Ads by Google X

رواية دار الايتام الفصل الواحد والثلاثون 31 - بقلم أميرة أسامة

الصفحة الرئيسية

رواية دار الايتام البارت الواحد والثلاثون 31 بقلم أميرة أسامة

رواية دار الايتام كاملة

رواية دار الايتام الفصل الواحد والثلاثون 31

المذيع...شكرا لتلبية الدعوة ليل باشا ونوح باشا..
نوح...انا اللي بشكرك انك ادتني فرصة اني اطلع اتكلم..وارجع جزء حتى لو بسيط مؤقتا لغاية ما اخد حقي
ليل...شكرا ليك..بجد..
المذيع...ان شاء الله هتاخدو حقكم قريب..
ليل...ان شاء الله شكرا ليك كمان مرة ...
.................
خرج نوح وليل بكل ثقه..
اما نوح... فاكان حاسس براحه ان حقه وحق نور بيرجع...
ليل...انا رايح عالشركة هتيجي معايا...
نوح...ايوه هشوف ادم عشان الشغل اللي فوق دماغه ده.
ليل...لو عايز تروح عشان نور روح..لا هخلص اللي ورايا واروح.
ليل...تمام زي ما تحب..ركبو عربياتهم وراحو عالشركة...
................
خرج جاسر من الفندق اللي كان فيه الميتنج بعد ما خلص...ركب العربيه هو وتمارا....ولسه تمارا زي ما هي ساكته...
دور جاسر العربيه وطلع....
جاسر...بابتسامه...هتفضلي ساكته كده🤨
تمارا...😡😡😡
جاسر...ياساتر ايه الوش ده...
تمارا...بقولك ايه انا مش عايزة اتكلم معاك اسكت.
جاسر...وهو بيضحك ليه بس ياحبيبي انا عملت ايه لكل ده..انا قولتلك بحبك امال لو كنت قولتلك بكرهك
كنتي عملتي ايه..
تمارا..جاسر انت بتهرج صح..
جاسر...امال اعمل ايه طيب. انا مش عارف انتي مالك بس..
تمارا...ماللي ايه..بس ياجاسر...انت مش مستوعب الموقف اللي حطتني فيه احط عيني في عينهم تاني ازاي...
وقف. جاسر..العربيه...
تمارا...وقفت ليه..
جاسر...عشان نشوف حل مع بعض ونعرف ازاي هتحطي عينك في عينهم...
تمارا...انت بردو مصمم تهزر صح..
جاسر...بضحك...وانتي مصممه تكبري الموضوع انا مش فاهم ايه اللي مضايقك يعني الفترة اللي فاتت انا بالنسبالك كنت اناني ووحش وفرحان باللي انا فيه وبتسلى بيكي ومبسوط اني خاطب وفنفس الوقت بقضيها معاكي مش ده كلامك..وانهرده لما رميت الدبله لهايدي وكنت هقتلها عشان بس فكرت انها تضايقك ولما قولت بحبك مضايقة ومتنرفزة وتقولي هحط عيني في عينهم ازاي...انتي بقى ست العاقلين وانا مجنون قوليلي بقى انتي عايزة ايه. وايه الي يرضيكي وانا هنفذه....
تمارا...على فكره انا مقولتش اني مضايقة...انا بس يعني حاسه اني محرجه من ليل وادم ونوح...سيبك من عشق وزهره اه انا محرجه منهم بس عادي
جاسر...... وليه محرجه بس ياحبيبي المفروض تكوني مبسوطه...انا اعترفت بحبي ليكي ادامهم....عايزة ايه تاني..
تمارا...مش عايزة بس بردو حاسه اني هفضل مرتبكه ومتوترة بسببك.
جاسر...بت انتي
انتي ناويه تجنني امي....بحب مجنونه...وبعدين هو القمر ده وش احراج طب انا كنت مشفق على هايدي منك ده انتي كنتي هتاكليها ولا القلم اللي ضربتيهولها ده لوحده مينفعش بعديه تقولي انك محرجه...
تمارا...لا والله صعبانه عليك...والله لولا اننا في الشركة كنت مسكتها قتلتها...
جاسر...شريرة اوي.
تمارا...خاف مني بقى..
جاسر...بحبك
تمارا...بابتسامه وانا كمان..
جاسر..طيب اطلع ولا لسه مش عارفه تحطي عينك في عينهم أزاي
ضربته تمارا على كتفه براحه....اطلع يارخم...
...طلع جاسر وهو مبتسم وماسك ايد تمارا في ايده...
.................... ....................
عشق....الووو.
زهره...ايوه ياعشق..
عشق...زهره...بقولك ايه...عيزاكي في حاجة
زهره...حاضر هجيلك.
عشق...لا لا خليكي انا بس عايزاكي تساعديني في حاجة ضروري..
زهره...حاجة ايه قولي...
عشق...بصي انا عيزاكي تحاولي...تبعدي شاهي عن مكتبها بأي طريقة مش عارفه هتعمليها ازاي بس حاولي وبطريقة متخليهاش تشك انك بتحاولي تبعديها عن المكتب
زهره...تمام سبيها عليا دي...بس قوليلي في ايه.
عشق...هفهمك بس مش الوقت اخلصي مفيش وقت واول ما تعملي كده اديني رنه من غير ما هي تحس..
زهره...طيب تمام اقفلي يلا...
عشق...تمام بس بقولك ايه حاولي تأخريها شويه..
زهره...المهم بس تيجي معايا دي رخمه ومبتطقش حد فينا.
عشق...حاولي عشان خاطري يازهره.
زهره...ربنا يسهل يلا سلام..
عشق...سلام
.............
زهره...قامت من على مكتبها....راحت لادم
زهره....ادم...ممكن اروح اشوف عشق عايزة ايه..
ادم....في حاج ولا ايه..
زهره...لا هي بس.. قالتلي لو فاضيه تعالي عشان محتاجاني..فلو انت مش محتاجني. يعني ممكن اروح اشوفها.
ادم...بأبتسامه انا مستغناش.. بس روحي ياستي اصلا احنا خلاص المفروض بنخلص...
تمارا...بابتسامه...تمام..مش هتأخر..
ادم...تمام.. لو في حاجة عرفيني.
زهره...حاضر .
................
خرجت...زهره من مكتب ادم...راحت لشاهي...وبتدعي تعرف تمشيها من المكتب...
وصلت زهره...ادام مكتب شاهي....
زهره...مساء الخير يا انسه شاهي..
شاهي.... ببرود وتجاهل...مساء الخير في حاجه يا انسه زهره...
زهره....ايوة في بصراحة محتاجاكي تساعديني في حاجة وبصراحة كمان مفيش حد غيرك هيقدر يساعدني فيها..
شاهي.. سابت الورق اللي في اديها وبصتلها... حاجة ايه...
زهره...مرتبكة واصلا مش محضرة اي كلام في دماغها ولا عارفة تقول ايه ملقتش غير انها تقول كلام في حقها خصوصا ان شاهي من الناس دي اوي...
زهره... بصي هي حاجة شخصيه مش حاجة فالشغل . يعني بصراحة انا بيعجبني لبسك والميكب بتاعك جدا ..
ابتسمت شاهي بتعالي وغرور...ميرسي يازهره..
زهره...لا دي مش مجاملة دي حقيقة...وطبعا انا مش بحط ميكب خالص ولا بفهم فيه زيك وطبعا زي ما انتي شايفه البنات مش هيعرفو يساعدوني دول اخرهم روچ ان حطوه كمان...
ابتسمت شاهي...واضح بشوف.
زهره...انا بقى خدتك قدوه ليا ومثل اعلى وبالنسبالي احسن من اي ميكب ارتست..زهره. في داخلها سامحني يارب... منك لله ياعشق الكلب...
زهره....عشان كده انا يعني ابتديت اجيب حاجات و جبت كام حاجه كده كنت عيزاكي يعني تشوفيهم وتقوليلي حلويين ولا لا وبيتحطو ازاي. كده يعني
ممكن..
شاهي....بغرور طبعا طبعا...اكيد. بس ايه اللي جد يعني شكلها كده فيها جو جديد..
زهره... في داخلها....اه يابنت الجزمة ياواطيه. جو ياواطيه...منك لله ياعشق...
زهره...بابتسامه...يعني...
شاهي...وحاطه عينك على مين بقى.
زهره...يعني حد كده...
شاهي...من الشركة
زهره....لا لا ده حد معايا في الجامعة...
شاهي...ااااه...طيب..وريني الميكب...
زهره....اوريكي هنا....ازاي مش هينفع اللي رايح والجاي هيشوفنا...تعالي طيب في التويلت...
شاهي...طب بسرعه عشان مستر ليل مأكد عليا مسبش المكتب...
زهره...لا مش هأخرك على طول يلا...
قامت...شاهي. معاها..وبعتت زهره...بسرعه لعشق عالواتس...
زهره...يلا بسرعه ...
ودخلت مع شاهي الحمام....
فتحت...عشق...الباب... براحه. وخرجت... بسرعه...على مكتب شاهي...دورت عالمكتب عالموبايل..
عشق...يارب ما يكنش خدته معاها....ومسكت شنطتها براحه...لقت موبايلها.... فتحته بسرعه وجابت الاتصالات ودورت بسرعه علي ساعه معينه بتاريخ امبارح...كانت. حوالي الساعه 6. ولقت الرقم..اللي كانت مكلماه في نفس التوقيت .كتبته بسرعه....على موبايلها....
وسابت الموبايل... لكن فضولها. قتلها. مسكت الموبايل بسرعه تاني... ودخلت عالواتس. بسرعه..ولحسن حظها... لقت الرقم ادامها...وعشان الرسايل كانت كتيره بينها وبين الرقم ده. حددت كذا رساله وكذا تسجيل بسرعه...وبعتتهم لنفسها... بقت واقفه مش على بعضها وعايزة الرسايل توصل بسرعه عشان تمسح رقمها وشاهي متاخدش بالها...
فضلت الرسايل تتبعت ورا بعض ورا بعض...
وفوسط ما الرسايل .بتتبعت بعتت زهره رساله
زهره...خلصي. يلا بسرعه....
وطبعا لان الرسايل من موبايل شاهي بتتبعت وعشق مش مركزة مخدتش بالها من رساله زهره....
واخيرا ...الرسايل.. اتبعتت
مسحت عشق...بسرعه اسمها من الواتس..عشان ميبنش انها بعتت حاجه....
وقبل.. ما ترجعه شنطتها....
...........انتي بتعملي ايه ياعشق...
في اللحظه دي عشق قلبها وقف....😳😳😳😳😳😳
..............
سهام....ايه رإيك يانور في اللي سمعتيه...
نور....حتى لو ده صح...هيفيد بأيه..ماخلاص.
سهام...هيفيد كتير يا نور... اول حاجه انك تكوني متأكده ان نوح معملش كده...وبعدين انتي ليه مستسلمه كده يانور...
نور....بحزن وشرود وصوت مكسور عيزاني اعمل ايه... حتى لو مش نوح... هي هي نفس النتيجة... واحد بالنسبالي....لو مش نوح يبقى غيره وفي الحالتين انا مستقبلي ضاع ثقتي في نفسي مبقتش موجودة ثقتي في الناس اتعدمت...لو مش نوح احساسي انه هو اتجوزني هيفضل في نظري شفقه. مش اكتر...واكيد هيجي عليه اليوم اللي يبعد ويبتدي حياته مع واحدة غيري واحدة محدش لمسها..واحدة متفضحتش. ادام مصر كلها...واحدة تشرفه مش تكسفه...
سهام...ايه اللي انتي بتقوليه ده يانور...انتي ليه مقلله من نفسك كده يابنتي انتي ملكيش ذنب في اللي حصل انتي مظلومه انتي ليه محسساني ان اللي حصل ده بمزاجك...وبعدين عايزه اقولك ان نوح كان معاكي في الصور يعني لو انتي شايفه انك اتفضحتي فا مش لوحدك نوح معاكي ومش نوح بس انا وليل وكل عيلتنا... ومع ذلك احنا مش باصيين بنفس نظرتك دي...وبعدين بعد حلقة انهرده دي انا شايفه ان جزء كبير من كرامتك وثقتك في نفسك رجعولك واي حد هيحاول يفتح بوئه مش هيقدر...
نور...حتى لو اللي حضرتك بتقوليه ده صح...بس اللي انا خسرته اكبر بكتير من مجرد فضيحة...انا خسرت سمعتي وشرفي...خسرت نفسي انا بقيت عايشه من غير روح... عايشه بس انا من جوايا ميته..
سهام....لا يانور بعد الشر عنك متقوليش كده حبيبتي كل حاجه هتتحل وكله هيعدي يانور صدقيني هتعيشي وهتنسي وتفرحي وتتبسطي. بس عشان خاطري مش عايزه اشوفك كده...هتعدي كل حاجه انتي ونوح مع بعض..
نور....يمكن يحصل اللي حضرتك بتقوليه ده مع الوقت لكن مش مع نوح. نوح مجرد فترة في حياتي هتعدي وبعدها كل واحد فينا هيروح لحاله...
سهام...ليه بتقولي كده يانور...هو انتي مش بتحبي نوح.يعني من كلام ليل ومن نظرات نوح وحتى نظراتك انا واثقه انكم بتحبو بعض..
نور...بقول كده عشان مينفعش اظلمه ويبتدي حياته مع واحدة حد لمسها غيره...مش هكدب على حضرتك انا عمري ماحبيت في حياتي حد اد ما حبيت نوح.. نوح بالنسبالي كان حلم اتمنيت طول حياتي احققه... وحتى بعد اللي حصل وسواء هو اللي عمل كده او لا عمري ماكرهت نوح...ولا عمري هقدر اكرهه..انا كبرت علي حبه واللي كبر على حب حقيقي. لا يمكن يقدر يكره. يمكن حاسه بخوف من ناحيته بعد ما كان هو الامان يمكن لما بشوفه ببقى مش عايزه اشوفه وببعد عيني عنه مبقتش عاوزه اسمع صوته.. بس غصب عني لسه ليه مكان في قلبي والغريب ان مكان مصغرش بالعكس. مكانه زي ما هو..
سهام...وبعد كل الكلام اللي بتقوليه ده. عايزه تبعدي عنه...تبقى عبيطه لو ضيعتي الحب ده من ايدك يانور... وقولتهالك قبل كده وهقولهالك تاني...ادي نفسك فرصه او استني لحد ما تتأكدي بنفسك هو اللي عمل فيكي كده ولا مش هو. واانا بنفسي لو طلع هو انا مش هرحمه وهقف معاكي انتي... لكن متيأسيش بسهوله كده...فكري يانور..عشان خاطري ..انا هسيبك الوقت عشان ترتاحي...وانزل احضر العشا لحد ما يجو..وياريت انهرده تنزلي تاعدي معانا تحت... عشان خاطري..عالاقل تغيري جو بدل الاوضه اللي انتي حابسه نفسك فيها دي..ممكن
نور....حاضر..
........
عشق...فتحت. مكتب... ليل بسرعه ودخلت....
ادم...في ايه...
عشق...وهي بتقفل وماسكه قلبها...حرام عليك يا اخي وقعت قلبي..
ادم...انا مش فاهم حاجة ممكن تفهميني ايه اللي بيحصل وبعدين كنتي بتعملي ايه في تليفون شاهي🤨🤨
عشق...لا بقولك ايه متبصليش وترفعلي حواجبك كده... هقولك بس اوعدني متقولش اي حاجة الوقت...
ادم...في ايه ياعشق.. قلقتيني...
عشق.. طيب تعالي اعد. الاول...راحت عشق. اعدت على الكرسي وادم ادامها...
ادم...اديني اعدت ممكن افهم بقى..
عشق... امبارح. بعد ما خلصت شغل خرجت عشان اجي لزهره وتمارا عشان اشوفهم خلصو ولا لا عشان نمشي.ونروح نطمن على نور..
سمعت شاهي بتتكلم في الموبايل شكلها مكنش طبيعي...كانت واقفه بعيد عن مكتبها وبتتكلم ومش حاسه بيا...كانت الساعه 6 بالظبط. واللي سمعته خلاني طلعت الموبايل بسرعه وسجلتها و.سمعتها بتقول فتحت عشق لادم التسجيل....
فلاش... باك....
.....
شاهي....بقولك كله تمام متقلقيش الدنيا مقلوبه هنا. من ساعة ما جم الصبح. والجو كله توتر بسبب الصور اللي شافها الموظفين في الشركة...
.........
شاهي...ليل... هيجراله حاجة بسبب الموضوع ده هيتجنن ومش على طبيعته خالص...
.......
شاهي....لا خالص محدش حس بأي حاجة... ولا حتى عرفو مين اللي حط الصور راجعو الكاميرات وموصلوش لاي حاجة
.........
شاهي...اطمني... هبلغك بكل حاجة اول بأول...بس مقولتليش ناويه على ايه الخطوة الجاية..
......
شاهي...لا خالص مجرد فضول بس...
.....
شاهي....ليل. مره واحده. بس خلي بالك ليل صعب. وذكي يعني مش هتخيل عليه زي نوح...
........
شاهي...انا قولت اعرفك... خصوصا ان ليل شال قلبه وحط مكانه حجر...
........
شاهي...تمام...عموما انا لازم اقفل الوقت عشان اروح على مكتبي..
.......
شاهي...تمام هبلغك وهفتح عيني كويس...يلا سلام...
............
زهره...يعني ايه مش فاهمة..
شاهي...يعني كلهم حلويين نوعهم كويس بس في حاجات لازم تجيبيها ده مش كل الميكب في حاجات لازم تزوديها كده لو حبيتي تعملي ميكب. هيكون ناقص الميكب يا زهره خطوات بنحطه بالترتيب وانتي في حاجات معاكي وفي حاجات ناقصه...فهمتي..
زهره...كل ده وفي حاجات ناقصه..
شاهي...امال لو شفتي الاوضه بتاعتي انا مخصصه مكان للميكب.
زهره...بصوت واطي هتقوليلي ده وشك. عامل زي البلياتشو..
شاهي...بتقولي حاجه..
زهره...لا بقول اني من غيرك كنت هعك الدنيا
شاهي..عموما انا هكتبلك الحاجه اللي نقصاكي وجبيها...وانا عرقتك تستخدميهم ازاي..
زهره...تسلمي ياشاهي بجد من غيرك معرفش كنت هعمل ايه
شاهي...بغرور لا مفيش حاجة ولو احتاجتي اي حاجة في اللبس كمان انا موجودة...
زهره...لا لا شكرا كفايه الميكب انتي ناسية اني محجبه.
شاهي...ماشي ياستي انا هخرج انا بقى عشان اتأخرت..
زهره...وهي خايفه تكون عشق مخلصتش..استني ..
يعني اقصد كده مفيش اي حاجة نسيتي تقوليهالي
شاهي...لا خالص ويلا تعالي عشان اكتبلك اللي ناقصك..
زهره...بقلة حيله طيب..
............
........
بااااااك.
ادم..بصدمه.... يعني شاهي اللي حطت الصور وشاهي بتلعب لحساب حد تاني..
عشق....انا من يوم ما جيت وعمري ما ارتحتلها بس مكنتش اعرف انها بالقذارة دي...
ادم...طيب بردو احنا معرفناش كانت بتكلم مين...
عشق...ماهو ده اللي كنت بعمله... انا دورت في تليفونها في التوقيت اللي اتكلمت فيه امبارح... ولقيت الرقم ده...وادتله الورقه ..
ودخلت عالواتس بسرعه ولقيت الرقم ادامي كان اخر رقم هي بتكلمه...قبل ما زهره تبعدها عن المكتب....
ادم...ياستغراب... رقم مين ده...
عشق...متعرفهوش...
ادم...لا...خالص...
عشق...طيب شوف كده يمكن تكون مسجله. عندك.
كتب ادم الرقم ومطلعش اسم ...
ادم...مفيش اسم...انا هتصل..
عشق...لا متعملش كده.
ادم..ليه..
عشق...عشان لو الشخص اللي هي بتكلمه ده سواء راجل او ست. لو جايب الرقم ده مخصوص بينه وبين شاهي... واحنا اتصلنا هنخليه يشك ان حد فينا عرف ..
ادم....صح...عندك حق... بس عادي ممكن اقول الرقم غلط...
عشق...وانت متخيل ان اللي عايز يوقعكم واحد ورا التاني مش مسجل ارقامكم عنده ...
ادم....ايوه فعلا ممكن...ايه الدماغ دي انتي كنتي شغاله في المخابرات ولا ايه.
عشق...بابتسامه لا بس عشت حياة اسوء من حياة المخابرات..علمتني كتير
ادم...طب ايه احنا لازم نقول لليل.
عشق...لا ليل لا... عشان مش هيكست وهيبان عليه..واحنا عايزين نشوف اخرها ..
ادم...بس واضح.. من كلامها ان الشخص اللي بيكلمها دي بيدبر حاجه لليل.
عشق....هو ده اللي قالقني مش عايزة اعرفه عشان احنا نعرف معلومات اكتر وفي نفس الوقت عيزاه يعرف عشان يخلي باله...
ادم...انا تعبت اوي بجد اعصابي باظت من اللي بيحصل ده
عشق...هتعدي ان شاء الله بس لازم نخلي بالنا...عيزاك تخلي بالك على ليل وجاسر...وانا هخلي بالي على تمارا...اللي حصل مع هايدي بردو مش مطمني حاسه..انها مش هتكست..
ادم...حاسه...انتي لازم تتأكدي انتي عندك حق لازم نخلي بالنا عليهم...هايدي دي شيطانه انتي متعرفيهاش هي واخوها وابوها..
عشق...انا مش فاهمه جاسر ازاي خطبها.اصلا بصراحه هي مش ماشيه معاه خالص..
ادم...كانت سكينة الحب سرقاه بس الحمد لله فاق من فترة.
عشق...وليه مسبهاش.
ادم...ليل طلب منه يكمل عشان حاجات كتير اولهم انه كان قلقان عليكو وعلى تمارا بالاخص بعد اللي حصل..
عشق...باستغراب... حصل ايه...
وفي اللحظه دي اتفتح الباب...
وقف ادم...ليل...جيت امته..
ليل...كان باين على ملامحه انه مضايق لما دخل شاف ادم اعد مع عشق وحاسس بغيره فظيعة كانت باينه على شكله ونظراته لسه واصل.. ايه بتعمل ايه هنا
ادم...بارتباك من نظراته اللي اكدت لادم ان ليل فعلا شايل حاجه في قلبه من ناحيه عشق...ابدا كنت
عشق...بصت لادم عشان مايقولش حاجه لا اصل انا اتصلت بزهره من شوية تجيلي ولما اتأخرت جه.. ادم يشوفها...
ليل...جه يشوفها امم..امال فين زهره...
زهره...دي دي كانت هنا ولسه خارجة
ليل...طيب...شوفته الحلقة..
ادم...اه كده تمام اوي...امال فين نوح روح...
ليل...لا راح على المكتب يشوفك عشان سايبلك شغل كتير بس واضح انك خلصته...
بص..ادم. لعشق.......اللي بصتله بعينه نظره كأنها بتقوله متتكلمش...
ادم...طيب انا رايحله...
وخرج...ادم من غير ما يسمع رد... ليل...
عشق...حست بارتباك...
عشق...انا هروح اكمل شغل..
ولفت ضهرها بسرعه قبل ما تسمع رده. لكن اتفاجأت بأيد بتقبض على كف ايدها بقوة..ألمتها...ووقفت قلبها من الخضه..
عشق...في ايه..
ليل...انتي اللي في ايه
عشق...مش فاهمة...
ليل...هو ايه اللي مش فاهمة. من ساعة ما دخلت وانتي متوترة حتى نظراتك لادم
عشق...ااادم...تقصد ايه..
ليل...والله انا اللي بسألك..في ايه انا لو فاهم مكنتش سألت
عشق...مفيش حاجه...ياليل...زي ماقولتلك جه. يشوف زهره..واعدنا نتكلم شويه..مش اكتر.
ليل...في ايه بتتكلمو في ايه..
عشق...في ايه ياليل مالك..عادي يعني كلام عادي في اللي حصل الصبح..مع هايدي وجاسر في نوح ونور يعني مفيش جديد..
ليل...متأكدة..
عشق...حست بارتباك...ايوة..
ليل...تمام بس اللي حصل ده ميتكررش تاني..
عشق...هو ايه..
ليل...وهو صوته عاللي نسبيآ بعصبيه انتي هتستعبطي هو ايه اللي هو ايه...المنظر ده ميتكررش تاني مفهوم. واول واخر مرة اشوفك اعده مع اي حد لوحدك.
عشق...بعصبية من طريقته. وتلميحاته...انت بتعلي صوتك كده ليه ومنظر ايه اللي مش عاجبك ومش عايزه يتكرر هو حضرتك دخلت شوفتنا ازاي عشان تضايق اوي كده..وبعدين حد مين انا كنت اعده مع ادم...
ليل...يعني ايه ادم مش فاهم مش راجل ده ولا ايه...انا قولت اللي عندي والكلام ده مش على ادم وبس على جاسر ونوح كمان فهمتي..
عشق....ده ليه يعني ان شاء الله..
ليل...حضرتك ناسيه انك في مكان شغل ولا ايه يعني ده مش مكان للكلام والاعده وتضييع الوقت..
عشق....ااااه...تمام. لا في دي عندك حق ومش هتتكرر تاني ولا حتى مع البنات عشان زي ما قولت ده مكان شغل حقك...وبعد كده لو حبيت اتكلم مع اي حد فيهم هتكلم معاه بره... بعد اذنك. وقبل ما تلف. كان ليل وصل لاعلى درجات غضبه من غبائها اللي صورلها انه بيعمل كده فعلا عشان الشغل مش عشان غيران عليها...شدها ليل.. من ايدها بقوه..
عشق...ااااه...ليل سيب ايدي...
ليل...قسما بالله لو دماغك فضلت ناشفه كده وفضلتي تعاندي معايا هتزعلي ياعشق ..اليومين دول بالذات انا مش حمل ان اي حد يعصبني ...
عشق....هو انا مش اتأسفت وقولت مش هتتكرر تاني عايز ايه تاني...
ليل...عايز كلامي يتنفذ
عشق...وانا قولت مش هتتكرر في الشركة تاني..
ليل...بصوت يرعب...ولا بره الشركة...
حست عشق.. بخوف من صوته بس كملت بكل ثقه..وده من ايه بقى ان شاء الله طب الشركة وقولت حقك تتحكم في اي حاجة بتحصل فيها وليك كل الحق انك تقبلها او ترفضها...لكن بره الشركة دي حياتي انا انا حره اعمل اللي انا عيزاه...
ليل...لا مش حره...واللي قولته هيتنفذ
عشق...ليه..وبأمارة ايه تتحكم في حياتي.
ليل....مزاجي كده..
عشق...خدت نفس طويل وهي متعصبة من طريقته ...وبكل ثقه...وانا مش هنفذ كلامك ياليل جوه الشركة هنفذ اللي انت عايزه بالحرف عشان ده مكان شغل زي ما قولت ودي شركتك انت حر تمشيها بالطريقة اللي تعجبك لكن حياتي انا مش على مزاجك ياليل...انت فاهم..
انا حياتي مش على مزاج حد...
ليل...وهو بيبصلها بغضب...تمام ياعشق... عموما انا اللي عندي قولته وجربي تعملي عكسه بس متلوميش غير نفسك بعدها ..
عشق...باستفزاز...هجرب ياليل. واحب اعرفك اني انا مبتهددش.
عض. ليل على شفايفه بغضب وهو بيقبض على ايده جامد...وقبل ما يتكلم رحمها منه خبط الباب...
شاهي.....مستر ليل.. في واحدة بتقول انها عايزه تقابل حضرتك...
ليل...مين..
شاهي...مقالتش. يا افندم...
ليل...دخليها...
ورجع بص لعشق اللي واقفه مربعه ايدها. على صدرها زي الاطفال بغضب...
خبط...الباب..واتفتح وكانت الصدمه....
ليل....بهمس....ريماا
عشق..😧🤨
ريما....ازيك يا ليل...
..........
وصل جاسر وتمارا... وكان ادم خارج من عند ليل وخد جاسر معاه على مكتبه عشان يقوله..
ادم.....بس ده اللي حصل
زهره...يانهار اسود دي طلعت قذرة..
ادم...المهم مين اللي وراها ومين اللي بيحركها.
نوح...بنت الكلب انا هروح اموتها بأيدي..
ادم...وهو بيمسكه...استنى بس انت مجنون...
مينفعش...لو عملت كده مش هنستفاد حاجه ولا حتى هنعرف مين اللي وراها
جاسر...بقولك ايه يانوح...اللي جاي لو متعاملناش معاه بهدوء هنخسر كل حاجه...
نوح...هخسر ايه اكتر من اللي خسرته ياجاسر...انا خسرت سمعتي واتفضحت. خسرت نور وحبها ليا انت لو تشوف نظراتها ليا اللي كلها كره هتقوم بنفسك تخلص عليها..
تمارا...نوح...ادم وجاسر معاهم حق... وحتى لو خسرت كل ده زي ما بتقول عشان ترجعه لازم تصبر ومتضيعش الفرصه دي من ايدك خصوصا انها هتوصلك لحاجه...
ولو على نور يا سيدي استحمل شويه بردو اللي حصلها مش شويه. ولو جيت للحقيقه يمكن ده يكون سبب ان كل حاجه ترجع زي ما كانت واحسن. ونور هتنسى
ادم.. اهي قالتلك اهي... اهدى كده بقى وعايزين نخطط كده هنعمل ايه...
زهره...انا رأيي في الاول نحاول نعرف. الرقم ده يخص مين.
نوح ..مفيش غيرها او غيره..
تمارا...تقصد مين..
جاسر...هايدي وسامر صح..
نوح..وديني لو طلع سامر اللي وراها ما هرحمه..
ادم...اما عن نفسي مش شاكك غير فيهم..
جاسر...هيبان وحقك وحق نور هيرجع...هايدي كده غلطاتها كترت اوي..ومصايبها عماله تزيد
زهره...طيب حتى لو هي ليه بتعمل كده..
نوح....انا هتجنن. بجد..
تمارا ....مع اني مش طيقاها بس مش يمكن تكون مش هي
جاسر...انا اتوقع منها اي حاجه..
زهره...طيب ولما انت شاكك فيها كده ليه كنت خاطبها يعني سؤال مش اكتر لو مش حابب تجاوب عليه خلاص.
جاسر....لا عادي...كنت بحبها يازهره..
اتغيرت ملامح تمارا بغيره واضحه..
جاسر...بس مكنتش اعرف انها بني ادمه وحشه اوي كده...
والغريب ان كل اللي حواليا مكنوش حابيين العلاقه دي ابدا وتقريبا مكنش حد بيطيقها وللاسف اكتشفت ده متأخر ولما اكتشفت بلاويها كنت هسيبها بس ليل رفض وصمم اني افضل مكمل وده طبعا لما بقيتو في حياتنا ووافقت عشان محدش فيكم هايدي ايدها تطوله خصوصا انها بقت تأذي من غير رحمه...واضطريت اكمل.. بس انهرده مكنش ينفع. خلاص مع اني قلقان مش منها دي حشره واقدر افعصها بأيدي. بس مش قادر اتوقع حجم. شرها لانها فاقت كل التوقعات خصوصا بعد اخر حاجه. موضوع نوح ونور.. ده لو هي يعني وانا متأكد انها مش هتخرج عنها هي واخوها. بس احنا واثقين ان في حد وراهم.....
زهره...انا مش قادره اتخيل ان في حد بالشر ده.
ادم...لا في واكتر من كده انتي بس اللي طيبه شويه...
نوح...عموما كله هيبان الفتره الجايه... وبكره انا هحاول اعرف الرقم ده بأسم مين...
ادم...ان شاء الله بقول ايه ما يلا بقي نقوم الساعه 10
نوح...يلا انا عايز اروح عشان اطمن على نور
تمارا...كنت عايزه اروحلها بس الوقت اتأخر
نوح...طب ما تيجو متأخرش ولا حاجه هي اكيد هتفرح لو رحتو..
تمارا...لا خليها بكره..احسن نعدي عليها. بدري ناعد معاها شويه...بكره. اجازه كمان.
نوح...طيب تمام بس تعالو حاولو تخرجوها شويه من المود ده خصوصا انها مش طايقه تبص في وشي.
زهره...هنيجي ان شاء الله..
جاسر...طب يلا نشوف ليل...
ادم...يلا...
...............
ليل....الحمد لله ازيك انتي ياريما...
ريما.....عايشه...
ليل...باصص وساكت
ريما...ايه مالك مش هتقولي اتفضلي.
ليل...اتفضلي..
ريما...وهي بتقرب... حساك مستغرب...
ليل..يعني شويه وبصراحه...مكنتش متوقع زيارتك دي..مع اني كنت واثق اني هشوفك. تاني..
ريما....وهي بتبص على عشق..
ليل...فاق وافتكر ان عشق موجوده...احب اعرفك. انسه عشق بتشتغل معايا في الشركه وتقدري تقولي انها يعني بتحل محلي في اي حاجه...
وبص...لعشق....مدام ريما... معرفه قديمه...
عشق...اهلا
ريما..اهلا بيكي...غريبه..
ليل...ايه الغريب..
ريما...يعني طول عمرك.. مبتحبش حد يشاركك شغلك.
ليل...بابتسامه سخريه... الدنيا بتتغير ياريما واحنا لازم نتغير معاها ولا ايه..
ريما...عندك حق...كل حاجه بتتغير...
ليل...ايه اللي رجعك ياريما..
ريما...محتاجه اتكلم معاك ياليل..
ليل....وانا سامعك.
ريما...بس مش هينفع هنا محتاجه اعد معاك مش هأخرك...
وفي اللحظه دي... خبط الباب واتفتح...
ودخل جاسر. والكل وراه...ومكانوش الشباب شايفين ريما...كانت واقفه بضهرها...
جاسر...ايه ياعم مش هنمشي ولا ناوي تبات هنا..
ليل..باصصله وساكت.
جاسر...اسف معرفش ان عندك ضيوف..
بصت ريما لجاسر....
جاسر...وادم..ونوح...وقفو مصدوميين وتنحو...
ريما...ازيك ياجاسر...
جاسر...ريما...انتي بتعملي ايه هنا...
ليل...جاسررر.
جاسر...جاسر...ايه... انت ازاي تسمحلها تيجي اصلا او تدخل مكتبك او حتى تقف معاها..
ليل...جااااسر...قولتلك اسكت.
ادم...في ايه ياليل وايه اللي بيحصل هنا
ليل...ايه هتعرفوني استقبل مين ومستقبلش مين ..
جاسر....ايه يا ليل انت نسيت عملت ايه...ولا لما شوفتها حنيت..
ليل...جااااسر...خلي بالك من كلامك .
ريما...طيب انا هستأذن ياليل...
ليل...استني يا ريما...
نوح...في ايه ياليل..ممكن تفهمنا...
ليل...اظن دي حاجه متخصش حد....اللي خلص فيكم شغله وحابب يروح يروح انا عن نفسي خلصت وماشي...وخد موبايله وحاجته من عالمكتب...
وراح...ناحيه ريما...ومسك ايدها وخرج بيها من المكتب وسط زهول الكل. وصدمة عشق..
جاسر...ده اكيد اتجنن..
نوح....فعلا ليل اتجنن
ادم...اخر حاجه اتوقعها انه يشوفها ويبقى بالهدوء ده وكمان يخرج معاها...
تمارا...مين ريما دي
نوح..... دي كانت خطيبة ليل وحب حياته..
عشق...واقفه سامعه ده وعايزه تمشي من ادامهم بأي طريقه حاسه ان هيجرالها حاجه....
تمارا... طيب وسابو بعض من كتير
جاسر...من سنتين تقريبا او تلاته..
زهره...طيب وانتو ليه مضايقين كده..
ادم...بعصبيه لاول مره... عشان مينفعش مينفعش تظهر تاني مينفعش تبقى موجوده تاني في حياة ليل... كفايه اللي وصله ليل بسببها..دي دمرته...
نوح...ليل... طيب اوي واحن حد في الدنيا بس من بعد ريما اتحول بقى شخص تاني خالص..زي ما ادم قال ريما دمرته حرفيا... ليل كان بيعشقها...كان بيحبها حب. محدش يتخيله....مش بس هو احنا كمان كنا بنحبها جدا... كنا عارفين ان ليل لريما وريما لليل..بس بعد اللي حصل ريما قضت على ليل حرفيا ومن بعد ما كان احن واطيب شخص بقى وحش بقى بيكره كل الستات بسببها بقى عصبي قاسي اللي بيقع تحت ايده مبيرحمهوش...مبقاش يثق في حد بقى شكاك. جدا. اتحول من بني ادم لبني ادم تاني خالص..والفتره دي. كلنا حاسيين ان هو ابتدا يتتغير او عالاقل يكون افضل من الاول...واحنا مصدقنا انه يخرج من الحاله اللي كان فيها وبعد ده كله تظهر..
زهره...طيب هو سابها ليه...
جاسر وادم...ونوح. بصو لبعض...
نوح...هقولكم بس ليل ميعرفش اني قولتلكم...
ليل كان فاضله حوالي عشر ايام ويكتب كتابه على ريما ويتجوزو...في الايام دي ريما كانت متغيره...
وليل كان بيحاول يعرف مالها مكنتش بتقوله اتفاجئ بيها في يوم جياله وهي منهاره...لما ضغط عليها عشان يعرف مالها... كانت الصدمه بالنسبه لليل...لما قالتله انها......
مش بنت...
تمارا...ايه..
جاسر....في الاول ليل مكنش فاهم تقصد ايه بالظبط...او ازاي ده حصل....فكر مع نفسه ان حد عملها حاجه غصب عنها
لما كملت ريما كلامها...معاه. قالتله انها قبل ما تعرفه كانت بتحب ابن خالتها...وسلمتله نفسها. وبعدها ابن خالتها سافر وسابها ومحدش عارف عنه حاجه...وطبعا لما اتعرفت على ليل...محكتلوش اي حاجه وفضلت ساكته كل ده سابته حبها وعشقها ومكنش بيشوف غيرها..لحد ما اتعلق بيها لدرجه الجنون...واستنت قبل كنب الكتاب بكام يوم وقالتله بعد ما ليل حجز اكبر قاعه افراح في مصر واكبر ناس فالبلد عزمهم...طبعا ليل حالته وقتها كانت صعبه جدا يمكن اصعب من اللي بنحكيه بكتير...
ومع ذلك ليل كان هيكمل. عشان ميفضحاش...كلنا قولناله لا. بس هو صمم قال بعد فتره هيسيبها بس لازم يقف جمبها .
وفعلا رضينا كلنا بالامر الواقع...
لحد...ما ادم...شافها..قبل الفرح بيومين...خارجه من فندق والمعروف عن الفندق ده انه شمال.. ومعاها واحد...طبعا ادم دخل سأل الريسبش...وقالهم اسمها وانه عايز يتأكد نازله فالفندق ده ولا فندق تاني...
موظف الريسبشن قاله ايوه كانت نازله فالفندق هي وقاله اسم الشخص اللي معاها ولسه عامله تشيك اوت وخارجه...
ادم...كان في الوقت ده الغضب عاميه.وراح قال لليل...
طبعا ليل... ساعتها مصدقش غير لما راح اتأكد بنفسه من الفندق... وسابها ليل...
زهره...يعني هو كان هيقف معاها بعد ما غلطت ورغم كده.
قاطعها. ادم...طلعت زباله وطلعت مغلطتش مع ابن خالتها زي ما قالت...وعشان عارفه ان ليل مش هيسأل وراها استغلت ده استغلت انه بيحبها وانه طلع راجل معاها..
بعد كل ده ليل بكل بساطه خرج معاها ادامنا...
تمارا...طيب. اهدى بس كده يا ادم. يمكن حابب يعرف رجعت ليه او عايزه ايه..فضول يعني مش اكتر
ادم....مينفعش مينفعش ياتمارا... فضول ايه ده لو فضوله هياخده لاي حاجه مياخدوش لريما...ليل بيمر بوقت صعب ومضغوط بس مينفعش عشان يهرب من اللي حاصل اليومين دول ويريح دماغه يبقى مع ريما
نوح....ادم عنده حق... انا خايف الضغط اللي احنا فيه ده يخليه غصب عنه يحن.....
جاسر...ان شاء الله مش هيحصل كده وبكره ناعد معاه ونكلمه. ونشوف اخرتها..
تمارا... طيب يلا بقى نمشي
نوح...يلا انا اتأخرت على نور اوي...
زهره...عشق.
عشق.....
زهره...عشق..عشق..
عشق...ايوه...
زهره...يلا عشان نمشي...
عشق...حاضر...
بصت تمارا...وزهره لبعض
وخرجو كلهم من الشركه مع بعض....
جاسر...وصل البنات... وادم ونوح...روحو....
طول الطريق عشق... ساكته ومبتنطقش...
...............
ليل.... تحبي تروحي مكان معين ولا اطلع انا على مكان.
ريما....عايزه اروح المكان بتاعنا يا ليل...
بصلها...ليل...
ليل...حاضر
وطلع بالعربيه
google-playkhamsatmostaqltradent