مفيش اى حاجه
تميم : تمام ....روح على البيت وانا هيجيلك على هناك
منير : تمام
تميم : يلا يا بسمه علشان نلحق نروح البيت
.............................................................
وبعد مرور عده ساعات اخر
فى منزل سليم ورحمه
استيقظت رحمه باكرا واعدت الفطور إلى زوجها سليم ثم اتجهت إلى غرفتهم مره اخرى
رحمه : سليم ..سليم ..يلا الفطار جاهر
سليم : شويه كمان وهقوم خمس دقايق
رحمه بضحك : قوم يا سليم الفطار هيبرد يلا بسرعه
سليم بنعاس : قومت اهو ..اطلعى انتى وانا جاى وراكى
رحمه : اه علشان اطلع انا وانت تكمل ..قوم بقى ده اول فطار ليا انا وانت
نهض سليم من على الفراش : واحلى فطار من ايدك الحلوين ...هاخد شاور واجى علطول مش هتأخر
رحمه : ماشي ..هستناك بره اوعى تتأخر
سليم : حاضر مش هتأخر
وبعد مرور فتره من الزمن .
رحمه بغضب : يا سليم كل ده تأخير
سليم : انا جيت اهو ...ايه كميه الاكل دى هو فى حد هياكل معانا
رحمه : لا مفيش حد انا وانت بس تعال يلا
اتجه سليم نحوها وطلع قبله على وجنتيها ثم جلس جوارها وكان سيبدأ فى تناول الطعام ولكن اوقفه رنين هاتفه المنير بأسم معتز
سليم : الو يا معتز ..فى حد يتصل على عريس الصبح كده والله انت رخم
معتز : ايه ده انت اتجوزت امته ياض ...انا سايبك من يومين كنت سنجل بائس
سليم بضحك : لا دى ايام وراحت لحالها إنما دلوقتى انا راجل متجوز
معتز : ماشي يا عم المتجوز ..المهم ..انا مش هاجى الشركه النهاردة ..انت اللي هتتولى كل حاجه لوحدك اوي تودينا فى داهيه
سليم : مش هتيجي الشركه ...مش عوايدك يعنى حصل حاجه ولا ايه
معتز : شويه مشاكل كده هحكيك عليها بعدين ...فمش هعرف اجى الشركه معلش بقى النهارده هيبقى يوم تعب عليك
سليم : عادى يا عم خلص مشوارك وابقى طمنى. عليك ...يلا عايز حاجه
معتز : شكرا ...مع السلامه ..... واغلق الخط
سليم وهو يأكل طعامه مسرعا : معلش بقى يا رحمه مش هعرف اقعد معاكى فى الفطور الرومانسى ده علشان ورايا شغل زى الجبل
رحمه بغضب مصطنع : شغل ايه دلوقتى ...علفكره بقى انا محبتش معتز ده خالص
سليم بضحك : ليه بس ده معتز ده سكره لمى تشوفيه هتحبيه
رحمه : انا مش بحب حد غيرك انت يا سليم
سليم : عارف يا روحى ..بس هنعمل ايه ورايا شغل تتعوض أن شاء الله
رحمه : أن شاء الله
.............................................................
فى منزل عائلة الهلالى
ايمن : معتز مش فى الأوضه بتاعته هو راح الشغل بدري ولا ايه
الجد نوح : لا واحد صاحبه اتصل عليه بليل وهو راح يقابله شويه وهيجي او ممكن يكون راح الشركه
ايمن : طيب كويس ...هى نور عامله ايه كلمتها ولا حاجه
الجد نوح : اه كلمتها امبارح الصبح وكانت كويسه الحمد لله
سيلين : هى وحشتنى اوى عايزه اروح عندها
الجد نوح : حاضر هوديكى ...حاجه تانى
سيلين : شكرا يا جدو يا قمر مش عايزه حاجه تانى.
.............................................................
فى منزل عائلة القاسم
إجتمع معتز وتميم ومنير وباقى العائلة داخل غرفه الجلوس
منير : انا دورت فى المنطقة بتاعتنا وشويه مناطق جنبنا والمستشفيات اللى حواليا بس مع الاسف مش موجوده
معتز : وانا عملت نفس الكلام وبرضوا مش موجوده ....ممكن بقى حد يفهمني ايه اللى حصل
تحدثت بسمه وقصت ما حدث على معتز
معتز بغضب : انت يا تميم تعمل كده فى نور ...حرام عليك ...انت عملت كده ليه
تميم بغضب : علشان بحبها عملت كده علشان عمرها مكانت هتعترفلى بمشاعرها وانا مش محلل ليها لانها شيفانى طول الوقت اجنبى عنها ..عملت كده علشان تكون جنبى وتقول كل اللى جواها وهى مش خايفه منى ..عملت كده علشان اقدر اعبر عن مشاعرى تجاهها وميكنش فى حاجه غلط فهمت ليه عملت كده
معتز بغضب : كان فى الف طريقه تعمل كده بس انت كسرتها يا تميم محدش يقدر يستحمل اللى انت عملته ده ..
تميم : وهى دى الطريقه الوحيده اللى جت فى دماغى اعمل ايه يعنى
معتز : بسبب طريقتك الغبيه دى نور ضاعت من إيدك ومشيت ومش عارفين هى فين دلوقتي
تميم : نور مرحتش من ايدى وانا هقدر أرجعها ليا تانى ..نور ليا انا وبس
منير بغضب : انت انانى يا تميم ..بصيت للأمور من وجهه نظرك انت بس ومبصتش للأمور من وجهه نظر نور هل يمكن تتقبل الوضع ده ولا لا ..هى وافقت تتجوزك علشان كانت مفكره أن فقدان الذاكره حصل بسببها وقالت لازم ترجعك لحالتك الطبيعيه علشان تبقي ريحت ضميرها ونفذت كلام الدكتور واتفقت معايا انك اول لمى تخف هترجع لحياتها الطبيعيه .نور عملك كده علشان خاطرك إنما انت عملت ايه كسرتها ولعبت بمشاعرها
اردف تميم بغضب : يعنى ..ثم أوقفه رنين الهاتف المنير برقم غريب : الو مين معايا
الشخص : انت تميم القاسم
تميم : ايوه انا مين معايا
الشخص : انا اللى معايا الامانه ...معايا نور الهلالى ...اللى هى تبقى مراتك يا حلو
تحدث تميم ب ...
يتبع الفصل الرابع عشر اضغط هنا
- الفهرس يحتوي على جميع فصول الرواية كاملة :"رواية بنت القرية" اضغط على اسم الرواية