Ads by Google X

رواية يا أنا يا هي الفصل الثاني عشر 12 بقلم هاجر عبد الرحيم

الصفحة الرئيسية

      رواية يا أنا يا هي الفصل الثاني عشر بقلم هاجر عبد الرحيم


رواية يا أنا يا هي الفصل الثاني عشر 

اميرة فتحت لقت حسين فضلت تتنفض وتبصله نظرات كره فضلت تتفحصه من راسه لحد رجليه شكلو اتغير كان لابس جلابية بيضاء ووشه بقا تعبان اوي بس فى نور غريب مخليها مش قادرة متبصلوش ومستغربة نفسها هى ازاي ساكتة متقفلش الباب في وشو مش دا حسين؟ ايوة دا اللى فتحت عنيها عليه دا اول راجل ف حياتها كبرت ع حبو كانت معاه بتبقى عيلة بضفاير مش عايز حاجة غير الخروج والفسح والايس كريم! اااه دي حكاية لوحده...ابوها واخوها وكل حاجة ف حياتها كانت بتحلم بيه كل يوم وبتدعى ربنا يجمعهم ف بيت واحد بس اللى بيحب بيأذى اللى بيحب بيتهم اللى بيحبه ف شرفو وببتهمو بالخيانة من غير دليل لا هو لازم يمشى انا مش طايقة ابصلو
حسين..ازيك ياأميرة
أميرة..مش طايقة تبصلك ولا طايقة نفسى ولا طايقة حد جاي تشمت فيا صح شوفت طبعا جرالي اي امي ماتت وبقيت لوحدي بس دا مش معناه اني ضعيفة وهسكتلك وتعيد اللى عملته تانى اللى جرالى خلاني معنديش حاجة خايفة عليها لو قربتلى وحاولت تتعرضلى هصوت والم عليك الناس ولو محدش نجدنى هقتلك ياحسين
حسين بندم..طب اسمعينى انا
قطعته بايدها وقالت بعصبية..انت تخرس بقا صوتك نار بتحرقنى وشك دا كل م ابصله بفتكر اسوا لحظات عدت عليا انت حولت حبى ليك لكره انا مش هعرف امحيه من قلبى لانه بيكبر كل يوم عن اللى قبلو انت مش راجل ولا حصلت شبه راجل حتى عارف ليه؟ عشان انت خت من بنت عمك بالعافية قولى كدا انت تفرق اي عن الحيوانات ممكن تفهمني ولا حاجة انت عامل زي الاسد الجعان اللى مسك فريسته وفضل ياكل فيها ومهما تصرخ مش بيتهز بالعكس بيلاقى متعته ف الاهانة والضرب ميول سادية بحتة انا ميشرفنيش تبقى ابن عمي اصلا انت جاي ليه ها افتكرتنى دلوقت ياترى اي التهمة التانية قتلتلك قتيل وانا مش دريانة؟
حسين بندم..سامحينى ياأميرة انا والله م جاي ع اذية بالعكس انا جاي عشان اجيبلك حقك منى ومن الناس اللى اذوكي انا كنت ضحية زيك صدقينى حطى نفسك مكاني وانتى هتعذرينى مراتى اللى خلاص دخلتى عليها بعد كام يوم اعرف انها ع علاقة بأخويا ومحدش كذب الموضوع بالعكس كل م اتكلم مع حد منهم يقولى ايوة صح وكل م احاول اشوف نقطة امسك فيها عشان اعرف انك ملكيش ذنب مش بلاقيها بالعكس بلاقى اثبات واحد ورا التاني انا كنت بحبك وغيرتى عليكي عاميتنى مفوقتش غير وانتى بين ايديا مغما عليكي و
سكت ومكملش اميرة بقهرا واضحة ف صوتها اي ياحسين وقفت ليه كمل وقولى انك لقيتني عذراء وانى مغلطتش تقوم بدل م تحاول تفوقنى وتودينى لدكتور يلحقنى رميتنى لولا بابا ممدوح كان زماني موت من زمان انت كدا بتحبنى انت كنت عايز تخلص نفسك من المصيبة اللى عملتها بدل م تصلح غلطك داريته بغلط اكتر بكتير انا مش عارفة اسامحك انت متخيل لمستك دي عملت فيا اي انا اللى بيحط ايدو عليا بتكهرب انا اتعقدت بسببك جالى عقدة نفسية وخايفة حتى اتجوز لما كنت فاقدة الذاكرا كنت بحلم بشخص يدينى الامان مكنتش بدور غير عليه لا فلوس ولا جاه ولا منظر بس الامان انت ضيعت ثقتى ف كل راجل بشوفو وبقابلو سبحان اللى قواني ورجعت ذاكرتي وانا مسنودة ع ربنا ثم نفسى محدش بيساعد حد انت تعرف عملت فيا اي..انا دلوقت قاعدا مع اتنين متجوزين وكنت هخرب عليهم ومش عارفة اعيش كدا بسبب خوفى يجرا حاجة تخلي عشق تكرهنى واتجبر ابقا معاه وهى مش راضية انا مش هسامح نفسى لو دا حصل كل اللى بيجرالى دا بسببك انت وبس وحق اي اللى بتتكلم عنو انا كل اللى عايزاه تحل عني وبس
حسين دخل وقفل الباب وقالها طب اسمعينى انا سيبتك تتكلمى والكلام مش ليكي لوحدك... ربنا بيسامح وكنت دايما بدعي يعترني فيكى عشان ابوس رجلك واقولك سامحينى ليه بعد م ربنا ايدانى الفرصة تحرمينى منها
أميرة..انا مش ربنا عشان اسامح
حسين..انا لما رميتك ف الشارع كنت خايف افتكرت جرالك حاجة خوفت ع نفسى لما اجيبك المستشفى ويسالوني ازاي دا حصل هيعرفو انه دا اغتصاب وهروح ف الرجلين وكان صعب عليا اخش السجن مجاش ف بالي انك ممكن تسامحي وتبداي معايا من جديد الجريمة اللى عملتها عقابها الشنق ومستاهلش منك اي عفو بالعكس انتى لو عايزة تقتلينى اتفضلى دا هيبقى حقك
أميرة شدته من قميصه وقالت بعياط..ليه ياحسين؟
حسين بلع ريقو عشان هى قرييه منو اوي وجسمه اتتفض بخوف وف نفس الوقت زعلان ع دموعها
أميرة فضلت تهز فيه جامد ومفيش ع لسانها غير كلمة ليه
حسين حضنها جامد وقال..انتي مراتى ياأميرة
اميرة اتتفضت وبعدت عنو وقالت بصريخ .مراتك ازاي انت اتجننت انا مش مرات حد انت جاي تقتلنى تانى انا مش فاكرة حاجة انا مش مراتك فاااااااهم مش مرااااااااتك
حسين مسكها من كتفها وقال..لا مراتى انا كتبت عليكي غيابي
أميرة بصريخ..انت كداااااااااب كدااااااااب ليببببه كدا بس يااااربيييي انا مش بحباااااك مش عايزااااااك ليه تعمل كداااااااااا حرااااام علييييك تغتصبنى وترمينى ف الشارع وتتجوزنى غياااااابى ليه بارب كدا انا عملت اي عشان استاهل كل اللى بيجرالي دا انا عمرى م كنت وحشة مع حد كنت حنينة مع الكل عمرى م بصيت لحد نظرة كره بكون دا جزاتي امي ماتت وابن عمى اغتصبنى وعطية بعد عني وذنبه بقا ف رقبتى حبنى بس ضيع نفسو بايدو ومش عارفة انسى كل اللى حصل مش قاااادرة وجاسر اللى حاسس اني مسؤلة منو لو عرف هيجرا اي هو مش هيقبل بكل دا ااااه جاسر هو اللى هيحمينى منك جااااسر تعااااالي انت ليه كدا شيطان وحش ندل حقير زبالة اتجوزتنى غيابى دا القبر يحضنى ولا تلمس مني شعرة واحدة انا بكرهك بكرهك بكرررهااااااك
فضلت تضربه جامد اوي ف صدرو وهو واقف مش قادر يتحرك خطوة وعمال يعيط بندم هو والله اتغير وبقا كفء ليها بس اللى عملو صعب تسامحو عليه صعب اوي
كانت هتلطم بس هو مسك ايدهاااا وقال...لا اوعي تعملى كدا انا همشى وهطلقك كمان زي م انتي عايزا بس انا عملت كدا عشان اعرف احميكي كنت عارف انك عايشة وخايف لحد منهم يأذيكي مكننش عايزك تبقي لغيرى كلمت المحامي اللى بدوره كان متابع كل تحركاتك وكان بيبلغني بيها بس كنت دايما بمنع نفسى اني اشوفك مجاش ف بالي انى هلاقيكى ف المستشفى ابويا عرف انك عايشة واكيد هيعمل فيكى مصيية كان لازم اقولك انك مراتي كان لازم احميكي منهم وهو نفسه اللى كان وكيلك ساعة كتب الكتاب انتي لو عايزة تطلقى هطلقك بس لما اطمن عليكي واجيبلك حقك غير كدا مفيش طلاق انا شاكك ف حاجة مينفعش اقولك عليها دلوقت بس انتي لازم تيجى معايا عشان الوصية تتفتح انتي لما تبقي معايا خلاص مفيش خوف هاخدك ونسافر ونعيش من جديد بس انتى وافقى
كان هيمشى بس الباب خبط وكانت عشق وجاسر ولما فتحو اتصدمو بحسين وأميرة
أميرة اول م شافتهم اطمنت ع نفسها ومستحملتش كل اللى حصل دا واغمي عليها بين ايدين حسين اللى صرخ بأسمها بذعر واضح
ف اوضة أميرة
عشق كانت قاعدا مع اميرة وبتلمس ع شعرها بخوف وبتفكر ياترى الايام الجاية مخبية اي ومين الجدع اللى مع جاسر وبيتكلمو ف اي كل دا هى لازم تعرف؟
ف الصالة
جاسر..متجوزها!!
حسين..ايوة
جاسر بعصبية شدو من قميصو وجاي يضربو بالقلم بس حسين مسك ايدو وقال..ايدك دي مينفعش تضربنى اصلا عشان انت مش من حقك تعاتبنى ولا تتخانق معايا كل اللى ليه الحق يعمل كدا هى أميرة مش انا اللى اتضرب ياريت تفكر كويس قبل م تعمل حاجة تندم عليها انا المرة دي هخلي ايدك جمبك سليمة المرة الجاية بعدها مش هضمن نفسى أميرة مراتى غصب عن الكل واللى مش عاجبه عند اكبر حيطة ويخبط راسه فيها انت بس محتاج تسمع مني كويس عشان انا مش بحب اكرر كلامى مرتين انا معرفكش للاسف غير ف الفترا الاخيرة سمعت عنك حاجات بسيطة بس اللى سمعته يخلينى اطمنلك واحكيلك
جاسر بعصبية..تحكيلى اي مفيش بينا كلام وبعدين انت بتاخد وتدي معايا ف الكلام ليه انت هتصاحبنى!
حسين..لا اله الا الله هو انت ليه لسانك دا سابق عقلك بص حضرتك انا عارف القانون ممكن يعاقبنى لو عرفو انى اتجوزت اميرة غيابي بس المحامى يعتبر واصى عليها بشهادة من ابوها يعنى هو يعتبر وكيلها واظن انت محامي وفاهم انا اقصد اي؟
جاسر..بس الجوازة دي حتى لو تمت هتبقى باطل عشان الزوجة مكنتش موجودة ولا وافقت ع عقد النكاح دا وانت متعرفنيش انا ممكن اوديك ورا الشمس ومش بتاع كلام عشان اللى بيقول مش ببعمل انت قدامك حل واحد مفيش وراه تاني طلق اميرة لو رفضت اعمل حسابك ايدك الحلوة دي هيتحط فيها شبكتك القمر دي وتشرف ف السجن مش بس بتهمة انك اتجوزت واحدة بدون علمها لا وكمان اغتصاب بنت ومحاولة قتلها انا ممكن افتح القضية دي انهردة وساعتها هيتحكم عليك وقتي تجنبا بقا للمشاكل حافظ ع كرامتك وطلقها
حسين بعصبية..انت ليه زيهم مصمم تدبح فيا؟
جاسر..انا اكبر من اني اذل واحد زيك..ذلو قدام نفسه ف المرايا وهو بيتخيل انه كان سبب ف هتك عرض انسانة ملهاش اي ذنب غير انها حبيته ووثقت فيه وراحت معاه شقته بحسن نية بس هو حقير وندل عارف لا انت ولا عشرة من عينتك يشمو ضفر واحدة زي أميرة عشان هى اشرف من انك تلمس بايدك النجسة دي اللى كلها دم
حسين بلع ريقو بندم وقال..انا جاي اصلح اللى عملتو.. وهى مراتى ف اقدر اني
قطعو جاسر وقال..انا مش بتناقش معاك انا بؤمرك تطلقها حالا والا هبدا ف اجراءات حبسك ويانا يانت بقا
حسين..حاضر هطلقها بس اسمعنى اميرة لازم تحميها منهم ابويا هو اللى قتل ابو اميرة وهو اللى كان بيديلو الحبوب عشان لما يموت يبقى سهل عليه يخلص منها وكلهم اتفقوا عليا وحصل اللي حصل انا مش جاي هنا عشان اجبرها تعيش معايا وهى مش عايزة بس تفتكر الشخص اللى قتل اخوه صعب عليه يقتل بنتو طالما قدر يعملها مرا هيقدر يعملها مليون مرة
جاسر بصدمة..حبوب اي انا مش فاهم حاجة؟
حسين..حبوب كان ابويا بيديهالو بيخليه ع طول همدان ومش قادر يصلب طولو ولما مات ف الحادثة كان السبب جرعة زايدة خليته مش مركز ف السواقة كل دا ليه بقا؟ بسبب الطمع والجشع ابويا متخيل انه لما يجوزني أميرة سهل ياخد حقها بسهولة عن طريقى ولو منجحش انا بقولك زمان مقدرش يسجني دلوقت هيقدر يعمل كدا واوسخ كمان بس انا قولتله انه ليك ورث حسب شرع ربنا اتضح انه فاكرين انه الورث كلو هيروحلها بحكم الوصية بس عمى غلط احنا لازم نصلح الغلط وكلو ياخد حقه بس كل اللى يهمنى اميرة انا الوحيد اللى اقدر احميها منهم هتابع مع المحامي وهديها حقها والباقى هوزعه عليهم وهاخدها ونسافر ومن هنا لحد دا م يحصل هبقى زي الحارس بتاعها وهفديها بروحي صدقنى لو وصل الامر
جاسر..انا مش عارف ازاي اميرة وماما كانو عابشين ف وسط التعالب دي انت متخيل بعد اللى قولتله هأتمنك عليها؟ انا مش هسيبها لا ليك ولا ل اهلها وحقها هيتجاب وهتعيش وهى مرتاحة
حسين..معاك ولا مع مراتك ولا ناوي تجوزها صاحبك
جاسر بعصبية..احترم نفسك يلا
حسين..انا مش هرد عليك بنفس طريقتك اللى كلها عنف مبالغ فيه ومش فاهم محموق اوي كدا ليه كأنها من بقيت عيلتك لو عايزنى اطلقها ماشى بس اسمعها منها دي اول حاجة تانى حاجة انا ابن عمها ومن حقى ابقى مطمن عليها هتحميها ازاي لو انا مشيت هتتجوزها مثلا؟ هتقدر تعمل كدا وتخرب بيتك بأيدك ولا هترميها لاي حد عشان تخلص منها وتفتكر هى اصلا هتقبل تقعد معاك وانت متجوز وجايز مراتك تخلف وتنشغل معاها وساعتها هتنسى أميرة واللى جابو أميرة انا مقدر قربك الشديد بالمرحومة بس دا مش معناه تحط نفسك ف مشاكل انت ف غنا عنها
جاسر..ملكش دعوة انا كفيل باي حاجة ومش واحد زيك اللى ممكن اقبل منو النصيحة
جاي حسين يرد عليه بس عشق خرجت وقالتله انه أميرة فاقت وعايزة تشوفكو
حسين وجاسر بصو لبعض بتحدي استغربته عشق بس معلقتش
ف اوضة اميرة
اميرة..انا كويسة ياعشق سيبينى اقوم بقا
عشق بخوف..لا مش هتقومى انتى لسة تعبانة انا معرفش انتى عنيدة كدا ليه؟
أميرة..انا بس عايزة افهم ابويا اللى رباني دا ابويا فعلا ولا جوز امي انا مبقتش فاهمة حاجة؟
حسين..لا هو ابوكي فعلا بس هو خبا الحقيقة دي ع اخواته عشان خلفك من وراهم ومكنوش عارفين بالموضوع دا بس لما جابك اتفق مع مرات عمى اسماء انها تقنع اخوه بجوازه من فهيمة عشان ملصحة معينة وعمل حبكة عليهم وكان عارف اخواته كويس بيطلعو قلوب ع الفلوس وخدو مبلغ محترم وتمت الجوازة بس انتى لما جيتى قالو انه فهيمة اتجوزت واحد كان عايش مرة وطفش وسابها ومعترفش بالبنت عشان كدا هو كتب البنت بأسمو انا عارف انه عمي ببغلط كتير اوي وبسبب غلطاته دي فى ناس كتير بتتاذى
أميرة..وانت فعلا اتجوزتنى معاك العقد؟
حسين..ايوة وجاسر شافو كمان
جاسر..انا مش معترف بالجوازة دي اصلا وعايزك تطلقها حالا
عشق بنبرة فرح مقدرتش تخبيها..يعنى أميرة طلعت متجوزة فعلا؟
جاسر بغيظ..وانت مالك مبسوطة كدا ليه؟
عشق..وانت مالك متضايق كدا ليه دي اتجوزت ليه محسسنى انها ماتت؟
جاسر..لا مش وقتك خالص وبعدين انت بتسالينى متضايق ليه انتى عارفة اللى قدامك دا مين اصلا امي موصيانى عليها قبل م تموت عايزانى اسلمها للانسان الوحيد اللى لو كانت عايشة مكنتش هتقبل بيه؟
عشق..لا اللى مكنتش هتقبل بيه كان عطية ودلوقت بقا ربنا يتولاه.. وبعدين الصراحة مش عارفة حياه أميرة متلغبطة كدا ليه ف الاول حبت ابن عمها وعايشة ف دور الاميرة والفارس المغوار اللى هيخطفها ع الحصان ويطير ف السما وف الاخر طلع وحش وكسرها وبعد م تقوم وربنا يقويها يحبها واحد مدمن تقوم هى تساعدو وباين عليه انه فعلا بيحبها بس هو ضعيف مش قادر يتحكم ف نفسه واذى البنت اللى بيقول عليها حبيته لا وكمان موت امها والغبية بدل م تجيب حقها لا رايحة تتنازل وجوزي حبييى بدل م يعقلها راح واتنازل والله اعلم عطية ناوي ع اي خايفة اصحى الاقي جوزي مش جمبى ولا انا كمان موجودة مقتلولة بقا مدبوحة مش عارفة لا واي الكارثة انه ممكن جوزي ييجى يقولى انك هتجوز أميرة كحماية ليها عشان هى لوحدها وملهاش حد
وبصت لجاسر كأنها قصدة ترمي الجملة دي لسبب ف دماغها
مش كدا ياجاسر؟
حسين..لا خالص يامدام عشق ابصملك بالعشرة انه جاسر عمرو م فكر بخونك ابدا ولو حتى جتلو فكرة انه يتجوز غيرك دي ابدا
جاسر..وانت مالك انت هو انا عينتك المحامي بتاعي؟
أميرة..انا عايزة اروح لبابا ممدوح انا لا هبقى هنا ولا هكون مع حسين انا همشى واسيهالكو مخضرة سيبونى ف حالي
جاسر بغيظ..اقعدي بقا ع جمب الله يسترك انا اصلا كلمتو وهو جاي وزمانى ع وصول وحكيتلو كل حاجة وهو بقا اللى يعقلك عشان انا جيبت اخرى
أميرا..انت بتكلمنى كدا ليه انت ملكش كلمة عليا اصلا خليك مع مراتك وانا همشى من هنا
حسين..بس جاسر بيتكلم صح انتى ليكى اهل وعيلة عايزة تروحي بعيد عنهم ليه؟
أميرة بقهرة..عيلة هى فين العيلة اللى بتتكلم عنها دي؟ انا متنازلة عن كل حاجة لو كنت اعرف بالموضوع دا كنت قولتلهم مش عايزة فلوس بس خلوني شايفة اللى بحبو شخص كويس ع الاقل كنا انا انت زمانا متجوزين ومعانا طفل بيلعب حوالينا دلوقت استحالة اعيش معاك تحت سقف واحد وهطلقنى ياحسين
طق طق طق طق
عشق..اكيد دا عم ممدوح انا هقوم افتح
وقامت وهى متعصبة وعايزة تهد الدنيا الخوف رجع تاني اقوي من الاول وحاسة انها بتموت بالبطىء ومحدش حاسس بيها
ممدوح دخل وخد أميرة ف حضنو هى م صدقت لقيته وفضلت تعيط بصوت عالي وهو بيحاول يهديها مش عارف
ممدوح بقلق..اعمل اي يبنى البت هتروح مني مش عارف اهديها
جاسر راح يشوفها بس حسين مسكو وقال..انت هتعمل اي؟
جاسر..ملكش فيه
حسين بعصبية..لا ليا ونص أميرة مراتى وانا مش رافع قرون عشان اخليك تلمسها ف وجودي لو مش عشانى عشان مراتك اللى واقفة دي راعي شعورها شوية انا هروحلها
اميرة بعياط..بابا مشيهم كلهم مش عايزة اشوف حد خدنى معاك
ممدوح..يابنتى انا
اميرة بقلق بصتلو فى اي يابابا
ممدوح بص لجاسر بقلق مش عارف يتكلم ويقولها ع الكارثة اللى حصلت يقولها انه مصلحتها بتقول انها لازم تبقى مع جاسر بس ف نفس الوقت مينفعش عشان الغلبانة اللى معاه غير كمان لو جاسر وافق يتجوز اميرة هيبقى غصب عنو وساعتها مشاكل الدنيا هتبقى مع مراته واستحالة تقبل تعيش معاه وممكن يحمل اميرة ذنب كل دا والاهم انها تستاهل تعيش مع الانسان اللى بيحبها بجد حتى لو غلط ف حقها ع الاقل هيبقى ارحم بكتير من انها تكون مع واحد متجوز
ممدوح..حبيبتي انتي لازم تكون مع حسين هو الوحيد اللى يقدر يحميكي
جاسر بعصبية..انت بتقول اي ياعمى دا انا جايبك عشان تهديها وتعقلها تقوم تعوم ع عومها انا مش هرميها للانسان دا ولو ع موتي
ممدوح بصلو بعصبية وقال. تقدر تتجوزها؟
الكل سكت حتى أميرة بطلت عياط ومسكت ف قميص ابوها جامد واستغربت نفسها انها عايزة تسمع اجابة جاسر
عشق بعصبية..هو اي شغل الهطل دا يتجوز مين ياراجل انت باين عليك كبرت وخرفت
جاسر بزعيق.عششققققققق
شدها من دراعها وبصلها بحزم..روحي اوضتك
عشق بصدمة..بتطردنى ياجاسر؟
جاسر بعصبية..بقولك ع اوضتك هعد ع لحد تلاتة لو مدخلتيش تبقى طالق ياعشق
عشق عنيها دمعت وقلبها اتحرق من جوة وبصتلو نظرة حس من خلالها انه حصل شرخ كبير بسبب علاقتهم مش عشان اللى حصل لا عشان كلمة طالق دي معناها كبير اوي خصوصا ع الست بتحس نفسها انها ملهاش قيمة عند الراجل اللى بتحبو وساعتها بتكشفت انه البعد ارحم مليون مرة
بصتله بتحدي وخرجت فعلا بس لما دخلت الاوضة منعت نفسها من العياط وقررت تلم هدومها وتمشى من البيت بس لما جت تعمل كدا افتكرت كلامها ساعة م كانت بتودع فهيمة
انا واميرة هنبقى اخوات وهنحب الخير لبعض ومش هعز عليها اي حاجة حتى لو وصل هديها روحي هعمل كدا دة وهتبقى ف بيتها ومش هتحس انها غريية ابدا دة وعد مني ليكي
قفلت الدولاب ورمت الشنطة ع الارض وعملت صوت شديد اوي وكانت هتصوت بس مسكت بقها تمنع شهقتها اللى لو حد سمعها هيموت من كتر حزنه عليها فضلت تلف حوالين نفسها والحلم بدا يدور ف دماغها زي الصدا ومش عارفة تهرب منو ابدا غمضت عنيها وحطت ايدها ف ودانها وهى بتتخيل جاسر و أميرة مع بعض
وعمالة تصرخ جامد اوي وتقول
لا كفاااااايااااااا انا مش هقدررر اسلم جوزي بايدي لواحدة تانية انا ااااه وعدت امي بكدا بس مكنتش اقصد انه روحي دي هتبقى جاسر والله كان عندي استعداد افديها بروحى واموت عادي بس مبقاش عايشة وشايفة اللى بحبو ف حضن غيرى يااااارب خدنى قبل اليوم دا لو جاسر اتجوز أميرة موتنى وخدنى مش هقدر اشوف حضنه دا استباح حد غيرى يارب مش هقدر استحمل
وفضلت تخبط ع قلبها جامد وتقول
قلبى دا متخلقش للوجع انا حافظت عليه لجاسر بس نار ايدة فيا طفيها ياااااارب انا بحبوووو يعنى كلامو اللى بيقولو ليا هيقولو لغيرى واللى بيعملو معايا قربو منى هيكون معاها لا لا لا انا مش هستحمل حراااام يارب انت متخليهوش يتجوزها قدرك عادل مش معقولة هتظلمنى انا عشان تنصر أميرة هى اه حصلها حاجات كتير بس دا مش معناه تكتبلها جوزي ياااااارب
استغفر الله العظيم انا مش معترضة ع نصييى ف الدنيا بس انا بفضفص اي اموت يعني
وقعدت ع الارض وفضلت تعيط ومش عارفة تحط اللوم ع مين ف كل اللى بيجرالها دا
لا لا جاسر لا كلو الا جاسر مش هقدر ع بعدو لا
نروح بقا لأميرة ونشوف حصل اي هناك
جاسر..اتجوزها ازاي بس ياعمى انا متجوز وبحب مراتى ومعنديش استعداد اجرحها ولا اخسرها
أميرة غمضت عنيها بوجع وتعب الدنيا كلها
ممدوح بعصبية..يبقى خلاص أميرة مش هتطلق من حسين وهيتتمو الجوازة من تاني وهياخدها ويسافر زي م قال لحد م موضوع اهلها يخلص وساعتها تقدر تعيش مرتاحة حسين اتغير كتير عن الاول وانسان عارف ربنا كويس وانا لو مش واثق فيه مش هديلو بنتى واللى حصل حصل ربنا بيسامح لازم تتستر ع راجل يحبها ويراعي ربنا فيها انت مش هتعرف تعمل كدا عشان ليك بيت ومش هتخربه لا عشان اميرة ولا غيرها وروح لمراتك اطمن عليها
اميرة ياحبيتي حسين بيحبك وانتى لازم توافقى ع اتمام الحوازة هو غلط ف حقك ربيه وطلعى عليه القديم والجديد بس انا مش هسلمك ليه غير لما يوعدنى بحاجة
حسين بأمل..انت تؤمر ياعمي قول وانا هعملك كل اللى انت عايزو
ممدوح..توعدنى انك تراعي ربنا فيها وتصبر عليها ومتجبرهاش ابدا ع اي حاجة ولا تزعقلها ومش عايزاها تشتكي منك ابدا حتى لو بعد سنين وحالك معاها زي م هو تصبر انت غلط كبير ولولا عارف انه ربنا بيسامح وشايف نور ف وشك غريب ببشدنى ليك مكنتش وافقت أميرة دلوقت ملهاش حد غيرك ياريت تبقى اد المسؤلية ومتأذنيش فيها
وانت ياجاسر اتمنى تبقى عاقل اكتر من كدا وتقدر اللى احنا فيه انت دورك لحد هنا خلص خلاص انت لو عايز تطمن عليها تمام دا حقك تشوف بنت الست اللى بتعتبرها والدتك عايشة مرتاحة ولا لا وانا اهو ياجاسر بقولك لو أميرة جت واشتكت من حسين ساعتها خدها واعمل اللى انت عايزو محدش هيمنعك ابدا
وانت ياحبييتي موافقة تروحي مع حسين؟
أميرة بصت لجاسر لقيته حيران ومش عارف ياخد قرار
وبصت لحسين لقت ف عنيه دموع ندم ولهفة عليها فكرتها بيه زمان
بلعت ريقها واختارت..........
بصوا بقا الناس بقا تصحصح كدا معايا عشان دخلنا ف الجد
أميرة من وجهة نظركو تستاهل تبقى مع جاسر ولا حسين؟
هو واحد متجوز ومينفعش تدخل هتطلع خسرانة وش
والتانى اغتصبها واتهمها ف شرفها حتى لو تاب وقرر يكفر عن ذنبو تفتكرو علاقتهم ببعض متستاهلش فرصة تانية؟
عطية بقا جرالو اي خمنو كدا اي اللى هيحصلوا؟


يتبع الفصل الثالث عشر اضغط هنا 
google-playkhamsatmostaqltradent