رواية احببت مصارع البارت الثامن 8 بقلم يوستينا سامي
رواية احببت مصارع الفصل الثامن 8
نور في اوضتها بتفتكر : انا نفسي ابقي زيك يا ...كابتن هو انت اسمك ايه
يوسف منشاوي ....منشاوي
نور بخوف : كفاية بقي كفاية ....ومسكت الكوباية وكسرت المراية أخرج من دمااغي ارحمني يا يوسف ارحمني
انا تعبت بقالي ٨ سنين بتعذب بسببك
فاجأه
كلهم سمعوا صوت ازاز بيتكسر جوا الاوضة
فدخلت منال وهنا وعمر وكمان ادهم
منال بخوف وهي بتبص علي الازاز : ايه ده ايه الي عمل كدة بس
ادهم: انت كويسة يا نور فيكي حاجة بصي يا هنا ليكون دخل في رجليها ازاز
هنا: ردي علينا مالك يا نور ايديك كلها دم
نور قاعدة علي الارض كانت بتعيط في صمت ومش بترد علي حد
منال قعدت جمبها: مالك يا حبيبتي فهمني بس
نور اترمت في حضنها وفضلت تعيط جامد وبدأت تتكلم بصوت متقطع يوجع القلب :
مافيش حاجة يا ماما انا بس مخنوقة اوي وكمان تعبانة ..وشمس مش بترد عليا وانا قلقانة اوي عليها
عمر : طب انا ممكن اروح اطمن عليها في البيت
هنا: لا طبعا انت مجنون ..أهلها ممكن يقتلوها وخصوصا جوز امها ده
ادهم :طب مش وقتوا الكلام ده تعالوا نخرج ونسيبها ترتاح يلااااا يا عمر
وفعلا عمر وادهم دخلوا البلكونة
________________________________$$
في البلكونة
ادهم: ايه بقي طمني عليك
عمر :وده وقتو يا ادهم انا قلقان علي نور اوي
ادهم: طب ما انا كمان قلقان ومافيش في ايدينا حاجة نعملها وبعدين هي لو في حاجة مديقاها هتقولها لطنط اطمن ...قولي حصل ايه
عمر: بص هقولك يا ادهم ..بس ماتقولش لهنا
ادهم بضحك : حاضر بس اعتقد ان اختك حاطة مكروفونات في البيت.. يا بابا
عمر: هههه طب بص يا سيدي انا مكلمتهاش وعملت لايك علي الصورة هي بعتتلي من شوية وانا مردتش
واتاخرت في الرد عليها
ادهم: طب ولله جدع ياض
عمر :بس وبعد كدة رديت عليها
فلاش باااك
عمر ببرود: الوو
فريدة: الو يا عمر ..ازيك
عمر: كويس. انت اي اخبارك
فريدة: علفكرة انت كنت برن عليك كتير وانت مردتش
عمر: ايه ده بجد سوري معلش بقي اصل عندنا ضيوف ومش مركز خالص
فريدة بغيرة: ولله وياترا الضيوف دول بنات ولا رجالة
عمر بفرحة: اممم ولله بنتين وولد
فريدة :ولله وطبعا انت مشغول مع البنتين مش كدة
سلااام
عمر بفرحة : استني يا مجنونة ...انت غيرانة
فريدة: نعم واغير ليه اصلا ....
وفجاه عمر سمع صوت ..ولد : فريدة يلا اتاخرتا
فريدة بنعومة : أيوة حاضر جاية ...سوري يا عمر مضطرة اقفل بقي باااي
بااااك
عمر بعصبية: مين ده بقي الي معاها ده
ادهم بضحك: ولا يا عمر دي مش بتحبك دي واقعة فيك
عمر :ادهم متعصبنيش بقي لله ..بقولك كانت مع حد مع ولد
ادهم : طب هي عندها اخوات شباب يعني
عمر: اه بتسال ليه .... تفتكر يكون اخوها ..
ادهم : عمر يا حبيبي انت مستني ايه علشان تعترف بحبك ...انت كدة هتضيعها من ايديك يا ابني البت بتحبك اووي كمان
عمر بخوف: لا يا عم ماتقولش كدة بس ...تضيع ايه بعد الشر انا مقدرش اعيش منغيرها ده كنت كل يوم بصحي علي صوتها
ادهم : اوباااا بقي ...خلاص كلم باباك عنها النهاردة وقوله انك عايز تتقدم لواحدة ولو اخدت منه الاوكي روح وتتكلم معاها واعرف منها كل حاجة بس المرة دي مش صديق حبيب يا عمر ولو تمام حط انت بقي حدود ليها للتعامل مع أي حد
عمر: ادهم انا بفكر اكلمها ..واقولها بحبك دلوقتي
ادهم: هههه يا ابني الي خلاك تستني كل ده يخليك تستني لحد ماتفاتح عمو في الموضوع
لازم تبقي راجل ولما تتكلم معاها وتقولها انا بحبك لازم يبقي كلوا شاهد عليك مش تليفوون يا عم
عمر : عندك حق انا داخل اوضتي شوية محتاج اجمع أفكاري سلاموز
ادهم: ربنا معاك يا عم الحبيب ...وفعلا دخل عمر اوضته ..
.ادهم في نفسه: جرا ايه يا عم أخصائي هتفضل كدة لحد امتي ...اومال اعمل ايه اكيد الي انا حاسس بيه ده وهم مش اكتر ......هو انا قاعد هنا ليه اصلا انا لازم اسافر لووفضلت هنا ممكن يحصل حاجة اندم عليها باقي عمري كله
وفجاه فهد جيه 😢
ادهم :فهد تعال عايزك
فهد: مش وقتوا يا آدهم.. هي فين نور كنت عايز اتكلم معاها
ادهم: اسكت مشوفتش الي حصل ...
فهد توتر :ايه الي حصل هي كويسة
ادهم :كويسة ايه بس احنا كنا قاعدين عادي فاجأه سمعنا صوت ازاز بيتكسر دخلنا لاقينا ايديها كلها دم والمراية بتاعها متكسر طة
فهد :بشك ليه ده كله ليييه
فهد في سره: ايه الي يخليها توصل لكدة اصلااااا
ادهم :معرفش يا فهد ولله معرفش ....هو فين يوسف
فهد: يوسف راح مكان تاني.. أصله اتخانق مع نور
فين بابا وعمه
ادهم: لسه تحت ..كويس انهم مش موجودين انا بجد مش مصدق في يومين يحصل كل ده ..اومال لو كملنا اسبوووع
فهد :عندك حق احنا لازم نمشي من هنااا احنا من ساعة ما جينا كل واحد عمل مصيبة
ادهم بتوتر : انت بتتكلم عن ايه بالضبط مصيبة ايه ...هو انت كويس ويوسف فين يا فهد
فهد : هاااه مافيش حاجة يا ادهم ..انا هلم هدومي وامشي بليل لازم امشي من هنااااا .
ادهم: لا ......
وفجاه ابراهيم وعادل دخلوااا
ابراهيم بدهشة : ايه واقفين كدة ليه مالكوا
عادل بضحك :هو البيت هادي ليه ...ده فيه اتنين قادرين يولعووه
ابراهيم :هههه عندك حق ولله ...مالك يا فهد يا ابني وشك مخطوف ليه كدة
هنا بتوتر :بابا أخيرا جيت
عادل بخوف :مالك يا هنا في ايه
منال خرجت من اوضه نور بعد ما قفلت النور والباب
اخيرا يا عادل من أمتي وانت بتغيب كدة عن البيت
عادل :ايه يا منال كنا قاعدين برا شوية والموبايل فصل ...في ايه وبعدين ما انا سايب اربع شباب زي الورد
منال بدموع: نور جات من برا حالتها صعبة اوي وانهارت وكسرت ازاز مرايتها ومن كتر العياط نامت و يوسف اتخانق مع نور وساب البيت ومشي
ابراهيم : يا خبر اكيد يوسف قالها حاجة خلاها تنهار كدة ..هو فين يوسف يا فهد
فهد :معرفش يا بابا.. انا كنت معاه بس هو مرديش يقولي وكمل هو بالعربية وانا نزلت
ابراهيم: طب رن عليه ...بسرعة
وفعلا بعد فترة كبيرة موبيل يوسف مقفول
فهد لقه البنت الي في الشقة (جميلة) بترن عليه
ابراهيم : ايه هو
فهد بتوتر: لاا.. لااا ده واحد صاحبي
ابراهيم :ده وقته .وفعلا كنسل عليه لكن رنت تاني وفهد استاذن علشان يرد
فهد بصوت واطي :الووو
البنت: الوو الحقني .........
فهد بخوف :انا حاليا جاااي اهدي بس ...وفعلا اخد المفاتيح وجري منغير ما يقول لحد حاجة
ابراهيم: فهد في ايه مااااك .....يا بني رد
فهد :مافيش. احد صاحبي ...وجري
ابراهيم بخنقة :ايه العيال دي ...رن يا ادهم علي يوسف
عادل بقلق :انا هقوم اشوف نور
منال :لا يا عادل انا ماصدقت انها نامت اصلا
عادل :طب ما انا عايز اطمن عليها يا منال
منال :لما تصحي بقي يا عادل
___$$$$$$$$$$$$$$$$$$$
في أوضة نور 🤪🤪
نور بتحلم أو بتفتكر حاجة في حلمها .
نور: لله شمس بصي الولد الي بيلعب ده انا نفسي اسلم عليه
شمس :اثبتي بقي يا نور ..هو انت تعرفيه وبعدين عمو لو جيه وملقكيش هيزعق جامد
نور :هروح يعني هروح ..انا هتسحب وادخل الاوضة دي وبابا مع واحد صاحبه... اوعي بقي بس راقبي الجوووو
وفعلا نور عرفت تهرب من الأمن وعرفت تدخل اوضه يوسف أو أوضة اللبس بتاعته
نور بدهشة : لله دي الاوضة حلوة اووي. ....ايه الصور دي جميلة اووي ..يا بختك
يوسف: احم
نور اتخضت جامد وبعدت عنه اووي واستخبت وراه الكنبة
وخصوصا أن يوسف ضخم اوي عنها ووقتها هي كانت رفيعة اوي وقصيرة ويعني تديها ١٠ سنين
يوسف بمرح: مالك خوفتي ليه كدة ...ده انت حتي جريئة انك تدخلي هنا المفروض متخفيش ولا ايه
نور بخوف وهي وراه الكنبة : انا نفسي ابقي زيك اوي
يوسف: ههه زي ازاي يعني ..وقعد علي الكرسي و بدأ يقلع الكوتشي
نور: انا بتكلم جد انا نفسي ادرب وابقي زيك ..قوية اوي انا بخاف من اي حاجة وكل حاجة عايزة مخفش من كل حاجة كدة ..انا صحابي كلهم بيتريقوا علياااا
يوسف بصلهااا واداها اهتمام: ..انت ...كام سنة
نور : انا ١٧ وانت
يوسف: هههههه ولله ده انا افتكرتك ١٢ سنة ده اخرك يعني انت بجد ١٧وسنة
نور بعصبية طفولية : لوسمحت حضرتك ماتتريقش علياا من فضلك
يوسف قرب منها ........
باااك
نور صحيت من النوم مفزوعة ..يوسف.
________________________&&
فهد جري علي البيت الي ماجره للبنت وفتح الباب
فهد: جميلة مالك
البنت: اه رجلي مش قادرة ادوس عليها
فهد :طب ..طب اهدي انا هخدك علي المستشفي تعالي
وفعلا فهد أخدها وركبها العربية وبدأ يسوق وهي عمالة تعيط جامد
فهد بخوف: ارجوكي اهدي متخفيش هتبقي كويسة
البنت :انا خايفة اوي يا فهد
فهد حس بسكينة اتغرزت جوا قلبه ومسك ايديها يطمنها واتكلم بهدوء عكس البركان الي هو فيه أو الخوف الي حسه: متخفيش مش هيحصل حاجة طول ما انا معاكي خليكي واثقة فيا يا جميلة
البنت اكتفت بنظرة عينها وحركت رأسها بمعني اه
وفعلا بعد وقت قليل جدا كانوا قدام المستشفي
فهد شالها ودخلها المستشفي ودخلت أوضة الكشف
الدكتور: اهدي يا ...
فهد: جميلة
الدكتو:ر اهدي يا جميلة كفاية عياط يا بنتي
فهد قرب علي جميلة أخدها في حضنه وفعلا استسلمت ليه
الدكتور: بص يا استاذ فهد احنا لازم نجبس رجليها
البنت بدأت تصرخ بصوت عالي
فهد :اهدي يا جميلة اهدي انا معاكي ولله
البنت: انا خايفة. انا بخاف ولله بخاف
فهد: أخدها في حضنه اكتر كأنه نفسه يدخلها جوه ضلوعه وبدأ يتكلم جمب ودمها بهدوء : اشششش انا اهو جمبك اهدي
وفعلا بدأت تستسلم واعصابها تهدي
فهد: اتفضل يا دكتور
وفعلا الدكتور بدأ يعمل الجبس للبنت وهي ماسكة في أيده جامد لحد ما الدكتور خلص كل حاجة وقالها انها ممنوع تتحرك تماما .
فهد بعد عن جميلة :شكرا يا دكتور تعبنا حضرتك اوي وشكرا انك استحملتنا
الدكتور بمرح: متقولش كدة دي زي بنتي ..خد بالك منها شكلها بتحبك اوي
فهد ابتسم ..بعد اذن حضرتك .وشالها وركبها العربية
________________&&
في العربية
جميلة بدموع : انا اسفة ...تلاقيك بتندم علي اليوم الي شوقتني فيه أو حتي عرفتني .. وبدأت تعيط جامد
فهد بحب :مين قالك كدة بقي انا مش ندمان أو اي حاجة من الهبل ده
البنت: ليه مش زعلان ليييه انت متعرفيش اصلا
فهد قرب منها وابتسم :علشان في حاجات بتحصل صدفة في حياتنا بس بتبقي احلي صدفة مرينا بيهااا
وشكلك انت هتبقي الصدفة دي يا جميلة
جميلة ابتسمت :عارف كلامك بجد بيطمني اوي يا فهد ...بس انا لازم امشي من هنا في اسرع وقت
فهد :متخفيش صدقيني أنا هتصرف وفي اقرب وقت وفعلا واخدها روح البيت
فهد :هااه اعتقد كل حاجة جمبك ..جميلة انا ممكن اقعد برا خالص في الصالة وانت في الاوضة...
جميلة بحدة :فهد ....امشي
فهد بحب: انا ولله خايف عليكي احسن تقعي اووتتزحلقي
جميلة: لا متخفش امشي بقااااا
فهد :حاضر لو تحتاجني اي حاجة كلميني ..اتفقنا
جميلة ببتسامة ساحرة: اتفقناااا
فهد خرج من البيت وحط أيده علي قلبه: يالهووي علي دي ابتسامة يارب صبرني
في أوضة نور
نور صحيت من النور مفزوعة ..بتبص علي موبيلها لقيته بيرن
نور بصدمة شمس ....الووو 😳😲
- تابع الفصل التالي عبر الرابط: "رواية احببت مصارع" اضغط على أسم الرواية