رواية وقعت فى العشق الفصل الثامن عشر بقلم أمل السقا
رواية وقعت فى العشق الفصل الثامن عشر
"نادر بيبص على رجالته لقى كل راجل وراه واحد واحطط السلاح على راسه"
آدم ببرود: عز اسند زياد للعربيه عشان نوديه المستشفى وحاول تكتم الدم بأي حاجه.
زينه بدموع غزيره: زياد انت كويس والنبي رد عليا انا مليش غيرك.
زياد بألم وتوهان من كثرة نزف الدم: انا كويس يا زينه والله متقلقيش.
"عشق وزينه سندوه للعربيه وكتمو الدم"
آدم وهو بيرمي السيجارة ويدوس عليها ": عيب ولا مش عيب؟ هه مش عيب لما تمد ايدك على اللى اكبر منك يا قليل الادب؟
عز بزهق: يا عم انت بتكلم ابن اختك خلى رجالتك يا عم يعلموهم الادب وبعدين يسيبوهم وتعالى نلحق زياد لانه نزف كتير جدا.
آدم بصوت عالي: يا رجاله ظبطو اللي الجماعه عايزيهم يشوفوا الرجاله اللي بحق. أما انت بقا" وجه كلامه لنادر "فخد دي مني انا" وضربه بالمسدس على راسه لحد ما فقد الوعي.
&خدو العربيه وطلعوا على المستشفى، طلعوا الرصاصه لزياد وبعدين اتوجهو لبيتهم&
عشق بدموع لزياد اللي نايم على رجليها: انا اسفه انا اسفه جدا انت من ساعة ما عرفتني وانت كل يوم فى مشكله انا اسفه بجد.
زياد وهو بيحط ايده على وشها: ششششش اوعي تقولي كده انا عمري كله فداكي انا مقدرش اعيش من غيرك اصلا وبعدين يا ستي مشاكل ايه هما يادوب تلات اربع مصايب بس مش حاجه يعني هههههههه
عشق بضيق: قصدك تقول اني بتاعت مصايب يعني؟ يعني انا فقر مثلا؟
زياد بضحكه بألم: لا لا حاشا لله قال انتي بتاعت مصايب قال ده انتى منبع المصايب يا روحي.
عشق بمياعه: طلقني لو مش عاجبك طلقني.
زياد وهو بيضغط على ايدها جامد: انتي عارفه لو تنطقيها تاني هزعلك مني اووى
عشق بخوف: انا بهزر والله
زياد: حتى لو هزار متتقالش تاني فاهمه.
عشق وهي بتهز راسها بنعم: فاهمه يا عم فاهمه.
زياد: شطوره.
&&&&__________وصلوا البيت واهلم كانوا فى انتظارهم وبعد وقت من الاستقبال والترحيب وخوف وقلق على زياد.
زياد موجه كلامه لباباه و عمه مراد: بابا عمي احنا كنا متفقين ان بعد ما نرجع هنعمل الفرح صح؟
الاتنين: ايوه يا بني صح بس انت دلوقتي متصاب.
زياد: لا انا تمام والله جداً بس انا عايز اعمل الفرح بقا عشان زهقت من حياة العزاب دي.
عشق: يا بني فرح ايه برجلك اللي بتعرج عليها دي يعني بدل ما أنكجك هسندك يعني ولا ايه؟
زياد باستفزاز: ايوه هتسنديني بدل ما تقفي زي قلتك يختي، ها يا بابا ها يا عمي قولتو ايه؟
مراد: يا بني انا معنديش مشكله بس شوف مراتك.
محمد: اللي تشوفه يا بني براحتك.
زياد "وهو بيبص لعشق كأنه بيقولها اياك تقولي لا": ها يا مراتي يا حبيبتي ايه رأيك نعمل الفرح بكره؟
عشق ببلاهه وهي بتبص حواليها: زياد انت بتكلم مين؟
زياد بملل: هو انا متجوز مين لا مؤاخذه؟
عشق بغباء: انا المفروض.
زياد: يبقى هكلم مين يا أخرة صبري.
عشق: أنا برضو المفروض.
زياد بغضب: يبقى اخلصي وقولي ايه رأيك نتنيل نعمل الفرح بكره؟
عشق: هو مش المفروض فيه حنه والكلام ده ولا هي كوسه وخلاص.
زياد: نعمل حنه ازاي بمنظرى ده يا استاذه هي هتبقى زفه وخلاص تتعوض فى حاجه تانيه بقا انا عايز انتبه لشغلي اللي معرفش عنه حاجه من ساعة ما عرفتك ده.
عشق وهي تقوم: خلاص عالبركه اعملوا فرح زي ما انتو عايزين وابقو اعزموني بقا وانا مش جايه" وطلعت تجرى على اوضتها ".
زياد بغضب: نعم يا.." ملقهاش قدامه "
روحي يا شيخه منك لله زي ما انتي حارقه دمي كده .
عز: احم احم طب بما انكم بقا خلاص قررتوا يعني وكده وانا اخوها المفروض اقول رأيي يعني بس مفيش مشكله المهم ان انا كمان عايز اتجوز.
مراد بتساؤل: وهتتجوز مين بقي ولا هو جواز وخلاص.
عز وهو بيغمز لزينه: لا ما العروسه اهي
مراد: دي زينه يا عز؟
عز: ما انا عارف يا بابا انها زينه، وعارف كمان انك هتحتار لانها مكانتش موافقه قبل كده والكلام ده بس ده كان سوء تفاهم بس.
مراد: يعني هي هتوافق دلوقتي مثلا؟ ترفض الاسبوع اللي فات وتوافق دلوقتي؟
عز بغرور: ايوه بالظبط كده يلا بقا كلم عمو محمد.
مراد: طب يا محمد أعتقد ان عز ابني اتقدم لزينه قبل كده وهي رفضت بس هو الظاهر انه اتكلم معاها وانا حابب اطلب ايد زينه بنتك لعز ابني وانا مش هلاقي احسن منها الصراحه.
محمد بابتسامة: انا طبعاً مش هلاقي عريس لبنتي احسن من عز بس القول قولها فى الاول وفي الاخر "وبص لزينه" ها يا زينه قولتي ايه اتمنى تفكري كويس المرادي.
زينه بتوتر: انا...... انا.... اللي تشوفه يا بابا انا طالعه لعشق "وطلعت لعشق جري"
محمد بضحكه عاليه: يبقى نقرا الفاتحه بسم الله
"وقروا الفاتحه والكل فرحان بيهم وزياد روح البيت هو و والده و والدته وزينه "
$___زينه فاتحه الدفتر بتاع المذكرات بتاعتها وبتخطط فيه بعض الكلمات وبترسم حجات فى صفحات تانيه لحد ما وصلتها رساله عالواتساب"كلها يوم واحد وهتبقي معايا في بيتي على فكرة انا بحبك قوي ومبسوط جدا إني خلاص هتجوزك "وتليفونها رن برقم عز.
زينه ردت بدموع مكتومه: ألو.
عز بحب: وحشتيني اوى اوى اوى اوى اوى.
زينه بابتسامة: احم انا كنت لسه عندكم من شويه علي فكره.
عز: عادي انتي بتوحشيني حتى وانتي معايا وبعدين يا فصيله بقولك وحشتيني تقوليلي احم اصرفها فين دي هه.
زينه بضحكه بتخبي بيها حزن كبير: معلش بقا انا على قدي فى الرومانسيه.
عز: ولا يهمك يا روحي هعلمك هههههههه.
زينه: طب روح بقا نام ورانا يوم طويل بكره.
عز: طيب يا ستي تصبحي علي جنه.
زينه بابتسامة: وانت من أهلها يارب.
" وقفلوا وزينه اتنهدت ونامت "
$____________عند عشق وهي نايمه في أوضتها ولابسه بيجامه بيتي جميله جدا وفارده شعرها ونايمه زي الملايكه صحت على صوت حد بيهمس بإسمها وبيمشي إيده على شعرها.
عشق بتقوم مخضوضه: أحيه انت ايه اللي جابك هنا يخربيتك هتفضحنا فين الطرحه فين الطرحه "وهي بتلف حوالين نفسها على السرير"
زياد وهو بيمسكها من إيدها ويقعدها جنبه: يا بت اهدى طرحه ايه ده انتي مراتي يا ماما فوقي كده مش وقت انك تتسطلي عليا.
عشق وهي بتضرب راسها بإيدها: تصدق صح بس احيه انت عارف انه فال وحش لما تشوف عروستك قبل الفرح كده هتحصل حاجه مش حلوه الله يسامحك يا زياد قوم امشي بقا انا خوفت والله.
زياد بملل: انتي بتسمعي هندي كتير قوي وانا هخليكي تبطليه.
عشق وهي بتقوم: لا بس "محستش بنفسها غير وهي واقعه على السرير وزياد فوقها"
عشق بخضه: زياد انت بتعمل ايه قوم لاحسن اصوت والم عليك النااس ها
زياد وهو بيقرب من شفايفها: هتقوليلهم ايه بقا جوزي جاي يتحرش بيا؟ انتي عارفه انتي بتقولي ايه طيب.
"عشق لسه هتتكلم بس زياد أخرسها بقبله منه وبعد دقايق بعد عنها"
زياد وهو بيتنفس بصوت عالي وبيهمس فى ودنها: بحبك اوى بعشقك بجنون بموت فيكي انتي البنت الوحيدة اللي قدرت تعمل فيا كده وقعت فى عشقك من أول مره شوفتك فيها، مشكتش فى لحظه انك ممكن تكوني لحد غيري "وبعدين باس راسها وقام وقال" نامى بقا عشان هعدي عليكي بكره تروحي البيوتي سنتر انتي وزينه بدري عشان كتب كتاب عز وزينه "وسابها وخرج من البلكونه".
عشق وهي بتبص عليه بعد ما خرج: هو انا وقعت فى مجنون ولا ايه؟ طب والله مجنون يعني جاي مخصوص عشان يبوظ اعصابي ويقولي هوديكي البيوتي سنتر؟ يارب صبرني يارب" وبعدين اتنهدت وقالت بابتسامة "بس انا بموت فيه برضه.
عشق لنفسها: نامى يا هبله نامى
يتبع الفصل التاسع عشر اضغط هنا
- الفهرس يحتوي على جميع فصول الرواية كاملة :"رواية وقعت فى العشق" اضغط على اسم الرواية