رواية نصيبي في الحب الفصل الثالث عشر بقلم توتة
رواية نصيبي في الحب الفصل الثالث عشر
قعدنا مع بعض واحنا قاعدين لقينا باب الاوضه فتح ويوسف دخل
يوسف: ممكن تسيبوني مع هبه شويه
الكل: ماشي
خرجنا وسيبناهم
يوسف: بصي اظن انتي عارفه انا بحبك انتي وساره قد ايه لانكوا اخواتي اللي بحبهم واخاف عليهم وعمري م هقف في وش اي حد فيكوا عشان كده قررت انك هتكملي مسابقتك عادي ومش هعاقبك عقاب زي ده يدمرك لاني عمري م هوافق أن حد منكوا يتأذي بسببي أو بسبب اي حد عشان كده اللي فكر بس يأذيكي خد عقابه ومش هتشوفيه تاني ولوحتك معايا ابقي تعالي خديها بس انا مش عايز اشوف وشك في مكان انا فيه ولا لسانك يخاطب لساني لحد م امشي من هنا
هبه بدموع:يعني انا مش هشوفه تاني وبعدين انت لي عمرك م فكرت أن احنا عايشين مع قرايبنا مش بابا وماما ومعنديش اللي ممكن يفضالي يعني ساره في كليتها صاحبت برضو بس طلع اللي مصاحباه بيحبها بجد لحد م خطبها بس ده حظها وحظي أن انا اعرف واحد بتاع مصلحته وبس
يوسف بجمود وغضب : انتي عندك عيله بتحبك ونهال عمرها م فرقت بين اي حد في البيت ده بتعاملكوا كلكوا زي بعض وانسيه عشان خلاص مبقاش موجود في مصر
هبه: مهما عشت مع مين عمر م حد هيعوض حنان الام والاب وبعدين انا اصلا نسيته من زمان
يوسف: خلاص روحيلهم وشوفيهم هيعاملوكي ازاي واظن انا قولت اللي عندي وكويس انك نسيتيه
هبه: طيب ممكن تديني فرصه ومش هغلط تاني ابدا والله
يوسف:.........................
هبه: ارجوك ي يوسف ومش هغلط تاني اديني فرصه هيا فرصه
يوسف ساب الاوضه وخرج من غير م يكلمها
دخلنا تاني
ملك: ايه ي هبه مالك
هبه بدموع: جاب اللوحه
ملك: بجد الحمد لله أن تعبنا مراحش على الفاضي بس انتي بتعيطي ليه هو قالك مش هتروحي المسابقه ولا غير رأيه
هبه: هروح المسابقه ي ملك
ملك: اومال مالك
هبه: مش عايز يكلمني تاني
ملك: طيب انشاء الله هتعرفي تصالحيه اهم حاجه أنه وافق انك تروحي المسابقه
نور: معلش ي هبه انشاء الله هيصالحك هو طيب
هبه: يارب
ساره: طيب يلا ننام عشان الكليه الصبح
ايمان و ندي: يلا
كل واحد راح على اوضته وانا بفكر في ايه اللي ممكن يحصل في حياتي تاني و ي ترى القدر مخبي ايه
جه الصبح علي الكل وصحيت نور على خبط الباب
نور فتحت الباب
ساره: يلا ي نور الفطار جاهز
نور: حاضر
نزلت نور لقت الكل تقريبا قاعد
قعدوا فطروا منهم كان بيفطر ومنهم كان سرحان
نور: عن اذنكم
نهال:كملي اكلك ي نور
نور: الحمد لله انا طالعه اغير هدومي عشان الجامعه
نهال: ماشي ي حبيبتي
ملك: يلا ي هبه عشان اتأخرنا
هبه: يلا
ساره: يلا احنا كمان
ندي : يلا
نهال: شوف العيال
ايمان: معلش عشان منطردش من المحاضره زي كل م......
ندي: ايوه هنتأخر يلا ي ايمان
نهال: ماشي يلا ربنا يوفقكوا
________________________________
ساره: ايه ي ايمان كنتي هتوقعي بلسانك
ندي: الحمد لله اني وقفتها كان زمننا خدنا موشح
ايمان : مأخدتش بالي خالص
ندي: طيب يلا عشان شكلنا هنتطرد
ساره: يلا
_____________________________
نور كانت بتغير هدومها وجالها رساله
(لا مش من معتز متخافوش 😂😂)
فتحت الرساله وكانت من يوسف مضمونها
"ممكن بعد ما تخلصي تنزلي الجنينه "
ردت نور وكان ردها: ماشي
خلصت لبس ونزلت تشوف يوسف بس خافت من داليا لانها ممكن لو شافتها مع يوسف تقول لمعتز
نزلت بحرص عشان داليا متشوفنيش
_ نور
نور: في ايه يا داليا؟
داليا: انتي نازله من غير م تخبطي عليا يعني
نور: شايفاني يعني مشيت انا نازله اشوف يوسف وطالعه
داليا: ايه ليه ؟
نور نسيت أنها غدرت بيها وكلمتها بصفو نيه
نور بتوتر : ع....عشان انا قولتله عايزاه هو وهبه
داليا: اه عشان تصالحيهم
نور: بالظبط كده
داليا: ربنا يوفقك ي حبيبتي
نور: ماشي يلا روحي جهزي نفسك
داليا: ماشي ي روحي
نور في سرها : الحمد لله اني عرفت اكدب عليها
نزلت نور ليوسف اللي مستنيها
نور: نعم ي يوسف في حاجه حصلت؟
يوسف: لا متقلقيش في حد شافك وانتي نازله
نور: اه داليا
يوسف: قولتلها ايه
نور: اني بصالحك على هبه
يوسف: طب كويس
نور: كنت عايزني في ايه؟
يوسف: في معلومات عن معتز ده عشان اعرف أوقعه
نور: ...اه.....زي ايه ؟
يوسف: اسمه بالكامل....... شغال في ايه.......كليته........عنده كام سنه
نور : اه ......ماشي
اسمه معتز سامح الفقي وعنده ٢٥ سنه في كلية اعلام وباباه عنده شركات استيراد وتصدير
يوسف: هو باباه سامح الفقي صاحب شركات الفقي للاستيراد والتصدير !
نور: ايوه
يوسف: انا كده خلاص مش عايز اي معلومات تانيه خلاص انا مسكته من أيده اللي بتوجعه
نور: هو انت تعرف باباه
يوسف: ايه اللي اعرفه ده انا اعرفه عز المعرفه يعتبر من منافسيني بس مش اكتر
نور: والله طيب هو ممكن يأذيك مثلا
يوسف بضحك: هههههههههه دي نكته كل اما افتكرها هضحك ي نور انا ب تليفون واحد بس اقدر امحيه من الوجود بس للاسف من شهرين حصل صلح فتجنبني خالص
نور: لا أنا معرفش حاجه خالص بس اللي اعرفه انه منافس برضه لشركات عمي
يوسف: وارتبطي ازاي بمعتز الفقي وهما منافسيين
نور: لا مهم اصلا اصدقاء بس حصل خلافات بينهم والخلافات دي بسبب فسخ الخطوبه
يوسف بشر : حلو اوي المعلومات دي
نور: هتعمل ايه؟
يوسف: هتعرفي كل حاجه بس سيبيني اخلص شويه شغل مهم اوي وعلفكره انا اللي المفروض اشكرك مش انتي
نور: ليه ؟
يوسف: انك هتخليني أوقع شركات الفقي تاني
نور: مش انت بتقول انك عملت معاهم عقد تصالح
يوسف: اه بس انا هلعب من على بعيد
نور: طيب وانا مهمتي ايه
يوسف: هقولك بليل
نور: ماشي
________________________________________
كل واحد راح يشوف حاله وعدي الوقت من غير ذكر أسباب مهمه تحدث
جه الليل وكل واحد روح بيته
_________________________________________________
ملك: جهزي نفسك ي هبه بقا عشان المسابقه فاضلها يومين بالظبط
هبه: اه واليوم انهارده اصلا كان متعب اوي
ملك: طيب كننا عايزين نغير شوية حاجات في اللوحه هبه: ماشي ي ملك ونختم برضو اللوحه الاخيره
ملك: ايوه معاكي حق
_______________________________
ندي: الحمد لله مطردناش انهارده
ايمان: كنا على وشك
ساره: انتوا عارفين لو مصحيتوش بدري هعمل فيكوا ايه الامتحانات قربت ولسه بننطرد خلينا كده مش عارفين حاجه في الماده دي لحد منشيلها اوبح
ندي: لا انشاء الله مش هنشيلها اوبح هيا بدأت تحبي هههههههههههه
ايمان: وقت هزارك هو
ساره: اهم حاجه نلم اللي فاتنا
ندي: ليه هو مبعثر ولا ايه تن ترارارا تن تن
ساره: ندي انا جبت اخري
ندي: جبتيه بكام ههههههههه
ايمان: انتي شاربه حاجه متتعدلي شويه
ندي: شاربه ميه هههههههه
ساره: يلا ي ايمان نمشي ونسيبها لوحدها ناقصه هيااا
ندي : اعاااااااااااااااا استنوني يا دنانين
ساره: اتعدلي ي ندي
ندي: ماشي والله
________________________________________
ادم: لا انا جاي اهو
.......................
ادم: معلش يا عم خليها شويه كده على م ترجع القاهره تاني
........................
ادم: وايه هو الشغل المهم ده
.......................
ادم: ماشي ي م...
طب سلام دلوقتي
..........
نهال: ي ادم
ادم: نعم ي نهال
نهال: روح هاتلي الحاجات دي من السوبر ماركت
ادم: ماشي اجيب ايه بقا
نهال: مكتوبه في الورقه دي
ادم: ليه هو انا طفل صغير
نهال: م هيا حاجات كتير
ادم: ماشي
_______________________________________________
نور كانت قاعده في اوضتها وتلفونها رن وكان جو
نور: الو
يوسف : بصي انا مش البيت دلوقتي بس اللي هقولك تعمليه تنفذيه من غير جدال
نور: اعمل ايه ؟
يوسف: كلميه وقوليله انك موافقه وانك هتقابليه في *******
نور: بس هو في القاهره
يوسف: لا هو هنا في الاسكندريه
نور: وانا هقوله ازاي أن انا عارفه أن هو في الاسكندريه
يوسف: هو اللي هيقولك لما يلاقيكي وافقتي ترجعيله
نور: هو انا هروحله لوحدي
يوسف: متقلقيش انا هكون معاكي
نور: ماشي
يوسف: استني
نور: ايه
يوسف: اعملي مداخله تليفونيه
نور: حاضر
نور كلمته في مداخله تليفونيه زي م يوسف قال
نور: الو
معتز : بنت حلال كنت لسه هكلمك
نور: انا موافقه
معتز: حلو ده
نور: طيب وبعدين بقا
معتز: هتقابليني
نور: ازاي مش انت في القاهره ؟
معتز: لا في الاسكندريه
نور: طيب هحاول اخرج بس هجيب داليا معايا
معتز: داليا مين دي اللي تيجي انتي لوحدك اللي هتيجي
نور: لا مش هينفع
معتز: خلاص يبقي نفضها
نور: لا خلاص طيب قابلني في ****
معتز: لا هتقابليني في *****
نور: م..ماشي...
ماشي
معتز : مستنيكي نص ساعه وتكوني عندي
نور : ح......حاضر.......حاضر
معتز: شاطره بحبك وانتي بتسمعي الكلام
نور: ماشي سلام
معتز: باي ي قمر
نور قفلت معاه
يوسف: تمام قومي غيري هدومك وقولي لنهال انك طالعه ليوسف
نور: هيا نهال تعرف
يوسف: لا بس عشان لو حد سألها تكون عارفه انك معايا
نور: ماشي
يوسف: هتنزلي تلاقي عربيه سوده مستنياكي اركبيها
نور: حاضر
يوسف: يلا البسي بسرعه
غيرت هدومي وقولت لنهال اني خارجه اشتري شوية حاجات مع يوسف
خرجت وركبت العربيه اللي وصفهالي
والعربيه مشيت في مكان هادي خالص ومفيهوش حد
تليفوني رن وكان يوسف
نور: الو
يوسف: انزلي وادخلي المكان ده وانا وراكي
نور: انا خايفه
يوسف: متخافيش ادخلي وهتلاقيه جوه مستنيكي بس انا معاكي
نور: طيب
نزلت ودخلت ويوسف كان في المكان اللي انا فيه يوسف في العربيه وسمع صوت ضرب نار
_نووووووووووور
يتبع الفصل الرابع عشر اضغط هنا
- الفهرس يحتوي على جميع فصول الرواية كاملة :"رواية نصيبي في الحب" اضغط على اسم الرواية