رواية وقعت فى العشق الفصل السادس بقلم أمل السقا
رواية وقعت فى العشق الفصل السادس
بعد منتصف الليل *
زينه: يعني انت عايزني اروح معاك ليه برضو مش فاهمه؟ ما انت عارف انى بميل للهدوء وبعدين ده شغل انا مالي بيه؟
زياد ببرود وهو يميل بظهر للخلف على الكرسي: مش انا قولتلك قبل كده اني هاخدك معايا في الوقت المناسب تشتغلي في الشركه عشان تتعلمي الشجاعة؟ اهو ده بقا الوقت المناسب عشان كده حضري شنطتك وبكرة الساعه 8 تبقي واقفه تحت وجاهزة"قالها وهو يقف ".
زينه: بس انا مش عايزة اروح وبعدين بابا اكيد مش هيوافق.
زياد: لا ما انا قولتله و وافق، صحيح فاكره عز مراد؟
زينه" وقد دق قلبها بسرعه كبيره لا تعلم لماذا ": ايوه ماله.
زياد" وهو يخرج ": جاي معانا بكره ومعانا بنت اسمها عشق برضو جايه يعني مش هتزهقي بإذن الله تصبحي على خير بقا" وخرج وقفل الباب "
زينه" فى نفسها" ده انا مشوفتهوش من زمان قوي المهم بقا الحق اجهز نفسي.
*فى صباح يوم جديد *
مراد: والله يا بنتي ما عارف هنقعدمن غيركم اسبوع ازاي مكنتش موافق على الموضوع ده اصلا بس يلا بقا المهم خلو بالكم من نفسكم
عشق "بدموع" والله هتوحشني يا ميرو انت وجميله "وبعدين قربت من مامتها وقالتلها بهمس": خدي راحتك بقا يا جيمي البيت هيفضالكم أهه هنسيبك تستفردى بالراجل لوحدك"قالتها بغمزة"
جميله بضحكه جميله زيها: والله ما عارفه انتي جايبه الكلام ده منين يا بنتي ارحميني وبعدين امشي يلا اخوكي مستنيكي هههههههه.
عشق بمرح: ايوه بقا انتي بتوزعيني عشان تنتهزى الفرصه "بصت لوالدها وقالت" خلي بالك من نفسك يا ميرو عشان كيدهن عظيم هه هههههههه
مراد بهزار: لا متقلقيش احنا جامدين برضو "وغمز لجميله اللي وشها بقا عبارة عن حبة طماطم.
عشق"بصفير": الله عليك يا مراد يا جامد هههههههه طب استاذنكم بقا علشان تلحقو تجيبولنا نونو هههههههه" وطلعت تجري على بره "
*ملحوظه:- هي عملت كل ده عشان متسلمش عليهم عشان أول مره تبعد عنهم ولو سلمت كانت هتعيط وهي مش عايزة كده وطبعاً اهلها عارفين كده كويس.
*فى عربية عز *
عز بملل: كل ده بتسلمي عليهم روحي يا شيخه منك لله هتشليني.
عشق بهزار: يا بني كنت بوصيهم على بعض الولاد لسه صغيرين ومش فاهمين حاجه.
عز "وهو يدير السياره": طب بقولك ايه من هنا لحد ما نوصل عند زياد مش عايز اسمع صوتك ماشي.
عشق بزهق: ماشي يا خويا بس شغل عمرو دياب بقا.
*بعد نص ساعه وصلو المكان اللي فيه زينه وزياد" طبعاً هما سلموا على اهلهم برضو بس عالسريع بس طبعاً زينه مبطلتش عياط لانها مش متعوده على كده دهغير انها كيوت قوى 😂"
زينه بضيق : هما اتأخروا كده ليه؟
زياد بهيام وهو ينظر لعشق: اهم جم اهم
زينه بصت لعز وقالت فى نفسها: يخربيت حلاوتك يا أخى
زينه: احم احم ينفع كده بقالنا ساعه ونص مستنيين "وفجأه سمعت صوت اللكمه فشهقت بحده وقالت لعز: انت ازاي تعمل كده انت متخلف.
عز ببرود وهو ينظر لزياد اللي حاطت ايده جنب شفايفه بيمنع الدم وبيضحك كأنه كان عارف ان ده هيحصل: ملكيش دعوه انتي ده حساب وبصفيه" وبعدين حضن زياد وقال بهمس ": عشان بعد كده متفكرش تزعل عشق تاني ثم أضاف بصوت عالي: وحشتني والله يا زياد مشوفتكش من امبارح هههههههه
زياد: ابو دمك يا أخي أنا كويس يا حبيبي والله كويس.
زياد وهو ينظر لعشق: ازيك يا عشق.
عشق وهي بتوجه كلامها لزينه ومش مديه أي اهتمام لزياد: ازيك يا قمر ما تعرفنا يا عز.
زينه بضيق" عشان سمعت عز وهو بيكلم زياد ": اهلاً انا زينه اخت زياد وانتي؟
عشق بمحبه: انا عشق اتشرفت بيكي يا زينه.
زينه: انا اكتر
مش يلا بينا بقا ولا هنفضل قاعدين هنا
زياد: يلا بينا
بقولك يا عز ما تخلي عربيتك هنا ونروح بعربيتي وخلاص.
عز: امممممم ماشي مفيش مشكله
ايه رأيك يا عشق؟
عشق: عادي يا زوز مفيش مشكله.
زياد: مادام كده بقا يبقا يلا بينا.
*ركبو العربيه زياد بيسوق وعز جنبه وعشق وزينه ورى ومفيش بينهم أي كلام نهائي فى نص الطريق لقو طوب مرصوص وكان الطريق مقطوع"
زياد باستغراب: ايه ده الطوب ده جه هنا ازاي؟
عز: مش عارف استنى هنزل ازيحه عن الطريق ونمشي.
عشق بسرعه: لا يا عز محدش ينزل ده اكيد كمين وفيه وراه حراميه متنزلش عشان خاطري وبعدين اكيد فيه طريق تاني غير ده.
زياد بتريقه: كمين فى الوقت ده؟ هههههههه انتي شكلك بتسمعي افلام اكشن كتير.
عشق بعصبيه: لو سمحت متتكلمش معايا كده وانا بقول اللي انا حساه مش أي كلام وخلاص.
زينه اتدخلت و وجهت كلامها لعشق هي اصلا مش طايقاها: لو سمحتي متتكلميش مع اخويا كده لان ده مش من حقك.
عز بزعيق: بااااااس فيه ايه ما تضربوا بعض احسن الله.
بص لعشق وقال بهدووء: متخافيش يا شوشو مفيش أي كمين بيتعمل فى نص النهار كده دول اكيد صدفه يعني.
عشق بخوف: لا مش صدفه صدقني والله مش صدفه انت عارف ان احساسي صح، بص انا هنزل معاك.
زياد بحده: انتي تنزلي معاه وانا ايه؟ كيس جوافه قدامك؟ انا هنزل اشيلهم لوحدي عشان تتأكدي ان مفيش حاجه وياريت بعدها تنقطينا بسكاتك.
عشق تجاهلة التريقه اللي بيتكلم بيها وقالت ببرود: تمام
زياد اتغاظ من تجاهلها ليه هو كان عايزها تتعصب بس محصلش وده دايقه جدا وبعدين نزل وعز نزل وراه ولسه هيزيحو الطوب لقو اربع رجاله طالعين عليهم بعصيان "طبعاً عز وزياد لا معاهم عصيان ولا أي حاجة"
عز بصوت عالي: عشق اقفلوا العربيه عليكم ومتنزلوش مهما حصل
زينه بتعيط وبتصرخ
عشق قالت: بقولك ايه مش وقته دلوقتي وفرى نحيبك ده لبعدين خلينا نعرف نتصرف ونساعدهم.
زينه بخوف واضح: انا خايفه قوي احنا هنموت.
عشق: بصي انتي شكلك قلبك رهيف خليكي هنا وانا هساعدهم "ونزلت وقفلت العربيه على زينه عشان متنزلش"
وعز وزياد بيحاولوا يتغلبوا على الرجاله بس مش عارفين عشان خدو شويه ضرب محترمين بالعصيان اللي معاهم في معظم اجزاء جسمهم "
عشق "لمحت واحد رايح يخبط زياد على دماغه بالعصايه جريت بسرعه وحط ايدها عشان تمنعه وبعدين ضربت الراجل بالرجل تحت الحزام فوقع على الارض وهو بيصرخ" وهي مسكت ايدها بألم واضح جدا.
زياد"وهو بيضرب الراجل التاني ": احنا مش قولنا محدش ينزل مش خايفه علي نفسك؟
عشق وهي بتمسك شويه رمل فى ايدها: خليك في اللي انت فيه دلوقتي مش وقت أوامر." وبعدين راحت لعز وكان قدامه راجلين بيحاولوا يخبطوه وقالت: عز حاول ترجع لورا شويه وخليهم يبقو قدامك
"عز فضل يحاول لحد ما بقى فيه مسافه بسيطه بينهم راحت عشق ماسكه الرمل ورمته فى وشهم لحد ما عنيهم اتحشت رمل عشان يعرفوا يتلغبوا عليهم"
عشق بضحك: هههههههه أضربوهم بقا يا ولاد خدو راحتكم على الاخر "وفجأه لمحت زياد على الارض و الراجل الرابع بيجري عليه علشان يخبطه جت هي قعدت على الارض ومسكت رجله من تحت وقعته على وشه وبعدين قالت: دا انتو طلعتو عيال سوسو جاتكم نيله يلا يا اخويا انت وهو عشان نمشي قبل ما يصحصحو تاني وبعدين خدت بالها من الهدوء اللي في العربيه
عشق بخضه: احيه زينه راحت فين وراحوا العربيه لقوها اغمى عليها...
حاولو يفوقوها لحد ما فاقت وقامت حضنت زياد وبعدين مسكت ايد عشق اللي اتخبطت فيها وقالت بامتنان.
زينه: شكرا جدا يا عشق بجد انتي لحقتي زياد كان ممكن يحصله حاجه.
عشق وهي بتحاول تكتم الألم على قد ما تقدر بس في النهاية فشلت : يا حبيبتي متقوليش كده ده واجبي "ثم صرخت بصوت عالي" ااااااه
زياد بقلق: اكيد ايدها فيها حاجه لان الراجل خبطها جامد يلا بسرعه عالمستشفى
عز بقلق ودموع: عشق انتي كويسه دراعك فيه ايه طمنيني الله يخليكي.
عشق: انا كويسه يا زوز خير ان شاء الله متقلقش وبعدين الموضوع مش مستاهل مستشفى يا باشمهندس انا شويه وهبقى تمام ان شاء الله سوق انت بس بسرعه قبل الليل ما يليل.
زياد مردش عليها لأنه كان قلقان وخاف يزعقلها ويتهور عليها والوضع اصلا مش ناقص توتر بينهم *بعد حوالي نص ساعة من سرعة زياد بالعربية وقلق عز وزينه على عشق و محاولة عشق ف انها تتغلب على المها لقوا نفسهم قدام مستشفى "
عشق بتردد: مش انا قولت مش مستاهله مستشفى روحنا لو سمحت انا مش داخله
زياد قال لعز: خليها تدخل بالزوق بدل ما اشيلها ادخلها بالعافيه.
عشق نزلت بسرعه ودخلت على جوه وعز وزياد بيضحكوا عليها بس فجأة لقوها وقعت مغمى عليها عند مدخل المستشفى والاتنين طلعوا يجروا عليها، عز شالها دخلها جوه ومش واخد باله من نظرات زينه اللى فاضل شويه وتحرقه بيها.
الدكتور: ده كسر بسيط هو مش محتاج انه يتجبس بس بلاش تحرك دراعها كتير عشان هيبقي غلط عليها ولو فضل يألمها كده هنضطر نجبسه ولازم تمشي علي العلاج ده.
عز: تمام يا دكتور شكرا جدا.
الدكتور: العفو ده واجبي شرفتونا " وسابهم وخرج "
عشق وهي بتقوم: يلا عشان انا تعبانه وعايزه انام وخرجوا كلهم و وصلوا الشاليه بتاعهم
زياد: حمد لله علي السلامه
كلهم: الله يسلمك
زياد لعشق: عامله ايه دلوقتي يا عشق
عشق بتجاهل: كويسه هو احنا هننام فين؟
عز وهو بيشاور على اوضه: انتي يا عشق نامى هنا و زينه تنام هنا " شاور على اوضه تانيه " وانا وزياد هننام هنا"
زياد باعتراض: لا يا عم روح انت نام في الاوضه دي وانا هنام لوحدي وزينه وعشق يناموا مع بعض انا مش عايز انام معاك.
عز ببرود: لا يا زيزو البنات كل واحده في اوضتها عشان ياخدو راحتهم "وفجأه سمعو صوت بيبان الاوض بتاعت زينه وعشق بتتقفل"
زياد: منك لله اديهم كل واحده دخلت اوضه غور بقا من وشي خليني ادخل استحمى عشان انام.
"وكل واحد فيهم غط في نوم عميق"
في صباح اليوم التالي في تمام الساعه الخامسه صباحاً. زياد وهو بيبص من الشباك لقى واحده قاعده علي الشط وعرف من هيئتها انها عشق بس كانت لابسه ترنج بناتي سيمون وحاطه الطرحه علي شعرها بس من غير ما تلفها يعني اي حاجه كده علي اساس ان مفيش حد يخرج من البيت دلوقتي فمحدش هيشوفها فجأة سمعت صوت رجولي جنبها.
شخص ما: الحلو قاعد لوحده هنا ليه؟ مش عايزة ونس طيب "عشق سمعته بس مردتش عليه وطنشت بس الراجل حاول يحط ايده علي الطرحه ويشدها بس ملحقش"
زياد ببرود: مش عيب لما تشيل طرحه الست يا ابن........ وضربه بالبونيه فى وشه
الرجل وقع على الارض وبعدين قام وجرى.
عشق وهي تنظر للبحر بشرود: شكرا
زياد بحده: انتي ايه اللي مقعدك هنا لوحدك كده؟ ولا عاجبك اللي كان هيعمله ده؟ افرضي مكنتش جيت كان ايه اللي هيحصل وانتي حتى دراعك مش هتقدرى تحركيه وتدافعى عن نفسك.
عشق وعينيها مليانه دموع: انت ايه يا أخى؟ مخلوق عشان تقولي كلام يجرح؟ مبتعرفش تعمل أي حاجه حلوه في حياتك خالص؟ مش معني اني بسكت يبقي مش قادره ارد على فكره بس انا هسيبك براحتك خالص اعمل اللى انت عايزة بس متبقاش تقول ياريت وبالمناسبه انا ايدي صحيح وجعاني بس اعرف اخد حقي كويس جدا "وسابته ومشت
يتبع الفصل الفصل السابع اضغط هنا
- الفهرس يحتوي على جميع فصول الرواية كاملة :"رواية وقعت فى العشق" اضغط على اسم الرواية