رواية نصيبي في الحب الفصل الثالث بقلم توتة
رواية نصيبي في الحب الفصل الثالث
خرجت البلاكونه اقف فيها شويه بدل الملل اللي انا فيه ده ولقيت ادم واقف تحت وسرحان حسيت أن أنا عايزه انزل اهديه شويه من اللي حصل لأن حقيقي منظره كان يقطع القلب وشجعت نفسي عشان انزل ونزلت
نور:احم احم
ادم بصلي وعينه كلها حمره : فيه حاجه انتي عايزاها ؟
نور: أنا بس مش عارفه انام فقولت انزل اتمشي شويه في الجنينه
ادم: طيب هسيبك براحتك
نور: لا خليك أنا مش نازله اضايقك خلاص خليك انت وانا هطلع هحاول انام
ادم : لا عادي مش هتضايقيني ولا حاجه أنا قولت بس اسيبك براحتك
نور: لا عادي خليك واقف
ادم: مش هتضايقي
نور: علفكره انت اللي واقف هنا الأول يعني أنا اللي جايه عليك
ادم : ماشي
بعد لحظة سكوت
نور : عسى ان تكرهوا شئ وهو خير لكم
ادم: ليه بتقولي كده
نور: حالتك دلوقتي هيا اللي بتقول مش انا
ادم :حالتي!
نور: ايوه ممكن تكون مفكر اللي انت فيه دلوقتي ده شر وإن ربنا ظالمك في الدنيا بالأم دي بس احمد ربنا أنه رزقك بالأب ده والعيله دي عيله بتخاف عليك وبتحبك لانك لو شوفت حياة ناس تانيه هتحمد ربنا وتشكره علي النعمه اللي انت فيها وعلى رأي المثل اللي يشوف بلاوي الناس تهون عليه بلوته
ادم: كلامك حلو ومريح بس مين قالك اني متضايق
نور : روح بص لنفسك في المرايه وانت تعرف
ادم: اه ده انتي محلله شخصيات بقا
نور: ده الجنين في بطن أمه لو شافك كده هيعرف انك منهار مش زعلان بس
ادم: لا والله؟
نور: اه والله .
ادم: الموضوع عادي بالنسبالي يا نور كل يومين تيجي هنا وتقول عايزه ادم وهيا عايزه فلوس ابو ادم
نور : عادي فيها ايه علفكره دي مش مصيبه يعني كل واحد في الدنيا ليه مشكله أنا لو حكتلك حكاية واحده صاحبتي انت هتقول هيا ازاي عايشه اصلا لحد دلوقتي ورغم الظروف اللي بتمر بيها عايشه وبتضحك وبتهزر والدنيا ماشيه معاها
ادم: الناس اللي بتضحك وبتهزر دي بتبقى موجوعه اوي
نور: عارفه
ادم: علفكره انتي القعده معاكي حلوه
نور: ثانكس
_انتوا ايه اللي مصحيكوا لحد دلوقتي
بصينا لقيناها نهال
ادم: مانتي عارفه ايه اللي مخليني مش عارف انام
نهال:مش أنا سايباك نايم في اوضتك
ادم: عادي بسرحك زي كل مره
نهال: ماشي أنا هوريك ومسكت الشبشب وبتجري وراه
ادم : لا ونبي يا نهال إلا الشبشب بتاعك
نهال: بتسرحني !؟ ماشي
وانا واقفه هموت من الضحك علي منظرهم
نهال: المره دي هعديها علشان نور بس
ادم بضحك: بقولك ايه خليكي معانا علطول بقا انتي مجربتيش شبشبها
نور : متقلقش قاعده معاكوا فتره محترمه بس الشبشب بعد كده انا اللي هتضرب بيه والله
نهال: بقا كده ماشي
ادم : فيه ايه يا نونو يعني منهزرش
نهال: لا هزروا بس متحرقوش في دمي
نور : خلاص والله اسفين
نهال: وانتي بقا ايه اللي مصحيكي لحد دلوقتي
نور : مش عارفه انام والله مش متعوده على المكان لسه
نهال : طب يلا كده كل واحد على اوضته
ادم: لا أنا هقف شويه في الهوا هنا الجو حلو
نهال: هيا كلمه على السرير
ادم: علفكره أنا كبير مش صغير
نهال: يبني اسمع الكلام نشفت ريقي
ادم: تلاقيكي حطيتي فيه فوطه عشان كده ناشف لو شلتي الفوطه هتلاقيه مبلول
نهال: هو انت مش هتبطل خفة الدم اللي انت فيها دي
ادم: لو سيبتيني واقف شويه هبطلها
نهال: وانتي يانور مش هتنامي
نور: لا مش عايزه انام لما يجيلي نوم هنام
نهال : أنا عارفه أن لساني هيوجعني وبرضو مش هتسمعوا كلامي
ادم: شويه والله بس
نهال: ماشي يا استاذ ادم اما نشوف اخرتها معاك
وسابتنا ومشيت
نور: عنيفه اوي نهال
ادم : بس مفيش اطيب منها
نور : حقيقي وبتحبك اوي
ادم: عارف
نور: وزعلان علي مامتك التانيه !
ادم: انتي مش فاهمه اللي جوايا
نور : لا فاهماه وعارفاه كويس كمان
ادم: ما اظنش
نور : أنا اعز صديقه ليا كنت بشوف إهانات بابها ومامتها ليها وازاي بيعاملوها هيا واخواتها الصغيرين
ادم: كل حاله بتختلف
نور :وانت حالتك من أبسط الحالات اللي شوفتها في حياتى
ادم:ممكن
نور: لا مش ممكن ده اكيد انت المفروض تحمد ربنا على اللي انت فيه عندك أخوات واب وام وجده وجد عايز ايه تاني
ادم: تحل عني
نور : هتحل عنك في يوم من الايام
ادم: انتي متعرفيهاش
نور : بس اعرف الأسوأ
ادم: الكلام معاكي صعب على فكره
نور : انت اللي مش لاقي رد تقوله عارف ليه؟
ادم: ليه؟
نور: عشان انت عندك حاجات كتيره حلوه وبتسيب الحلو وتبص للوحش
ادم: بس دي كابوس مزعج وعايز اخلص منه
نور : تجنبه
ادم: ازاي
نور : واجهها انك مش عايزها
ادم: مش قادر ابص في وشهها
نور: بس دي امك اسالها عايزه ايه وليه بتعملي كده؟
ادم: وبعدين !
نور : شوف ردها ولو ردها انت ارتحت ليه من قلبك يبقي فعلا هيا امك وبتخاف عليك ولو ردها مريحكش يبقي شيلها من حياتك
ادم: وده ازاي بقا
نور : محضر عدم تعدي ومش هتشوف وشهها تاني
ادم بضحك: حقيقي انتي طلعتي مش فاهمه حاجه
نور: ليه؟
ادم: احنا استخدمنا معاها اي طريقه ممكن تتخيليها ومنفعش دي عايزه اللي ياخد روحها
نور : انت واجهتها
ادم: مش طايق ابص في وشهها
نور: العب علي دي وواجهها
ادم: هيا مش محتاجه رايي في حاجه
نور: فهمها بس انك كبرت وأنك مش صغير وأن نهال هيا اللي مامتك مش هيا
ادم: دي بني ادمه مش بتحس
نور: جرب ومش هتخسر
ادم: هسمع كلامك يمكن اكسب
نور: هيا لما تلاقي تجمع أن محدش عايزها وان هيا ملهاش حق هتمشي
ادم:اممممم
نور: ايه
ادم: سيبيني افكر في الموضوع
نور: فكر براحتك
ادم: ماشي
نور: يلهوي الساعه 5
ادم: بتهزري!
نور: والله
ادم : طيب مش هتنامي
نور: لا هنام تصبح على خير
ادم: وانتي من اهل الخير
__________________________________
صحيت تاني يوم الصبح على خبط الباب
نور كالمعتاد : اتفضل
ساره : نور
نوربنعس: نعم
ساره: يلا عشان الفطار جاهز
نور: طيب انزلي وانا هنزل وراكي
ساره : ماشي بسرعه
فوقت اخدت شاور وغيرت هدومي ونزلت لقيت الكل متجمع
نور : صباح الخير
الكل : صباح النور
نهال: يلا اقعدي افطري
قعدت افطر معاهم
جدو : عملتي ايه في كليتك يا نور
نور : عمي حولي من القاهره لهنا
جدو: يعني هتروحي أمتي
نور : هتصل عليه واسأله
جدو: ماشي يا نور
خلصنا فطار وحولت معاهم
وقعدنا مع بعض كلنا
ندى: بما أن النهارده الجمعه ايه رأيكوا لو خرجنا انهارده
ايمان : اه فكره حلوه
ندى: ايه رأيك يا نور
نور:اخرجوا انتوا أنا مش عايزه اخرج
ندي:ليه بس انتي مش عايزه تخرجي معانا ولا ايه
نور: لا والله بس مش عارفه حاجه هنا
تيته: اخرجي يا بنتي غيري جو معاهم
ندي:علفكره لو مخرجتيش محدش هيخرج
نور: على ايه كل ده خلاص هخرج
هبه:خلاص يبقي يلا بينا
ساره: اهدي ي بنتي شويه
هبه: مانا هاديه اهو
ملك : أنا عن نفسي معنديش مانع
ندي : اشطا
وانتي ي ساره
ساره: عشان خاطر نور بس
ايمان: ايوه بقا
نور: حبيبتي والله
ندي: بس ادم هيخرج معانا
ادم: انتوا بنات مع بعض أنا ايه اللي هيحشرني معاكوا
ندي: يعني انتى هتسبنا نمشي لوحدنا في الشارع من غير راجل
ايمان : يبقى انت مش راجل بقا
ادم: والله !
نهال: فيها ايه يا ادم اما تخرج معاهم
ادم: عشان ياخدوا راحتهم بس
خالو: اخرج معاهم يا ادم متسبهمش لوحدهم
جدو: لو مخرجتش معاهم مش هخرجههم
ندي: عاجبك كده
ادم: خلاص ايه الثوره دي شوفوا هتروحوا أمتي
ندي : نخرج دلوقتي
ايمان: شكلنا هنخربها
هبه: ايوه بقا
نهال: طب يلا عشان متتاخروش
وكل واحد طلع يغير هدومه
__________________________________
نزلت لقيتهم كلهم تحت مستنيني
ندي : ايه الشياكه دي يا نور شكلك هتتعاكسي مننا ولا ايه
نور : دي عينك هيا اللي حلوه يا ندوش
هبه : لا فعلا انتي طلعتي قمر
نور: انتي اللي قمر والله
تيته: شبه شيرين خالص يا نور
نور بحزن : الله يرحمها
طلعنا بره نستني ادم ينزل
ندي: هو ادم كل ده بيلبس
ادم: أنا جيت اهوو
ايمان : ايه يا عم التاخير ده
ادم: خلاص مش تقرير هو
ادم تنح لي : هو انتي نور
نور: لا اختها
ادم: شكلك بتقلشي كتير
نور: تجنبني بقا ها
ادم: طيب شوفو هنركب ازاي
نور: هو فيه عربيه واحده هنا
ادم: لا
نور: انتوا كنتوا بتركبوا ازاي
ندي: كنا بنخرج بعربيه واحده بس ساره مبتخرجش معانا
نور: تمام انا بعرف اسوق علفكره
ندي : بتهزري
نور: والله
ادم: اتحلت
نور وساره وملك في عربيه وانا وهبه وندي وإيمان في عربيه
نور: تمام
ركبنا العربيات وهو مشي وانا بمشي وراه لحد ما وصلنا
ساره : وصلنا
نور : هركن فين !
ملك : جنب ادم
نور: مفيش مكان خلاص هتصرف
دورت ولقيت مكان ركنت فيه
ملك: مانتي شاطره اهو
نور: اي خدمه
نزلنا روحنالهم
ادم: هتروحوا فين ؟
ندي : المول نتفرج علي العروض اللي فيه
دخلنا نتفرج
ايمان: هو مفيش حمام هنا
ندي : اسالي
نور: أنا كمان عايزه ادخل الحمام
ايمان: خلاص تعالي نسأل
نور: يلا
فضلنا نسأل عليه لحد ما واحد دلنا عليه
ايمان دخلت وانا استنيتها بره عشان ادخل بعدها
لقيت واحد جاي من بعيد
_القمر واقف لوحده ليه
تجنبته ومردتش عليه
_ كمان مش عايز يكلمني
لقيته جاي ناحيتي و .
يتبع الفصل الرابع اضغط هنا
- الفهرس يحتوي على جميع فصول الرواية كاملة :"رواية نصيبي في الحب" اضغط على اسم الرواية