رواية هل القلب يتغير الفصل الاول 1 بقلم سهر فارس
رواية هل القلب يتغير الفصل الاول 1 بقلم سهر فارس
هل القلب يتغير (1)
قمر : ها عملتي ايه اشجيني
سارة : كالعادة يعني جينا نتصالح اتخانقنا اكتر وقفلت ونمت 🙂
قمر : ليه بس ايه حصل 🤦🏻♀️
سارة : ولا حاجة سيبك انا عندي مشوار باي
قمر : خدي بس يابنتي راحه فين
سارة : هقولك بعدين هبقي اكلمك بليل
مشيت وسيبت قمر وانا بفكر هل الخطوة دي صح ولا لا بس خلاص هشوف يمكن الغلط في حاجه عندي فعلا وفضل التفكير لحد ما وصلت للمكان وحجزت اسمي وانتظرت وانا مترددة ادخل ولا لأ ولقيت اسمي بيتنادي قومت دخلت
الدكتور : اهلا انسة سارة نورتينا
سارة : هو حضرتك الدكتور
الدكتور عبدالرحمن : منفعش ولا ايه 😂
سارة :لأ بس كنت فاكراه واحد كبير وان الدكاتره النفسيين دول بيبقى شكلهم غريب وشعرهم منكوش كدا وهما اللي بيبقوا مجانين اصلا 😂
الدكتور عبدالرحمن : 😂😂ايه كل دا يا حاجة منا قدامك اهو شاب وزي الفل ولا مجنون ولا حاجة فين الجنان وبعدين مين قال انك تروحي لدكتور نفسي انك تبقى مجنونه 🙂هل دا معناه انك مجنونة 🌝الطب النفسي بيبقى شخص بتكلمي معاه يقدر يوجهك ويخليكي تعدي ازمتك وفي نفس الوقت يبقى واحد انتي مش عارفاه عشان تقدري تكلمي من غير خوف من حاجة يعني مثلا لو بتكلمي مع مامتك ممكن تداري حاجه عشان تخافي انها تتعصب كدا الموضوع ناقص عندها وبالتالي نصيحة ناقصه وكذلك صديقتك اختك اخوكي وكمان الدكتور بيبقى دارس حالات مشابهه فيقدر يتعامل مع الموقف دا الطب النفسي وبعدين ايه ده انتي جايه ليا عشان انا اللي احكي يلا يا استاذه قوليلي ايه المشكله كلي أذان صاغية 🌝
سارة : طب هو ممكن تديني ضهرك
دكتور عبدالرحمن : نعم
سارة : معلشي معلشي عشان اقدر اتكلم
دكتور عبد الرحمن : حاضر اهو
سارة : مشكلتي من وانا طفلة حاسه انه دايما بحاجة ناقصة في معاملة اهلي دايما عندي احساس ان في معاملة مختلفه ليا عن اخواتي
دكتور عبدالرحمن : ايه يخليكي تقولي كدا شوفتي ايه مثلا في معامله احسن
سارة : مش عارفة هتفهمني ولا لأ بس مثلا دايما يتقال عن عيوبي واحنا قاعدين أو لو حاجه عملتها غلط ويبقى موضوع ضحك ولو زعلت يتقال اني كئيبه وتافهه وان عادي يعني اضحك بس انا بشوفها تريقه لو بهتم بحاجة يتقال لأ دا ضياع وقت عندي موهبة حابة اخليها احسن دا غلط ودا لا خليكي في المزاكرة بس حياتك بس وتدخل كبير في حياتي بقيت ببعد بحب قاعدتي لوحدي وبعيد عنهم عشان ارتاح
دكتور عبدالرحمن : وانتي بتسمحي بالتدخل دا أو أنك تتخلى عن موهبتك
سارة : صراحة لا بحاول ان اشجع موهبتي بنفسي وانميها و مش بقيت بحكي عن حاجة خاصة بيا كتير عشان امنع التدخل بس لما اشوف زملائي واصحابي واهلهم بيشجعوهم وبيقفوا جمبهم في كل حاجة وكمان يبقوا عارفين كل حاجه عنهم ببقى مانعة اني اعيط بتمني ابقى مكانهم وانا أهلي معايا كدا 💔
دكتور عبد الرحمن : جربتي تحكي مع معاهم وتقولي عن مشاعرك دي وتقولي لا انا عاوزه كذا انا هعمل كذا وهما قالوا لا
سارة : اه ولا
دكتور عبدالرحمن ؛ ازاي مش فاهم
ساره؛ يعني قولت اني مش عاوزه حاجه كدا تتحكي ومشاعري تحترم شويه لكن مقولتش لا وصممت على موقف لأن دا بالنسبة ليهم قلة أدب
دكتور عبدالرحمن : ومكنش في أي تغيير بعد ما قولتي
سارة :لا كالعادة ومكملين على كدا
دكتور عبدالرحمن : هل هي دي كل مشكلة اللي عندك يا ساره ولا في حاجه تانيه
ساره : فيه بس كفايه كدا النهارده ممكن
دكتور عبدالرحمن : اكيد على راحتك ايه رايك جلستين في الأسبوع سبت وأربعاء أن شاء الله
ساره : تمام ان شاء الله باي يا دكتور
دكتور عبدالرحمن : باي ياسارة
خرجت من عند الدكتور اتمشيت شويه على النيل بحب منظره وهدوئه وفضلت ماشيه لحد ماروحت بس حاسه براحة حاسه ان خرجت شوية من اللي في قلبي فعلا الكلام بيرح 🖤
عبدالرحمن خرجت وكتبت في ملفها حالة اكتئاب مترتبه على تراكمات من الزعل عدم اهتمام جهل من الأهل ويقول دا زعل بسيط هيروح لما يعدي وقت لكن الحقيقة دا بيتراكم وبيعمل اكتئاب خاصة لو مشاعرها هتبقى متأثرة بسرعه زي ساره ودا اللي اكتشفته من حديثها..........
يتبع الفصل الثاني اضغط هنا
الفهرس يحتوي على جميع فصول الرواية "رواية هل القلب يتغير "اضغط على اسم الرواية