رواية نصيبي في الحب الفصل الخامس والعشرون بقلم توتة
رواية نصيبي في الحب الفصل الخامس والعشرون
نزلت نور وملك وكانوا سامعين صوت حد بيسرخ ويصوت ولقوا شاهيناز واقعه على الأرض وماجده ونهال بيصوتوا
ملك: ايه ده فيه ايه
نهال: وهيا نازله وقعت من على السلم
ماجده: عايزين نوديها المستشفي بسرعه
نهال: ايوه يلا كلنا نطلعها العربيه
اروي: ايوه يلا بسرعه
ندي وهيا نازله على السلم: فيه ايه ... ايه ده شاهيناز مالها
ملك: وقعت من على السلم .... شوفتي
ندي: ايه ده ازاي
ملك: شكلها كده اتكعبلت
هبه: ايه الصويت ده فيه ايه
نهال: انتوا هتقعدوا تسألوا تعالي شيلوا معايا البت نوديها المستشفي بسرعه
هبه: اه .... سوري ي نهال بس مش هعرف أشيل معاكوا اصل انا لسه حاطه مونكير ولسه منشفش
نهال: اي حد ييجي يلا بسرعه
نور: ايوه حد ييجي معايا نساعدها
اروي: يلا احنا
وشالوها نهال وماجده واروي ونور للعربيه ومكنش حد بيعرف يسوق غير نور فهيا اللي ساقت لأقرب مستشفي
وكانوا نهال وماجده واروي ونور هما اللي في المستشفى بس
وعلى الناحيه التانيه
ملك: يعني مطلعتيش جبانه زي م بتقولي
هبه: عيب عليكي .... انا بس كنت خايفه ل متظبتش
ندي: لا ثانيه واحده كده هو انتوا عملتوا ايه
ملك: يعني ينفع هبه يتقالها ي بكبوظه
ندي: يولاد الابالسه .... بس تستاهل .... فهمتكوا انا
هبه: عشان تحرم بعد كده
ندي: لا براڤو ... براڤو جدا كمان
هبه: ولسه عشان تفكر ١٠٠ مره قبل م تتكلم مع اي حد فينا
ايمان: في ايه
ندي: فاتتك اهم حاجه انهارده
ايمان: فاتني ايه اخلصي
ندي: شاهيناز
ايمان: مالها
ندي: في المستشفي
ايمان: ايه ده بجد .... ليه
ندي: خطه محكمه ذكيه من هبه وملك قضت عليها
ايمان: احسن
ندي: كلنا فرحانين بيها كده
هبه: كده بقا انا أقدر اعايرها زي م بتعايرني
ندي: تعايريها بإيه بقا
هبه: هتعرفي
ساره: ده كله يحصل منكوا انتوا
ملك: ايوه عشان هيا واحده مهزئه اصلا
ساره: امممم .... وهل هيا شافتكوا وانتوا بتزوقوها في الدرى
هبه: حد قالك ان احنا زقيناها
ساره: اومال عملتي ايه
هبه: ربطت حبل شفاف عمودي كده من هنا لهنا
ساره: ي بنت ال ** .... يخربيت دماغكوا
ملك: خلاص بقا متغلوش دماغكوا بيها ... انا طالعه انام
ساره: عندك حق والله
ندي: يلا ي ايمان نطلع احنا كمان
ايمان: يلا
___________________________________________________
يوسف: ممكن مجاوبش
تيمور: يبقي انت بتحبها فعلا ي يوسف
يوسف: لو سمحت ي تيمور اقفل على السيره دي
تيمور: فاكر نسرين ي يوسف كنت بتقولي عليها ايه وانا كنت بقول ايه وحصل معاك نفس الموقف اللي حصلي وان هو نور تتخطب لواحد غيرك زي م نسرين اتخطبت لواحد غيري
يوسف: انت عايز ايه ي تيمور
تيمور: اسأل قلبك وهو يجاوبك
يوسف: عايز توصل لايه
تيمور: عايز اعرف اذا كنت بتحب نور ولا لا .... انا عارف إجابتك بس عايز اسمعها منك عشان اتاكد بس ..... واللي عايز اقولهولك انك اول مسمعت خطوبة نور نسيت انتقامك من ابن الدمنهوري واتعاملت إن في حد جاي ياخد منك حبيبتك
يوسف: انت فاهم غلط
تيمور: لا فاهم صح .... وصح جدا كمان
يوسف: طيب انا غلط وانت صح
( فرصه سعيده والدربن دح 🤣 سوري اندمجت بس )
تيمور: ايوه فعلا انت غلط
يوسف: وايه بقا الحل .... انا حاليا مش بفكر في اي حاجه غير اني انفذ خطتك وبس وبعد كده اشوف حالي بقا وانشاء الله اخلص شغلي هنا وارجع تاني
تيمور: هترجع تاني ي يوسف
يوسف: ايوه .... وده مجرد انتقام مش اكتر
تيمور: ماشي ي سيدي هسيبك براحتك مع اني متاكد انك هترجع ولاول مره في قرارك
يوسف: خلاص غير السيره وقولي بقا عملت ايه مع نسرين
تيمور بحزن: هعمل ايه يعني .... بحاول انساها
يوسف: طب انا كنت جايبلك خبر حلو
تيمور: بجد .... هو ايه بقا الخبر الحلو ده
يوسف: نسرين فشكلت الحقها بقا
تيمور: بتهزر ... احلف كدا .... عرفت ازاي .... انا مش مصدق ... استني هكلمها واقولها اني بحبها من زمان وهيا
كمل بدموع و.. ه..هيا مش ...مش .. حاسه بيا ..... ايوه هكلمها واقولها...هكلمها واقولها اني مش بس بحبها اني بعشقها ..... بعشقها من اول يوم ومن اول ساعه واول ثانيه شوفتها فيها ..... اوعي تكون بتهزر ي يوسف
يوسف: أهدى ي تيمور في ايه ... مش كده .... هيام هيا اللي قالتلي انهارده عشان كانت بتاخدلها اجازه وقالتلي
تيمور بدموع: الحمد لله يارب انا دعيت ربنا كتير إن هيا تكون من نصيبي والله العظيم دعيت كتير .... الحمد لله يارب ده ربنا فعلا مبينساش عبده..... انا مش مصدق نفسي ..... حاسس اني بحلم
يوسف: ثواني
تيمور: في ايه
يوسف: أصبر بس
يوسف راح جاب ازازة مايه من التلاجه وحدفها كلها على تيمور وهو مش واخد باله
تيمور: يححح .... اي ي عم الغباء ده
يوسف: اظن كده انت مبتحلمش
تيمور: والله من امتى بتنفذ اماني حد انت وهو انا عشان قلت حاسس اني بحلم وحد يفوقني تعمل كده .... حرام عليك والله الازازه متلجه
يوسف: تستاهل عشان تبطل محن
تيمور: بكره هفكرك لما اسميك محنو ماشي ... خليك فاكر
يوسف: حاضر .. هفتكر
تيمور: يلا سلام
يوسف: رايح فين
تيمور: هروح أخطب نسرين مش عايز اضيع وقت تاني
يوسف: اه ي ندل
تيمور: معلش استحمل ندالتي انهارده بقا
يوسف: ماشي الف مبروك مقدما
تيمور: يسمع من بوقك ربنا واقولك الله يبارك فيك وانا في الكوشه كده
يوسف: هههه ماشي انا راجع تاني الفيلا بتاعت خالي وهفكر في خطتك وازاي انفذها بإحكام
تيمور: ماشي يعم يلا سلام بقا
يوسف: استنى هنا انت عارف الساعه كام دلوقتي
تيمور: الساعه ١٢
يوسف: انت هتروحلها دلوقتي في نص الليل كده
تيمور: ايوه ي يوسف مش عايز اضيع وقت تاني
يوسف: براحتك يلا ربنا معاك بقا
تيمور: يارب
يوسف بعد ما تيمور مشي غنى أغنيته المفضله عادي بصوته الاكثر من رائع : ده انا خاصمت الشوارع اللي مشينا فيها عشان يهدي بالي وارتاح من الالام مبسمعش الأغاني ولا بيشغلوني المشاعر دي تاني ولا عندي اهتمام ... وليه رغم الكلام ده مفتقدك بشده ومن يوم فراقنا حياتي مش تمام
وكمل بعدها ...اه ياللي شاغله بالي لو تعرفي انا حبيتك قد ايه من يوم م شوفتك ومش عارف بكابر ليه يارب رجعهالي تاني
___________________________________________________
داليا: لا طبعا مش هصدق حاجه خالص
......................
داليا: طبعا يروحي ... الحمد لله انها مخادتش بالها
.....................
داليا: ايوه بالظبط كده انا اصلا مصدقتهومش ولا صدقتك
....................
داليا: كنت روحت فيها طبعا مقدرش ابعد ثانيه واحده
......................
داليا: حاضر هعمل اللي انت عايزه كله
......................
داليا: اول خطوه بكره
......................
داليا: اللي اتفقنا عليه
.......................
داليا: حاضر لما اخلص هكلمك يروحي متقلقش
........................
داليا: باي ي روحي
..............
______________________________________________________________________
في المستشفي
الدكتور خرج وماجده جريت عليه
ماجده: خير ي دكتور ايه اللي حصل
الدكتور: متقلقوش كسر بسيط خالص في رجلها ... الواقعه كانت شديده شويه وخدت عرزتين في دماغها
ماجده: ياحبيبتي ي بنتي
نور: طيب هيا ممكن تروح دلوقتي
الدكتور: ايوه عادي بس على عكاز أو حتي كرسي
اروي: لا عكاز ارحم ... بس هيا فاقت
الدكتور: شويه وهتفوق
نهال: ماشي شكرا ي دكتور
نور: طيب انا هدفع الحساب
نهال: انا نسيت اجيب الڤيزا معايا عشان اللي حصل
نور: مش مشكله انا معايا فلوس
نهال: ماشي ... لما نروح هديهملك
نور: لا عادي مش مشكله انا معايا فلوس
نهال: لما نروح ي نور مش هنتكلم في المستشفي
نور: ماشي ... عن اذنكوا
___________________________________________________
يوسف: نفذ اللي قولت عليه بالحرف
................
يوسف: والله العظيم لخليك تتمني الموت لو معملتش اللي قلت عليه .... اللي انا قولته يتنفذ ومن غير غلطه
..................
يوسف: ميسبهاش لحظه
.............
يوسف: انشاء الله من بكره الصبح
..................
يوسف : سلام ومش عايز اسمع صوتك غير وفي اخبار مهمه
..............
_____________________________________________________
نور وماجده ونهال واوي وشاهيناز روحوا الڨيلا
ماجده: يلا ي حبيبتي اطلعي ارتاحي في اوضتك
شاهيناز بتعب : حاضر ي ماما بس ساعديني
ماجده : حاضر ي روح ماما ... تعالي ي اروي ساعدينا
اروي: حاضر
نور: طيب ي نهال عايزه حاجه ... انا طالعه انام ... تصبحي على خير
نهال: وانتي من اه......
يوسف: ايه ده ايه اللي مصحيكوا لحد دلوقتي
نهال: شوفت اللي حصل
يوسف: في ايه
نهال: شاهيناز وقعت من ع السلم وراحت المستشفي ورجليها انكسرت وخدت غرزتين
يوسف: حصل ازاي ده
نهال: وهيا نازله وقعت
يوسف: وقعت ... امممم ..... اه فهمت
نور: طيب عن اذنكوا
يوسف: نور
نور: نعم ... في حاجه
يوسف: انا اسف لو كنت فرضت قواعدي البايخه دي عليكي ... لاني مش من حقي اني افرضها على واحده مخطوبه مسؤوله من خطيبها .... بس انا مكنتش اعرف انك اتخطبتي انا بس كنت بعاملك .... بعاملك كأختي مش اكتر .... اختي اللي امانه عليا اني احافظ عليها وهيا امانه هنا ... لانك زي ساره وهبه وندي وملك وإيمان .... واسف للمره التانيه لو اتدخلت في خصوصياتك
نور: مفيش داعي للكلام ده علفكره .... انا مراعيه كل ده ومهما هتعمل مش هزعل ... لان انا عارفه انك بتخاف عليا زي اختك .... وانا برضو بحبك .....بحبك زي اخويا ي يوسف
يوسف: اوعدك مش هتدخل في حاجه تخصك تاني
نور: وانا مصدقاك من غير م توعدني
يوسف : شكرا علي ثقتك
نور: ماشي .... عن اذنكوا
نهال: اتفضلي ي نور
بعد م نور طلعت
نهال: انت بتحبها ي يوسف
يوسف: ايوه ي نهال ... بحبها .... بس زي اختي
نهال: مش مصدقاك ي يوسف ... انت بتحبها ... بس مش زي اختك
يوسف: قصدك ايه
نهال: انت فاهم قصدي كويس .... بس انت اللي ضيعتها من ايديك في الاول ي يوسف .... ومش هتعرف ترجعها .... غير بحاجه واحده بس
يوسف: وهيا ايه بقا
نهال: انك تعترفلها .... لأنها مبتحبش مروان اصلا
يوسف: ايه ... قولتي ايه
نهال: اللي سمعته
يوسف: يعني ايه هيا مبتحبوش ..ووافقت عليه ازاي وهيا مبتحبوش
نهال: بسببك
يوسف: بسببي انا ... ليه هو انا اللي قولتلها وافقي
نهال: لا بس هيا لما قالتلي ... قالتلي إن هيا مبتحبوش .... بس انت احرجتها بقوانينك خليتها تضطر تقول كده
يوسف: يعني هيا مبتحبوش
نهال: ايوه وانت بايدك تنقذها ليك انت واحنا كلنا هنساعدك
يوسف: طيب انا هعمل اللي قولتي عليه بس انا هقولك على حاجه احلي
نهال: ايه ..... قول انا سامعاك وهساعدك
____________________________________________________
اروي: الحقي ي شاهيناز
شاهيناز: في ايه ي اروي
اروي: يوسف
شاهيناز: ماله
اروي: بيحب نور
شاهيناز: ايه ده ازاي
اروي: والله ... سمعته بتكلم مع نهال وبيتفقوا إن هما هيفشكلوا خطوبتها
شاهيناز: ازاي ده ... اكيد سمعتي حاجه غلط
اروي: والله سمعت صح بس مكملتش الحوار عشان حسيت ان حد هيشوفني
شاهيناز: والله لو اللي في دماغي ده صح لهطربائها على دماغهم واحد واحد
اروي: ليه ... بتفكري في ايه
ماجده دخلت عليهم وهيا بتقول: خدي بقا يحبيبتي كوباية اللمون السخنه دي
شاهيناز: مش عايزه والله ي ماما
ماجده: لا طبعا مينفعش .... عشان تخفي بسرعه
شاهيناز: لا ي ماما سيبيها دلوقتي
ماجده: لا اشربيها دلوقتي
شاهيناز: حاضر ي ماما
_________________________________________________________________
نهال: ازاي ي يوسف .... حرام كده
يوسف: م انا اصلا عايز انتقم منه من بدري ي نهال وبكده ابقا ضربت عصفورين بحجر
نهال: بس انت كده هتأذيه
يوسف: وهو ده اللي انا عاوزه ي نهال ... هاااااا قولتي ايه
نهال: امري لله
وهما تحت سمعوا صوت صويت نور جاي من فوق وهيا بتقول
_ الحقونااااااااااااي
يتبع الفصل السادس والعشرون اضغط هنا
- الفهرس يحتوي على جميع فصول الرواية كاملة :"رواية نصيبي في الحب" اضغط على اسم الرواية