رواية نصيبي في الحب الفصل السابع عشر بقلم توتة
رواية نصيبي في الحب الفصل السابع عشر
راحت نور ناحية عربيتها وركبتها عشان تروح بيتها لتخبطها عربيه
نور: ينهار ابيض دي العربيه لسه جديده
نزلت من العربيه
نور: انت............!
_ مش تفتحي
نور: مين اللي يفتح انت عارف انت عملت ايه
_ هو انا مش هخلص منك في الجامعه وفي الطريق كمان
نور: انت اصلا اللي خبطتني لو مبتعرفش تسوق متركبش عربيات اصلا
_ بت اتلمي شويه واعرفي انتي بتكلمي مين
نور: انا عارفه أن اليوم نحس من أوله العربيه لسه جديده وسيادتك كسرت الفانوس
_ كل ده عشان فانوس شوفي حقه كام وانا ادفعه بس متعليش صوتك عليا ومتنسيش اني المعيد بتاعك
نور: شكرا مبنقبلش العوض ي سيادة المعيد
ركبت عربيتها وروحت البيت
_______________________________________________
يوسف في الاجتماع
الحوار مترجم
يوسف: موافق ولكن لا بد من تحقيق شروطي أيضا
_ تحت امرك سيدي ولكن هذه الشروط المطلوبة ستؤدي الي فقدان شركتنا اهم الإحداثيات الجديده
يوسف: لا تقلق فهذا عملي وهذه الطريقه ستجعل شركتكم وشركتنا أيضا تمتلك الأحدث
_ إذن نحن ايضا موافقون علي شروطك سيدي ولشركتنا الشرف في عقد هذه الصفقه
يوسف: اكيد
خلصوا الاجتماع
يوسف: تيمور في اي اجتماعات تانيه
تيمور: لا بس في بكره
يوسف: كويس ...بس أجل صفقة بكره دي عشان عندي صفقه اهم
تيمور: ناوي على اي ي يوسف باشا
يوسف: ناوي ادمر اللي تحداني
تيمور: ربنا يستر
يوسف: طيب انا همشي دلوقتي وهرجع بليل مش عايز غلطه في الشغل ولو حصل اي حاجه كلمني فاهم
تيمور: حاضر
____________________________________________________________________________________
نور : مساء الخير
نهال: مساء النور
نور: هو لسه محدش جه ولا اي
نهال: اه بس زمانهم جايين
نور: ماشي طب انا هطلع اوضتي بقا
نهال: ماشي ي نور بس لما ابعتلك حد عشان الغدا انزلي متعمليش زي الفطار
نور: معلش والله ي نهال بس مش هقدر
نهال : ي بنتي انتي مكلتيش حاجه من الصبح
نور: لو جعت هنزل
نهال: ماشي ي نور
نور وهيا طالعه اوضتها
داليا: نور
نور بغضب : هو انا مش قولتلك لو شوفتيني في حته تانيه انسي انك تعرفيني في يوم من الايام
داليا: ي نور اسمعيني وبعدين اعملي اللي انتي عايزاه
نور: مش عايزه اسمعك مفيش اي مبرر يقدر يخليني اسمعك أو اقتنع بأي كلام هتقوليه
داليا: نور والله انا اتضحك عليا
نور: انتي اللي ضحكتي علي نفسك
داليا: انا كنت فاهماه بيحبني زي م قالي والله بس والنبي ي نور سامحيني واديني فرصه
نور : فرصه ...... انا اديتك زمان فرص كتير وبرضو مبتتعلميش من أخطائك
داليا: انا همشي ومش هتشوفي وشي تاني بس كل اللي طالباه سامحيني قبل م امشي
نور: اسامحك .... حاضر هحاول اسامح اللي حطيت معاها حياتي وخانتني وغدرت بيا
داليا: ده واحد شيطان دخل م بينا وفرقنا ي نور
نور: وانتي ساعدتيه من الاول
داليا: عشان غبيه
نور: طيب انا هسألك سؤال .........مصعبتش عليكي .....مصعبتش عليكي ساعة أما كنت بحكيلك كل حاجه والاقيها عنده ولا ساعة أما كنت خايفه ومرعوبه
داليا: انا كنت ساعتها تحت تأثير منه ي نور
نور: حبيتيه رغم كل اللي عمله قبل كده ده انتي كنتي اكتر واحده عارفه حقيقته وكل اللي سمعناه عنه كان شيطان متنكر علي هيئة انسان
داليا: طيب ي نور انا مستعده اعمل اي حاجه انتي عايزاها مني بس سامحيني ونبدأ صفحه جديده انا بجد عرفت امتك ي نور
نور: مش بالسهوله ارجع معاكي زي الأول تاني بس عالعموم هعتبرك صديقه جديده عليا
داليا: وانا موافقه وصدقيني هحافظ علي صداقتك الجديده دي
نور : ماشي
_______________________________________________
يوسف وصل البيت
نهال: حمد الله علي السلامه ي يوسف
يوسف: الله يسلمك
نهال: انت رايح شغلك تاني
يوسف: اه بس بالليل
نهال: ماشي
يوسف: اومال فين الباقي
نهال: كل واحد في جامعته
يوسف: مفيش حد جه لسه
نهال: لا نور بس اللي جت
يوسف : اه صحيح نور
نهال: اي ي يوسف مالها نور
يوسف: لا مفيش بس هيا في اوضتها
نهال: اه في اوضتها
يوسف: ماشي انا طالع اوضتي
نهال: ماشي ي حبيبي
____________________________________________________________________
ادم: ماشي ي عم هبقى اشوفك بالليل
_ ماشي بس متتأخرش
ادم: ماشي يلا انا همشي دلوقتي عشان اتأخرت
_ ماشي ي برنس هشوفك بالليل
ادم: ماشي يلا سلام
_ سلام
__________________________________________________________________
تيمور: اهم حاجه تركزوا في الشغل احنا لو غلطنا غلطه هنتسوح
سيف : ماشي بس مفيش صفقات تاني انهارده
تيمور: ركزوا في شغلكوا وملكوش دعوه بالصفقات عشان صفقات انهارده أو بكره خلاص اتأجلت
نسرين: وبالنسبة لصفقة انهارده
تيمور: زي م قولت محدش ليه دعوه بأي صفقات
____________________________________________________
مروان: يعني انا اسيب شغلي ي بابا وبعدين انا اصلا مليش في شغل الشركات ده
الدمنهوري: يبني انت متعرفهوش انا من ساعة خبر الإفلاس ده وان خايف
مروان: متقلقش ي بابا محدش هيقدر يعملك حاجه طول م انا عايش
الدمنهوري: هتعمل ايه ي مروان
مروان: هروحله شركته
الدمنهوري: اوعي تعمل كده هيكبرها في دماغه اكتر
مروان: وانا مش خايف ي بابا ولا عمري هخاف منه
_________________________________________________
يوسف طلع وخبط على نور الأوضه
نور فتحت الباب
يوسف: ازيك ي نور
نور: الحمد لله ي أستاذ يوسف خير في حاجه ؟
يوسف: استاذ !
نور: ايوه في ايه ؟
يوسف: لا مفيش انا بس كنت عايز اعتذرلك عن اخر مره كلمتك فيها
نور: لا عادي خالص انت عندك حق فعلا انا مليش دعوه بيك بس انا كنت بعتذر بس عن اللي داليا عملته
يوسف: انا مكنش قصدي بس انا كنت ساعتها لسه راجع من الشغل وفي مشاكل فكنت مضايق بس
نور: عادي حصل خير
يوسف : يعني مش متضايقه
نور: لا هتضايق من ايه
يوسف: يعني صاف ي لبن
نور بضحك:حليب ي قشطه
____________________ جه الصبح علي الكل طبعا
والكل راح جامعته كالعاده
نور دخلت الجامعه ومعاها داليا اللي ادتها فرصه اخيره وصلت هيا وداليا وادم
دخلت داليا ونور المحاضره بتاعتهم بعد طبعا لما راحوا بدري
بعد شويه دخل المعيد
نور في سرها: ي ربي هو ايه ده بقا هو كل شويه اقع فيه اكيد هيستقصدني دلوقتي
قعدت نور في المحاضره وهيا بتدعي ربنا أنه ميشوفهاش بس للأسف تليفونها رن
المعيد : مين اللي تليفونه رن ده
نور قامت وقفت وقالت: انا اسفه والله مش هتتكرر تاني
المعيد : ده كده عدم احترام للدكتور اللي بيديكي المحاضره يا انسه
نور: م انا قولت اسفه ولا هو سيادتك مبتقبلش الاسف
المعيد : انت اصلا واحده مش محترمه لما تردي علي المعيد بتاعك
نور: لو سمحت مسمحلكش انك تهنني اكتر من كده
المعيد: اتفضلي بره ومتحضرليش محاضرات تاني
نور: انا اصلا كنت خارجه يعني هخرج من الجنه اوي
خرجت نور من المحاضره وردت على الفون كانت فاطمه
نور: آلو
فاطمه: اي ي بنتي مردتيش بسرعه ليه
نور: معلش كنت في المحاضره
فاطمه : اه ... والله نسيت انك في المحاضره دلوقتي
نور: لا عادي انا اصلا مبقبلش المعيد اللي بيديني ده
فاطمه: ليه ي بنتي هتسقطي في مادته
نور: يتفلق مش فارقه معايا ........... طيب اقفلي دلوقتي ي فاطمه هكلمك بعدين
فاطمه : ماشي يلا باي
ادم: ايه اتطردي تاني
نور: ايوه ومن نفس المعيد الزفت ده
ادم: كمان يلا انا اصلا كل يوم اتطرد
نور بضحك: معلش كلنا واحد
خرج المعيد من المحاضره بعد م خلص شاف نور مع ادم بيهزروا عادي بس ساعتها اتضايق واتوعدلها
داليا خرجت وراحتلهم
داليا: ايه ده هو انت كمان اتطردت ي ادم
ادم ببرود: ايوه
داليا: طيب
نور: ايه هتعملوا ايه
داليا: هنستني المحاضره التانيه
__________________________________________________
يوسف: طيب حلو اوي المعلومات دي
تيمور : هتعمل ايه تاني
يوسف: انا عايز اندم الدمنهوري نفسه الاول وبعد كده ابنه
تيمور: ماشي ي عم بس خد بالك بقا يعني ابنه مش بيخاف خالص ومش فارق معاه حاجه يوسف: ماشي نخوفه
____________________________________________________________
ساره: لا ي ندي مش دلوقتي
ندي: حرام عليكي ي شيخه ده حفي وراكي
ساره: معلش انا مش لعبه في أيديه
ايمان: جاي اهو يلا ي ندي
ندي : يلا
ساره: لا استنوا
اسلام: للدرجادي ي ساره مش قادره تسامحيني
ساره: لو سمحت ي اسلام إنساني انا مش هرجعلك تاني
اسلام: ليه ي ساره انتي عارفه انا بحبك قد ايه
ساره: اللي بيحب حد مبيجرحهوش ي اسلام بس انت جرحتني
اسلام: طيب اديني فرصه
ساره: للأسف فرصك خلصت عندي
اسلام : مش هسيبك ي ساره انا لسه بحبك
ساره: عن اذنك ي اسلام باشا
اسلام: يعني انا اعتذرتلك قدام كل زمايلك وبرضو مسامحتنيش ومبتحضرليش اي محاضره
ساره: معلش اديني وقت اسامحك فيه ي اسلام
اسلام: يعني هيا مسئله وقت
ساره: انشاء الله
اسلام: هستني ردك
ساره: ماشي
________________________________________________________
نور وداليا دخلوا المحاضره التانيه بس لما دخل نفس المعيد اللي دخل الصبح نور اتفاجئت
المعيد : انا استأذنت من المعيد اللي عليكوا دلوقتي عشان بس اقولكوا حاجه
اللي انا عايزه أقوله للأنسه نور أن دي جامعه يعني مش عشان اتطردت من المحاضره تطلع تقضي وقتها مع حبيب القلب لان ده مكان محترم الكلام ده يحصل في حته تانيه غير الجامعه
نور : انت بتقول ايه
المعيد : بقول الحقيقه ي انسه نور
نور بعياط وصوت متقطع : انت.....انت ازاي بتتكلم عليا بالطريقه دي
المعيد : انا بتكلم بالمنطق يعني ازاي تسيبي محاضرتك وتخرجي بره تهزري وتضحكي مع واحد دي مش أصول ابدا
نور بعياط: لا انت شكل عقلك فوت خالص بس انا مش هسكت علي الكلام ده وهشتكيك ي أستاذ ي محترم
المعيد: يعني مش مكفيكي اللي عمليته لا وبتبجحي كمان
نور: انت واحد مش محترم
نور قالت جملتها وخرجت من المحاضره تعيط
خرج المعيد من المحاضره وشافها بتعيط
المعيد: مش من حقك تعيطي خالص
نور بعياط : انت انسان قذر وانا هشتكيك لأن مش من حقك انك تتكلم عليا كده
المعيد : انا معملتش حاجه غلط انتي اللي غلطانه لما وقفتي مع واحد في الجامعه تهزري معاه
نور: وانت مالك اصلا لو حتي عملت ده تتدخل بصفتك ايه
المعيد : بصفتي المعيد بتاعك مروان الدمنهوري
يتبع الفصل الثامن عشر اضغط هنا
- الفهرس يحتوي على جميع فصول الرواية كاملة :"رواية نصيبي في الحب" اضغط على اسم الرواية