رواية علي واسما البارت السابع 7 بقلم اشرقت عبدالحكيم
رواية علي واسما الفصل السابع 7
جت ف بالها فكرة أنها تخرج وتكلم علي م علي تليفون اي حد غريب وفعلا خرجت وشافت الجارسون وطلبت منه كدة وادالها التليفون فعلا وكلمت علي ودار الحوار كالاتي
علي = ايوة مين
اسما = أنا اسما ي علي..... الحقنا
جه علي يقفل سمعها وهي بتقول الحقنا فكرها اتخطفت خصوصا أن الرقم غريب وهو كان قفل التليفون اصلا ولسوء الحظ فضل يرن تاني الشبكة مجمعتش وكانت اسما مشت الجارسون واول ما التليفون جمع علي فال
علي = الوو ي اسما ... انتي فين ومالك ايه حصل .... لو حد فيكوا عملها حاجة مش هرحمه وكان بيجري لحد ما وصل عند باب الاوضة كدة والجرسون قال
الجارسون = ي استاذ اهدي ف ايه .... حد مين وعمل ايه واضح أن ف سوء تفاهم
علي = سوء تفاهم ايه مراتي لسة مكلماني م الرقم ده وبتقول الحقنا وتقولي سوء تفاهم !!؟
الجارسون = ي استاذ اهدي .... انا جارسون ف الاوتيل اللي حضرتك نازل فيه والمدام طلبت مني التليفون عشان تكلم حضرتك وقبل ما حضرتك ترد عليها التليفون فصل بس كدة
علي = ااااه تمام .... معلش ي استاذ حقك عليا أنا آسف
الجارسون = ولا يهمك ي استاذ .... السلام عليكم
علي = وعليكم السلام
قفل علي معاه التليفون ودخل الاوضة وكان مخضوض جدا وباين ده ع ملامحه جدا
اسما = علي ... ف ايه ي علي مالك ايه حصل
علي =ف انك ما شاء الله بتمشي م دماغك ف كل حاجة.... ف انك مش عاملالي حساب .... ف انك مبتشغليش دماغك ابدا
اسما = ايه ايه ايه كل الإهانات دي عملت أنا ايه لكل ده
علي = هو ايه اللي عملتي ايه ..... بتكلميني م رقم غريب واول كلمة الحقنا المفروض أنا أعمل ايه دلوقتي ها وكمل الاخر بصوت عالي
اسما بزعل = يعني ده غلطي اني قلقت عليك .... يعني انت شايف اني غلطت ومش شايف انك لما مبتردش عليا ده مش غلط.... تمام ي علي تمام اوي
سابته وقعدت ع السرير وزي اي بنت ف الموقف ده طبيعي جدا أنها تعيط قعد علي جنبها وقال
علي = طب انتي بتعيطي ليه دلوقتي
اسما = عشان ... عشان أنت بتزعقلي وانت عارف م زمان اني مبحبش حد يزعقلي ي علي وبعدين أنا مغلطتش أنا فعلا قلقت عليك وانت ما شاء الله اللهم صل على النبي تلح بارد كلح غلس غتت جحلوف
علي = طب هو بعيدا عن كل اللي قولتيه ده بس يعني ايه جحلوف !؟
اسما = يعني احلف م الحلوف .... فهمت
علي = اه كدة فهمت .... خلاص بقا متزعليش عشان خاطري وبعدين منا كمان قلقت عليكوا لما بتقولي الحقنا وبتاع خوفت تكونوا اتخطفتوا ولا حاجة
اسما = ليه سايب سوسن ولا ايه
علي = عاش يرجولة
اسما = حبيبي يعمناااا
علي = طب ايه
اسما = ايه
علي = مش هناكل عشان ننزل نقعد ع البحر بالليل بقا
اسما = يلا يخويا نأكل يكش تبطل نكد وغلاسة صحتي بقيت ف النازل بسببك
علي = معلش حقك عليا أنا غلطان
اسما = طيب يخويا يلا
واكلوا وبعدين غيروا وإياد كان صحي م النوم خلاص ونزلوا اتمشوا ع الكرنيش
علي = عارفة ي اسما .... ف احساس كدة محدش يعرف يحسه غير أهل اسكندرية بس واي حد تاني مهما كان بيحب اسكندرية عمره ما يعرف يحسه ابدا زي احساس الابن بأمه .... او احساس الحبيب ب حبيبته حقيقي يعني أنا كان نفسي اوي اطلع اسكندراني
اسما = خلاص عيش هنا وواحدة واحدة هتبدأ تفهم طباع الناس وتفهم هما بيحسوا ب ايه
علي = أن أنا أعيش هنا ده عادي تمام لكن الصعب اني اوصل لطباعهم مثلا
اسما = يعم انت جربت
علي = خلاص يست بالراحة
اسما = الا هو ايه حكاية اسم ميد ترم اللي طلعتوه ع ميادة ده 😂
علي = يااااااااااااا خرابي ع الضحك بجد 😂
اسما = طب احكيلي اضحك معاك
علي = بصي ي ستي ميادة دي شكلها اصغر م سنه بكتير يعني هي دلوقتي قربت تخلص التلاتينات مثلا ... قضت ف الكلية اكتر ما قضت ف الابتدائي والإعدادي مثلا .... وسميناها ميد ترم لأنها كل ميد ترم كانت بتتأخر ومكانتش بتمتحن ويمكن ده اللي كان بيسقطها كل سنة كمان 😂
اسما = يعيني ... دي صعبت عليا والله 😂
علي = ميصعبش عليكي غالي يختي
وف وسط ما هما بيضحكوا اسما قالت
اسما بضحك = طب بص بص مين اللي هناك دي
علي بص هناك وقالوا هما الاتنين مرة واحدة
علي واسما = ميادة ميد ترم
- تابع الفصل التالي عبر الرابط: "رواية علي واسما" اضغط على أسم الرواية