Ads by Google X

رواية ابنة الصعيد الفصل الثالث 3 - بقلم فدوى خالد

الصفحة الرئيسية

 رواية ابنة الصعيد الفصل الثالث 3 - بقلم فدوى خالد

رواية ابنة الصعيد الفصل الثالث 3 - بقلم فدوى خالد

3 - ابنة الصعيد .
= يبقى تموتي .
صابرين : يا ماما مين ؟!
= أنا يوسف. 
صابرين بصيتله بشر و مسكته من ودونه بغيظ .
صابرين : هى ناقصة مش كفاية الرعب إلِ سيادتك جايبهولي ...أنا ماشية و تتجوزها أو لا مليش فيه ..عيل رزل .
يوسف : يا حبة النقانق استني .
صابرين : أبدًا ولا ثانية، يلعن أبو قرفك يا أخي، دي عيشة تجيب الضغط .
يوسف : خلاص يا حبة النقانق ..نروح دلوقتي و نريح و نيجي بليل. 
صابرين : بتجمع لية ؟! تيجي .
يوسف بملل : خلاص هبقى أجيب حسام أو علاء .
صابرين : اة ..أخرة صبري الثلاثة اجتمعوا يبقى فى مشكلة ..اة ..اة .
يوسف : يلا يا صابرين يلا ..كفاية بقا دلع ..الواحد مش عارف يعمل معاكِ أية ؟! اة ...يا محمد يا خويا ..كنت مستحملها ازاي ؟! قولتلك طلقها و أنتَ مبتسمعش الكلام ...اة .
صابرين : أنتَ لسة مكانك .
يوسف : جاي اهوة ...سلام يا عم سعد و هجيلك بليل .
سعد : ماشي يا ابني .

فى البيت .
حسام بمزاح : ولا..... اتلبست ولا لسة ؟!
يوسف : نينيني ..ظريف أوي. 
حسام : حلاوتك يا حلو لما تستظرف .
علاء ببرود : صوتك بدال ما قوم أقلبك .
حسام بخوف : يا ماما ..الواد دة بيخوف أوي .
يوسف : براحته و بصراحة أتمنى أنه يعملها .
حسام : على فكرة أنتَ أخ مش جدع.
يوسف : يا عم هى ناقصة .
حسام : أية إلِ حصل ؟!
يوسف : مفيش ملبوسة .
حسام بصدمة : نعم ! و بتقولها كدة يا عبد الصمد يا خوي ..أبعدوا..... أبعدوا...ربنا يجعل كلامنا خفيف عليهم ..انصرفوا .
علاء : بقولك أية يا يوسف، أنا شايف حد كدة عايزة يتلبس ..ما تيجي نقولها تلبسه .
يوسف بخبث : تصدق فكرة ؟! اية رأيك يا حسام نكلمها .
حسام رجع لورا بخوف .
حسام : احم ..سلام يلا بقا .
و طلع يجري على المطبخ .
يوسف بضحك : أهبل أوي .
علاء : كل حاجة مشيت كويسة و الخطة مظبوطة .
يوسف : خطة أية ؟!
علاء : كام مرة لازم تعرف أن أي قضية بتأخدها بعرفها .
يوسف : و عرفت أية المرة دي ؟!
علاء بلا مبالاة : كل إلِ أنتَ عارفه ...بس أكيد أحب أسمع منك .
يوسف : مش لازم تسمع مني، و بعدين أبعد عشان الموضوع دة خطر، و متلعبش بعمرك ...كفاية أبوك. 
علاء : يبقى جاي تنتقم ..مش جاي تأدي شغلك .
يوسف : الهدف واحد و المجرم واحد ..و المضمون واحد .
علاء : مش هتكلم معاك زيادة ..بس خلي بالك من نفسك .
يوسف ببسمة : متخافش عليا .

حسام جري للمطبخ و هو بيجري و سند على الجدار و هو حاطط إيده على قلبه بخوف ..
= روحوا ..روحوا يلا ..ربنا يجعل كلامنا خفيف عليهم، انصرفوا ..انصرفوا .
نورهان بصيتله بإستغراب و هى بتتكلم فى نفسه أنه أكيد مجنون مش طبيعي .
نورهان : فى حاجة ؟!
حسام بهمس : فى عفاريت هنا فى البيت .
نورهان بإستغراب : أية ؟!
حسام : عروسة ملبوسة .
نورهان : عروسة مين ؟!
حسام : يوسف ..هيتجوز عروسة ملبوسة. 
هنا و نورهان أنفجرت من الضحك عليه .
حسام : بتتضحكي على أية ؟!
نورهان : على غبائك .
حسام : أنا غبي .
نورهان : جدًا .
حسام : شكرًا على الشتيمة .
نورهان : لا شكر على واجب..دا احنا اهل بردوة ..روحي يلا يا كميلة ..نامي بسرعة ما العفريت يطلع ..يلا .
حسام : ماشي تصبحي عل ...نعم !! أنتِ بتأخديني على عقلي .
نورهان : أكيد طبعًا .
حسام : مكانش العشم فيكِ .
نورهان : هو أنا بلعب معاك .
حسام : لا .
نورهان : يبقى خلاص روح أتخمد .

صابرين كانت قاعدة على السرير و رابطة شعرها .
= أة ..ياني ..ينيلك يا موكوس، دا مش موكوس واحد ..دول مواكيس كتير، الأول مش عايز يتجوز قال أية ؟! 
وفي لخطيبته إلِ ماتت و التاني ..عايز يتجوز الخدامة إلِ مش طايقاه أصلا ...و الثالث ملبوسة، يا فرحتك يا صابرين فى ولادك الثلاثة، مش كنت ربيت كلب ولا جيبتهم ...كانت هتنفع عنهم، اة يا دماغي ؟! تتلبسوا يا بعده ، و تبقوا كلاب ...يا سوادي يا أني ..

يوسف بجدية : عملت إلِ عليا و التمثلية شغالة .
_ حلو، و التنفيذ مستمر زي ما قلتلكم .
يوسف : و إلِ جاي .
_ تتجوزها ....و هتفهم كل حاجة ..
يوسف : و لو رفضت .
_ بخبث : تقول على نفسك يا رحمن يا رحيم 

يتبع الفصل الرابع اضغط هنا
الفهرس يحتوي على جميع فصول الرواية "رواية ابنة الصعيد "اضغط على اسم الرواية
google-playkhamsatmostaqltradent