رواية حكاية التلات بنات الفصل الثالث بقلم ملك أسامة
رواية حكاية التلات بنات الفصل الثالث
منتصف الليل(سوري بتقمص الدور يعني و كدهوو😂)
كانوا التلات بنات نايمين و الباب كان بيخبط جامد لدرجه خوفتهم قاموا التلاته و نورين فتحت الباب و اتفجأت ب آدم
نورين:آدم في آيه!
آدم و هو بيتنفس بسرعه:البسوا بسرعه والدتكوا عملت حادثه و هي في المستشفي
نورين بصدمه:إيه!
بسمه كانت بتعيط و ريماس دخلت تجري تلبس هي و نورين
آدم و هو بيهز بسمه:بسمه اصحي فوقييييي يلا بسمه فوقيييي
بسمه بتعيط و مش بترد
الإتنين طلعوا و آدم شد بسمه و نزلوا راحوا المستشفي نزلوا التلاته يجروا من العربيه بسمه طول ما هي ماشيه كانت بتقع و نورين سندتها وصلوا قدام الأوضة و كانت والدة آدم و والده و مالك و حسن واقفين
بسمه بعياط:ماما فين!!!!
سمية قربت منها و حضنتها و بدأت تهديها نورين حاضنه ريماس و ريماس بتعيط لكن نورين ملامحها جامده معروفه إن بسمة مش بتحب تعيط قدام حد لكن دي والدتها
ريماس نامت في حضن نورين
آدم بخفوت:هاتيها ندخلها الأوضة دي لسه وقت كبير عقبال ما تخلص العمليه
نورين هزت رأسها بتفهم و سندوا ريماس و دخلوها الأوضة
آدم:عيطي يا نورين متماسكه ليه
نورين بجمود:ماما لو مطلعتش بخير أنا مش هسامح نفسي
و طلعت من الاوضه و سابته
ساعات بتمر عليهم في خوف نورين عرفت من حسن إن والدتها و هما بيعملوا الحادثه كانت بتكلم سمية و حصلت الحادثه و آدم عرف مكانهم و راح هو و الباقي ليهم
الدكتور طلع و الكل جري عليه
نورين بتبص في عيونه كأنها بتتراجه أنه يقول إنها كويسه
الدكتور:للأسف
نورين:لااااا لااااا
آدم:اهدى يا نورين
الدكتور:اهدوا يا جماعه المدام بخير بس للأسف المدام عندها كانسر في العظام في المرحلة الأولي
نورين:أنت بتقول ايه كانسر إيه بطل هبلل
الدكتور:أنا آسف المدام هتطلع بعد شوية و مش هتصحي غير بكرا تقدروا تروحوا و بكرا تيجوا
و سابهم في صدمتهم و مشي
بسمة بعياط:يعني إيه يعني ماما ممكن تموت
نورين بعصبيه:اخرسيييي
بسمة بدأت تعيط في صمت
آدم:نورين ممكن تيجي معايا
نورين:آدم ملكش دعوهه بيا و شكرآ أوي علي كل اللي عملته دا تقدر تروح
سمية:أنتي بتقولي إيه يا نورين إحنا صحاب و أكتر من أهل أنا و أمك
نورين نزلت الكافيه و سابتهم
مالك بخفوت:امشي وراهاا يا غبي
آدم:أنت مشوفتش طريقتها
مالك:و أنت مش مقدر حالتها ليه؟وراهاا يا زفت
آدم نزل وراها كانت في الكافيه و حاطه رأسها في إيدها سحب كرسي و قعد
نورين:شوفت بابا و هو بيموت كانت ريماس عندها اربع سنين و بسمة سنه و كنت أنا تسع سنين عارف يعني إيه تصحي علي ضرب نار تطلع من اوضتك تشوف أبوك سايح في دمه بسبب مجرمين جربت الوجع دا يوم موته شيلته علي كتفي زيي زي الرجاله كنت بعيط بحرقه لما قولت لماما إني هدخل شرطه اتعصبت و قالت لاا مكانتش عايزه نفس اللي حصل يتكرر تاني بس دخلت من وراها و وهمتها إني دكتوره عارف أنا ليه دخلت المهمه دي عشان اجيب حق أبويا و لما اجيب حقه هروحلها و اقولها أنااا جبت حقه و هعترفلها لكن شكلها هتسبني يا آدم هتسبني من قبل ما اقولها هتسبني
آدم حس بوجعها قرب منها و مسك إيدها
آدم:أنتي قوية و صدقيني مامتك هتبقي بخير لسه الكانسر في أوله متخافيش هتبقي كويسه بس أنتي متضعفيش
نورين بأمل:يعني ممكن تتعالج
آدم:و قل ادعوني استجب لكم)
ربنا كبير هندعي و هنبقي عندنا ارادة و مامتك هتبقي بخير يلا قومي اتوضي عشان ندخل المسجد نصلي
نورين قامت و اتوضت و هو برضو نورين دخلت مسجد الستات(المسجد في ايذدالات و نورين أصلا لبسها طويل) و هو دخل بتاع الرجاله آدم خلص و طلع لكن نورين اتأخرت و أدم قلق عليها بعد فتره طلعت
آدم:اتأخرتي ليه؟
نورين:دعيتلها كتير اتكلمت مع ربنا قريت قرآن حسيت إن فعلآ ربنا هيستجيب
أدم:هيستجيب يلا
اخدها و جابوا أكل و طلعوا للكل
..................
تسريع أحداث
(مر أسبوع ريهام فاقت و بدأت تتعالج من الكانسر و الكل واقف جمبها محدش بيسيبها بسمة بعدت عن الولد اللي كانت بتكلمه نورين كل الاوقات هي و آدم قط و فار لكن دا ميمنعش أنهم بقوا صحاب ريماس عايشه حياتها عادي)
يوم سفر نورين عشان المهمه مع الفريق
آدم:مش لازم تسافري علي فكره
نورين:اظن إني قولتلك ليه هروح المهمه و يلا خد الشنط علي تحت و استنوني
آدم بصلها بيأس و أخد الشنط و نزل
نورين:ماما متخافيش والله
ريهام:يابنتي يعني مفيش دكتور غيرك يروح؟؟
نورين:معلش ياحبيبتي بقي
و باستها و طلعت وصت الكل عليها و نزلت من المستشفي كانوا الشباب مستنيين نورين ركبت مع وائل و أدم
....................
بعد مده
كانوا وصلوا المكان اللي هيباتوا فيه و كانت شقه من تلات اوض اوضة لنورين و أوضة لوائل و آدم و أوضة لمحمد و أحمد و معتز وضبوا حاجتهم و نورين نامت
................
عند ريماس كانت عايزه تتدرب في شركه هندسه و مدحت قالها علي شركه مالك
نزلت ركبت اوبر و كان الطريق زاحمه السواق نزل يشوف في إيه و كانت خناقه
ريماس:اوف بقيي
و طلعت من العربية و هي بتزعق:هو ملاقتوش حته غير دي تتخانقوا فيها ولا إيه
شاب:و أنتي مالك أنتي
ريماس:إلاه دا أنت حلو و لذوذ أوي و بترد كمان لاااا يا حبيبي مالي و مالي جامد كمان أنتوا معطلينا كلنااا بسبب خناقتكوا دي
مالك من وراها:الانسه عندها حق
ريماس:تشكر يا زميلي
مالك استغرب من طريقتها و إنها إزاي مش فكراه فضي الخناقه و راح علي عربيته و هي ركبت وصلت قدام الشركه و نزلت كان مالك وصل قبلها
كان في مهندسين عايزين يتدربوا واقفين مستنيين يدخلوا يقابلوا المدير
بعد مده مالك طلع و وصل للقاعه اللي قاعدين فيها
ريماس:هو دا المدير
واحده:لا صاحب الشركه
ريماس:اشطاااا
مالك:أنتي يا آنسه
ريماس و هي بتشاور علي نفسها:أنا
مالك:آه
ريماس:نعم!
يتبع الفصل الرابع اضغط هنا
- الفهرس يحتوي على جميع فصول الرواية كاملة :"رواية حكاية التلات بنات" اضغط على اسم الرواية