Ads by Google X

رواية احببت القاسم الفصل التاسع عشر 19 والأخير - بقلم ملك اسامة

الصفحة الرئيسية

رواية أحببت القاسم البارت التاسع عشر 19 والأخير بقلم ملك اسامة

رواية أحببت القاسم كاملة

رواية أحببت القاسم الفصل التاسع عشر 19 والأخير

عشق اتفجأت لما لاقت قاسم داخل و دخلت وراه بنت مسكت فى إيده  البنت كانت مش محجبه لابسة فستان تحت الركبة  بيضة عيون خضرة شعر أسود  كانت قمر يعني  قاسم وصل عند الترابيزة  اللى قاعد عليها الكل و عشق معاهم 
الجد: أهلا يابنى فينك من زماان وحشتناا أوى
 و حضنه 
قاسم: وأنت أكتر ياجدي مش هغيب بعد كده خلاص 
سيلين حست بعشق فسألت:مين دى أومال يا قاسم 
قاسم مسك ايد البنت 
قاسم:خطيبتى لينا 
الكل:ايههههه 
عشق بصتله و عيونها لمعت بالدموع كان نفسها يقول حاجه تاني 
قاسم:إيه يا جماعة خطيبتى 
محمد بص علي عشق لاقاها مش عارفة تتكلم و ماسكة فى سيلين 
محمد:آه مبروك اتفضل أقعد 
قاسم قعد و بعد كده قام سلم على العرسان و رجع هو ولينا
(جماعة مش البت دى فى روايتي بس وربى كرهتها  ياخوياا إيه ده🙄)
عشق حست بنغزة فى قلبها لمجرد أنه مسك ايد بنت غيرها قامت و سيلين قامت وراها هى و مروة و ريهام طلعوا برا و وقعدوا على البحر(المكان اللى فيه الخطوبة على البحر أصلا)
سيلين:عيطي 
عشق:نعم 
سيلين:عيطي يا عشق عارفة إنك تعبانة عيطي وأحنا معاكي عيطي يلا 
عشق  فعلا عيطت بكل ما أتيت من قوه سيلين و مروة وريهام اخدوها فى حضنهم بقوا الأربعة فى حضن بعض و بيهدوا عشق
اليوم مر عادي عشق بتتجنب النظر لقاسم و هو بيبصلها بس من غير ما تأخد بالها لينا كل لما تلاقي فرصة بتمسك ايد قاسم أو تتدلع عليه اليوم خلص و كل واحد روح علي بيته
...........
مر أسبوع على ابطالنا فى منهم الموجوع و فى منهم اللى جرحوا بيخف فى منهم فرحان و فى منهم زعلان مع ذلك بيعرفوا يتجاوزوا كل ده و يكملوا الطريق مع بعض🖤
عشق بدأت تشتغل مع الشباب فى الشركة 
.......
فى يوم الصبح فى شقة العم حسين 
مراد:يلاااا يا دينا أنتى و عشق اخلصوااااا 
دينا:أهدى ياعم هلاااكو اهدي 
مراد:هوريكى هولاااكو ده هيعمل فيكوا إيه اخلصوااااا طلعتوا عين اللى جبونى 
دينا:خلااااص خلصنا 
طلعت عشق هى و دينا عشق كانت لابسة دريس أبيض بكمام منفوشة و طرحة سودة و كوتشي أبيض و شنطة علي الضهر لونها أسود 
دينا كانت لابسة دريس نبيتي و طرحة سودة برضو كوتشى أبيض فى خطوط سودة و شنطة ضهر سودة البنات مكنوش حاطين ميكب غير روج خفيف أوى و ايلاينر 
مراد انصدم من جمال دينا و كانت عشق برضو جميله (طبعا إنتوا عارفين مراد ركز على دينا ليه طبعا😉😂)
مراد أخد البنات و نزلوا راحوا الشركة دينا راحت مكتبها و عشق راحت مكتبها اللى جمب مكتب مراد عشق بدأت تشتغل و فجأة حست أن قاسم قريب منها رفعت رأسها لاقيته قدامها فعلا قاسم كان مصدوم من جمالها بس كان نفسه يمسح الروج ده من علي بوقها قاسم فاق لنفسه لما لاقاها بتبص عليه 
قاسم:عندي معاد مع مراد 
عشق:ثانية واحده 
عشق دخلت لمراد و خرجت و قالت لقاسم يدخل قاسم قبل ما يدخل 
قاسم:احممم امسحي الروج لوسمحتي 
عشق:نعم 
قاسم شاور بأيده:الروج امسحيه 
عشق بقوه:أستاذ قاسم أنت مش أبويا ولا أخويا ولا جوزي ولا تقربلى علشان تقولي كده اتفضل أدخل لمستر مراد 
قاسم اتنرفز من طريقتها و دخل لمراد 
قاسم دخل زى الاعصار لمراد 
مراد:مالك ياعم فى إيه
قاسم:عاجبك عمايل بنت خالك دى اقتلها يعني ولا إيه 
مراد:ههههههه عملت إيه 
قاسم:يابنى الروج بقولها امسحيه بتقولى أنت مش أخويا ولا أبويا و بدأ يقلد عشق 
مراد:ههههه هموووت طيب ما عندها حق 
قاسم:عندها حق إزاى ما أنت عارف اللى فيها 
مراد:وحيااة أمك هى بالنسبالها أنت طلقتها متعرفش بقي أن أنت رجعتها تاني مش بتقرأ الكف هي 
قاسم:أيوة صح صح بس يا مراد استجدع و قولها تخف الروج ده بقي 
مراد:الله وأنا مالي يا لمبى 
قاسم:كلكوا حيوااانات آه والله 
عشق دخلت المكتب 
عشق:احمم مستر مراد عيزاك لوسمحت 
مراد قام لعشق
مراد:نعم يا عشق 
عشق:مراد أهدي كده و هقولك حاجه 
مراد:فى إيه يا عشق 
عشق:عمتو فوزية تعبت و نقلوها المستشفي 
مراد:إيه يلا بسرعة 
مراد أخد حاجته و جري وراه عشق و قاسم و كانت دينا داخلة لاقتهم ماشيين وراه مشيت هى كمان علشان اتأكدت أن فى حاجه الجد إتصل على الكل علشان ييجي و الكل جه و دخلوا المستشفي مره واحدة 
الكل لسليم:مالها يا سليم 
سليم كان هيقع من طوله بس أمير و محمد سندوه و قعدوه 
مراد:فى آيه يا سليم 
سليم:.....
عشق:ماتنطقققق يا سليم فى ايهههه 
سيلين:رد يا سليم ماما مالها 
سليم:ماما عندها كانسر فى المخ 
الخبر وقع على الكل كالصاعقة الكل جري على أوضة فوزية و دخلوا 
الجد:بجي كده يا فوزية يا بتى هتسبينا كده مينفعش 
سيلين:ماما أنتى هتبقي كويسة صح 
فوزية حطت ايدها علي دماغ سيلين  و قالت:متخافيش ياروح قلب ماما أنا هبقي كويسة و كل ده إختبار من ربنا متقلقوش 
الكل:يااارب 
.......
مر شهر العمة فوزية شعرها بدأ يقع مع الكيماوي مبقتش قادرة تتحرك لدرجة إن سليم بيشلها و يوديها الكل بييجي يطمن عليها و كلهم بيطلبوا من ربنا شفائها هى بالنسبالهم ام مش عمة ولا خالة وبس الكل متجمع فى أوضة فوزية و هى بتصارع الموت 
فوزية:اسمعونى كويس يا بنات وانتوا كمان يا شباب
قاسم خد بالك من عشق ياولدي بتحبك والله و عندها استعداد تموت نفسها علشانك 
و أنتى يا عشق يابتى ارجعى لجوزك بيحبك و متكذبيش عليه بعد كده تاني 
سليم كاميليا بتحبك و هادية و طيبة أوعى تزعلها 
كاميليا يا بتى سليم طيب و بيحبك عصبي حبتين بس روحه فيكى 
فرح يا بتى صوني فهد حبيبك هو حارب علشانك هو عصبي آه بس بيحبك
فهد يابنى متتعصبش علي فرح بنت طيبة و قوية فى نفس الوقت 
مراد أعترف لدينا بحبك يا بنى باين فى عينك 
دينا يابتى مراد بيحبك أوى كمان خليكي جمبه هو حنين عليكي مش هتلاقي فى حنيته 
حور يابتى محمود تعب و اتجرح خدي بالك منه يا حبيبتى بلاش تجرحيه اتحمليه ها بيحبك 
محمود يابنى متجيش على حور بتحبك والله لسانها طويل بس بتحبك 
سيلين يا بتى أدى فرصة لخالد بيحبك و هيعوضك عن أدهم يا بتى
خالد يابنى حاول معاها عارفة إنها عنيدة بس هتحبك 
سارة يابتى كريم بيحبك أوى و طيب و حنين قربى منه 
كريم خد بالك من سارة متزعلهاش أبدا ها 
عمرو يابنى اخطب البت ريهام قلبها طيب و بتحبك 
ريهام يابتى خدى بالك من عمرو واتقلى شوية يابت مش كده 
مروة يا حبيبتى خطيبك حطيه فى عينك ها أبن أصول 
أحمد خطيب مروة:خد بالك من مروة يابنى بتحبك ها 
أمير ركز على دراستك و نصيبك هيجيلك لحد عندك 
محمد خد بالك من دنيا أختك يابني و خد بالك من نفسك 
دنيا أنتى العمود من بعدي يابتى اجمعي الشباب دايما و افتكرونى 
فريدة خدي بالك من شغلك يا بتى و من نفسك أوعى تزعلي على حاجه راحت أبدا 
زياد أنت يا واد خد بالك من نفسك متعيطش معندناش رجالة تعيط صح.
أبويا عمود البيت دايما خليهم  حواليك ها دايما افتكرونى و ادعولى 
خدوا بالكوا من البنات يا شباب والله بيحبوكوا أوى و أنتوا كمان يا بنات خدوا بالكوا منهم ها 
سليم:ماما اتماسكى ارجوكى فى علاج جاي من أوروبا خلاص ارجوكى
فوزية:خلاص ده قدري 
فوزية إبتسمت و مره واحد عينها اتقفلت 
سيلين:لااااااااااااا ماما 
الكل بدأ يعيط هى بالنسبالهم امهم عمرها ما حسستهم إنها خالتهم او عمتهم دايما تهزر معاهم بيحبوها زى امهم الكل بدأ يفتكر مواقفها معاهم 
عشق 
_اذيك يا عشق يا بتى 
_بتحبيه يا عشق يابتى 
قاسم
_خد بالك من عشق ياولدي 
_اعتبرنى ماما يا بنى
حور
_يعني أنا مش ماما يا حورية 
_حور يابتى محمود تعب 
محمود
_وحشتني يا واااد 
_متجيش علي حور 
الكل بدأ يفتكر ضحكها معاهم و أنها دايما ساندهم الكل بدأ يتوجع من كلامها هى خلاص هتسبهم هما ميقدروش يعيشوا من غيرها يعني هى خلاص كده راحت الكل كان بيعيط و فجأة الممرضة جت تجري 
الممرضة:دكتور سليم العلاج جه 
سليم جري و جاب العلاج و حقن أمه بيه علي أمل إنها تعيش الكل منتظر أن فوزية تصحي بس مفيش أى استجابة منها فجأة الجهاز صفر بيدل أن نبضات القلب وقفت خلاص الكل بيعيط البنات بتصرخ خلااص هى هتسبهم بس سيلين كانت قاعدة جمبها و فوزية حركت ايدها 
سيلين:ماما حركت ايدها يا سليم والله ماما 
سليم قرب من مامته و كان النبض رجع تاني  و فوزية فاقت الكل طلع برا و حمدوا ربنا إنها رجعت تاني سليم كشف عليها و طلع و طمنهم إنها كده تقدر تتجاوز المرض 
.......
الأيام مرت فوزية بقت كويسة محمد لقي بنت الحلال فريدة اتخطبت لزياد فوزية رجعت بيتها خلاص لسه العلاقة متوتره بين عشق و قاسم حور و محمود النهاردة خطوبتهم مع مراد و دينا الكل فى الخطوبة المكان كبير و واسع الكل فرحان و بيرقص
 فجأة اشتغلت أغنية( أنا زعلتك فى حاجه طب إيه يا حبيبى هيا) 
 ‏عشق و قاسم بدأوا يبصوا لبعض قاسم طلع برا و عشق طلعت وراه 
 ‏عشق:لسه زعلان مني!!؟
 ‏قاسم: هزعل منك ليه عملتي حاجه غلط
 ‏عشق قربت منه 
 ‏عشق: طب بصلي حط عينك فى عيني 
 ‏قاسم لف لعشق 
 ‏عشق:أنا لسه بحبك على فكرة 
 ‏قاسم:عشق وأنا كمان لكن أنتى هديتي كل حاجه أنا حاولت اديكي فرصة نحب بعض و حاولنا بس بعد ده كله كدبتي عليا أنتى هديتي الفرصة يا عشق 
 ‏عشق:الحياة فرص و أنا كمان اديتك فرصة لما كدبت عليا و حاولنا نصلح كل ده صح حاول أحنا مش هنعرف نبعد وأنت عارف و عارف إنى عملت كده من خوفي عليك بعد إذنك 
 ‏عشق قالت كلامها و كانت لسه هتمشي قاسم شدها و دخلها فى حضنه عشق بدأت تعيط 
 ‏عشق:آسفه 
 ‏قاسم:أنا اللى آسف أننا بعدنا عن بعض 
 ‏عشق:نرجع 
 ‏قاسم:عشق انا يوم ما طلقتك رجعتك بعديها فى نفس اليوم باليل عادي جدا 
 ‏عشق:وبالنسبه لخطيبتك كخه أو لينا دى متهيألي
 ‏قاسم:هههههه لينا دى تبقي صاحبتى و شريكتي فى الشغل بتاع برا بس و أنا عملت كده علشان اغيظك كنت عايزك تتأدبي يا عشق 
 ‏عشق:والله طيب تعلالي بقى كده 
 ‏قاسم:إيه هتسلخى قبل ما تدبحي ولا إيه 
 ‏عشق:لا هقتل بس 
 ‏قاسم:مجنونه و تعمليها 
 ‏كان الكل متابع الموقف من برا (الشباب و البنات طبعا😂)
 ‏سيلين:ما تزوقيني ياماما أوام يا ماما 
 ‏كاميليا:ده عريسي هيأخدنى بالسلامة يا ماما 
 ‏فريدة:لوليييي 
 ‏محمد:و روشوا الشارع ماية 
 ‏الكل فى صوت واحد:روشوا الشارع ماية 
 ‏دنيا:دي عروسة الغالي جاية 
 ‏الكل:روشوا الشارع ماية 
 ‏كريم:و روشوا الشارع كوكاكولا 
 ‏الكل:روشوا الشارع كوكاكولا 
 ‏أمير:دي عروسة الغالي منقوله 
 ‏الكل:و روشوا الشارع كوكاكولا 
 ‏زياد:و ياحنيييي
 ‏الكل:ياحنيييي 
 ‏مروة:يا شربتااات 
 ‏الكل:ياحنيييي 
 ‏ريهام:فى الكوبيااات 
 ‏الكل:ياحنيييي 
 ‏عمرو:و سكسك سكسك بالأناناس و أنا بحبك يا أبن الناس و سكسك 
 ‏و الكل أستمر على الغني و اندمج معاهم قاسم و عشق الكل رجعوا القاعة و قعدوا يرقصوا و فرحانين من بعد أيام تعب و ارهاق دخلت الفرحة على قلوبهم من تاني الكل فرحان بعد شهرين عشق و قاسم و مراد و دينا و محمود و حور و كريم و سارة و زياد و فريدة و ريهام و عمرو و مروة و أحمد خطيبها و سليم و كاميليا و محمد و خديجة (خطيبته) و فرح و فهد و دنيا و هيثم(صاحب سليم) فرحهم النهاردة عملوا فرح كبير أوى الناس تحكى عنه (طبعا مش فرح العيلة)طبعا السنجل فى الموضوع هو أمير😂❤
 ‏الكل واقف و فرحانين الكل بيرقص و فرحان العيلة كلها مع بعض مفيش حد منهم ناقص العيلة بينهم مودة و رحمة بيرقصوا و فى قلوبهم فرح قبل عينهم و جسمهم حب العيلة ده ميتقدرش بثمن 
 ‏.......
 ‏بعد 8سنين
 ‏فى ڤيلا القاسم 
 ‏أدهم:وتين تعالي هنا وتين 
 ‏وتين:نعم بقي عايز إيه 
 ‏أدهم:كنتي واقفه مع مروان بتعملى إيه يا وتين 
 ‏وتين:يوههههه أنا زهقت أنت مالك ده أبن عمتي فاهم 
 ‏أدهم شدها من ايدها و بصوت واطى:لا مش فاهم أى حد تقفي و تتكلمي معاه غيري هدفنك حية أنتي و هو 
 ‏مراد من ورا:ولاا عال يا سى أدهم بتهدد بنتي و قدامي 
 ‏أدهم:بنتك محتاجة قلمين يا اونكل مراد 
 ‏مراد:و هى بقي فيها اونكل تعالي يا قاسم شوف إبنك 
 ‏قاسم:أبن القاسم يعمل اللى هو عايزه يا مراد 
 ‏وتين:بس ميمشيش كلامه عليا يا اونكل 
 ‏وتين قالت كلامه و طيرت شعرها لورا و مشيت 
 ‏قاسم:ههههه دى عمايل عيال صغيرة دي
 ‏مراد:أبن القاسم و بنت البوس ياتري مين اللى هيكسب 
 ‏قاسم بثقة:طول عمره أبن القاسم يكسب 
 ‏عشق:طيب يلاا علشان جدو نازل علشان الغدااا يلا 
 ‏الكل اتجمع حوالين الترابيزة و مستنين الجد الجد واقف فوق و بيبص عليهم بنظره من الرضا و فخور بيهم و أن دول احفاده و دول ولاده و بناته و نزل و أكل معاهم فى مودة و محبة و رحمة 
 ‏#النهاية 
تمت النهاية.. اقرا ايضا رواية أين المنزل كاملة عبر دليل الروايات للقراءة والتحميل
google-playkhamsatmostaqltradent