رواية وقعت فى العشق الفصل الثالث بقلم أمل السقا
رواية وقعت فى العشق الفصل الثالث
عز: الو اهلا زياد باشا
زياد: يا اخي ده التليفون بيرقص من الفرحه أخيراً افتكرت ان ليك صاحب ولا هو خلاص بقا اتخرجنا ومسكنا شركات يبقى منعبرش حد
عز: والله أبداً متقولش كده انت عارف انك اخويا الكبير بعيداً عن أي شغل وبعدين انت وحشتني وانا جايلك اصلا هسلم عليك ونتكلم فى موضوع شغل كده
زياد: تمام يا كبير تنورني هستناك
عز: نص ساعه واكون عندك سلام
زياد: سلام
....... فى مكتب عشق.
عمي عبده: ها يا بنتي فهمتي كده؟
عشق: طبعاً يا عمي عبده ده انا هبهرك مش حضرتك عايز شويه تصميمات من شغلي وكده؟ أنا بقا هعملك شوية تصميمات آخر حلاوة وهتدعولي عشان بعون الله الشركه دي هتنول أعلى الدرجات.
عمي عبده: والله انتي لو هتشتغلي زي ما بتتكلمي كده يبقى هتنول أعلى الدرجات بجد بس ربنا يستر، مع السلامه يا بنتي ولو عوزتي حاجه قوليلي
عشق: تسلم يا عم عبده يا عسليه انت.
"عمي عبده خرج وهي بصت للورق اللي قدامها وقالت: احيه يا ابو سوسو ده انا مش بعرف ارسم شباك هعرف ارسم موقع سياحيّ كامل" حطت ايدها على راسها "يا صغيرة عالهم يا لووزة.
سمعت خبط على الباب.......
عشق: ادخل
نرمين: باشمهندس زياد عايزك بره
عشق بقرف: تمام انا جايه" وهي بتقلدها فى السهوكه "
**
عشق: نعم يا باشمهندس
زياد: اظن عمي عبده فهمك الوضع؟
عشق: ايوه
زياد: عايز التصميمات تكون عندي النهارده
عشق بانتفاضه: نععععم ليه شايفني كمبيوتر لأ طبعاً مش هلحق
زياد: انا مقرتش ال cv بتاعك وانتي اصلا معندكيش خبرة فاعتبري ده اختبار قدرات ولو نجحتي فيه اعتبري نفسك اتعينتي وبعدين انا فى بداية كلامي قولتلك انك هتاخدي اسبوع تحت التدريب.
عشق: طيب هحاول وربنا عالظالم والمفتري "قالتها بهمس"
زياد بحده: سمعتك على فكره ومش هسكت على طول لسانك ده كتير فاعملي حسابك
عشق بابتسامه هبله: حاضر حضرتك عايز مني حاجه تانيه
زياد: لأ مع السلامه
*عشق وهي بتفتح الباب لقت عز فى وشها *
عز: عشق عامله ايه اقسم بالله وحشتيني يا شيخه مشوفتكيش من الصبح هههههه
عشق بهمس: هششششششش يخربيتك هتفضحني احنا قولنا ايه؟
عز بنفس الهمس: اه اه خلاص نسيت
اخبارك ايه يا شوشو"بصوت عالي "
عشق ضربت راسها بإيدها: كويسه يا قلب شوشو بعد اذنك يا باشمهندس زياد انا خارجه
*كل ده وزياد واقف مش فاهم حاجه *
زياد: انت تعرف البت دي؟
عز: هه لأ قصدي آه دي معرفه قديمه كده؟ المهم عامل ايه والله واحشني ي أخي"خد زياد بالحضن"
زياد "وهو بيبادله الحضن": والله انت اكتر يا عم عامل ايه والبت اختك عامله ايه؟ لسه هبله زي ما كنت بتحكيلي عنها ولا عقلت ولا ايه؟
عز: لا دي كل ما بتكبر بتتهبل اكتر
زياد: ههههههه تصدق يا أخي نفسي اشوفها انا مش عارف ازاي والدك صاحب والدي وانت صاحبي وزي اخويا وروحت عندكم كذا مره وبرضو معرفهاش لو شوفتها في الشارع.
عز: متقلقش هتعرفها ان شاء الله ده انت هتكره اليوم اللي عرفتها فيه" قالها بهمس جامد "
زياد: بتقول ايه
عز: بقولك لأ هتعرفها ان شآء الله متستعجلش
زياد: ان شآء الله ايه بقا الشغل اللي عايزني فيه؟
عز: بص يا سيدي طبعاً انت عارف الشركه المشتركه بينا اللي في مطروح اللي بابا وعمو محمد عملوها عشان تبقي خط وصل بيننا وكده؟
زياد: ايوه مالها احنا بقالنا فتره كبيره معملناش مشاريع هناك؟
عز: هو ده اللي انا جاي عشانه فيه واحد كلمني وطالب بناء منتجع سياحيّ كامل شاليهات بقا وڤلل ودريم بارك وكل ده وعايزة يكون فى مطروح فانا اقترحت اننا نتابع الشغل ده من الشركه من هناك واهه نروح ونشوف الموقع عايز ايه ونصمم براحتنا ها ايه رأيك؟
زياد: حلو قوي المشروع حلو واهه حتى نشوف اخبار الشركه ايه هناك انا بقالي فتره مش بروح وبتابع مع ادم عالفون بس.
عز: تمام كده يبقي اتفقنا المفروض نسافر من أول بكره عشان نبدأ على طول ومنتأخرش
زياد بضحكه: والله وكبرت ياض يا عز وبقى دمك حامي على الشغل اهه الله يرحم ايام ما كنت بتفلسع مني لما اجي اقولك تعالى اوريك نصمم موقع ازاي.
عز بضحكه حزينه: ساعتها كنت عايش لحجات كتير كان فيه حد افلسع منك عشان أروح الحقه قبل ما يمشي من عندنا بس دلوقتي خلاص كله راح واندفن معاها في اللحظه اللي هي اندفنت فيها.
زياد بحزن على صديقه: يا حبيبي ربنا يرحمها انت عارف انها كانت بتعاني من تعبها وهي اكيد في مكان احسن من هنا بكتير وتتلاقو فى الجنه بإذن الله.
عز"وقد امتلأت عينه بالدموع ": يارب ياارب
زياد بمرح لتلطيف الجو: وبعدين يا عم ما انت عندك زقرده فى البيت ربنا يخليهالك ويباركلك في عمرها
عز: امين يارب انت عارف عشق دي نص تاني ليا انا مقدرش استحمل يحصلها حاجه والله حقيقي روحي فيها.
زياد بابتسامته الجميله: ربنا ميحرمكوش من بعض ابدا يارب.
عز: على فكرة صحيح انا كمان مشوفتش زينه من ايام ما كان عندها 14 سنه يا ترى دلوقتي عملت ازاي
زياد بضحكه عاليه: زينه يا سيدي بقت فتاه عشرينيه جميله جدا وفيها هدووء انا مش عارف بتجيبه منين ورقيقه جدا والله انا بفكر اجيبها معايا الشركه عشان تخشن شويه البت طيبه قوي ومن السهل جدا انه ينضحك عليها بسهوله خالص كمان.
عز: خلاص يا سيدي هاتها واهه بالمرة اشوفها.
زياد: بإذن الله حاضر
يتبع الفصل الفصل الرابع اضغط هنا
- الفهرس يحتوي على جميع فصول الرواية كاملة :"رواية وقعت فى العشق" اضغط على اسم الرواية