رواية اعشقها الفصل الثالث بقلم مريم الشهاوي
رواية اعشقها الفصل الثالث
نورا: انا هفسخ الخطوبه
علي بصدمه: بتقولي اي
نورا: بجد يا علي انا مش عاوزاه ومحبتش اتكلم مع ماما وبابا عشان مش هيفهموني قدك
علي: طب استهدي بالله وقوليلي اي الي حصل
نورا: يا علي متحكم بطريقه غبيه والمره الي فاتت زعقلي
علي: ليييه
نورا: اهو زعقلي وخلاص
علي: انا بقول ليه الراجل كويس هيزعقلك ليه يبقى انت الي كنتي غلطانه
نورا: بتغلطني كدا وخلاص
علي: مش بغلطك بس زعقلك ليه
نورا: اول مره اتحكم فيا عشان كنت ماشيه مع صحابي وهما ضحكوا ضحكه قليلة الادب وانا والله ما نطقت بحرف ولا طلعت صوت فيه شوية شباب صفروا وقالوا ايوا بقا بصوت عالي وهما كانوا بيوصلوني لفريد وهما يكملوا طريقهم وهو كان ف اليوم دا هيوصلني تصور قالي اي
علي بغضب: انا لو منه مخليكيش تمشي معاهم تاني شوية الاشكال الزباله دي
نورا: ما هو دا الي قالهولي
علي: مش انا قولت دا راجل يا ماما
نورا: ازاي يمنعني من اني اشوف صحباتي
علي: بصي يا نورا انت دلوقتي بتقولي صحابي الي ضحكوا مش انا
نورا: ايوه
علي: بس انت كنتي مع مين
نورا: مع صحابي
علي: واما صحابك الي كنت معاهم يمشوا يضحكوا ضحك سافل وشوية رجاله احقار يعاكسوا يبقى انت اتعاكستي انت كمان حضرتك هما مش هيجوا ويقولولك اطلعي انت براهم انت معملتيش حاجه ولا قولتي حاجه هما شافوا شلة بنات عديمين التربيه بيضحكوا بمسخره ف الشارع يعني كل الناس شايفاكوا هيعملوا اي هيعاكسوا هما مش هيركزوا حضرتك مين ضحك ومين مضحكش ف فريد ف الي عمله دا مش غلطان وانا لو مكانه كنت عملت كدا فهمتي يا نورا
نورا:تمام ماشي ف دي عندك حق فهمت بس اسمع بس زعقلي ليه اول امبارح
علي: ليه
نورا: سبب تافه جدا انا كنت خارجه معاه وحبيت ابقى حلوه اوي ف حطيت ميكب كتير غير عادتي اول ما ركبت معاه العربيه لقيته بيبصلي وبيقولي اي دا قولتله فيه اي يا فريد رد وقالي اي الي انت عاملاه ف وشك دا قولتله اي يعني عامله اي زعق فيا وقالي اي كل الميكب دا دي مش عوايدك رديت وقولتله انا حبيت اكتروا شويه عشان ابان حلوه قالي يابنت الحلال انا قولتلك انك وحشه قولتلك اني مش عجبني شكلك
فقولتله لا بس فيها اي يعني اما اتجمل شويه يا فريد ف قالي وانا لما حبيتك حبيتك كده زي مانتي متحطيش ميكب كتير ولبسك محترم وشخصيتك جميله اما بقا تزودي حاجه عن دول كدا انت متعجبنيش بجد قولتله فعلا قالي اه قومت واخده بعضي ونازله ومن ساعتها وانا مش بكلموا وهفسخ الخطوبه
علي: حرام عليكي والله الواد كنز كنز وجايه تقوليلي هسيبه يا حببتي دا يأكدلك انه محترم وهيخاف عليكي وهيصونك فعلا
نورا: يا علي انت بتبررله
علي: انا مش ببرر لحد انا بقول الصح دا كده يدل انه بيحبك فعلا يا نورا وانه فعلا مناسب ليكي فهماني ولا انت دكتوره علفاضي مش بتفهمي خاجه
نورا بضحك: بس بردك زعلني دنا حتي مخاصماه من اول امبارح وعمال يرن عليا وانا اكنسل وكلمني علواتس كتير وانا مش برد
علي: ايوه بيتأسفلك يعني
نورا: اه
علي: امشي من وشي السعادي يا نورا
نورا: في اي طيب
علي: يعني كمان بيتأسفلك وانت استغفر الله
نورا بضحك: ما لازم اتقل بردك
علي: ماشي يا ستي
التلفون رن كان فريد
نورا: ارد
علي: اه ردي بسرعه
نورا: الو
فريد: برن عليكي كتير اوي يا نورا اي مبترديش ليه
نورا: وانت بعد الي عملتوا معايا يوميها يخليني اكلمك تاني اصلا
فريد: والله بعمل كده عشان بحبك انا اسف تاني يا نورا
نورا بإبتسامه: ماشي مسامحاك بس تخرجني النهارده
فريد: بس متحطيش ميكب كتير
نورا: اتفقنا النهارده الساعه 7
فريد اتفقنا
علي ابتسم بحزن: خلاص بقا اروح
نورا: شكرا يا علي بحد انت مفيش زيك اتنين
علي: منا عارف يا بنتي
نورا: يا متكبر يلا روح وسلملي علي طنط كريمه وريناد كتيير
علي: طب ما تيجي تسلمي عليهم انتي
نورا: يلا والله دا حتى صاصا واحشني
«اوعوا تستغربوا من الي عملتوا مشمعنى اني بحبها اني اخرب حياتها عشان تبقى ليا دا مش حب وبعدين انا شايف ان الراجل كويس وهيه تستهلوا صدقوني انا فعلا بحبها جدا بس الي بيحب لازم يضحي وزي ما قوتلكوا فرحتها بتفرحني اكتر😓»
كريمه: نورا حببتي عامله اي واحشاني
نورا: والله وانت يا ماما وحشاني اكتر
ريناد: نوناااااا اي الغيبه دي كلها (حضنتها)
مصطفى: اخص اتخطبتي ونسيتينا بقا هيه دي العشره يا هانم
نورا: والله لا بس اتشغلت مع فريد وكدا
كريمه: خلاص يبقى تتغدي معانا
«حسيت ان نورا مش عاوزه تكسفهم وبردك ما صدقت انها هتخرج مع فريد»
علي: لا يا ماما مش هينفع تتغدى معانا ماما ضحى عاوزاها ضروري وقولتلها هاخدها شويه وارجعها
كريمه: خلاص هتصل ب ضحى واقولها البنت هتكمل معايا بقيت اليوم
علي: يا امي مش هينفع صدقيني ممكن حماتها تيجي النهارده يرضيكي متكنش موجوده ف البيت
كريمه: خلاص ماشي يا نورا بس ابقي تعالي ف يوم وقديه معايا كله
نورا: اكيد يا ماما يلا انا همشي
علي: استني اوصلك
نورا: يلا
ف عربية علي: انا عارف انك اتحرجتي بان على وشك
نورا: بجد يا علي انت الوحيد الي بتفهمني شكرا جدا انا ما صدقت هقابل فريد ومكنتش فعلا عاوزه اكسف ماما
علي: لا عادي يلا على البيت
(__بقلم مريم الشهاوي&&&
~نورا جهزت نفسها انها تروح مع فريد المشواى بتاعها وفريد قبل ما يقابلها طلب انه عاوز علي وراحله البيت
فريد:ازي حضرتك يا طنط علي هنا
كريمه:الحمد لله يا فريد اه فوق استنى اناديهولك
كريمه:ناديه طلعي الشاي لعلي وبلغيه قوليله ينزل عشان صاحبه
فريد:لا لا هاتي الشاي انا هطلعوهله
مصطفى: الي جاب خطيب نورا هنا
علي: عاوز يتكلم معايا
مصطفى: ليه بقا
علي'اكيد عشان يشركني اني رجعتهم تاني لبعض
مصطفى اتفاجئ: انت مجنون يابني دي فرصه متتعوضش
علي: مصطفى انا بحب نورا ولا يمكن ابوظ حياتها عشان بحبها
فريد وقع كوباية الشاي من ايديه وهو واقف على الباب
يتبع الفصل الرابع اضغط هنا
- الفهرس يحتوي على جميع فصول الرواية كاملة :"رواية اعشقها" اضغط على اسم الرواية