رواية نصيبي في الحب الفصل الخامس والثلاثون والأخير بقلم توتة
رواية نصيبي في الحب الفصل الخامس والثلاثون والأخير
نور : انا حلمت ب يوسف
ملك : ايه ! بجد
نور : ايوه .. بصراحه انا برتاح معاكي في الكلام يا ملك .. عشان كده قولتلك
ملك : اكيد طبعا .. بس انتي ازاي حلمتي ب يوسف .. وانتي .. انتي خلاص هتتخطبي
نور : بصراحه انا بقالي كتير بحلم بيه ... دايما بشوفه في أحلامي
ملك : نور .. هسألك سؤال وتجاوبيني عليه بصراحه
نور : ايه ؟
ملك : انتي .. بتحبي يوسف
نور : ايه اللي انتي بتقوليه ده يا ملك .. أنا واحده شبه مخطوبه دلوقتي .. يعني ازاي افكر في حد تاني غير مروان
ملك : نور .. انتي مبتحبيش مروان
نور : لا هحبه يا ملك
ملك : يعني مبتحبيهوش
نور : مفيش اي مشاعر ناحيته .. بس قلت لو اتخطبت له هحبه مع الوقت .. عادي .... وبعدين الخطوبه بتبقى للتعارف ... اذا ارتحت معاه يبقى نتجوز .. ولو مرتحتش يبقي منكملش
ملك : انتي بتحبي يوسف يا نور .. صح
نور : مينفعش أحب حد تاني غير مروان
ملك : ليه .. ليه
نور : اكلمك بصراحه
ملك : ياريت
نور : أنا .. انا بصراحه بحب يوسف من قبل م اشوفه حتى .. من كلامكوا عنه وشخصيته اللي بتحكوا عنها كتير ... ولما شوفته انبهرت بيه لاول مره في حياتي اشوف حد وانبهر بيه .. عمرها محصلت معايا .. بس خفت .. خفت ليكون هو مبيحبنيش زي م انا بحبه .. ولما لقيت عنده كبرياء دايما .. قررت أن أنساه خالص ... عشان متعلقش بيه اكتر من كده .. ولما لقيت مروان اتقدملي وافقت بعد تفكير طويل اوي ... بس قلت انها فرصه كويسه .. يمكن اقدر أنساه للأبد .. واعيش حياتي مع واحد بيحبني .. ولأني مؤمنه اوي بمقوله " خد اللي بيحبك ومتخدش اللي بتحبه " ... اختارت مروان .. لاني شوفت في عيونه حب صادق ليا .. بس كل م اجي افكر في مروان .. الاقي نفسي بفكر في يوسف ... ومش بس كده .. لا ده انا بقيت احلم بيه كمان ... بس هو مبيحبنيش زي م انا بحبه .. كنت بمسك نفسي قدامه .. كتير اوي حتى مكنتش بقعد معاه كتير عشان متعلقش بيه .. لاني خلاص هكون لحد تاني .. انا فعلا بحب يوسف ومبحبش مروان ... بس القدر هو اللي بيحكم ... مقدرش اسيب مروان بعد الحب ده كله عشان واحد مبيحبنيش ولا عمره فكر فيا حتى .. ودي كانت طريقة تفكيري
ملك : وانتي ايه اللي عرفك أن يوسف مبيحبكيش
نور : مجرد احساس .. ممكن تحسي بحب الشخص اللي قدامك ليكي أو كرهه .. وفعلا يوسف بيحبني ... بس حب اخ لأخته .. وعشان كده قررت أن انا كمان أحبه حب الاخت لاخوها .. واوافق على مروان .. بس برضو مقدرتش
ملك : بس يوسف بيحبك .. وده واضح جدا .. بس انتي معرفتيش لسبب .. عشان انتي مش قريبه منه .. يمكن يوسف بيرتاح ليا انا ونهال ... عشان كده احنا بنعرفه بكل سهوله ... وبالتالي عرفنا أن هو بيحبك
نور : مظنش .. انا مبشوفش فيه حب غير حب الاخ لأخته بس مش اكتر
ملك : لا يا نور يوسف بيحبك ... وانتي بتحبيه ...
نور : ولو مبيحبنيش بقا
ملك : طيب بصي احنا هنقول له أن انتي سيبتي مروان .. وشوفي رد فعله
نور : بس ..
ملك : مبسش .. انتي تسمعي كلامي انا مصدقت اساسا
نور : طيب ومروان
ملك : اللي ليكي نصيب فيه هتشوفيه وده هيكون نصيبك في الحب يا نور
نور : نصيبي في الحب !
ملك : اه .. نصيبك ..
نور : ماشي
ملك : هسيبك تفكري برضو براحتك .. لو عوزتي حاجه اندهيلي
نور : ماشي
_______________________________________________________________________________________________________________________
ندي : هيا اتأخرت فوق ليه .. ده كله بتشوفها صاحيه ولا نايمه .. ده لو كانت بتخترع الذره كانت زمانها نزلت
ايمان : اتهدي شويه يا ندي
نهال : هتلاقيها نازله دلوقتي .. اسكتي انتي شويه
ندي : انا طالعه اوضتي اغير هدومي عشان متجلطش منكوا
ساره : ده احنا اللي هنتجلط منك والله
هبه : انا هطلع اخد شاور وهنزل اروح الچيم
نهال : ماشي يا هبه
ساره : نهال .. عم عبده بيقول أن في اتنين بره جايين ل نور
نهال : اتنين .. اتنين مين دول
ساره : تقريبا منهم واحد اسمه مروان والتاني .. أحمد
نهال : اه .. مروان .. ده اللي عايز يخطب نور .. خليهم يدخلوا
ساره : ماشي .. بس مفيش حد في البيت غيرنا
نهال : خلاص يا ساره .. يعني نمشي الراجل
ساره : امم .. ماشي
ملك كانت واقفه وعرفت أن مروان جاي فطلعت لنور
ملك : نور
نور : في ايه
ملك : مروان تحت
نور : ايه
ملك : والله تحت
نور : هعمل ايه
ملك : قرري دلوقتي يا نور
نور : مش عارفه افكر .. انا داليا هيا اللي بتساعدني دايما بس هيا لسه مرجعتش من الجامعه
ملك : داليا .. انتي ليه بتثقي فيها
نور : انتي مش فاهمه حاجه يا ملك .. دلوقتي انا مش عارفه اعمل ايه
ملك : خلاص قابليه عادي .. لحد م تشوفي هتعملي ايه
نور : انتي شايفه كده
ملك : اه شايفه كده
نور : ماشي
_______________________________________________________________________________________________________________________
يوسف : اي يا تيمور
تيمور : انت مش خلصت انتقامك من معتز .. ارجع الشركه بقاا .. عشان انا ناوي اخد اجازه
يوسف : ليه
تيمور : عشان هتجوز نسرين
يوسف : والله الف مبروك
تيمور : الله يبارك فيك .. عقبالك زيي
يوسف بشرود : لو اللي في بالي بس يا تيمور حست بيا
تيمور : انشاء الله يحصل اللي بتتمناه
يوسف : يارب
تيمور : هترجع الشركه امتي
يوسف : من بكره بقاا
تيمور : تمام .. انت فين
يوسف : كنت بوصل طنط ماجده بلدها بس الطريق كان متعب وراجع اهو
تيمور : من الاسكندريه الصعيد كتير برضو
يوسف : معاك حق
تيمور : ماشي يا عم يوسف
يوسف : يلا سلام
تيمور : سلام
روح يوسف البيت ودخل
يوسف : عم عبده عربية مين دي .. هو فيه حد جوه
عم عبده : ايوه يا يوسف باشا ده خطيب الست نور كان جاي يشوفها
يوسف بغضب : مييين ؟
عم عبده : هو فيه حاجه يا باشا
يوسف : لا مفيش
قال يوسف جملته ودخل الڤيلا بتوعد كبير
دخل يوسف وكان مروان قاعد مع نور في اوضة الضيوف وكلهم في الصاله سايبنهم لوحدهم
دخل يوسف الڤيلا واول م دخل
كان أحمد ونهال وملك وساره وإيمان في الصاله
يوسف : هو فين
أحمد : يوسف باشا الزهار
يوسف : وانت مين انت كمان
أحمد : أن .. أنا
يوسف : انت لسه هتنونولي
نهال : في ايه يا يوسف اتكلم عدل مع الضيوف .. ده يبقي ابن عم مروان اللي عايز يخطب نور
يوسف : وهما فين بقاا انشاء الله
أحمد : هو .. هو حضرتك تقرب ل نور
يوسف : متجبش اسمها على لسانك .. فاهم
أحمد : ف .. فاهم .. فاهم
نهال : يوسف .. في ايه
يوسف : نهال اسكتي .. هما فين
أحمد : في الاوضه جوه
يوسف : كمان
دخل يوسف الاوضه
يوسف : يعني مش مكفيك اللي عملته قبل كده .. وكمان جاي هنا وعايز تاخد حبيبتي
مروان : هو في ايه .. وانت مين
يوسف : انا اللي هاخد روحك
قال يوسف جملته وشده من ياقة قميصه وضربه بالبوكس في أماكن متفرقة في جسمه
نور : بس .. في ايه .. انت مجنون .. ازاي تعمل كده
نهال : يوسف انت اتجننت .. ازاي تعمل كده
يوسف : مش هرحمك
مروان : انت مين اصلا .. انا اعرفك .. أو شفتك قبل كده
يوسف : انا الكينج اللي هياخد روحك يا روح امك
مروان : الكينج
يوسف : ايوه الكينج .. اللي هيوديك عند ابوك انهارده .. زي م وداه تربته بسببه
نور : يوسف .. لو سمحت اخرج بره
يوسف راح ناحية نور ومسكها من شعرها : انتي تخرصي خالص .. فاهمه .. مش عايزه اسمع صوتك
نهال : انت كده زودتها بقاا
يوسف : انتي مش هتكوني لحد غيري .. انتي ملكي انا بس .. فاهمه
نور بعياط : لا مش فاهمه .. انت اصلا ملكش الحق انك تعمل كده .. أنا بحب مارو وهو كمان بيحبني وهنتجوز
يوسف اول لما سمع نور بتقول خنتجوز فقد وعيه تماما وضربها بالقلم وقعها على الأرض
يوسف : لو مش هتكوني ليا .. مش هتكوني لحد تاني .. والله العظيم لو وصل بيا الأمر اني اقتلك هعمل كده
نهال : انت غبي .. انت ازاي تعمل كده
يوسف : ودي المره التانيه اللي تفكر اخد حاجه ملكي ليك .. بس والله العظيم لاقتلك لو فكرت تكلمها تاني
نهال : هو انا مش بكلمك
يوسف : هقتلك .. هقتلك انت وامك .. ولو حتى هقضي حياتي كلها في السجن .. أو اخد اعدام .. عشان ارتاح منك زي م ارتحت من ابوك
قال يوسف جملته وخرج بره الڤيلا خالص
نهال : قومي يا نور .. متزعليش والنبي
نور : سيبوني مع مروان شويه
نهال : يلا كلكوا أخرجوا
خرجوا بره وسابوا نور ومروان
نور قلعت الخاتم من ايديها
نور : انا اسفه .. مش هقدر اكمل
مروان : ليه يا نور .. متخافيش انا هعرف احمي نفسي واحميكي وهكون قد المسؤوليه
نور : مش هقدر اكمل يا مروان .. انا اسفه .. بس انا مش هسمح أن اي حد يتأذي بسببي
مروان : مش هتأذي يا نور
نور : انا اسفه مش هقدر اكمل معاك .. انشاء الله هتلاقي الأحسن مني .. وهتعيش معاها حياه خاليه من المشاكل
مروان : بس انا بحبك انتي وعايزك انتي
نور : لو انت فعلا بتحبني .. سبني .. سبني وانساني خالص .. عشان انا مش مستعده اخسر اي حد غالي عندي
مروان : هتفرحي لما تسيبيني يا نور
نور : انا عايزه اسيبك .. بس عشان متتإذيش بسببي
مروان : انتي هتبقي اكبر أذيه لو سيبتيني
نور : مش بمزاجي
مروان : طيب فكري تاني
نور : مروان .. لو سمحت امشي وانساني
مروان : يعني ده اخر كلام عندك
نور : ومعنديش غيره
مروان : خلاص براحتك يا نور .. انا عشان بحبك .. واوي كمان هسيبك تعيشي حياتك .. وعشان حياتك بعيد عني حلوه .. هسيبك وهنساكي ... انت عايز احضنك يا نور لان دي اخر مره هشوفك فيها
نور : لو ...
قاطعها مروان في حضن طويل اوي فيه كل معاني حبه ليها وكلام كتير اوي
نور بدموع : انا مقدر حبك ده اوي
مروان : اوعدك مش هنساكي للابد يا نور عيني .. بعدك مش هفكر في حد غيرك
نور : انا اسفه مره تانيه
قالت نور جملتها وطلعت على اوضتها متجاهله اي حد بيكلمها
مروان : يلا يا أحمد
نهال : هو في اي ؟
مروان : ابقي اسأليها
نهال : انا سألتها بس هيا مردتش وطلعت ع اوضتها
مروان : هيا هتقولك بطريقتها ... يلا يا أحمد
أحمد : يلا
خرجوا من الڤيلا وراحوا العربيه
أحمد : هو ايه اللي حصل
مروان بدموع لاول مره في حياته حتي في وفاة باباه معيطش كده : سابتني يا أحمد
أحمد : سابتك
مروان : ايوه سابتني للأبد خلاص
أحمد : خلاص يا مروان .. انساها .. انساها وعيش حياتك وانشاء الله ربنا يرزقك بالأحسن
مروان : مفيش أحسن منها بالنسبالي
أحمد : وانت هتعمل ايه .. ده قدر ومكتوب
مروان : انا هسافر .. نسافر انا وامي
أحمد : ويوسف
مروان : مش عايزه يأذيني في امي .. احجز تذكرتين للندن
أحمد : ماشي .. ماشي بس انساها بجد عشان تعرف تعيش حياتك يا مروان .. افتح قلبك تاني
مروان : ده شئ مستحيل .. انا وعدت نفسي أن انا عمري مهنساها للأبد
أحمد : انساها عشان تعرف تعيش
مروان : خلاص ي احمد قفل ع الموضوع
أحمد : براحتك بس انت لما تسافر هتابع شغل الشركه ازاي أو حتى هتروح شغلك في الجامعه ازاي
مروان : هنقل شغلي هناك وشغل الشركه هبقى أتابعه كل فتره من هناك وهبقى انزل في الأجازات وده يعني لو ممكن تساعدني
أحمد : من غير ممكن اكيد هساعدك
مروان : كويس .. انا همشي علي أول طياره بعد اسبوع على م اظبط الدنيا
أحمد : اعتبروا حصل
_______________________________________________________________________________________________________________________
نهال : هو في ايه انا مش فاهمه حاجه خالص
ملك : نور تقريبا كده فشكلت خالص
نهال : ليه .. ليه تعمل كده
ملك : هو يوسف بوظ كل حاجه .. اكيد دلوقتي نور كرهتوا
ايمان : هو يوسف بيحب نور ولا ايه
ملك : ايوه بيحب نور
نهال : طيب اكيد دلوقتي هو زعلت ع القلم اللي يوسف ضربهولها ده
ملك : زعلانه بس .. انا طالعه اشوفها
طلعت ملك لنور
ملك : نور .. نور افتحي الباب
نور : ملك .. انا عايزه امشي من هنا
ملك : علفكره يوسف بيحبك .. وعمل كل ده عشانك
نور بدموع : كان مين هو عشان يمد أيده عليا .. محدش عمره عملها فيا ييجي واحد زيه ويضربني ... وتقوليلي بيحبك ... وانابكرهو .. بكرهو اوي .. ومستحيل أحبه تاني بعد اللي عمله .. بس اتصلي عليه قوليلوا ميأذيش مروان والنبي .. مش عايزاه يتإذي بسببي يا ملك
ملك : اهدي .. اهدي يا نور .. هكلم تيمور صاحبه هو اللي هيعرف يهديه
نور : اي حاجه بس ميأذهوش خالص
ملك : خلاص متقلقيش .. هو .. هو انتي سبتي مروان
نور : اه .. ايوه سبته .. بس عشان أنقذه مش اكتر
ملك : خلاص يا نور هو كل شيء قسمه ونصيب
نور : انا عايزه امشي من هنا .. مش هستحمل اعيش ثانيه واحده هنا بعد اللي حصل .. انا لما عمو كان هنا وقالي تعالي معايا .. مكنتش عايزه امشي معاه عشانه مش عشان مروان ... كنت خايفه ل مشفهوش تاني .. وانا مقدرش
يوسف : ولا انا أقدر .. ولا انا أقدر ازعلك مني لاي سبب من الأسباب
نور : انت اي اللي جابك هنا .. اطلع بره .. انا اصلا بكرهك .. بكرهك .. وعمري م هحبك تاني ابدا .. خلاص
يوسف : بس انا بحبك .. وانتي كنتي عايزه تسيبيني وتمشي .. وانا عشان بحبك غرت عليكي ولما بغير بتعصب ومببقاش عارف أنا بعمل ايه
نور : وانا كنت بحبك ... لا ده انا كنت بموت فيك .. بس دلوقتي كرهتك .. ازاي .. ازاي تضربني بالقلم .. انا عشت عمري كله محدش قدر يمس شعره واحده مني
يوسف : انا اسف ... سامحيني يا نور .. انا بحبك من اول مره شوفتك فيها ..
نور بسخريه: مهو واضح فعلا .. انا خلاص اتعقدت في صنف الرجاله كلها .. سواء من معتز أو حتي منك .. لو كان ده الحب يبقى بلاش منه خالص
يوسف : انا عارف اني غلطت .. بس لو انتي بتحبيني هتسامحيني
ملك : نور .. خلاص بقاا .. سامحيه
نور : هسامحك يا يوسف بس بشرط
يوسف : هو ايه
نور : تنسي مروان خالص ومتجيش جنبه
يوسف : ازاي يع....
نور : هو ده شرطي
يوسف : وانا موافق
نور : مسامحاك
يوسف : بس انا عندي شرط
نور : هو ايه
يوسف : نفس شرطك
نور : انا اصلا عمري م فكرت فيه عشان أنساه
يوسف : بجد
نور : بجد
ملك : نهال بتنادي .. انا نازله
يوسف : ياريت
_______________________________________________________________________________________________________________________
ادم : لا أنا مش هسهر معاكوا تاني .. انسوا
كريم : ليه يا عم ده فيه كتير اوي جايين
ادم : بص بقا يا كريم .. ياريت متكلمنيش تاني .. انا مش هسهر معاكوا تاني في أماكن زي دي
كريم : ليه انت توبت ولا اي
ادم : ايوه تبت ومش هرجع تاني .. ياريت بقا متتصلش لا انت ولا حد منهم
كريم : يعم تعالى بس وهايدي موجوده هيا وماجي
ادم : ابقى اعمل بيهم شوربه بقاا .. بس بعيد عني .. سلام
_______________________________________________________________________________________________________________________
يوسف : اوعدك مش هزعلك تاني
نور : وانا كمان
يوسف : بحبك
نور : وانا كمان
يوسف : بجد!!؟
نور : ايوه بجد بحبك من قبل م اشوفك
يوسف : يارب ميكونش حلم
نور : لا مش حلم يا يوسف
يوسف : طيب بالمناسبه دي بقا .. تتجوزيني يا نور قلبي
نور : هفكر
يوسف : طيب .. على ما تفكري بقا اروح الشغل اللي بقالي اسبوع مهمله ده
نور : والله
يوسف : على م تفكري بس
نور : بس انا مش لسه هفكر
يوسف : يعني ايه
نور : يعني موافقه
يوسف : اخيراا
نور : بحبك
يوسف : بعشقك
تمت رواية كاملة عبر مدونة دليل الروايات
- الفهرس يحتوي على جميع فصول الرواية كاملة :"رواية نصيبي في الحب" اضغط على اسم الرواية