رواية نصيبي في الحب الفصل التاسع والعشرون بقلم توتة
رواية نصيبي في الحب الفصل التاسع والعشرون
وفجأة وبدون اي مقدمات وهيا خارجه كان يوسف بيبص عليها وكان معتز في عربيه ومعاه صاحبه فارس ومستنيها تخرج ضرب عليها رصاصه من مسدسه
يوسف مكانش مركز على اي حاجه غير نور حتي نسي الراجل اللي بيكلمه لحد م شاف نور بتقع على الأرض آثر الرصاصه اللي اخدتها من الحقير اللي اسمه معتز
يوسف : نووووووووووووووور
بس بعد ايه فات الآوان خلاص ونور خدت الرصاصه
كان يوسف ساعتها كل همه نور ولما شاف نور بتقع قدامه كده كان حد سكب عليه جردل ميه في عز الشتا
مفاقش من صدمته غير على الناس اللي بتجري عليها وبيقولوا في واحده انضربت بالنار
فاق من صدمته وراك ناحيتها وشالها وهو بيقول : ترووووووللللللييييي بسسسسسسررررررععععععهههههه
الممرض جاب الترولي وحط نور عليها
يوسف مسك الدكتور من ياقة قميصه وقاله : في ظرف ساعه ... ساعه ايه ... هيا نص ساعه تكون فايقه .... انت فاهم عشان حياتك متروحش
الدكتور : تحت امرك يا يوسف باشا
نقلوها غرفة عمليات بسررعه
يوسف : انت يا بتاع انت
الممرض : نعم يا استاذ
يوسف : فين هنا اوضة المدير
الممرض : في الدور الأول اخر الطورئه يا أستاذ
نزل يوسف تحت عند اوضه المدير ودخل حتي من غير م يخبط ع الباب
يوسف : انت المدير هنا
المدير : انت ازاي تدخل كده يا أستاذ ... المستشفي دي ليها قانون
يوسف : انت لسه هتقولي قانون ... اللي اقول عليه يتنفذ بالحرف الواحد
المدير : يعن...........
يوسف قاطعه بضربة لوكاميه في وشه
يوسف : لو سمعت صوتك تاني ... هتلاقي نفسك في صفحة الحوادث
المدير خاف منه : ح .... حاضر .... حاضر يا باشا
يوسف : فين كاميرات المراقبه اللي هنا
المدير : موجوده هنا في المكتب
يوسف : افتح اخر ربع ساعه
المدير : حاضر
راح المدير يبحث في أخر ربع ساعه
يوسف : فيه ايه ... انطق
المدير : الكاميرات اتوقفت في المستشفي في اخر نص ساعه
يوسف بغضب : ايه الإهمال ده .... ماشي حسابكوا معايا بعدين ...
خرج يوسف وعلامات الشر كلها على وشه
يوسف : ايوه يا تيمور
تيمور : ايه مالك ... في حاجه حصلت
يوسف : ١٠ دقايق يا تيمور عايز سجل كاميرات مراقبه من قدام مستشفي ***** ...... ١٠ دقايق يا تيمور
تيمور : في ايه يا يوسف
يوسف : نفذ اللي قولت عليه دلوقتي يا تيمووور
تيمور : طيب اجيب السجل ده من وقت ايه لايه
يوسف : من ربع ساعه فاتوا
تيمور : ماشي
يوسف : هما ١٠ دقايق بس الاقيك جايبلي اخر سجل
تيمور : طيب اهدي بس كده
يوسف : متقولش اهدي ... يلا بسررعه
تيمور : ماشي
يوسف خرج بره المستشفي يشوف اي مكان في كاميرات مراقبه ودخل محل ملابس جنب المستشفى
يوسف : لو سمحت
الراجل : اؤمر يا فندم .... اقدر اساعدك في ايه
يوسف : كنت عايز اشوف اخر سجل كاميرات مراقبه هنا من اخر ربع ساعه
الراجل : انا اسف يا فندم والله مش هقدر اساعد حضرتك
يوسف : ليه ؟
الراجل : من حوالي ساعه كده جه واحد وقالي إن هما لازم يعطلوا الكاميرات في المحل ووروني ورق دليل على ده
يوسف : يعني ايه
الرجل : معرفش والله يا فندم
يوسف : ماشي ... خلاص
يوسف في سره بعد م خرج من المحل : والله لو اللي في دماغي صح م هسيبك يا معتز الكلب
دخل يوسف محلات كتير قريبه من المستشفي وتقريبا كده كانوا كلهم معطلين كاميرات المراقبة بسبب الراجل اللي جه قالهم ده لسبب مجهول
جاله اتصال تليفوني
يوسف : مين
_ متدورش ورايا انا عامل حسابي على كل حاجه .... ومش هسيبكوا
يوسف وعرف أن اللي بيكلمه ده معتز
يوسف : هجيبك يا معتز الكلب ... انت لسه متعرفش انت بتلعب مع مين ..... الو .... الو
كان ساعتها معتز قفل الخط
يوسف : يا ابن *****
يوسف رن على تيمور
يوسف : ايوه يا تيمور
تيمور : يوسف تقريبا كده معطل كل كاميرات المراقبه اللي في المكان بس في محل صغير كده كاميرات المراقبه بتاعته قديمه اوي وصاحبه راجل على قد حاله استفسرت منه وعرفت أن ابنه المتوفي هو اللي فاتح له المحل ده من ١٣ سنه وركبله كاميرات مراقبه ساعتها عشان ايامها كان في سرقه هو حاليا محل صغير بسبب إهماله يعني .... تقريبا كده ابن الراجل الكبير اللي في المحل ده كان هو اللي بيدير المحل ده ومن ساعة وفاته والمحل مقفول .... والراجل اللي معتز باعته للمحلات الكبيره باسم محضر من المحكمه تقريبا كده مدخلش المحل ده وبالنسبه للمستشفي فدي بقا هيا والمركز اللي جنبه مجلهومش اي محضر طبعا بس حصل تعطيل في كاميرات المراقبه
يوسف : كويس ... ابعتلي عنوانه .... وانا هديك رقم دلوقتي اعرفلي عنوانه
تيمور : رقم ايه
يوسف : رقم الزفت معتز لسه مكلمني من عليه بس اتكلم كلمتين وقفل على طول حتي مستناش الرد ... تقريبا كده كان بيوصل حاجه
تيمور : بتقول كلمك كلمتين ؟
يوسف : ايوه
تيمور : حوالي قد ايه مثلا
يوسف : بتاع ١٠ أو ١٥ ثانيه كده
تيمور : مش هعرف اجبلك عنوانه يا يوسف ... لازم يكون كلمك على الأقل نص دقيقه عشان اقدر احدد مكانه
يوسف : يعني ايه
تيمور : يعني هو عامل احتياطاته بحرص اوي
يوسف : يعني مفيش أمل غير صاحب المحل ده
تيمور : ايوه ... بالظبط كده
يوسف : هات عنوانه بسرعه
تيمور : قريب منك خالص جنب سوبر ماركت *** بالظبط
يوسف : ماشي .... لو فيه أي أخبار كلمني على طول
تيمور : ماشي ... انا عرفت اللي حصل لنور .... بس هو حد عارف
يوسف : لا ... لسه محدش يعرف
تيمور : طيب انتوا اصلا ايه اللي وداكوا هناك
يوسف : ادم في المستشفي
تيمور : ومين اللي موجود ؟
يوسف : هبه وملك وخالو
تيمور : وهيا نور عامله ايه ... انت مشوفتهاش
يوسف : انشغلت في موضوع كاميرات المراقبه ... هشوفها دلوقتي
تيمور : ماشي ... هكلمك لو فيه حاجه مهمه
يوسف : ماشي
خلص يوسف مع تيمور وراح المستشفى يشوف نور
الدكتور : يوسف باشا ... دورت عليك كتير
يوسف : فيه ايه انطق
الدكتور : بندور على اكياس دم فصيلتها O سالب ودي فصيله نادره جدا. يوسف : انا فصيله دمي O سالب
الدكتور : طب اتفضل مع الممرضه امل عشان تسحب من حضرتك الدم اللازم
يوسف : طيب ... وهيا عامله ايه دلوقتي
الدكتور : لسه للأسف حالتها مش مستقره ... احنا كنا بندور في المستشفي كلها على نفس الفصيله وبعتنا ممرض من هنا يشوف الفصيله ويجيب اكياس دم من حته تانيه
يوسف : انت عارف .... لو حصلها حاجه أنا ممكن اعمل ايه
الدكتور : بنحاول بكل جهدنا والله
يوسف : فين الاوضه دي
الدكتور : اتفضل حضرتك
وعلى الناحيه التانيه
خالو : اومال فين يوسف ونور اتأخروا اوي
هبه : مش عارفه بقالهم ساعه بره
ملك : طيب .... انا هطلع اشوفهم
خالو : ماشي ... متتأخريش انتي كمان
ملك : حاضر
وعلى الناحيه التالته في مكان تاني خالص
نهال : محدش اتصل يشوف في ايه
ايمان : م انا قلت ي ماما أن هما هناك مستنينه يفوق
نهال: انا قلبي مقبوض ... مش عارفه ليه عايزه اروحلهم
ندي : بابا قال محدش يروح
ماجده : خلاص اهدي يا نهال انشاء الله خير
نهال : يارب
وعلى الناحيه الرابعه في مكان تاني خالص .... مكان شبه مهجور
_ كده خلاص .... اللي انا قلت عليه يتنفذ .... انا كده طلبت طلبين ... كل طلب بمليون
الرجل بانبهار من الرقم وطمع في نفس الوقت : تحت امرك طبعا يا معتز باشا .... بس الطلب الاول عليه ارنبين ده قتل مش لعب عيال .... أما الطلب التاني فده سهل جدا
معتز: هديك كل اللي انت عاوزه بس لما اسمع خبر وفاتها
الراجل : طبعا يباشا .... تحب ننفذ امتي
معتز : بالليل
الراجل : تحت امرك طبعا بس الرقم يختلف
معتز : قلت هديك اللي عاوزه لو سمعت خبرها انهارده
____________________________________________________________________________________
خالو كان في المستشفى وفونه رن
خالو : الو
_ هيا دي اللي سايبها امانه عندك يا محمد ...
يتبع الفصل الثلاثون اضغط هنا
- الفهرس يحتوي على جميع فصول الرواية كاملة :"رواية نصيبي في الحب" اضغط على اسم الرواية