رواية عشق المصطفى الفصل الخامس عشر والأخير بقلم منمن
رواية عشق المصطفى الفصل الخامس عشر والأخير
لم تسمع چودي سوى صوت اطلاق الرصاص
فاطلقت صرخة مليئة بالرعب
چودي.......مصطفى
ولكنها لم تسمع صوته سمع اخيها صوتها وهى تصرخ
بسام......فى ايه ياچودي مالك
شعرت چودي بان انفاسها صارت ثقيلة وشعرت ان الدنيا تدور بها فاغمى عليها
بسام......چودي چودي مالك فى ايه فوقى ردى عليا
وبعدة عدة محاولات استعادت وعيها ولكنها ظلت تبكى بشدة
بسام.....چودي فى ايه ايه اللى حصل
چودي...... مصطفى يا بسام كنت بكلمه وقالى انى فى حد بيضرب عليه نار وبعدين مسمعتش صوته كل اللى سمعته كان صوت الرصاص
بسام......اهدى ان شاء الله خير
چودي بدموع...... بسام لو مصطفى جراله حاجة انا ممكن اموت فيها
بسام.....ان شاء الله مفيش حاجة هتحصل
حاولت چودي الاتصال بزوجها ولكن لا يوجد رد بعد مرور الوقت وجدت چودي بأن حماتها تتصل بها
چودي......ايوة يا ماما فى ايه
كريمة.....الحقى ياچودي مصطفى فى المستشفى
چودي......بتقولى ايه
كريمة.....فى ناس لقوه فى عربيته مضروب بالنار وودوه
المستشفى و اتصلوا بينا لما عرفوا هو مين تعالى بسرعة على المستشفى
كان هذا الكلام كفيل بجعل چودي تشعر ان روحها تغادرها ببطىء
ذهبت مع اخيها الى المستشفى وكانت تشعر بان اعصابها على وشك الانهيار
چودي......ماما مصطفى حصله ايه
كريمة بدموع.......مصطفى بيموت ياچودي ابني بيموت
چودي بصدمه........ ايه اللي حصل
كريمة.....مضروب بالرصاص وفى العمليات دلوقتى حالته حرجة
سما....... إن شاء الله هيبقى كويس مصطفى مش ممكن يتخلى عن اللى بيحبهم ويسبهم
نزل الكلام على چودي كأنه صاعقة فهل ما يحدث حقيقة ام مجرد كابوس وستفيق منه هل ممن الممكن ان تخسر زوجها هل يمكن ان تسلبها الحياة الرجل الوحيد الذى أحبته ووضعت يدها على بطنها تلقائيا وتسأل نفسها هل يمكن لابنها ان لا يرى والده هل هى ستعيش بقية حياتها حزينة
ظلت تدعو الله ان ينجى زوجها وان يحفظه فهى لا تستطيع العيش بدونه او بدون ان ترى وجهه
بعد مرور عدة ساعات قضوها جميعا فى توتر وحرقة اعصاب خرج الدكتور
چودي بلهفة ودموع.......طمنى يا دكتور
الدكتور.....الحمد لله احنا خرجنا الرصاصة بس للاسف المريض دخل فى غيبوبة
كريمة......ايه ابنى دخل فى غيبوبة يا حبيبى يا ابنى ليه جرالك كده ومين اللى عمل فيك كده
بعد هذا الكلام كانت چودي لا تستطيع الكلام فكل الكلام قد هرب منها وايضا اعصابها
سما.....طب هيحصل ايه يا دكتور
الدكتور.....احنا هننقلوا العناية المركزة والباقى على الله وربنا قادر يشفيه
بسام.....چودي چودي مالك فوقى انتى مبتنطقيش ليه
كانت چودي تقف كجسد بلا روح تستمع الى الكلام ودموعها تجرى على وجهها
وجدت چودي رسالة اخرى من هذا الرجل المجهول جاء فيها
چودي...... إيه رأيك في المفاجأة الحلوة دى
شعرت چودي بانها اذا استطاعت ان تقابل من فعل هذا بزوجها فلن تتركه الا جثة هامدة
جاء احد رجال الشرطة لاخذ افادة اهل المريض للوصول الى الفاعل الحقيقى
الضابط......انا عايز اعرف هو كان له اعداء
كريمة......ابدا دا كان طول عمره الناس بتحبه وهو مبيأذيش حد
سما......هو ممكن يكون حصل كده بغرض ان حد كان عايز يسرقه
الضابط.....مظنش لان احنا لقينا عربيته موجودة وكل اغراضه اللى عمل كده كان عايز يخلص منه
چودي......ايوة اللى عمل كده كان عايز يقتله
الضابط.....وانتى حضرتك عرفتى منين
علشان من كام يومين جالى اتصال واحد هددنى فيه انى ازاى اتجوز مصطفى وانه هيحاول يخلص منه حتى بعتلى رسايل تهديد اهى
قرأ الضابط رسائل التهديد
الضابط......انا كده فهمت يعنى اللى عمل كده عايزك انتى يا مدام چودي بس المشكلة مكتوب رقم مجهول هنوصل ليه ازاى فلازم انتى يا مدام چودي نتابع تليفونك علشان لو حاول يكلمك
چودي......انا عايزة اعرف مين الجبان اللى عمل كده وهو يعرفنى منين
الضابط......ده اللى ناوى اعرفه بس بمساعدتك
چودي..... اكيد ان مش هخلى حق جوزى يضيع
خرج مصطفى الى غرفة العناية المركزة دخلوا تباعا للاطمئنان عليه
عندما حان دور چودي شعرت ان قدمها غير قادرة على حملها وعندما وجدت زوجها طريح الفراش واسلاك عديدة متصلة بجسده لم تتمالك نفسها فظلت تبكى بشدة وهى ممسكة بيده
چودي بدموع....... بعد الشر عليك يا حبيبى مصطفى حبيبى لازم تفوق علشان خاطرى وخاطر ابنك احنا منقدرش نعيش من غيرك انا من غيرك اموت يامصطفى ثم تحدثت اليه قليلاً وخرجت
........
في الخارج
الضابط....... مدام چودي احنا لازم نحط تليفونك تحت المراقبة علشان لو حصل اى اتصال نعرف هو مين
چودي بقهر.....ماشى بس اعرف هو مين وانا مش هرحمه
علشان يعمل فى جوزى كده
...........
ظلت چودي بجوار زوجها فى المستشفى وتشعر كل يوم ان اعصابها لابد ان تنهار فى اى لحظه ولكنها كانت تتماسك من اجل حماتها ومن اجل سما فهم أيضا لا يستطيعون العيش بدون مصطفى فكان هو السند بالنسبة لهم
جاء اتصال ل چودي من رقم غريب شعرت انه ربما انه الفاعل
چودي......ايوة مين
..........انا قدرك ياچودي
چودي......انت عايز منى ايه
............عايزك انتى ياچودي انتى بتاعتى انا وبس
چودي......بتاعتك منين هو انا اعرفك اصلا
..........هتعرفينى ياچودي
.............
فى احد الايام عند ذهاب چودي الى زوجها الى المستشفى وجدت من ينادى عليها
الرجل.......فى حاجة وقعت منك يا مدام
چودي باستغراب...... حاجة ايه
الرجل......دى اتفضلى
ولكنه قام برش مخدر على وجه چودي
فاقت چودي فى غرفة بها صورها فاستغربت چودي
چودي......انا فين
.........متخافيش انتى فى امان
چودي .....انت مين وعايز منى ايه
............معقولة مش فكرانى
چودي.......لاء مش فكراك
...........ركزى فى ملامحى جايز تفتكرى
بعد محاولات تذكرت چودي اين رأته
چودي........ مش انت اللى كان فى ناس عايزه تقتلك وخليتنى
اتصل بالمساعد بتاعك
..........برافو عليكى كده صح
چودي.......وانت عايز منى ايه وليه تعمل كده فى جوزى
..........علشان بحبك ياچودي
چودي...... بتحبنى ازاى انت مشفتينيش غير مرة واحدة
... ......من ساعة ما شوفتك وانا حبيتك ومش قادر اشيلك من دماغى
چودي......انت مجنون دا انا حتى معرفش انت مين ولا حتى اسمك ايه
.........اسمى عاصم
چودي..... احب اقولك ان انا مبحبكش ولا حتى كنت فكراك لان يوم ما قابلتك كان اسوء ذكرى وكنت قربت انساها
عاصم.....بس انا بحبك ومش هسيبك لحد تانى
چودي......ادينى سبب واحد يخليك تحبنى كده غير انك انسان مريض نفسى
عاصم......مريض بحبك انتى
چودي......وانا مبحبش ولا هحب غير مصطفى وبس ولا هييجى يوم واكون لحد تانى حتى لو اضطريت اموت نفسى
عاصم......صدقينى انا هخليكى اسعد واحدة فى العالم
چودي.....انا فعلا كنت اسعد واحدة فى العالم قبل ما تظهر فى حياتى حياتى اللى انت دمرتها بمحاولتك انك تقتل جوزى وهو فى غيبوبة بسبب كده
عاصم......متقوليش كلمة جوزك دى تانى
چودي...... لاء جوزى وحبيبى وابو ابنى وكل حاجة ليا فى الدنيا وانا مش ممكن ابص لواحد زيك مريض نفسى ومجرم
عاصم......لو مش هتكونى ليا مش هتبقى لحد تانى
چودي......انا ملك مصطفى وبس
عاصم.....مش عايز اسمع اسمه منك تانى
چودي.....لو مسمعتهاش بلسانى هتسمعها بقلبى لانه هو كل حاجة فى حياتى وخلينى امشى من هنا احسن
عاصم..... دخول الحمام مش زى خروجه
چودي ......قصدك ايه
عاصم......قصدى انك مش هتمشى من هنا
.............
فى المستشفى
الممرضة........ مدام كريمة ابن حضرتك الحمد لله فاق
كريمة بفرحة.....بجد مصطفى فاق من الغيبوبة
الممرضة......ايوة ودلوقتى الدكتور هييجى يطمنك عليه اكتر
سما...... شكرا ليكى
فاق مصطفى وكان اول اسم ينطقه هو اسم زوجته
كريمة......حبيبى الف سلامة عليك
سما..... بعد الشر عليك يامصطفى
مصطفي بصوت منخفض......الله يسلمكم فين چودي
كريمة.....كانت راحت البيت تجيب شوية حاجات وزمانها جاية
الدكتور......الف سلامة حضرتك دلوقتى هتخرج من العناية وهننقلك اوضة تانية
..........
چودي.......قولتلك سيبنى امشى يا مجرم عايزة اروح لجوزى
عاصم.....جوزك خلاص
چودي...... خلاص يعنى ايه
عاصم...... يعنى تنسيه
چودي.....انت بجد انسان مش طبيعى يا ريتنى ما كنت قابلتك ولا عرفتك
عاصم......مش مهم المهم انى مبحبش حاجة ابقى عايزها وتروح منى
چودي......وانا عمرى ما هبقى ليك واحسنلى تقتلنى عن انى اعرف بنى ادم زيك
عاصم...... انتى طلعتى جريئة اوى
چودي......علشان اللى انت عملته فى جوزى انا لو اقدر كنت قتلتك بايدى
عاصم......على فكرة مبحبش العند
چودي.....ان شاء الله عنك ما حبيته سيبنى امشى
عاصم...... قولتلك لاء
وبعد ذلك خرج من الغرفة وبعد ذلك تذكرت چودي ان تليفونها تحت المراقبة وربما رجال البوليس سوف يحددون مكانها قريبا لذلك لم تحاول ان تظهر تليفونها حتى لا يأخذه منها هذا المجرم وتفقد الاتصال بهم فقامت بعمله على وضع الصامت وخبأته فى ملابسها
...........
فى المستشفى
مصطفي.... بسام هى چودي فين
بسام.....كانت قالت راحت تغير هدومها فى البيت وراجعة حتى بتصل مش بترد
شعر مصطفى بالقلق عليها فربما يحاول أحدهم ايذاءها مثل ما حدث معه
..............
عاصم.....لسه دماغك ناشفة
چودي......ما ترحمنى بقى وتسيبنى امشى انا مش طايقة اشوف وشك ولا اسمع صوتك
عاصم......بكرة تتعودى على كده
چودي......انت بتحلم ده عمره ما هيحصل
اثناء تحدثهم سمعوا صوت اطلاق نار بالخارج شعرت چودي بان الله سوف ينجيها من هذا المجرم فربما البوليس قام بتحديد مكانها وجاء لتخليصها وهذا ما كان تم الاشتباك بين رجال الشرطة وبين رجال عاصم
عاصم.....ايه ده ايه اللى جاب البوليس هنا
قام بسحب مسدسه وقام بوضعه فى رأس چودي وخرج بها كرهينة ووجد ان رجاله جميعا قد قتلوا
عاصم......اللى هيقرب منى انا هقتلها مفهوم نزلوا مسدساتكم
كانت چودي تشعر بالخوف الشديد فربما هذا المجرم سيقتلها فهو انسان غير طبيعى
الضابط......مفيش فايدة من اللى بتعمله سيبها احسن
عاصم....مش هسيبها ولو مت هى هتموت معايا
لكنه لم يرى ذلك القناص الذى يقف على بعد عدة امتار منه مصوبا سلاحه بتجاهه وماهى الى ثوانى حتى سقط عاصم قتيلا
الضابط......انتى كويسة يا مدام چودي
كانت لا تستطيع اخذ انفاسها وتشعر انها غير قادرة على الوقوف من منظر هؤلاء الجثث المنثورة فى كل مكان
الضابط...... تعالى فى العربية واهدى وحاولى تاخدى نفسك
بعد ان شعرت چودي انها اصبحت فى حالة جيدة نسبياً
چودي......هو كان مين عاصم ده
الضابط......كان واحد من اعضاء المافيا
چودي بصدمه......ايه مافيا
الضابط......ايوة وكان بقالنا فترة بندور عليه كويس انه معملش فيكى حاجة دا معروف عنه انه مزاجه سادى ومش طبيعى فى تصرفاته
حمدت چودي ربها على خروجها من هذه المحنة
چودي......لو سمحت عايزة اروح المستشفى
الضابط......حاضر هوصلك بس هحتاج افادتك قى القضية دى
چودي..... حاضر بس عايزة اروح اطمن على جوزى
وصلت چودي الى المستشفى وذهبت الى غرفة زوجها ولكنها لم تجده فسألت احدى الممرضات
چودي.....لو سمحتى المريض اللى هنا راح فين
الممرضة.....خلاص مبقاش موجود (قصدها انه اتنقل لغرفة عاديه)
سمعت چودي هذا الكلام وسقطت مغشيا عليها
شعرت ان الظلام يلفها هل ماحدث حقيقى هل خسرت مصطفى هل فارقها كيف تعيش بدونه فتملكها حالة بكاء هستيرية
چودي ببكاء......مصطفى حبيبى ليه كده تسيبنى
مصطفي.....سيبتك ازاى يا عمرى انا اهو
سمعت صوته فلم تصدق فتحت عينها وجدته بقربها
چودي.......مصطفى انت كويس رد عليا
مصطفي.....ايوة يا روحى كويس اهدى فى ايه
قامت بالقاء نفسها فى احضان زوجها وظلت تبكى
مصطفي......اهدى يا عمرى انا والله كويس
چودي......انا افتكرت انى خسرتك
مصطفي....الحمد لله ازمة وعدت
چودي....... دى اكبر ازمة فى حياتى
بعد خروج مصطفى من المستشفى ورجوع والديها من العمرة قامت چودي بعمل احتفال عائلى بمناسبة شفاء زوجها
جلال...... الف سلامة عليك يا ابنى
مصطفي.....الله يسلمك يا عمى
زينب .....كل ده يحصل ومحدش يقولنا
چودي.....الحمد لله انا مش عايزة افتكر اللى حصل
كانت سهرة عائلية جميلة لاحظت فيها چودي انجذاب سما وسليم الى بعضهم
چودي بهمس لسما......هو اللى بيحصل ده بجد ولا حقيقى
سما بابتسامة.....قصدك ايه يا لئيمة
چودي..... قصدى انتى فهمتيه
سما.....فعلا سليم عرض عليا الجواز
چودي بفرحة......بجد مش هتلاقى احسن منه
سما.....بس انا خايفة بسبب اللى حصلى فى جوازى الاول
چودي......سليم محترم جدا وانسان على خلق
سما.....انا لما حكيتله قالى اللى يهمنى انتى مش اى حاجة تانية
چودي.....شوفتى ادى نفسك فرصة وان شاء الله ربنا يكتبلكم الخير
بعد انتهاء العشاء صعدت چودي مع زوجها الى غرفتهم
چودي.....حبيبى عايز حاجة
مصطفي.....عايزك انتى جمبى
چودي.......ااااه يامصطفى الايام اللى فاتت كنت حاسة انى بموت كل يوم مليون مرة
مصطفي..... خلاص انسى يا عمرى اللى فات فات بس انتى وحشتيني اوي اوي اوي
چودي بابتسامة انثويه ......مش اكتر منى بحبك ياحبيبي
مصطفي.....لاء كده انا مقدرش على الكلام الحلو ده كله
چودي.....الكلام الحلو كله قليل على اللى انا حساه معاك
مصطفي..... بعشقك يا عمرى
ثم قبلها مصطفى بعشق جارف واخذها الي عالمه ليغرقا في بحور عشقهما
...........
بعد شهر
تم زواج سليم وسما وكانوا سعداء جدا وكانت سما تشعر فى كل يوم بان حبها لسليم يزداد يوما عن يوم ف چودي على حق فسليم انسان محترم جدا ويعاملها بكل ود وحب واحترام جعلها تنسى مأساة زواجها الاول
ثم بعد شهران وضعت چودي صبيا جميلا جدا كان يشبه والده كثيرا واسمته ((مُصعب))
بعد مرور 3 سنوات من الحب والعشق الذى لا ينتهى
چودي......مصطفى حبيبى بكرة عيد ميلاد مُصعب
مصطفي.....فاكر يا قلبى والله وعمله حفلة جميلة جدااا
چودي.....بجد
مصطفي.....ايوة وهتعجبك اوى
چودي.....ربنا ميحرمناش منك يا حبيبى
مصطفي.....ولا منكم انتوا احلى حاجة فى حياتى
چودي َ.....نفسى اللى فى بطنى ده كمان ييجى شبهك
مصطفي....مش كفاية عليكى انا ومُصعب شبه بعض
چودي....لاء انا عايزة ولادى كلهم شبهك واحنا بنا اتفاق
مصطفي.....اتفاق ايه
چودي.....انى هخلف منك عشرة
مصطفي بضحك.....ده كله
چودي.....ايوة عندنا مُصعب وفيه اتنين ان شاء الله جاين كده يبقى فاضل 7
مصطفي بضحك......وانتى هتقدرى على دول كلهم دا مُصعب بس ومجننك
چودي.....اه والله دا انا قربت اروح مستشفى المجانين
مصطفي.....شوفتى انا خايف عليكى ازاى
چودي بهمس.....بجد بتخاف عليا
مصطفي..... انتى عندك شك ولما انتى بتتكلمى كده مبقدرش اقاوم
چودي بنعومة......مبتقدرش تقاوم ايه
مصطفي.....مبقدرش اقاومك انتى ياللى نظرة عينك بتجننى وبتسحرنى
چودي......بحبك يامصطفى
مصطفي.... لاء كده كتير بحبك ومصطفى فى جملة واحدة وانا بعشقك يا قلب مصطفى دا انا نفسى اشكر اخوكى بسام كل يوم على انه بعتك ليا وخلانى عرفتك
چودي......انت احلى حاجة حصلت فى حياتى ثم قبلها
واخذها فى عناق حار يحمل فى طياته كل معانى الحب والعشق فهو بحبه وعشقه لها جعلها أسعد انسانة فى الدنيا
تمت رواية كاملة عبر مدونة دليل الروايات
- الفهرس يحتوي على جميع فصول الرواية كاملة :"رواية عشق المصطفى" اضغط على اسم الرواية