رواية ملاكي البرئ الفصل الخامس 5 بقلم ايمان ياسر

  رواية ملاكي البرئ الفصل الخامس 5 بقلم ايمان ياسر

رواية ملاكي البرئ الفصل الخامس

دخلت ملك البيت وفى دماغها كذا سؤال ،، يعنى اى اللى شوفتها دى ميته!؟؟ طب ازاى بس ..

 ي لهوى طط طب واشمعنى انا بالذات ،  لا انا خايفه .. لقيت الباب بيخبط انتفضت من مكانها ،، 

كريمه : اى ي ملك بنادى عليكى كل ده مش سمعانى .

ملك : معلش ي ماما مخدتش بالى ، كنتى عاوزة حاجه.

كريمه : اه بكرا هنروح عشان نجيب الدهب ، وتحجزى الفستان ..

ملك : ماشى ي ماما .. مالك ي ملك ف حاجه حصلت ف الشغل ..

ملك : ها لا عادى بس المرضى حالتهم صعبه اوى ، وشردت مع نفسها  ليه الناس مؤذيه كدا لدرجه يوصلوهم للانتحار ..

كريمه بخوف : ي مصيبتى ، انتحار اى ..

ملك : متخديش ف بالك ي كرمله ، هنام بقى عشان ميته نوم ..

 تصبحى ع خير .

ويا ترى دا كمان متصلش ليه هو انا ماليش رأى ف ام الجوازه دى ولا اى .! وحتى لو اتصل مش هرد اصلا ..عاااادى 

جالها اتصال من سيف بسرعه ردت : ألو ..

سيف بابتسامه : وحشتك صح ، اكيد اليوم كان من غيرى ملل مش كدا ، متتكسفيش وقولى اه مش هينقص من كرامتك حته  .

ملك : خف نرجسيه شويه ياا ،،، وبعدين انت ازاى متقوليش أننا بكرا رايحين اى خاطب كيس لب هنا ولا اى ..

سيف بنفس طريقتها : بس احنا لسه مش مخطوبين ع ما اعتقد..

ملك بصوا واطى : مستفز بتردهالى يعنى ،،.

 سيف : ع العموم بكرا ازهقك منى ، اه هتوحشينى لحد بكرا علفكرا ، اوعى تكونى مش عارفه  لاحسن ازعل..

ملك بابتسامه وخبتها بسرعه : شكل الفراغ قتلك ي حرام .. روح نام .

سيف: سلام ي قمر .. ملك : سلام وفرحت اول مره تجرب شعور الاهتمام كدا من حد ، شكلك مش سهل بس والله حبوب كدا ..

"***"

 تانى يوم نزلوا يجيبوا الدهب وبعدين بداو يشوفوا الفستان ..

سيف : استنى اى ده مش حلو خالص ،، شوفى غيره .

ملك : بتقول حاجه هو مين ده اللى وحش دا لقطه ،، اش فهمك انت ، اركن ع جمب.

سيف : وانا قولت مش هيتلبس يعنى مش هيتلبس ..

ملك وحطت أيدها ف جمبها : خلاص ابقى روح هات دهب لوحدك بقى ولسه بتمشى ..

مسك أيدها ، يووه طب استنى  .. ابتسمت ولفت وعملت زعلانه : نعم. !

سيف : طب ممكن تشوفى ده احلى عليكى والله ،،

 ملك : بقولك اى ي دكتور ده اللى عندى ي ده ي اروح احسن ..

سيف بغضب : مهو مجسم اوى ومبين جسمك وانا مش هستحمل حد يشوفك كدا .. وقرب من دونها دا اما يتلبس يبقى ف حاله  واحده  عارفاها ولا .

ملك بتفكير : لا معرفش ..

سيف : يبقى ف اوضه النوم وبس ..

وشها احمر ومبقتش عارفه تقول اى ،،: حد قالك قبل كدا انك سافل ومش محترم .. 

سيف : اه كتير اوى ،،. ملك : لا والله ..

سيف : اه والله ، انا باد بوى اه بس مش هقبل تلبسيه قدام حد ..

ملك بابتسامه : بس هو حلو .. سيف : هو مين ؟؟

ملك : ركز معايا هنا الفستان ي دكتور الفستان..

سيف بنفاذ صبر : انتى حره ابقى البسيه ولا اولعى فيه حتى ،، أن شالله يغتصبوكى ي شيخه  وسابها وراح يجيب بدلته ..

ملك بضحكه : والله لاطلع عينك بس استنى، لا بس طلع بيغير ..

 خلاص لو سمحتى هحجز التانى اللى هو اختاره ده .. 

وراحت عنده لقيته واقف مع واحده ،، ي حلاوه مين دى ان شاء الله ؟!؟ 

غاده : متشكره جدا ي دكتور سيف ع وقفتك معايا ..

قربت عليهم ملك، سيف : متقوليش كدا احنا زمله برده من ايام الجامعه  ..

ملك بغيظ : مش هتعرفنا طيب مين السنيوره !؟

غاده برفع حاجب : افندم ؟

سيف : دى دكتوره غاده كانت معايا ف المؤتمر .. ودى ملك خطيبنى وحط ايده ع ظهرها ..

ملك بصتله يشيل ايده ،، وحاولت تشيلها وهو ماسك جامد ..

ملك : ايدك ي حيوان جمبك بدل مقطعهالك ، انت فاكر نفسك جوزى ولا اى ..

غاده : متشكره بجد ي دكتور من غيرك مش عارفه كنت هنام فين ..

ملك : تنامى فين اى لمؤاخذه ،

 غاده بتوضيح : اصل الفندق كان مليان والحجز خلص فقعدت مع سيف ف نفس الأوضه ..

ملك : اه تما .. بتقولى ااااى !! ف نفس اى ي عنيا ..

سيف : قالت ف نفس الأوضه مش ف نفس  السرير ..

غاده : مالك الاوضه فيها غرفتين منفصلين علفكرا ..شكلك اول مره تروحى فندق ولا اى ..

ملك بغيظ : لا ي حبيبتى روحت كتير .

سيف برفع حاجب : والله دا امتى ده ولا مع مين .

ملك بغيظ : اخرس انت .. سيف : احم حاضر..

وبعدين محدش قالك أن من الأصول مينفعش تقعدى مع راجل غريب ف اوضه واحده ،، ولا محدش علمك ولا هى كوسه ولا اى ف نهاركم الطين ده ..

سيف بيحاول يخبى ضحكته ،، 

غاده باستغراب : انا لازم أمشى ي دكتور سلام، مش طبيعيه  .. 

ملك ضربته ف بطنه ،، سيف بيتوجع : اااه ..

ملك : دا انت ليلتك سوده معايا بقولك اى طلقنى ..

سيف : هو احنا لسه اتجوزنا ..

ملك.: حلو اوى ،، يبقى ع بلاطه كدا كل واحد يروح لحاله .

سيف : تؤتؤ دا مش هيحصل ، هتجوزك غصب عنك أو برضاكى .. 

ملك : انت تنح ليه انا مش بحبك ولا هحبك اصلا متحلمش كتير ..ولسه بتمشى مسك أيدها ..

بتغيرى؟! 

ملك : انا اغير ، دا انا اغير من تحت باطى ولا اغير عليك ..

سيف : امشى من وشى اى الارف ده ..

"*"*

وجه يوم الخطوبه :- 

راح ع الكوافير  عشان يخدها ،،  اى رايك في العروسه بقى ي عريس ؟

سيف : هى فين دى مش شايفها .. 

ملك : مأنا قدامك اهو ي بنى  ،، 

سيف : انتى غيرتى الفستان ؟!!

ملك : يعنى خوفت حد يتحمرش بيا كداا ولا كدااا ..

سيف : هو مين حيث يتحرش فهتحرش ..

ملك : سيييف !!؟

سيف بابتسامه وبيبوس أيدها : زى القمر ..

ملك : انت كمان بدلتك حلوه اوى .. 

سيف : وبالنسبه إلى جواها مش واكل معاكى خالص ..

ملك ضحكت ، وشغلوا اغانى ورقصوا شويه .. وبعدين ف طريقهم للقاعه ..

شافت نفس البنت اللى كانت ف غرفه 104 واقفه ..

ملك بدق نفسها بضيق ، حس بيها سيف ..

مالك ي ملك ف اى ايدك متلجه كدا ليه ، انتى كويسه .

ملك : سيف، انا لازم اكلمك ف موضوع مهم بعد الفرح ميخلص ..

سيف : ماشى بس اهدى كدا وخدى نفسك ..

وبصت لقت نفس البنت مبتسمه ليها وبتشاور لها ..

ملك بخوف : ي ربى هى عاوزة منى اى بس !؟

يتبع الفصل التالي:اضغط هنا

• الفهرس يحتوي على جميع فصول الرواية كاملة: "رواية ملاكي البرئ" اضغط على أسم الرواية