رواية طوفان قلب الفصل السادس عشر 16 - بقلم سمية عامر

رواية طوفان قلب البارت السادس عشر 16 بقلم سمية عامر

رواية طوفان قلب الفصل السادس عشر 16

كان عز واقف قدام عربيه معتز و رفع مسدسه عليه 

معتز للسواق بعصبيه : دوس بنزين و اقتله 

فضل السواق ثابت خايف من المسدس و من عز 

جريت ياسمين من الباب على عز وهي حاطه ايديها على خدها 

خدها عز في حضنه و خرج معتز من العربيه 

رفع عز ايدها من على خدها و شاف خدها الأحمر اتعصب اكتر و ضرب بالمسدس على العربيه 

استخبى معتز ورا العربيه بسرعة و السواق نزل جرب 

عز بعصبية : اطلع يا حيوان انا هوريك ازاي تضربها 

لسه هيروح ناحيته عشان يضربه  وقفة ظابط تركي و كان معاه قوات 

الظابط باللغة التركية : انزل سلاحك أرضا والا أطلقت الرصاص عليك

رمى عز مسدسه و خد ياسمين في حضنه 

مسكوه الظباط و خدو معتز معاه لقسم الشرطه 

جريت يارا على بيتهم بسرع تقول لابوها اللي حصل 

.....

في بيت عز ( القاهرة ) 

ندى بحزن : ليه قولتلي نسيب بعض 

بصلها باسم بنظرة حزينه و رفع ايديها و باسها : حقك عليا انا هحكيلك كل حاجه 

ندى بسرعة و خجل : قبل ما تحكي رحب بيه الاول

ضحك باسم : ب مين طنط نايمه فوق و احنا قاعدين لوحدنا 

مسكت أيده بتلقائية و حطتها على بطنها : ب ابننا أو بنتنا 

باسم بصدمه : ايه ...ابننا ازاي يا ندى احنا سايبين بعض من يومين 

ندى بغيظ : سايبين بعض ازاي يا باسم انت اهبل ولا ايه انا حامل من شهرين 

ضحك باسم و قام وقف في وسط الصالون و شالها و قعد يلف بيها و هو بيصرخ : انا هبقى اب ..هيجيلي نوتيلا صغيرة زي امهااا 

ماتت ندى من الضحك و نزلت على الأرض و حطت ايديها على خدوده قرصتها وهي بتضحك :لازم تردني الأول و لو عملت كده تاني او قولتها تاني  مش هكلمك تاني ابدا ابدا 

قرب باسم منها و شالها في حضنه وبصوت لطيف جدا  : انا عمري ما هقولها تاني خلاص انتو ليا لوحدي 

......

في قسم الشرطه 

كان عز بيحاول يفهم الظابط أن دي مراته و كان في واحد بيخطفها 

عز : المدام مراتي زي ما قولتلك و كانت بتتخطف

الشرطي ببرود : انت كان معاك سلاح في مكان عام أمام مواطنين و أثرت الرعب و الخوف في قلوبهم 

عز :لاني ظابط مصري و سلاحي مرخص و كنت بدافع عن شرفي عن مراتي 

الظابط : فين عقد الزواج ؟ مفيش إثبات لكلامك 

معتز من وراهم : دي ورقه تثبت أن دي اختي

كانت ياسمين قاعدة على جنب في صدمه مش قادرة اتكلم بتعيط بس 

عز بعصبية قرب منه عشان يضربه ولكن الظابط أمر العساكر يمسكوه و يحبسوه 

ضحك معتز و بص على ياسمين و راح ناحيتها : يلا يا اختي يا حبيبتي عشان نرجع القاهرة سوا 

ياسمين بصريخ : ابعد عنييي 

اتعصب معتز و خرج من القسم بسرعة قبل ما يكتشفوا أن الورق اللي معاه مزيف بس فضل واقف بره مستني اللي هيحصل 

فجأة وقفت عربيه قدام القسم و نزل احمد بهيبته المتينه و دخل بكل ثقه 

معتز للراجل اللي معاه : روح شوف هيحصل ايه و تعالى قولي حالا 

دخل الراجل بسرعة ورا احمد 

قدم احمد عقد جواز ياسمين و عز و كمان ورقة بشهادة ميلاد ياسمين تثبت أن الشخص اللي كان عايز يخطفها مش اخوها 

الظابط بعصبية: ابحثوا عنه في كل مكان و احضروه 

خرج العساكر بسرعة كان معتز مستخبي على جنب محدش شافه 

فتحوا لعز و خرج حضن ياسمين و هدد الظابط و كان لسه هيخرج وقعت ياسمين في الأرض و بدأ جسمها ينتفض و د * م ينزل من بوقها 

كان كل اللي في القسم بيبصوا عليها مصدومين خايفين تكون عندها مرض معدي 

شالها عز بسرعة وهو بيعيط : اتصلوا بالاسعاف مراتي مريضة كانسر 

وقع الورق اللي في ايد احمد و خرج عصام بسرعة على بره راح لمعتز وهو بيرتجف : معتز بيه في خبرين وحشين 

معتز بغيظ : قول انت لسه هتجود في الكلام يا روح امك 

عصام : الانسه ياسمين اتجوزت عز رسمي و في اوراق رسميه ل كده و البوليس خرجوه برأه لانه جوزها و كمان كشفوا امرك انك مش اخوها 

معتز بعصبية وهو بيمسك فيه  : لا مستحيل انت اتجننت 

عصام بخوف : الخبر التاني طلعت مريضه ...

لسه بيكمل جملته وصل الإسعاف قدام القسم و خرج عز وهو شايل ياسمين في حضنه و لبسه كله مليان بقع حمره

عصام وهو بيبص عليهم هو معتز و بيكمل كلامه : مريضة كانسر ..

• تابع الفصل التالي عبر الرابط: "رواية طوفان قلب" اضغط على أسم الرواية