رواية عندما تلتقي العيون الفصل الثالث بقلم نجوى ابراهيم
رواية عندما تلتقي العيون الفصل الثالث
صباح الخير ي حلوين او مساء الخير علي حسب التوقيت اللي هتقراوا فيه الروايه
عهد دخلت الشركه بهيبتها المعتاده وغرورها وكل الموظفين وقفولها احترام دخلت مكتبها وثواني ورنت جرس مكتب ندي السكرتيرة ثواني وندي دخلتلها
ندي... صباح الخير يا افندم ثواني والقهوه بتاعه حضرتك تكون علي مكتبك وجت تخرج عهد وقفتها
عهد... لا ي ندي هاتيلي اي ملفات تتمضي الاسبوع دا والغيلي اي اجتماعات او اجليها للاسبوع الجاي عشان انا هسافر شويه محتاجه اخد بريك
ندي... تمام يافندم اللي تامري بيه احنا اصلا معندناش غير اجتماع واحد مع الوفد السويدي عشان المكن الجديد للمصانع وهما بالفعل اتصلوا واجلوه للاسبوع الجاي وباقي الصفقات محتاجه امضه حضرتك بس وهجيبهالك دلوقت
عهد... طيب تمام اوووي اتفضلي انتي وابعتيلي مروان لو سمحتي
ندي.. تمام ي افندم بعد اذن حضرتك
بعد خروج ندي عهد قعدت ساكته وباصه في الاشئ ثواتي والباب خبط
عهد... بصرامه اتفضل
مروان... صباح الخير يافندم حضرتك طلبتيني
عهد... اتفضل ي مروان اقعد بص ي مروان انا هسافر اسبوع وبما انك المدير التنفيذي للشركه وانا بثق فيك هتبقا انت وندي مسؤلين عن كل حاجه في غيابي طبعا بعد مراجعتي في كل حاجه اول باول علي الميل
مروان... تمام يافندم ويارب اكون عند حسن ظنك بيا
عهد ...تمام ي مروان اتفضل انت وخلي ندي تدخلي كل الملفات اللي محتامه تتمضي
مروان.. بعد اذن حضرتك وخرج
دخلت ندي لعهد ومعاها كل الملفات اللي محتاجه امضه عهد وفضلوا ساعات يراجعوا وينهوا صفقات
........... ............ .............. ............
عند ادم دخل الشركه بهيبه وتواضع في نفس الوقت ومع دخلوه حبس كل الانفاس بجماله ووسامته هو ومراد
كل البنات كل هيتجننوا عليهم وادم ومراد سامعين همسهم وبيضحكوا جواهم علي سذاجتها
ادم ... استدعي احمد المسؤال عن الشركه في غيابه لو سمحت ي احمد اعملي اجتماع طارئ لكل موظفين الشركه حالا
احمد.. حاضر يافندم اي اوامر تانيه
ادم. .لا اتفضل انت
بعد ربع ساعه ادم ومراد كانوا واقفين قدام الموظفين
ادم... احم احم احب اعرفكم بنفسي انا البشمهندس ادم محمد الشرقاوي ابن محمد بيه صاحب الشركه والمدير العام للشركه دلوقت ودا مراد الجارحي المدير التنفيذي في الشركه واخويا وصديقي الوحيد
حاليا انا بطلب منكم انك تبذلوا اقصي جهدكم في الشغل لان مستوي الشركه بينزل وهيبقا في صفاقات كتير اوووي الفتره دي فنشد حيلنا شويه عشان نرتقي بالشركه وطبعا كل دا هيبقا في صالحكوا شكرا ليكوا اتفضلوا علي اشغالكم
ادم.. لداليا السكرتيره هاتييلي قهوه انا والبشمهندس مراد وهاتيلي كل العقود والملفات والحسابات بتاعه اخر خمس سنين
داليا... حاضر يافندم ثواني وكله يكون عند حضرتك
مراد... ادم احنا هنراجع ملفات خمس سنين انهارده
ادم ..بضحك علي صاحبه اللي واقف مصدوم اه ي مراد هنراجعهم انهارده
مراد ...لا ي عم انا جعان ومنمتش وانت واخدني علي الحامي كدا اكلني وانا افوقلك
ادم بصدمه.. ثيخربيتك يابني دا احنا لسه فاطرين سوا قبل ما نطلع
مراد بضحك.... بجوع بسرعه ياخي انا بحب الاكل اكلني
ادم ...ماشي ي طفس ثواني واخلي داليا تجيبلك اي سنداوتش
مراد... لا سندوتش اي انا عاوز بيتزا
ادم... نعم ي روح امك هو احنا في مطعم احنا في شركه فوق بايني
مراد... بزعل مصطنع والله لو ما جبتلي بيتزا ما انا مساعدك في حاجه
ادم.. طب خلاص لولا اني محتاج مساعدتك كنت زماني راميك من هنا
مراد... حبيبي والله ديما بتخاف عليا خوف شديد
ادم.. ههههههه اووووي
ادم اتصل بداليا وطلب منها تجيب لمراد بيتزا وداليا نفذت فورا وبدا ادم ومراد شغلهم واتهلكوا
ادم... لداليا واحمد ي خبر ابيض دي الشركه خسرانه فوق ال10 مليون
داليا... يافندم محمد بيه كان ديما تعبان وسايب الشركه وحضرتك منزلتش من خمس سنين فالوضع اتدهور شويه
ادم بعصبيه... يقوم نخسر مل الصفقات دي جهزيلي مواعيد مع كل الشركات اللي اترفضت دي وبلغيهم ان البشمهندس ادم هيقابلهم بنفسه
داليا... حاضر يافندم تحت امر سيادتك
ادم... احنا اي علاقتنا بشركه الشرقاوي
داليا... هي استاذه عهد رفضت اننا ناخد منها صفقه المعدات اللي نزلت نافستنا عليها وهي كسبتها لانها الاول في السوق
ادم بفخر... تمام ي داليا اتفصلي انتي
مشيت وادم رجع بضهره علي الكرسي وشبك ايده ورا راسه وفضل يفكر في اللي سحرته بعيونها الحاده تواني وكان مراد قاطع عليه خلوته
مراد... بتفكر في مين ي عم رميو
ادم بغضب... مراد ميه مره قولتلك متقطعش عليا تفكيري
مراد بضحك... لي بقطع عليك المياه وانت بتستحمي هههههه
ادم... بصله بصه سكتته خالص
مراد... انا هروح عشان تعب
ادم... استني انا هروح معاك يلا
مشيوا وفي الطريق ادم لمح عهد بعربيتها ماشي في عكس اتجاهه وثواني ولف العربيه ومشي وراها لحد ما عرف مكاان سكنها بس عهد كانت رايحه للارا بنت خالتها مكنتش رايحه البيت
عهد رنت الجرس وفتحت الخدامه
اسراء... عهد حبيبتي وحشتني ي قلب خالتك كل دا ي دودو متساليش علي سوسو حبيبتك
عهد بحب... خالتو حبيبتي انتي عارفه والله اني ديما في الشركه وبروح علي النوم عطول
اسراء... عارفه ي قلبي الله يعينك المهم طمنيني علي صحتك دلوقت
عهد.... انا الحمد لله ي خالتو والله امال لارا ومريومه فين
مريم... انا هنا ي دودي وحشتيني اوووووي وجريت تحضن عهد وعهد اول ما شافتها جريت شالتها وحضنتها مريم بنوته 10 سنين بس زي السكر
مريم ببراءة.... اقعدي معانا ي عهد متمشيش
عهد. حاضر ي مريومه بس انا ولارا لازم نسافر شغل اسبوع وبعدين نرجع ونقعد مع بعض كتير
مريم بحزن.... ماشي بس جيبيلي العاب كتير معاكي
عهد بحب... انتي تامري ي قمر انتي
عهد... خالتو انا هطلع اصحي لارا ونسافر اسبوع عشان انا تعبانه شويه
اسراء بخوف... ماشي ي حييبتي بس مالك
عهد... ولا حاجه ي خالتو ارهاق شغل بس
اسراء ماشي ي حبيبتي اطلعي صحيها
عهد طلعت تصحي لارا وفضلت ساعه تصحي فيها ومش راضيه تصحي عهد زهقت راحت داخله الحمام وجايبه كوبايه مياه تلج وقلبتها كلها علي لارا
لارا.... اي دا انا بغرق حد ينقذني هموت
عهد قعدت علي الارض من الضحك وعيونها دمعت في اي ي هبله حد يغرق من كوبايه مياه
لارا... والله ي عهد انك حيوانه حد يصحي حد كدا
عهد.. اعملك اي بقالي ساعه بصحي فيكي
لارا.. بنعاس اطفي النور ي عهد وسيبيني انام
عهد... شدت الغطا وقالت نوم مين ي بنتي احنا مسافرين كمان اربع ساعات
لارا بفرحه ...اي ونطت من علي السرير انا اصلا مكنتش نعسانه يلا نمشي دلوقت وشدت ايد عهد
عهد... وهي هلكانه ضحك علي منظر لارا هتمشي كدا بالبيجامه دي وشعرك المنكوش دا
لارا.... اه صح طب اغير والم هدومي ويلا
عهد قالتلها ماشي يلا هساعدك نلملك الشنط عشان هنسافر اسبوع باريس لارا بفرحه والله زمان بقالي شهر مروحتش ي تري بيوت الموضه هناك نزلت اي جديد
عهد ولاول مره متضايقش من كلام لارا علي اللبس وقالت انا فعلا عاوزه اشتري لبس كتير ي لارا وهحتاج خبرتك في الموضوع دا
لارا... بصدمه وفاتحه بوقها انتي بتقولي اي ي عهد
عهد ..بضحك علي منظرها اقفلي بوقك عشان الدبان ايوا ي ستي قررت اخصص كل فتره لنفسي اشتري لبس واعمل شعري واخرج واتفسح عشان قربت انسي اني بنت لارا.... بفرحه شديده ي حبيبتي ي دودي ايوا كدا ي قمر انت دا احنا هنتبسط اخر تمن تسع حاجات
البنات خلصوا لم شنط لارا وجهزوا وودعوا اسراء ومرريم وطلعوا علي بيت عهد
عهد... مساء الخير ي بابا مساء الخير ي ماما
محمود ونجوي ...مساء النور ي حبيبتي
عهد... بابا ماما انا هسافر انا ولارا اسبوع باريس هروح شقتنا هناك محتاجه اغير جو
محمود بعتراض. والشركه ي عهد
نجوي... حرام ي محمود سيب البنت تتنفس عهد مش صغيره عهد كبيره وفاهمه هي بتعمل اي
عهد... متتخفش ي والدي انا خلصت كل صفقات الاسبوع دا وكل العقود مضيتها والبركه في حضرتك
محمود... باعجاب بذكاء بنته ماشي ي قلب بابا روحي بس خدي بالك من نفسك ومتتاخريش عشان هتوحشينا
عهد حضنتهم وطلعت لمت شنطها ومشيت هي ولارا ووصلوا المطار وطبعا اخدت طياره والدها
........... .......... ........ .........
ادم ومراد رجعوا البيت واتغدوا وكل واحد طلع اوضته وغير وهيناموا
ادم... حط راسه علي المخده وبدا يفكر في عهد اللي غيرت مجري حياته خلته يحن تاني لحبها اللي عمره ما نسيه وبدا نفسه ينتظم راح في سبات عميق
عهد ولارا وصلوا باريس وبدا جولاتهم
ياتري اي المفاجاه اللي هتقابل عهد في باريس
وياتري هتغير فيها ولا هتفضل زي ما هي
نتقابل في الفصل الرابع ي حلوين
يتبع الفصل الرابع اضغط هنا
- الفهرس يحتوي على جميع فصول الرواية كاملة :"رواية عندما تلتقي العيون" اضغط على اسم الرواية