رواية ارهقتني مجنونه الفصل السادس عشر بقلم ميرولا ممدوح
رواية ارهقتني مجنونه الفصل السادس عشر
كانوا قلقانين بره لغاية م الدكتور جه وطمنهم انها فاقت وتقدر تروح دلوقتي بس وقتها سمعوا صوت صويت ساندي
ساندي _ عاااااااااااا.......
رامي وبيتر راحوا جري لساندي علشان يشوفوا فيها ايه
رامي بلهفة = مالك في ايه ؟
ساندي _ انا ايه اللي جابني هنا
بيتر = حرام عليكي انا قولت في حاجه منك لله
ساندي بحزن بعد م افتكرت اللي حصل _ يعني انا مكنتش بحلم
بيتر بحزن علي حالتها = لأ
ساندي قامت بتعب من السرير
رامي _ خليكي زي م انتي مينفعش تقومي دلوقتي
ساندي = انت ايه اللي جابك هنا
بيتر _ انا اللي قولتله
ساندي بصت لبيتر بصة اللي هو انت قولتله ليه
بيتر = بقولك ايه كده كده كان هيعرف وبعدين في حاجه تانيه ابوكي بيرن عليكي من بدري وانا مش برد
ساندي بأسي _ انهي واحد
ببتر بحزن = عمو رأفت
ساندي _ محدش يرد عليه
بيتر = بس يا ساندي ده مهما كان يبقي ا.....
ساندي بعصبيه _ متحطجيبش سيرته علي لسانك تاني انت فاهم، انا معدش ليا غيرك دلوقتي، انت وبس
بيتر بتنهيده = زي م انتي عايزه
رامي بتلطيف للجو _ طب ايه مش هنروح الملاهي ولا ايه
ساندي = ملاهي ايه
بيتر _ اتفقنا نروح الملاهي اصلها وحشتني اوي ههههه
ساندي بحزن = مش عايزه
رامي _ طب تعالي نجيبلك آيس كريم
ساندي = مليش نفس
بيتر _ طب تعالي نجيبلك ذره
ساندي = مش عايزه اكل حاجه ، ممكن تسيبوني لوحدي دلوقتي
رامي راح وقعد جمب ساندي
رامي _ طب انتي عايزه ايه واحنا نعمله
ساندي ببكاء = مش عايزه حاجه، سيبوني لوحدي بس
رامي _ طب ممكن متعيطيش علشان ده هيضرك انتي صدقيني
قاطعهم دخول مريم لساندي
مريم بمرح = ساندي ايه بقي الحكايه مش كل شويه تتنططيلنا ف المستشفي علشان انا زهقت من المستشفي دي
ساندي ضاحكه _ لأ بس عجبتني شكلي كده مطوله هنا ههههه
مريم = بعد الشر عليكي يا هبله، تعالي يله
ساندي _ علي فين ؟
مريم = عملت حتة مكرونه انما ايه جمده لازم تدوقيها
ساندي بضحك _ ههههه لأ بلاش ابوس ايدك، انتي مش فاكره اخر مره حصل ايه هههههه
مريم = لأ بس المره دي حلوه بجد لازم تثقي فيا شويه مش كده الله ههههه
ساندي _ طب ياستي بس لو حصلي حاجه ذنبي ف رقبتك ههههه
مريم = هيحصل ايه اكتر م اللي حصل يعني ههههه
ساندي _ ثانيه بس، مين اللي قالك
بيتر بخوف مصطنع = ا...انا
ساندي _ حسابك معايا بعدين
بيتر = اه ان شاء الله
ساندي _ طب يله علشان عايزه امشي
= يله
______________
رأفت _ اهدي شويه يا فوزيه هي اكيد متعصبه دلوقتي علشان كده مش بترد وانا هفضل وراها لحد م ترد عليا انشاله حتي لو هاجي مصر
فوزيه ببكاء = انا عايزه بنتي يا رأفت انا عايزه ساندي
_ وانت مقولتش ان حد هياخدها منك، ان شاء الله اعرف اوصلها وافهمها وترجع تاني ونبقي اسرة واحده تاني زي الاول
= طب هو ليه الحقير سمير ده قالهم مش هو اللي رماها ولا هي حليت ف عينيه دلوقتي ف عايزها
رأفت بتنهيده _ م عارف يا فوزيه بس ان شاء الله خير، انا هقفل دلوقتي علشان عندي شغل ولما اخلص هحاول اكلم ساندي يمكن ترد
= ماشي ربنا يسترها عليك سلام
قفلت فوزيه التليفون وقعدت تفتكر اللي حصل اما رأفت ف كان باله مشغول ب مية سؤال ومش لاقيلهم جواب
_________________
رامي وبيتر كانوا بيدوروا علي شقة علشان بيتر وساندي يقعدوا فيها مؤقتا دلوقتي بعد م رامي حاول انه يديلهم واحده من بتوعه بس هما مرضيوش واخيرا لقيوا شقه واجروها لحد م يلاقوا واحده غيرها
ساندي _ امممم مش بطاله هههههه
بيتر = طب يله ياختي
ساندي _ هتروح الشغل بكره ؟
بيتر بتنهيده = مش عارف صدقيني، بس لو محتاجيني هضطر اني اروح
ساندي _ اممم ربنا معاك
رامي مازحا = لأ م انتوا متحسسونيش اني قرطاس جوافة هنا
ساندي _ ده مش احساس ده حقيقة ههههه
مريم = ده انا اللي كده بقيت قرطاس
ساندي _ كوووولكوا قراطيس بس مش واخدين بالكوا هههه
مريم = اوه ع الكسفة اللي انت فيها يا حازم ههههه
بيتر _ م انتي معانا برضو ههههه
مريم = م الجمله دي ليا انا اصلا ههههه
رامي _ اول مره اشوف بنت بتحفل علي نفسها
مريم = لو سمحتوا مأسمحلكوش
رامي _ علي ايه بالظبط ؟
مريم = مش عارفه بس المهم اني مأسمحلكوش ههههه
ساندي _ بتقرطسوني يا معفنين اشحال مكنتش عيانه يا اندااااال
بيتر = عيانة مين ده انتي المرض يتعلم منك ويقولك يا برنسيسه علميني هههههه
ساندي بفخر زائف _ يابني انا مش اي حد برضو
رامي = كب انا ماشي دلوقتي هعمل مشوار مهم
ساندي _ علي فين العزم
رامي = مشوار مهم كده هخلصة بسرعة وهاجي
ساندي _ طب وشغلك
رامي = م انا اجلت جزء من شغل انهارده لبكره وبعدين ديڤيد ماسك الشركه بدالي انهارده
ساندي _ خلاص زي م انت شايف
رامي راح المشوار بتاعه اللي كان ناوي يروحه من ساعة م كانوا ف المستشفي اما بيتر وساندي ومريم كلوا وريحوا شويه علشان اليوم كان طويل عليهم ومليان احداث كتيره
_______________
اما رأفت كان عمال يرن علي ساندي وبيتر ومريم ومحدش كان بيرد عليه بطلب من ساندي علشان مكانتش عايزه تقول حاجه تندم عليها بعدين
وفوزيه كانت قاعده زي م هي من ساعة م سابتها ساندي وهي قاعده عمالة تعيط وتتفرج علي صورها ووهي بتفتكر الذكرايات حد خبط عليها
فوزيه لنفسها _ اكيد دي ساندي، اكيد رجعت ومكانتش تقصد اللي قالته
فةزيه فتحت الباب بس متوقعتش ان اللي كان بيخبط ده مش ساندي وطلع يوسف
فوزيه بصدمه = انت....
يوسف بخبث _ ازيك يا طنط
يتبع الفصل السابع عشر اضغط هنا
- الفهرس يحتوي على جميع فصول الرواية كاملة :"رواية ارهقتني مجنونه " اضغط على اسم الرواية