رواية سمراء احتلت كياني الفصل التاسع عشر 19 - بقلم أميرة محمد

رواية سمراء احتلت كياني البارت التاسع عشر 19 بقلم أميرة محمد

رواية سمراء احتلت كياني الفصل التاسع عشر 19

_ ممكن اعرف يوسف كان عايز منك اي ؟؟

_ بغضب : دكتور ياسين متتعداش حدودك معايا تاني عن اذنك 

_ لا اكيد البنت دي مش طبيعيه 

_ غصون طلعت من مكتبه علي مكتبها 

_ انا ازاي سمحت لنفسي اضحك واهزر مع راجل غريب حتي م احترمتش اني لسه مطلقه بس....انا بكون مرتاحه لما بتكلم معاه ، بحس اني علي طبيعتي ومش محتاجه اتصنع 

_ قامت وقفت : لا ي غصون الكلام اللي بتقوليه ده مينفعش 

_ اكيد بيشفق عليا من اللي حصلي ، وواقف جمبي لاجل بابا مش اكتر 

_ تاني يوم جه معاد العمليه ، ياسين بص علي جميله بس هيه تجاهلته وتعمدت متكلموش 

_ مصطفي وخديجه جم بعد م ياسين دخل اوضة العمليات 

_ غصون قاعدة خايفه ومتوترة ، لقت اللي بيحط ايده علي كتفها 

_ خديجه !!!!!!!؟

_ بتوتر ودموع : انا عارفه انك مش حابه تشوفيني ، ولا تسمعي صوتي ، بس عمي جلال زي ابويا واكتر ، ربنا يعلم دعتله قد اي !!

_ انا اسفه بالنيابه عن يوسف اخويا ، هوة ميستاهلكيش ، بس دا غلطي من الاول ، لاني اجبرتكم علي الجواز 

_ عيطت : بس انا بحبك ي غصون وكان نفسي اشوفك ف بيتك ومبسوطه ، صدقيني دا كان كل غرضي 

_ غصون ابتسمتلها وقعدتها جمبها : امسحي دموعك ي خديجه ، انا مش زعلانه منك ، مفيش مرات اخ بتفكر زيك كده ، انتي اختي مش بس مرات اخويا 

_ علاقتي بيوسف انتهت ، بس مش معني كدا اني انهي علاقتي بيكي ولا اي 

ضحكت : اقولك علي سر ؟

_ انتي اللي قتلتي موڤاسا 

_ ضحكت : يبنتي بقااا 

_ خديجة ابتسمت : طب قولي 

_ همست : بقالي كام يوم ببات ف المستشفي 

_ بصدمه : معقول ي غصون طب ليه مجتيش عندنا البيت 

_ مينفعش ادخل البيت اللي انطردت منه 

_ ابتسمت بحزن : انتي قوية اوي ي غصون بالرغم من كل اللي حصلك إلا انك مستسلمتيش 

_ مينفعش استسلم عشان مكونش عبرة لغيري 

قوليلي بقاا عامله اي مع اخويا 

_ زعلان مني ورافض يكلمني  ، حاولت اصالحه بس 

سكتت وعيونها دمعو 

بقلمي اميرة محمد محمود

_ غصون قامت جابت مصطفي : جرااا اي ي سي مصطفي مزعل مراتك ليه ؟

_ هيه اللي مزعلاني 

_ اناااااا ؟؟؟

_ بص ي مصطفي متاخدش خديجة بذنب يوسف ، مراتك بنت ناس واستحملتك كتير ، وانت عارف كده كويس ، ف متجبش علي حاجه هيه ملهاش ذنب فيها ، وتعاقبها بالشكل ده

_ ي غصون انا مش بعاقبها انا مخنوق من نفسي عشان مقدرتش اكون سند لاختي وادافع عنها 

_ ي حبيبي انا بقيت احسن دلوقتي وهبقي كويسه لما بابا يقوم بالسلامه يلا صالح مراتك 

_ مصطفي قرب من خديجه وحضنها : حقك عليا ي حبيبتي 

_ وخلال كلامهم خرج ياسين من اوضة العمليات

الحمد لله العمليه نجحت 

_ الف حمد وشكر ليك يارب 

_ ياسين بص لغصون بعتاب وحزن بس مشي بعد م كرامته منعته انو يكلمها 

_ جلال نقلوة ل اوضة عادية بس منعوا عنوا الزيارة 

_ غصون طلبت منهم يروحوا وييجوا بكرة 

_ اما هيه فضلت جمب ابوها وعماله تفكر ف ياسين ومشاعرها متلخبطه 

_ فهل هيه لسه بتحب يوسف ولا دا كان مجرد اعجاب

بقلمي اميرة محمد محمود  

___________________

جميله كانت داخله عند مهاب بس سمعته بيتكلم مع امه وهما قاعدين ف الاوضة

_ مش عارف ي امي انا اتجوزتها بس عشان اللي حصل بينا ، يمكن اقدر اصلح غلطي واحميها من الوحده وكلام الناس 

_ جميله دموعها نزلت دخلت اوضتها وقفلت عليها اترمت علي السرير وقعدت تعيط 

_ بس اليومين دول حاسس اني مرتاح معاها واني ...واني 

_ وانك اي ي حبيبي 

_ ابتسم : واني بحبها 

_ مسك ايديها : ماما انا مش عايزك تفهمي جميله غلط صدقيني انا اللي غلطت مش هيه 

_ بحنيه : شوف ي ابني انا مش هقول انكم مغلطوش لا غلطوا بس خلاص اتجوزتوا وكل حاجه اتصلحت حاول تسعد مراتك يبني 

_ باس ايديها : ربنا يخليكي لينا ي ماما 

_ ويخليكم ليا ي حبيبي 

انا همشي بقي بس بكرة الصبح هات جميله وتعالو افطروا معايا 

_ امه مشيت وهوة راح لجميله المطبخ ملقهاش خبط علي بابا اوضتها مردتش تفتح 

_ جميله انتي كويسه ؟

_ ......

_ جميله ردي عليا والا هكسر الباب 

_ جميله فتحت الباب وراحت قعدت علي السرير 

دخل وراه وقعد جمبها 

_ مالك ي جميله عينيكي حمرا كدا ليه ؟

_ مفيش حاجه انا كويسه 

_ لا مش كويسه وانتي بالمنظر ده 

_ عايز اي مهاب 

_ ممكن تقوليلي اللي غيرك فجاءه كده 

_ مهاب انا عايزة اتطلق 

_ قام وقف: انتي بتقولي ايه ؟؟؟؟

_ اللي سمعته 

انا وانت مش مناسبين لبعض 

_ وانتي بقاا اللي قررتي  اننا مش مناسبين لبعض

_ صرخت : 

انا مش هقدر احط عيني ف عين والدتك بعد اللي انت قولتهولها عني 

_ وانت اتجوزتني عشان تحميني من الوحده وكلام الناس مش كده ، طيب ي اخي كتر خيرك انت مش مجبور كفايه عليك لحد هنا 

_ قرب منها : ممكن تسمعيني انتي فهمتي غلط ومسمعتيش للاخر 

بقلمي اميرة محمد محمود 

_ زقته وعيطت : انت اكتر انسان اذاني ف حياتي من يوم م حبيتك وانا بتعذب ومشفتش يوم حلو ، انا بجد اعتبرت والداتك ف مقام امي ، دلوقتي مش هقدر اواجها واحط عيني في عينها 

_ اكيد شيفاني دلوقتي بنت مش كويسه وغلططت مع ابنها قبل الجواز ، انا بحبها اوي والله حبيتها زي امي واكتر ، من ساعت م دخلت البيت ده وهيه بتعتبرني بنتها وبتحن عليا ، لقيت ام بعد م كنت مقطوعه من شجرة

_ بس خلاص انا مش هقدر استحمل نظرتها ليا ، انا بكرهك ي مهاب بكرهك ، طلقني بقااا طلقني 

_ حضنها غصب عنها : صدقيني هيه اللي استغربت لما لقت الجوازه جات بسرعه ، وشكت فيا ، وانجبرت احكيلها 

_ بس والله نظرتها فيكي متغيرتش ، لسه بتحبك وطلبت مني احافظ عليكي 

_ لو كنتي سمعتي للاخر كنتي وفرتي علينا كل ده 

_ بعدت عنه وراحت نامت علي السرير بهدؤء وطفت النور 

_ راح قفل الباب ، واتحرك نحيتها ، نام جمبها علي السرير وحضنها ودف وشه ف رقبتها ، معملتش اي رد فعل غير ان حصل ف جسمها قشعريرة غريبة ، بعدها غمضت عينيها ونامت 

بقلمي اميرة محمد محمود 

_______________

تاني يوم الصبح جلال فاق ودخل عنده مصطفي وخديجه 

_ حمد الله علي سلامتك ي بابا 

_ الله يسلمك يبني 

_ خديجه باست ايديه : خوفتنا عليك ي بابا 

_ متخافيش يبنتي انا بخير الحمد لله

_ مصطفي اتكلم بتوتر : غصون فضلت جمبك طول الليل  ، كانت خايفه عليك اوي 

_ بلهفه : هيه فين ليه مجاتش تشوفني 

_ خديجة : غصون قاعده براا ي عمي

_ خليها تدخل وسبونا لوحدنا 

_ خرجوا وغصون دخلت وهيه قلقانه وخايفه ومتوترة 

_ اتصنعت الجمود وعملت نفسها بتعيد ليه الكشف 

_ لا مشاء الله حضرتك بخير ومفيش اي خطورة علي قلبك 

_ الف سلامه علي حضرتك عن اذنك 

_ غمض عينيه بالم وبدء يتكلم فوقفها صوته 

_ ابويا زمان كان لما يعرف ان امي حامل ف بنت كان بيخليها تجهضها ، عشان كده معشتش ل امي ولا بنت ، كان بيكرة البنات وخلانا احنا كمان نكرهم 

_و لما امك ولدتك انا اول حد شيلتك بين ايديا ، حسيت بشعور حلو ناحيتك ، بس كرهت نفسي فيكي ، ومقدرتش اتخلي عن كبريائي واعيش معاكي طفولتك 

_لما دخلتي طب رفعتي راسي فرحت جدا بس برضو كان جوايا شعور غريب سيطر عليا ومنعني عنك 

_ حصلتلك الحادثه وقتها كأنك اثبتيلي كلام ابويا وان البنات عار علي عيلتهم كرهتك اكتر ومبقتش طايق اشوفك 

_ كل دي مش مبررات لاب عشان يكرة بنته

_ عيط : انا اسف يبنتي حقك علي قلبي 

_  غصون مصدومه معقول ابوها بيعتزر منها ، مش عارفه تعمل اي تسامحه وتحضنه ولا تبعد عنه لانها اتوجعت بما فيه الكفاية 

_ انا ...انا كان نفسي تكون جمبي وقت حاجتي ليك بس للاسف انت خزلتني للمرة الالف .

_ كان نفسي تحضني وتقولي انا فخور بيكي ي غصون ، فخور انك بنتي الدكتورة 

_ كان نفسي تمسك ايدي وتقولي هجبلك حقكك من اللي عمل فيكي كده 

_ ف كل مرة كنت بتوجع ، اول حد افكر فيه هوة انت ي بابا 

_ عيطت ومقدرتش تتكلم بس رفعت وشها لما ابوها قال : سامحيني يبنتي سامحيني

_ متحملتش تشوفه بالشكل ده  قامت باست راسه وايديه وحضنته 

_ قعدت تعيط ف حضنه كتير  ، وهوة حضنها كانه بيعوضها عن السنين اللي فاتت 

_ وحشتني اوي ي بابا 

_ باس راسها : انا اسف يبنتي سامحيني 

_ ابتسمت : هتفضل ابويا اللي بحبه مهما حصل 

_ حضنها تاني وكان مبسوط اوي ولما شاف فرحها محبش يكسرها ويتكلم ف موضوع طلاقها 

بقلمي اميرة محمد محموود

__________________________

جميله قاعده ف البلكونه بتسمع اغاني عدا عليها كوبليه لتامر حسني 

بيقول : دايما مشغول بحاجات غيري ولا ليا وجود وسمعت انا ياما كلام من دا وشبعت ووعود ودا دايما طبعك ودا حالك حتي الاحساس بالنسبالك حمل ومجهود ، كفاياك اعزار ولاخر مرة بقولهالك ، كفاياك اعزار مش دايما هنسي وهصفالك 

_ نزلت دموعها غصب عنها وهيه فعلا مبقاش عندها طاقه تتحمل اكتر من كدا .

_ حست بيه جاي عليها ف مسحت دموعها لاكن سابت الاغنيه شغاله 

_ يلا نروح نفطر مع ماما 

_ لا انا مش جعانه روح افطر انت 

_ اتنهد وقعد جمبها وغير الاغنيه 

_ انت بتعمل ايه 

_ بغير الاغنيه مش عجباني 

_ انا اللي بسمع علي فكرة 

_ وانا طالما قعدت جمبك يبقي بسمع زيك برضو 

_ قفلت التليفون خالص وبصت قدامها ، بصلها بحزن وقام من جمبها 

_ انا قايم طالما مش حابه وجودي 

_ بعد م مشي قالت : غبي دا انا بحبك كل علي بعضك بس مش قادرة تعبت 

بقلمي اميرة محمد محمود 

____________

_ يوسف انت بتعمل اي هنا 

_ جاي اخد مراتي 

_ مراتك اي ؟؟

انت اتجننت ، اطلع برااا انا م صدقت بابا بقي كويس ، اخرج بدل م انادي الامن 

_ هتقوليلهم اي ؟

جوزي عايز ياخدني 

_ يبني هوة انت مخك اتلحس انت ناسي انك طلقتني 

_ ورديتك ليا تاني 

_ ايييييه ؟؟

• تابع الفصل التالي عبر الرابط: "رواية سمراء احتلت كياني" اضغط على أسم الرواية