رواية نور الصعيد البارت الحادي عشر 11 بقلم ريهام عزت
رواية نور الصعيد الفصل الحادي عشر 11
نور بصدمه واستغراب من وجود فهد هنا سرعان ما تحولت الي برود ولا مبالاه :فهد
ليجذبها فهد من بين الواقفين الي جانب فارغ في قاعه التدريب قائلاً
فهد بعصبيه : ممكن تفهميني ايه اللي بتعمليه دا
نور ببرود : عملت ايه
فهد بحده : نوور متعصبنيش اكتر ما انا متعصب من امتي وانت بتلعبي ملاكمه و ايه النحنحه اللي كانت من شويه مع الواد اللي كنتي بتضربيه ده
نور ببرود جليدي وهدوء : اسمعني كويس يا ابن عمي علشان مش هكرر كلامي كتير انا بتعامل مع ناس كتير رجاله وستات بطريقه رسميه او طريقه غير رسميه بس عمري ما اتعديت حدودي ولا سمحت لحد انه يتعدي حدوده معايا ف طريقتي دي مسمهاش نحنحه زي ما انت بتقول وانا مش مضطره اقولك مسمي ليها ثانياً لو انت كنت سألت عني كنت هتعرف اني بتدرب ملاكمه مع كوتش مجدي من ٧ سنين وهو صديق بابا وزي بابا بالضبط وبابا وجدي عارفين لا واقولك الكبيره بقا انا بلعب كمان (جودو وكاراتيه وحاجات كتير اوي) ثالثاً اول واخر مره تلمسني او تشدني بالطريقه دي قدام حد علشان معملش تصرف صدقني هتندم اووي بعده واه لو فاكر اللي حصل امبارح ف انا قولتلك اني مش عايزه اشوفك غير في الحالات الطارئه غير كده لا ومتخفش مش هعمل حاجه تفضحك انا عارفه حدودي كويس
سلام يا ابن عمي
لتتركه بكل كبرياء وغرور وترحل
وعند خروجها تجد ندي تنتظرها عند باب غرفه التدريب
نور بحنان : ليه واقفه عندك يا ندي ليه مدخلتيش
لتجد دموع في عين ندي وندي تحاول مسحهم سريعاً ف تفزع نور
نور بقلق : مالك يا ندي في ايه
ندي بتوتر وصوت مختنق : مفيش حاجه يا نور
نور بحده : ندي بقولك في ايه مالك ومتكدبيش قولتلك اني مبحبش الكدب
ندي ببكاء : في بنت اسمها سدريم بنت رجل الاعمال المعروف عزت الحديدي هي كل ما بتيجي هنا بتضايقني هي متكبره اصلاً وانا مش باجي جمبها بس مش عارفه ليه هي حاطه نقرها من نقري ودايماً بتعمل حاجات تخلي المدير يخصملي من المرتب بس النهارده اهانتني اوي يا نور
نور بهدوء مخيف وقد تحول لون عيناها من العسلي البراق الي اللون الاسود الحالك والذي يدب الرعب في نفوس الناظرين اليه : عيزاكي تحكيلي اللي حصل بالتفصيل سمعاني بالتفصيل
لتومي لها ندي سريعاً في خوف وتقول : انا بعد ما مشيت من عندك كنت رايحه ل مكتب المدير بس انا وماشيه عديت علي الطربيزه اللي فيها سيدريم و صحابها وكلهم بنات عائلات غنيه ومتكبرين وطريقتهم وحشه
ف...
🎞️🎥Flash back 🎥🎞️
سيدريم بخبث ل صحباتها : ايه رايكم في شو سريع
ميمي بخبث مماثل: اشطا يا سو معاكي
ساندرا : اي حاجه بدل الملل دا
سيدريم : اوك استنوا واتفرجوا
سيدريم بأمر ل ندي وبتكبر : انتي تعالي هنا
ندي لنفسها : ياساتر يارب مالها دي ربنا يرحمني منها
ندي وهي تتجه لها : نعم يا فندم
سيدريم بتكبر : تعالي امسحيلي الجزمه علشان اتوسخت
ندي بصدمه : نعم!!!
سيدريم بتكبر : ايه عامله نفسك مش سامعه ولا جالك الطرش يلا بسرعه معنديش وقت
ندي بقوه مصطنعه : لا طبعاً مش هعمل كده دي مش شغلتي وانا اصلاً كنت رايحه اقدم استقالتي واخد باقي حسابي وامشي علشان مشفش اشكالك دي تاني
سيدريم بغضب : اشكالي انا يا سوفاج يا تربيه الشوارع انتي والله لوريكي لتاخذ كأس من العصير وتسكبه علي ملابسها ثم تصيح باعلي صوتها قائله : فين المدير انا عايزه المدير دلوقتي حااالاً
*كان المكان اللي سيدريم واصحابها فيه مكان خاص تقريباً مفيهوش ناس كتير والكل عارف عزت الحديدي وبنته انهم شرانيين وواصلين فمحدش يقدر يتكلم*
لياتي المدير علي صوت صياحها ووالدها ويتجمع الناس ايضاً
المدير بخوف :في ايه يا فندم ممكن اعرف
سيدريم بتمثيل : المتخلفه دي طلبت منها عصير رفضت تجيبهولي وكبت عليا العصير بتاع صحبتي وقالتلي انها كده كده هتاخد حسابها وهتستقيل
لتؤكد صديقتها كلامها
عزت الحديدي بغضب : انتي ازاي تعملي كده في اسيادك يا متخلفه انتي
المدير بغضب : انتي هتستني هنا وانا هتصل بالبوليس وهوديكي في داهيه
ليوجه كلامه الي عزت الحديدي : انا اسف يا فندم علي اللي حصل واوعدك انها هتتعاقب عقوبه قاسيه واي حاجه انتوا عايزينها هتتنفذ
ندي ببكاء: والله العظيم يا فندم مظلومه هي بتكدب انا مليش دعوه انا والله معملتش حاجه
لتصفعها سيدريم علي وجنتها وتقول بغضب : انا بكدب يا حيوانه يا زباله والله لدفعك التمن غالي اووووي
لتوجه حديثها الي المدير قائله : يا تبوس جزمتي قدام الناس كلها وتطلب السماح يا تدخل السجن
لتتذكر ندي نور في هذه اللحظه ولا تعلم لماذا اتت لها بسرعه هي بالتحديد
🎞️🎥End flash back 🎥🎞️
ندي ببكاء : انا معرفش جيتلك ليه بس حسيت انك الوحيده اللي هتجيبلي حقي كانت تتحدث اليها وهي مخفضه رأسها وتنظر ارضاً لتقول
نور بحده وهي ترفع راس ندي باناملها : راسك دي متطاطيهاش تاني علشان حد
ثم تكمل ب ابتسامه مرعبه : تعالي معايا وريني مكانهم
ندي بخوف : بس يا نور
نور بغضب: منغير بس انا هخليها تبوس ايدك قبل راسك قدامي وقدام الناس كلها
لتذهب ندي امام نور بسرعه فمن يقف امام الكوبرا وهي غاضبه
لتجد سيدريم ووالدها يقفون بتكبر وبجانبهم مدير النادي الغاضب من ندي لتذهب نور بخطوات بطيئه تبث الرعب في نفوس الحاضرين تحيط بها هاله من الغرور والغموض وخلفها ندي
نور ب سخريه وغرور : انتي بقا سردين اووو سوري اقصد سيدريم اللي عامله كل الدوشه دي
سيدريم بغيظ: انتي مين ومالك بالموضوع
نور ببرود : تؤتؤتؤ اهدي يا قطه ليطقلك عرق ولا حاجه ولا بقولك بلاش موضوع قطه دي علشان بلاش نظلم القطط دول كائنات لطيفه برضو
سيدريم بغضب وهي تشير لها باصبعها : انتي ازاي تكلميني كده يا بتاعه انتي مجنونه
نور ببرود : ايدك يا حلوه لتوحشك
عزت الحديدي بتكبر : امشي يا شاطره من هنا شوفي حد شبهك العبي معاه انتي متعرفيش انتي بتكلمي مين ولا ايه
نور بمزاح ممزوج بسخريه : هو انا كل ما اكلم حد في البلد دي يقولي متعرفيش انتي بتكلمي مين هتطلع مين يعني
عزت الحديدي بتكبر وغرور : انا رجل الاعمال عزت الحديدي من اكبر رجال الاعمال في مصر يا شاطره
نور ببرود : طظ
ليقف الجميع مصدوم مما يحدث
سيدريم بصدمه : طظ!؟
نور بهدوء : اه طظ عادي في ايه طظ فيكم
عزت الحديدي بغضب : انتي ازاي تتجرأي علي اسيادك يا حشره انتي دا انا افعصك برجلي
نور بحده : عزت يا حديدي اتلم واعرف الاول انت بتكلم مين
سيدريم باستخفاف : هيكون بيكلم مين يعني
نور بحده وصوت مرعب كفحيح الافاعي انا نور محمد الشافعي يا عنيا صاحبه شركه النور من اكبر الشركه العالميه في مجال التكنولوجيا
وصاحبه شركه magic العالميه في امريكا انا الكوبرا اللي اقدر في ثانيه احولكم شحاتين مش لاقيين تمن العيش الحاف انا اللي بتتهزلي بلاد وشناب...انا اللي بعون الله اقدر اخليكم في سوق الناس متسووش قرش عرفتي انا مين.!؟
عند قولها هذا وقعت قلوب الجميع وبالاخص بعد ان تحولت عينيها للاسود الحالك وبل اصبحت اكثر سوادٍ من الليل
عزت الحديدي بخوف كبير بعدما علم من هي فمن الغبي الذي يقرر ان يعادي الكوبرا ذلك سيكون محكوم عليه بالهلاك في جهنم الارضيه قبل السمائيه
عزت برعب وخوف : انا اسف انا اسف يا كوبرا انا
اللي حشره و ٦٠ حشره انا هخليها تعتذر منك حالاً
سيدريم بصدمه : يا بابا..
عزت بغضب : اخرسي خالص واعتذري من نور هانم بسرعه
سيدريم بحنق : انا اسفه
نور ببرود : اعتذري ل ندي الاول
لتنظر سيدريم ل عزت بصدمه ليقول
عزت بصرامه : اعتذري للانسه ندي يا سيدريم
سيدريم بتمرد: لا طبعاً مش هعتذر من جرسونه انا
نور بحده : الجرسونه اللي مش عجباكي دي متخرجه من كليه تجاره بتقدير امتياز مع مرتبه الشرف وبتشتغل وبتصرف علي نفسها والشغل مش عيب مش احسن من اللي بتصرف من فلوس ابوها عمال علي بطال وفاشله في حياتها وف دراستها زيك
ثم تقول ببرود مخيف : صدقيني لو معتذرتيش منها دلوقتي ل اخليكي تشحتي انتي وعيلتك كلها و حتي شغله الجرسونه هتتمنيها ومش هتلاقيها ثم تضرب علي المنضده بقوه قائله : سااامعه
لتهز سيدريم راسها بقوه خوفاً من نور ومن ثم تنظر الي ندي التي تتصنع القوه وتقول انا اسفه حقك عليا
ثم تقول نور روحي بوسي علي راسها واطلبي منها السماح
تكاد ان ترفض الا ان صوت والدها جعلها تذهب
عزت الحديدي بغضب : يلا يا سيدريم بوسي راس الانسه
لتذهب سيدريم و تقبل راس ندي وتطلب منها السماح
نور ل ندي : ها يا ندي سامحتيها ولا اتصرف انا
ندي بحب صادق وابتسامه ل نور : خلاص يا نور سامحتها
نور بصرامه : فلت مني انت وبنتك المره دي يا عزت بس برضو هيبقي ليك قرصه ودن خفيفه علشان تبقي تعلم بنتك الادب وازاي تحترم غيرها ومشوفكمش هنا تاني تروحوا اي نادي تاني غير دا ولو عرفت بس ان حد فيكم ضايق ندي او غيرها تاني صدقوني المره اللي جايه هكون دفناكم قدام الناس ومش هاخد فيكم ساعه سجن سامعني
ليهز راسه بسرعه علامه علي الموافقه
وياخذ ابنته سريعاً ويرحل بخوف امام الجميع
نور : وبالنسبه بقا للمدير المحترم ف انا هكتفي بانك تعتذر منها وتعطيها حسابها ومكافأت نهايه الخدمه
المدير بخوف : طبعاً يا نور هانم طبعاً
انا اسف يا ندي يا بنتي سامحيني ارجوكي
ندي بطيبه : خلاص سامحتك
نور ل ندي : روحي معاه هيديكي بقيه حسابك والمكافئه وهستناكي برا
ندي بحب :حاضر
ليصفق الجميع بحراره لنور وتصرفها القوي وشجاعتها وعدلها
نور بابتسامه : خلاص يا شباب الشوو خلص نراكم بعد الفاصل في خناقه جديده باذن الله ليضحك الجميع وتذهب نور ل تغير ثيابها
كان من ضمن الحضور فهد الذي كان يشعر بالصدمه والفخر بسبب تصرفها و فضل عدم التحدث معها هنا ليكن في المنزل افضل
وميرا التي كانت تشاهد وبدأ الخوف يتسلل الي قلبها بعدما علمت من هي نور وما مكانتها
لكنها مصممه علي الوصول الي فهد مهما كلفها الامر
خرجت نور وقد غيرت ثيابها الي الثياب التي اتت بها ونظمت شعرها
نور وهي تخرج من النادي نادتها ندي واحتضنتها بحب وقبلت رأسها ثم قالت
ندي بحب : انا مش عارفه بجد اشكرك ازاي يا نور علي اللي عملتيه معايا النهارده صدقيني لو طلبتي عمري هديهولك بنفس راضيه
نور بمرح : امممم عمرك لا مش هطلع من وراه بمصلحه بصي يا ستي انتي هتبقي اختي من النهارده وصحبتي وهتعزميني علي الغدا في مره وانتي اللي هتعملي الاكل واجي كمان علشان اشوف ست الحبايب ها ايه رايك
ندي بضحك : ماشي وانا موافقه غالي والطلب رخيص
نور : طيب يلا علشان اوصلك وبكرا تجيبي ال cv بتاعك وتيجي الشركه هتروحي لموظفه الاستقبال هتقوليلها انا تبع الكوبرا هتوديكي عند واحده اسمها شذي قوليلها اسمك وهي هتوريكي شغلك الجديد
ندي بسعاده غامره : بجد شكراً اووي يا نور علي كل اللي بتعمليه
نور : بطلي هبل يا بنتي ويلا علشان اوصلك
لتوصل نور ندي بعد عده محاولات فاشله من ندي بالرفض ومن ثم تنطلق نور الي الفيلا
لتدخل الفيلا بعد فتره وهي مرهقه للغايه بسبب اليوم فقد كان مرهقاً بحق لتاتي لها داده شهد
شهد بقلق : مالك يا نور شكلك تعبانه اتصل بالدكتور
نور ل هذه السيده الحنونه : مفيش حاجه يا داده اهدي شويه ارهاق بس هنام واصحي كويسه
شهد بحنان :ماشي يا حبيبتي ثواني والعشا يبقي جاهز
نور برفض : لا يا داده مش قادره انا جعانه نوم
نور بعد ان تذكره شي : قوليلي يا داده حد جا وصل الحاجه زي ما قولتلك الصبح
شهد : ايوه في واحد جه معاه كراتين وحاجات كده طلعها الجناح بتاعكم بعد ما ورتهوله وجه معاه واحد تاني وركبوا الحاجه
نور باطمئنان : اوكي يا داده طيب فهد رجع
شهد : اه يا حبيبتي من شويه رجع وطلع علي الجناح بتاعكم
نور : اوك يا داده تصبحي علي خير
شهد بحنان : وانتي من اهله يا بنتي
لتصعد نور الي جناحها وعندما دلفت وجدت امامها فهد وهو يحاول تمالك اعصابه
فهد بهدوء : ممكن نتكلم شويه
نور بارهاق : بص يا فهد صدقني انا حالياً طاقتي صفر ومش هقدر اتحمل اي مناقشه ف خلي اي حاجه عايز تتناقش فيها بكرا فضلاً
فهد وقد لاحظ ارهاقها : تمام نتكلم بكرا روحي ارتاحي انتي دلوقتي تصبحي علي خير
نور بهدوء: وانت من اهله
لتذهب نور الي غرفتها وتاخذ حماماً سريعاً وتغير ثيابها الي ثياب مريحه ويسحبها الفراش في رحله جميله تذهب هي فيها مستسلمه بعد ان جهزت المنبه ليرن في وقت محدد
ليدخل فهد الغرفه بهدوء بعد ان احس ب عدم حركتها وينظر لها نظرات ندم وهو يقول في نفسه
فهد بحزن : سامحيني يا نور انا اسف انا عارف اني غلطت في حقك وجرحتك انا مش وحش اه متسرع وبحكم علي الناس غلط وحكمت عليكي من غير ما اعرفك بس صدقيني هصلح كل حاجه ودا وعد مني يا نوري ليقبلها من راسها بخفه ويخرج
..............
ياترا ايه اللي هيحصل؟
وهل نور هتسامحه؟
هتقدر ميرا تفرق بينهم؟
دا هنعرفه الحلقات اللي جايه
- تابع الفصل التالي عبر الرابط: "رواية نور الصعيد" اضغط على أسم الرواية