رواية نصيبي في الحب الفصل السادس بقلم توتة
رواية نصيبي في الحب الفصل السادس
وانا بنزل عماله بتلفت ورايا عشان ملقيهوش وفجأه لقيتني بخبط في حد
نور: ايه ده مش تحاسب
يوسف: انتي اللي نازله تتلفتي وراكي
نور: أنا !
يوسف : مفيش غيرك موجود فأكيد انتي
سيبته ومشيت طلعت الجنينه وقفت اتفرج على شروق الشمس
_ ايه اللي مصحيكي بدري ؟
نور: مش جايلي نوم
ندي: عشان صاحبتك؟
نور: ممكن
ندي: بس هما ليه باباها ومامتها يعملوا فيها كده
نور : بصي هيا من وهيا صغيره وهيا بتعاني من حياتها بسبب ضرب باباها ليها ومامتها
ندي: بس هما ليه معاها كده ؟
نور: عشان هيا كانت عايزه تتعلم وهما رافضين
ندي: مش يمكن عشان هما مش معاهم فلوس
نور: ماما زي م انتي عارفه كانت مدرسه دخلتها المدرسه اللي انا فيها وتكفلت بدفع مصاريفها وكانت بتجيبها البيت تذاكر معايا وانا كنت فعلا بشوفها اختي وبس
ندي: وهما ايه اللي مدايقهم في ده؟
نور: كان عايز يشغلها من صغرها في البيوت عشان الفلوس
ندي: وبعدين ..
نور: بابا كان بيديلوا كل شهر مبلغ وفهمه أن داليا شغاله عندنا وهيا كانت معايا لحد ما دخلنا هندسه مع بعض
ندي: وبعد لما ماتوا !
نور: عمي تولى المهمه لحد ما جت ضرايب علي كل حاجه واول شهر ماخدش فيه فلوس عمل ايه في ولاده
ندي: ربنا يكون في عونها كويس أن انتي صاحبتها
نور: الحمد لله
ندي : اكيد بابا هينقلها جامعتها معاكي
نور: انشاء الله تيجي هيا بس ونشوف الدنيا تمشي ازاي
ندي: مش هتنامي !
نور: لا مش جايلي نوم انتي ايه اللي مصحيكي ؟
ندي: كنت بشرب بس
نور: اهه
وسابتني وطلعت
وقفت شويه لقيت ادم نازل وخارج بره
نور:ايه ده انت رايح فين بدري كده ؟
ادم: رايح النادي
نور: هو انت بتروح نادي
ادم: اه تحبي تروحي
نور: هضايقك!؟
ادم: ايه اللي انتي بتقوليه ده؟ لا طبعا
نور: طيب هو أنا هشترك في النادي وهروح بس مش هينفع انهارده عشان صاحبتي
ادم: اه طبعا براحتك
نور: ماشي
هو مشي وانا طلعت اوضتي قعدت فيها
وكتبت مذكراتي كالمعتاد
عدي وقت معرفش قد ايه لقيت الفون بيرن
نور: عملتي ايه؟
داليا : بجد من غيرك مكنتش عرفت أنا هعمل ايه
نور: برضو هتقولي معرفش
داليا : حقيقي يا نور
نور: طيب انسي بقا اللي حصل وبمجرد وصولك هنا ارمي حياتك اللي فاتت ورا ضهرك
داليا: أنا خايفه اجي ابقا عبئ على عيلتك
نور: اصلا هما اللي قالو لي اتصل عليكي واقولك تيجي
داليا :ربنا يخليهم يارب
نور: مش عايزه نواح بقا
داليا: طب والجامعه يا نور
نور: قولتلك متشيليش هم
داليا: ازاي يعني ده همي أنا مش همك
نور: وانا وانتي واحد
قعدنا نرغي مع بعض كده شويه لحد م الباب خبط
نور: طب ثانيه واحده يا داليا
وروحت فتحت الباب
ساره: الفطار جاهز
نور: ماشي نازله
قفلت مع داليا ونزلت لقيتهم كلهم ماعدا ادم ويوسف
نور: صباح الخير
الكل : صباح النور
قعدت وبعد دقايق بسيطه لقيته نزل
يوسف: صباح الخير
الكل: صباح النور
جدو: تعال افطر يلا
يوسف: حاضر
بعد شويه
نهال: شوفت نور يا جو ؟
يوسف: اه شوفتها الصبح
جدو: عرفتو بعض ولا لا
نور: لا معرفناش بعض أنا بس أعرفه من ساره وهبه
يوسف : بالظبط كده
خالو: طيب أنا همشي أنا عشان الشغل
نهال: طب كمل فطارك
خالو: الحمد لله
يوسف : هستناك عشان التعاقد مع شركه BDF
خالو: لما ارجع
ساره: هو انت جاي عشان شغل
يوسف : الصراحه اه
هبه: يعني مش جاي تقعد معانا
يوسف: هعوضهالكوا والله
نهال: اه وهتقعد اد ايه بقا؟
يوسف: لما الصفقة اللي انا شغال فيها تخلص
جدو: ارحم نفسك شويه من الشغل يبني
يوسف: حاضر هحاول
وخلصنا فقرة الفطار دي
طلعت اوضتي غيرت ونزلت اجيب داليا من المحطه
ورجعت البيت وسلمت على كل الموجودين وشكرت تيته وجدو ونهال وخالو على اللي عملوه معاها وبعدين اختارولها اوضه كبيره ليها هي واخواتها الصغيرين
سبتها مع أخواتها عشان تنيمهم وترتاح هيا كمان
نزلت الجنينه وسمعت أغاني بالهاند فري بدل الملل اللي انا حساه
وسرحت في الماضي قطع سرحاني رن الفون
لقيته عمي
نور: الو
عمي: ازيك يا نور اخبارك ايه ؟
نور: الحمد لله عايشه والله وحضرتك عامل ايه؟
عمي: كله تمام المهم انتي لو عايزه اي حاجه رني عليا
نور: حاضر
خلصت مع عمي ودخلت لقيت نهال
نور: اساعدك!
نهال: تعالي
قعدنا نجهز الغدا لحد ما خلصنا
طلعت لداليا عشان تنزل تتغدي
نور: يلا انزلي عشان تتغدي
داليا: كمان
نور: يلا انزلي بقا وكفايه تعليقاتك البايخه دي
داليا: طيب بس انا من ساعة ما جيت وانتي مش على بعضك
نور: ليه بتقولي كده ؟
داليا: مش انا اللي بقول وشك هو اللي بيقول
نور: بطلي كلام فارغ ويلا انزلي
داليا: ماشي يا بطل وراكي
نور: بسرعه
سبتها ونزلت لقيت نهال
نهال: نور معلش اطلعي نادي ل ندي وإيمان
نور: حاضر
طلعت اندهلهم
خبطت على الباب
ندى : نعم
نور: نهال بتناديلك عشان الغدا
ندي: نازلين
نور: ماشي
نزلت حولت الغدا مع نهال علي السفره
نهال: هو محدش عايز ينزل ليه ؟
نور: أنا نديت لندي وإيمان
نهال: اهم شرفوا سيادتهم
ندي: ايه بتزعقي ليه؟
نهال: انتي يا بت انتي وهيا مبتنزلوش من بدري ليه ومالكوا وشكوا مقلوب ليه ؟
إيمان بعياط: مفيش
نهال : انتي بتعيطي ليه ؟
ندي: خلاص قالتلك مفيش
نهال: والله لو مقلتوش في ايه لهقول لأبوكوا يتصرف معاكوا
إيمان بعياط: اياد مات
نهال: مين اياد ده
ندي: طفل عنده كانسر كنا دايما بنزوره
نهال: خلاص اهدوا ساره عرفت
ندي: لا لسه
نهال: طب خلاص اهدوا كده وبطلوا عياط ومتقولهاش دلوقتي مش ناقصين غم
نهال هدتهم
نهال : طب ساره فين ؟
ندي: مش عارفه
نور: هطلع اشوفها في اوضتها
نهال: ماشي
طلعت خبطت على الباب ومحدش بيرد
نزلت قولت لنهال
نهال اتصلت عليها
نهال: الو
..............
نهال: انتي فين
...............
نهال: طب متتأخريش
..............
نهال: سلام
ندي: فين ؟
نهال: في السوبر ماركت
إيمان: فين هبه وملك
نهال: راحو المعرض انهارده عندهم شغل كتير
لقينا ادم نازل
ادم: ايه واقفين كده ليه؟
نهال: عادي بقولك يا نور اطلعي نادي يوسف وانا هنادي جدك وجدتك
نور باضطرار : ماشي
طلعت اناديه وخبطت على باب اوضته طلع و كان قالع التيشيرت
نور: ايه ده
يوسف: سوري معرفش أن انتي اللي بتخبطي
نور: طيب نهال بتناديلك عشان الغدا
يوسف: حاضر نازل اهو
سيبته ونزلت
قعدنا نتغدا
خالو: أنا نقلت جامعتك مع نور يا داليا
داليا: بجد مش عارفه اشكر حضرتك ازاي
خالو: انتي زي بناتي بالظبط متقوليش حاجه
جدو: اه وانتي يا نور جامعتك بكره
نور: بكره!
جدو: ايوه يا نور انتي وصاحبتك بقا وادم هيبقى معاكوا
بس هو اكبر منكم بسنه
نور: تمام هخرج مع داليا انهارده نشتري شوية حاجات للجامعه
جدو: ماشي يا نور بس خدي معاكي حد زي ادم أو يوسف
نور: طب أنا عندي فكره تانيه
ممكن كلنا نخرج
ايه رايك يا ندي انتي وإيمان؟
ندي: لا اخرجوا انتوا
نور: فرفشي شويه
ندي: معلش مش قادره اخرج
نهال: اخرجي يا ندي انتي بتحبي الخروج
ساره: وانا هخرج بس لو خرجتوا كلكوا
ادم: وانا عادي بالنسبالي
نور: ايه رايك يا ندي
ندي: أنا مش قادره اخرج
ساره: انتي يا ندي بتحبي الخروج ايه اللي جرالك انتي وإيمان
ندي: مفيش حاجه
ساره: م انتي مش ندي اللي انا اعرفها
ندي: خلاص يا ساره هخرج
ايه رايك يا ايمان ؟
إيمان: مش عارفه
نهال: احنا هنتحايل عليكوا
ساره: خلاص يا ايمان م هي ندي هتخرج وانتي كمان لازم تخرجي
إيمان: ماشي
ساره: بس جو هيخرج
يوسف: جو مين اللي يخرج
ساره: للدرجادي شغلك مهم
يوسف: مش كده بس انا مليش في جو الخروج ده
خالو: اخرج يا يوسف وانا ترجع كمل شغلك الشغل مش هيطير
نهال: روح معاهم بقا مش هنتحايل عليكوا
وتحت ضغط الكل وافق أنه ييجري معانا
_______________________________
غيرنا هدومنا كلنا ونزلنا
وركبنا كالتالي
أنا وساره وداليا ويوسف في عربيه
وادم وندي وإيمان في عربيه
ساره وصفت ليوسف مكان كويس نروحه
وادم ماشي ورانا وحالة صمت سائده علينا
وصلنا مكان كبير تقريبا فيه كل حاجه
نزلنا نشوف الحاجات اللي محتاجينها وتقريبا كده الحمد لله يعني ندي وإيمان بدأوا يفكوا جبنا اللي احنا عايزينه
ساره: ايه رأيكوا نروح نقعد على البحر
ادم: فكره حلوه
داليا: ايوه يلا بينا
ايه رأيك يا نور؟
نور: معنديش مانع
وروحنا قعدنا على البحر
نور: الجو هنا حلو اوي
داليا : فعلا
ساره : مين عايز يتمشي
داليا: أنا
ساره: ماشي تعالي يلا أنا وانتي نتمشي
ندي: تعالي معايا يا ايمان نتمشي
إيمان: يلا
نور: استنوا انتوا هتسيبوني لوحدي هنا
ندي : اتمشي انتي كمان
وقفت باحراج معاهم
ادم: مش عايزه تتمشي
يوسف: والله وانا اقف لوحدي
ادم: لا تعالي اتمشي معانا
نور: طب متتمشوا انتوا وانا بحب اقف لوحدي هستناكوا كلكوا
ادم: مش هينفع اصلا نسيبك
نور: لا عادي أنا مش صغيره
يوسف: خلاص يا ادم بقا احنا واقفين اهو
ادم: ماشي
وقفت اتفرج على البحر
وافتكرت ساعة لما كنت مع ماما وبابا أخر مره هنا
ادم: طيب أنا هروح اشتري ايس كريم
يوسف: ماشي
يوسف: تتمشي شويه
نور: ماشي
مشيت معاه في صمت غريب وبعدين ...........
يتبع 🖤☺️
#نصيبي_في_الحب
بقلم: توته
_____________________________
انشاء الله البارت الجاي احداث مثيره
بس احنا لسه في البدايات ونبدأ نعرفكوا بالأبطال
______________________________
نور: فتاه في بداية العشرينات ليست طويله أو قصيره عينيها خضراء وشعرها بني في بدايته ولكنه اصفر في آخره
ليست محجبه ولكنها فتاه غايه في الجمال هذا يكفي
يوسف: فهو بطلنا الذي عيناه بني داكن وشعره طويل ورائع واحيانا يتساقط على عينيه فهو شاب طويل ورجل أعمال كبير
ادم: باد بوي سكر كده بشعره المتساوي وعينيه السوداء الرائعه فهو ليس طويل او قصير
ولكنه مثل سكاكر الفطيره
نيجي بقا لداليا : عينيها بني مش محجبه برضه وشعرها قصير ليصل الي حلمة ودنها ولكنها قصيره
دول كده اهم ابطال قصتنا
* إيمان وندي توأم
وهذه معلومات كافيه اليوم
بس لسه فيه أشخاص مظهروش
يتبع الفصل السابع اضغط هنا
- الفهرس يحتوي على جميع فصول الرواية كاملة :"رواية نصيبي في الحب" اضغط على اسم الرواية