رواية كيان الفصل الاول 1 - بقلم ميادة إبراهيم
رواية كيان الفصل الاول 1 - بقلم ميادة إبراهيم
- انتِ تعرفي انا بحبك قد ايه ، و بجري وراكِ بقالي قد ايه ، خدي كُتبك دي الي ماشية توقعيهم على الأرض يا حبيبتي
-حبيبت مين ، انت مين اصلا ، و بعدين انت عبيط ، هو انا الي خبطك علشان أوقع كُتبِ ؟!
=تصدقي تلاقيكِ من البنات الهبلة الي بتقرا روايات رومانسي كتير ، بس بصراحه حلوة اوي
-و انت بصراحة غلس أووي و سابته و مشيت
بقلمي / ميادة إبراهيم سعيد
________________________________________________
"الحلوة ماشيه لوحدها ليه ؟!
_تلاقي محدش واخد باله من الجمال ده يلا
_استني استني دي بتعيط ، ما تيجي نصالحها و بيحط ايدوا علي الطرحه "
سمعت صوت
-لأ دي محتاجة حد يربيك ، يا ناقص التربية "بوكس في وشه "
_إيه يا عم ما تحترم نفسك كدة ، و تخليك في حالك ، حد داسلك علي طرف
-انت ماتعرفش انت بتكلم مين يا حيوان انت
_لأ بصراحة محصليش الشرف
-انا ابقي ابن عميد الكلية يا حبيبي عارفه ولا مش عارفه
_طب ما تقول كدة ، و انت ايه دخلك بلأنسة دي
- دي تبقي خطيبتي ، يلا وريني عرض كتافك
مسكها من ايدها ، و شدها علشان يمشي من قدامهم ، و يبين إنها خطيبته
=انت مين سمحلك اصلا انك تقول عليا خطيبتك ، و انت
_اسكتي بقي ، انتِ راضيه بالي كان بيحصل هناك ده يعني
=و انت مالك اصلا ،و زقته و هي ماشيه ، اتخطبطت في طوبة و كانت هاتقع و مسكها
-علي فكرة دي تاني مره انقذك النهاردة من المواقف المحرجة دي
بعدت عنه و ماديتلهوش ولا أي اهتمام ، روحت البيت تنام
بقلمي / ميادة ابراهيم سعيد
________________________________________________
دخلت عليها مامتها بعد ٤ ساعات نوم و بتصحيها
-كيان يا كيااااان
=إيه يا ماما في حد يصحي حد كدة !!!
-قومي ياختي ، منصور بره
=منصور! إيه الي جابه دلوقتي ده و عايز مني ايه
مامتها :- قومي يا زفته اخلصي من غير رغي كتير
كيان:- يووووه حاضر ، قومت اهو
و قامت لبست العباية و الطرحة و خرجت
كيان =اذيك يا منصور ، عامل ايه و عمتي عامله ايه
منصور :-الحمد لله ، كلنا كويسين ، إنتِ بس عامله إيه ، وحشتيني أووي
كيان =انا تمام الحمد لله
منصور : -انا كنت جاي ، عايز خالي ف موضوع مهم كدة
مرات خاله =خالك مش موجود دلوقتي و اما يجي هابلغه حاضر
منصور :-ياريت و تخليه يتصل عليا فأي وقت
مرات خاله =إن شاء الله
منصور :- انا همشي بقى يا مرات خالي
مرات خاله :- ماشي يا حبيبي ، مع السلامة
بقلمي / مياده ابراهيم سعيد
________________________________________________
مامتها :-تعرفي طلب ايه ده يا بت يا كيان!!
كيان بتثاؤب = لا بصراحه معرفش و روحي يلا يا ماما حطيلي اكل علشان جعانه أوي
مامتها :- جاي عايز يطلب إيدك يا بنت الهبلة يا مفجوعه
كيان بصدمه :- نعمم !! عرفتي منين يا ماما
مامتها :- باين عليه أوي ، و كمان امه كلمتني من فترة و انا نسيت اقولك
كيان :- طب يا ماما شوفي بابا هايقولك ايه بقى ، و رده يبقى هو ردي
مامتها :- هو مش عاجبك ولا ايه !!!
كيان :- مش حوار مش عاجبني ، انا شايفة ان بابا هو انسب حد هايختار من عيلته
مامتها :- ماشي يا كيان اما نشوف اخرتها معاكِ
كيان بترجع علي سريرها من تاني :- خدي الباب ف ايدك يا ماما يا حبيبتي و اما تخلصي اكلك الي مش راضي يخلص من امبارح ده صحيني
مامتها :- حاضر يا بنت المفجوعه ، و خرجت و قفلت الباب وراها
______________________________________________
مامت كيان :- ابوكِ وافق يا زفته ، و بيقول هو أولى بيكِ من الغريب
كيان ببرود :- ماشي يا ماما الف مبروك
مامتها :- احنا الي هانتجوز ولا انتِ يا بنت الهبلة انتِ
كيان بخنقه :- ايه أولى بيها من الغريب دي يا ماما ، هو شايفني فرخه ، عايز يبيعها و بدل ما يديها لحد غريب يديها لقريبة
مامتها :- مش انتِ الي قولتي الي بابا يقول عليه
كيان بإستسلام لأنها متأكدة لو دخلت حرب كلام بينهم مش هاتخلص :- ماشي يا ماما ، بعد اذنك سيبيني اذاكر شوية
مامتها :- ماشي ياختي ذاكري ياكش تنفعي بس
بقلمي / ميادة ابراهيم سعيد
________________________________________________
بعد اسبوع
منصور بيكلم خاله في التليفون :- ايه يا خالي مدرتش عليا ف طلبي ليك
خاله :- مبروك يا واد يا منص ، كيان وافقت
منصور بفرحه :- بجد يا خالي ، فرحتني والله ، هاروح اجهز بقى و اجيب امي بليل
خاله :- ايه يابني حيلك حيلك ، مش اما البت تعرف الاول انكم جايين خليها ، الخميس الجاي
منصور :- ماشي يا خالي مش مشكلة ، هما كلها يومين اتنين
خاله :- ماشي يا منص ، يلا اقفل بقى علشان في شحنه جايه ولازم استلمها
منصور :- اشطا يا خالو باي ، و قفل
خاله :- الواد اتجنن ، ربنا يهديه
بقلمي / ميادة ابراهيم سعيد
________________________________________________
ابو كيان :- منصور جاي هو و عمتك يوم الخميس ، اجهزي بقى علشان الايام بتجري بسرعه
كيان :- حاضر يا بابا
مامتها بفرحه :- ربنا يتملك على خير يا ضنايا
كيان باستها من وسط رأسها :- ربنا يحفظك يا ماماتي
و سابتهم و دخلت اوضتها
مسكت مذاكرتها ، ابتدت تكتب فيها من يوم ماقابلت ابن عميد الكلية غريب الأطوار ده
بدأت في الكتابة
" مش عارفة انا مش حابة جوازي من منصور ده ليه !! ، مع انِ كنت عارفة و متوقعه ان هايطلب أيدي ف يوم من الايام ، و عارفة انه بيحبني ، بس مش بإيدي ، مش عارفة احبه ، و قولت لماما براي بابا علشان عارفة انه مش هايوافق ، و هايقولي بلاش عيلتي لأنهم كل واحد بيحب نفسه وبس ، مش بيهمهم حد غير نفسهم ، اعمل ايه انا مش عارفة ،و كلها يومين و هايجي ، أسأل الله الخلاص علشان خلاص "
الايام جريت بسرعه و جه يوم الخميس
جه منصور مع والده و والدته و اخواته الصبيان
* منصور ليه ٣ شباب اخواته اكبر منه و ٢ متجوزين و التالت خاطب
قروا الفاتحه ، و صوت الزغاريط ف المكان كله ، و بعدها رد منصور
منصور :- ايه رأيك يا خالي نخليها ، تلبيس دِبل بالمره
ابو كيان :- و ليه الاستعجال يابني ، هي البت هاتطير
رد والد منصور :- خير البر عاجله يا كريم ، و الواد جاب الدبل
كريم بإستسلام :- ماشي ، ربنا يتمها بخير
و لبسوا الدِبل
مامت منصور :- بقينا نسايب يا كريم بدل ، ماكنا اخوات ، دلوقتي بقينا نسايب و اخوات كمان ، مبروك يا ولاد
منصور و كيان :- الله يبارك فيكِ يا ماما / يا عمتو
عدى أليوم بسلام الحمد لله
________________________________________________
و جه تاني يوم ف الجامعه بعد المحاضرات و التعب الي فيه من الصبح ، و خلاص صحابها بقى بدأو يتلموا حواليها و يباركولها
و فجأة
-انتِ عملتي فيا كدة ليه !!
=انا جيت جنبك ، ولا عملتلك حاجه
-بصوت مبحوح :- انتِ مش عارفة اني بحبك ، و قولتلك كدة و انتِ استهزئتي بيا
=ااان إن انتَ تعرفني منين ، و حبيتني امتي و ازاي ، هاتشايلني ذنبك ليه
-بدموع و كسرة :- انا من أول يوم جيتي انتِ الكلية فيه و انا متعلق بيكِ ، حبيتك من غير ما اخد بالي ، حبيت اعرف كل تفاصيلك ، حبيت اشوفك بتحبي إيه ، و بتكرهي إيه ، و مين قريب منك و مين بعيد ، كنتِ كل ماتكتبي قصه أو رواية أول حد بيكون قرأها انا ، و كنت براقبك من اكتر من أكونت ، و كنتِ دايما و مازلتِ في بالي ، بس انتِ كسرتي قلبي و بخاطري ، انتِ متخيلة كام سنة بحبك و انتِ مش عارفه ، بقالي ٤ سنين بحبك و بموت في التراب الي انتِ بتمشي عليه ، انا بعشق كل تفاصيلك ، و اعرف كل تفاصيلك الي محدش يعرفها غيرك
=بحزن من كلامه :- تت تتت تفاصيلي ، ازاي
- عارف انك روحتي تقدمي في كورس تعليم التخاطب علشان تساعدي الأطفال ، اعرف انك ناوية تكلمي دراسة لحد اما يبقي ليكِ كيانك انتِ لوحدك ، انك مش محتاجه مساعدة لحد ، الحاجه الوحيدة الي انتِ محتاجاها انك تتجوزي راجل حنين عليكِ و يدعمك
=شوفتي بقي
سابته و مشيت و هي بتعيط ، مش بتعيط بس منهارهه ، مش عارفه تعمل ايه ، ولا تروح فين و تيجي منين
________________________________________________
يتبع الفصل الثاني اضغط هنا
الفهرس يحتوي على جميع فصول الرواية "رواية كيان"اضغط على اسم الرواية