رواية تزوجت معاقا ذهنيا البارت التاسع 9 بقلم شهد محمد موسى
رواية تزوجت معاقا ذهنيا الفصل التاسع 9
ممرض:دكتور خالد طالبينك بسرعة في حالة مستعجلة......
خالد بجدية:طيب... انزل انت يا عز وانا هشوف الحالة واجيلك.....
عز بهدوء:طيب...
ومشي عز بس شد انتباهه صوت بنوتة واقفة بتعيط جامد فبيبص
عز بقلق :سجي....... "وراح جري ناحيتها"
عز بقلق: سجي ايه الي جابك هنا انتي كويسة......
سجي بشهقات متقطعه:انا..انا كويسة بس صاحبتي.......صاحبتي ....
عز بقلق:طب اهدي شوية .....
سجي زادت في البكا مش هديت.. وعز واقف عاجز مش عارف يعمل اي...
عز لنفسه:طب احضنها طب ولا اعمل اي انا دلوقت......
ويرجع يقول:تحضن مين انت اهبل دي مش حلالك عشان تقرب منها اصلاا....
عز لسجي وهو بيحاول يهديها:اهدي بالله عليكي بدل ما احضنك ونروح انا وانتي جهنم بالفزبة .........
سجي ضحكت غصب عنها وبصتله...
عز بمرح : لاء بالله عليكي متبصليش بعنيكي القمر دي لحسن انا قلبي الصغير لا يحتمل.........
سجي ابتسمت بخجل وبدأت تهدي شوية.......
عز بهدوء:ايوه كده شطورة قوليلي في اي بقي......
سجي بحزن ودموع: صاحبتي تعبت فجأة وهي جوه دلوقت ومعرفش مالها.......
عز بنرة حنونة:طب هي تعبت ازاي حصل اي.......
سجي بدموع:احنا قولنا ناكل بره فروحنا ناكل سمك كلنا وخلصنا وروحنا نتمشى علي الكورنيش وجبنا ايس كريم فوهي بتاكله مسكت معدتها فجأة وقالتلي إلحقيني مش قادرة وراحت واقعة في الارض.........انا شوفتها قدامي واقعة مقدرتش اتصرف ولا اعمل حاجة فضلت اعيط واصرخ انه حد يجي يلحقنا لغاية ما الناس اتلمت وراحوا وقفوا تاكسي وركبونا وجينا هنا.........."سجي كانت بتتكلم ببراءة تشد اي حد ليها "
عز بنبرة حنونة:طب اهدي متخافيش عليها ان شاء الله مش هيكون في حاجة و شوية وهيطلعوا يطمنونا عليها....
سجي ببراءة ودموع: بجد يعني هتبقي كويسة......
عز بإبتسامة :اه بجد هتبقي كويسة متقلقيش ......
سجي بقلق :يارب
وفضلت واقفة هي وعز مستنين الدكتور يطلع..........
شوية وخرج الدكتور........
خالد :انت مروحتش...
عز بهدوء:لاء المهم اخبار المريضة اي....
خالد بهدوء:كويسة دلوقت الحمدلله...
سجي تدخلت وسألته بقلق:هي حصلها اي.......
خالد بنظرات اعجاب:انتي تقربيلها يا قمر.....
سجي بقلق:انا صاحبتها......
خالد كان بيبصلها بإعجاب .........
خالد بهدوء: متقلقيش هي عندها مشكلة بسيطه في المعدة و اظاهر انها لخبطت في الاكل فهو الي عمل معاها كده بس خليها تتابع مع دكتور باطنه..........
سجي بقلق:طب ممكن ادخلها.....
خالد :اه طبعا اتفضلي.....
سجي بإمتنان:شكرا "وراحت داخله"
عز بخنقه:لم عنيك شوية.....
خالد :ألم اي ياعم انت مش شايف البت عاملة ازاي.......
عز مسكه من لياقة البلطو واتكلم بنبرة تحزيرية:احترم نفسك و واتكلم عدل بدل اظبطك هنا.....
خالد بخبث:هي تخصك ولا اي.....
عز بتحذير:اه تخصني وإياك عينك تيجي عليها تاني سواء بقصد او من غير.......
خالد حب يخفف حده الجو الي اتكهرب ده واتكلم بمرح:خلاص ياعم سيب البلطو بريستيجي بقي في الارض منك لله و اصلا مش استايلي ياعم...
عز سابه
واتنهد بغضب....
خالد بخبث:بس قولي هي دي المزة....
عز بصله بتحذير......
خالد:احمم طب همشي انا اشوف شغلي بقي ونبقي نتكلم في وقت تاني...."وخد بعضه وفلق😹"
عز اتنهد وخبط علي باب الاوضة.....
_علي الجانب الآخر داخل الاوضة_
سجي اول ما دخلت عند بسمة راحت حضنتها وفضلت تعيط.....
بسمة بمرح وهي بتبطبط عليها:بنتعيطي ليه يا هبلة دلوقو مانا زي الحصان اهو....
سجي مسكت فيها اكتر......
سجي ببكاء:خفت تضيعي مني زيها...
بسمة بمرح وهي بتبعد سجي عن حضنها وبتمسحلها دموعها :متخافيش مش هضيع منك ولا اروح في حته انا هفضل قاعدة علي قلبك وقرفاكي......
سجي ابتسمت من وسط دموعها:انا راضية يا ست.......
بسمة بمرح : يغتي كميلة انتي بتبقي وتكاية كده وانتي بتعيطي
سجي بضحك:بس يا حيوانة....
تيك...تيك..تيك...
سجي :ادخل .....
دخل عز واول ما دخل......
عز بذهول:بسمة......
بسمة بمرح:ابو العزاعيززز.........
.
.
.
.
بقول اقفل علي كده بس عارفة انكوا هتموتوني لاني مكتبتش غير مشهد واحد🚶🏼♀️بس ياله معلش🦦
.
.
بسمة بمرح:ابو العزاعيززز بالحضن يا غالي......
عز قرب منهم وهو مبتسم وراح حاضن بسمة وهي حضنته...........
وبعدين بعد عنها......
بسمة بفرحة: واحشني قد البحر وسمكاته والله يا ابو العزاعيززز......
عز بإبتسامة:وانتي واحشاني اكتر يا قلب ابو العزاعيززز.......
بسمة ضربته في كتفه وقالته : مبتجيش ليه يا كلب البحر ....
عز ضربها علي قفاها وقالها:مشاغل يا بيه والله......عمي عامل اي...
بسمة بغمزة:عمك رهوان وصحته فله الحمدلله وسايباه بيستفرد بالمزة كمان.........
عز بضحك:يابت احترمي نفسك دا ابوكي........
بسمة :ملكش فيه انت ابويي وانا حره فيه......
كل ده وسجي متابعة في صمت متكلمتش ومفيش ريأكشن محدد علي وشهاا ......
بسمة بمرح:نسيت اعرفك دي سجي بستوتي وصاحبتي وكل ماليا ولسجي:ده بقي يا ستي دكتور عز احدي اعظم دكاترة القلب ويبقي ابن عمي ويبقي اخو اختي في الرضاعة فهو اخويا انا كمان يعني.......
سجي بعد ما كانت متخشبه ومش علي وشها تعبير محدد بعد ما سمعت بسمة تعبير وشها اتغيرت للفرحة......
سجي بإبتسامة:تشرفنا يا دكتور عز.....
عز بإبتسامة:تشرفت اكتر يا سجي....
بسمة :طب ياله خرجني من هنا لسه قدامنا مهام عايزين نعملها.....
عز بسخرية :مهام اي دي ياختي
بسمة :اصلي عقبال املتك كده الجامعة حبت تكافأنا علي تفوقنا فودتنا تدريب في شركةMCK للادوية وكان اول يوم لينا النهاردة وادونا سي دي نتفرج عليه عشان من بكره هنبدأ نبدع في الشركة.........
عز بسرحان:قولتيلي اسمها MCK ....
بسمة بإستغراب:اه مالك.....
عز بإبتسامة:هااه لاء مفيش...
هروح اجبلك اذن بالخروج عشان اروحكم....
بسمة بمرح:قشطاات.....
خرج عز وراح جاب اذن بالخروج وخدهم ومشي بعربيته.......
_______________🤎_______________
_في فلة السيوفي_
إلياس واحمد قاعدين بيلعبوا في الجنينة وريناد قاعدة متابعاهم وسرحانه.......
ريناد بتكلم نفسها:انا مش عارفة ليه بحس انك تصرفاتك بتبقي كأنك واحد عارف هو بيعمل اي مش مجرد طفل.............. حقيقي مش فاهمه حاجة ولا عارفة الي بحس بيه ده بجد ولا تخيلات مني.........
قطع سرحانها صوت إلياس وهو بيقول..........
إلياس بحماس:بابااا.......
أمجد حضنه وهو مبتسم ......
إلياس بإبتسامة:جيت بدري النهاردة .....
أمجد بإبتسامة: امم الشغل مكانش كتير النهاردة وكمان في مفاجأة حلوة .....
إلياس بحماس :ايه هي ...
أمجد بإبتسامة:بكرة مش هروح الشغل وهاخدكم افسحكم بره هنروح البحر وهناكل بره وبعدين هوديكم الملاهي و هنعمل كل الي انتوا عاوزينه.......
إلياس حضن ابوه بسعادة وقاله: انا بحبك اويي يا احلي بابا في الدنيا......
أمجد بحب:وانا كمان بحبك.......
ريناد بإبتسامة:ربنا يخليك ليه ويخليهولك.....
أمجد بإبتسامة: اللهم امين ويخليكي لينا......
ريناد ابتسمت وقالته: شكراً
أمجد بإستغراب وابتسامة:علي ايه....
ريناد بإبتسامة هادية:علي كل حاجة انت جبتلي احمد وكمان جبتله هدوم جديدة فبجد مش عارفة اقولك اي.....
أمجد حط ايده علي كتفها وابتسم:متقوليش اي حاجة انتي وأحمد ولادي زي إلياس بالظبط وده واجبي كأب......
ريناد بإبتسامة:ربنا يخليك يارب....
أحمد بنوم وهو بيفرك في عنيه:نااد اوز انام..... "ريناد عاوز انام"
ريناد شالته وباسته في خده وقالتله: ماشي يا حمادة....... ووجهت كلامها لامجد:عن اذنك هطلع انيمه...
أمجد بإبتسامة:طيب ولو حابه تنامي معاه نامي انا هقعد مع إلياس.....
إلياس بطفولة : بابا انا هنام مع ريناد واحمد .........
أمجد بإبتسامة:وتسيب بابا.....
إلياس بتفكير طفولي: لاء خلاص هنام معاك......
ريناد ضحكت برقة:طيب هطلع انا...تصبحوا علي خير ...
أمجد بإبتسامة:وانتي من اهله....
إلياس بإبتسامة:وانتي من اهله يا رينو......
_____________🤎_________________
عز وصل سجي بيتها الاول وبعدين وصل بسمة وطلع معاها........
تيك...تيك...تيك...
منة من الداخل:ايوه جاية مين علي الباب....
بسمة بمرح:انا البواب.......
عز بضحك:عاوز اي.......
بسمة بضحك:عاوز ادخل الحمام.....
منة فتحت الباب.......
منة بسخرية:اهلاا بالهبلة بنت الاهبل....
بسمة بضحك:اهلا بمرات الاهبل......
عز بضحك:اتلمي.....
منة بفرحة:عز ازيك يا حبيبي....
"وراحت وخداه بالحضن"......
بسمة وهي تقلب عينيها:طب اي هتحبوا في بعض علي الباب كده مفيش خشا ولا حياء...... اوعوا كده هتفضحونا....."وراحت زقاهم وداخله"
عز بضحك:مالها المجنونة دي......
منة بضحك:سيبك منها دي عندها عرق العبط زي عمك.......ادخل
عز ضحك جامد ودخل.......
بسمة دخلت علي ابوها وراحت باسته في خده وقعدت جمبه......
بسمة بمرح:حبيبي يا ابو الصحاب يالي واحشني
أشرف حاوط كتفها واتكلم بإبتسامة:وانتي كمان وحشتيني ها عملتي اي النهاردة.....
بسمة هزت كتافها وقالتله:ولا حاجة الراجل فضل يرغي ويهري في كلام لغاية ما كل دماغ امي ......
أشرف ضحك علي بنته الدبش دي وكلامها......
عز بإبتسامة:وحشتوني وحشتوني وحشتوني......
بسمة بمرح وهي بتطبل علي الطرابيزة :اهلاا...اهلا..اهلاا...اهلاا باعز الحبايب......اهلا....
أشرف قام حضنه وقاله بإبتسامة:عز باشا بنفسه هنا في ميت هيموت النهاردة......
عز بضحك:واحشني يا عمي والله ...
أشرف بإبتسامة: وانت كمان واحشني فينك يابني ايه الغيبة الطويلة دي....
عز بتنهيده:مشاغل والله يا عمي انت عارف الشغل صعب قد اي .....
أشرف بإبتسامة:ربنا يكرمك يا حبيبي وأمك والبت لين عاملين اي....
عز بإبتسامة:كويسين الحمدلله
أشرف بإبتسامة:طب الحمدلله.... ولمنه:جهزي العشا يا ام بسمة ....
عز بإبتسامة:ياله والنبي بسرعة لحسن واحشني اكلك جدا.....
منة بإبتسامة:من عنياا.......
بسمة بتعب:وانا داخلة اخد دش واغير هدومي عقبال ما الوالده تجهز الاكل....... "وبصت لعز بنظرات ذات مغزي ومشيت".......
أشرف بخبث:ايه مش ناوي تفرحنا بيك قريب....
عز بضحك:انت رهيب يا عمي......
أشرف بإبتسامة: مش عاوز اطمن عليك .....
عز بإبتسامة:هتطمن يا عمي قريبا متقلقش.......
أشرف بإبتسامة: طيب اديني مستني.....
وفضلوا يرغوا لغاية ما العشا جهز واتعشي ومشي رجع المستشفي.....
____________🤎__________
طبعا بتسألوا نفسيكم ليه بسمة مقالتش لاهلها ولا عز اتكلم لانه بسمة محبتش تقلقهم عليها وخصوصا انها بنتهم الوحيده وعارفة هما قد اي بيخافوا عليهاوالموضوع بسيط ونبهت علي عز ميتكملش........
___________🤎___________
_الساعة1 بالليل_
_في المستشفي_
&عارف انت مش هترتاح يا عز غير لما تبوظلي كل حاجة...... المرة الي فاتت لولا انك صحتني الصبح كان زماني مكشوف.....
عز بضحك:وانا مالي يا عم حد قالك نام في المستشفي وبعدين العملية مستعجلة وخطيرة وانا مش هقدر عليها لوحدي فمحتاجك معايا.......
&بتنهيده:طب ياله خلينا نخلص قبل ما حد في البيت يصحي ويعرف اني مش موجود.......
عز بجدية:ياله وصح قبل ما انسي شركته عاملة تدريب للمتفوقين في الكليه .........
& بهدوء:اممم طب خلينا بس دلوقت ندخل للعمليه وبعدين نشوف حواره عشان حواراته كترت......
عز بضحك:حصل ياله......
_____________🤎__________
وعدي اليوم بالطول والعرض علي ابطالناا .............
وجه اليوم التاني علي ابطالنا ومكانش في اي حاجة جديدة....
*أمجد خد ريناد وأحمد وإلياس وخرجوا زي ما هو مخطط ......
*بسمة وسجي راحوا الشركة وأمير كان موجود معاهم ومع كل الطلبة بس اهتمامه كان زايد ببسمة شوية بس بسمة مكانتش مديه الموضوع اهتمام ولغاية دلوقت محدش فيهم شاف المدير الاول..............
____________🤎___________
_في المساء_
_في فلة السيوفي_
ريناد بسعادة:انا حقيقي انبسط اوي النهاردة انا عايشة في اسكندرية لكن مكنتش اعرف انها جميلة اوي كده .....
إلياس بسعادة:وانا انبسط جدااا وكانت ممتعة عشان معانا ريناد واحمد.......
أمجد بإبتسامة لسعادتهم: عندك حق فعلا كانت المره دي ممتعة اكتر عشان كانوا معانا......
أحمد بسعادة:سكرا ليك يا اموو"شكرا ليك يا عمو"
أمجد شاله وباسه وقاله بإبتسامة: العفو يا حبيب عمو.......
إلياس بسؤال:بابا هو قاسم فين......
أمجد نزل احمد واتكلم بجمود:معرفش يا إلياس........
إلياس ببراءة:طب كلمه يجي عايز اشوفه واحشني ......
أمجد بجمود:ان شاء الله....
إلياس ببراءة:طب ياله كلمه......
أمجد اتنرفز:قولتك خلاص.....
ريناد اتدخلت واتكلمت بحنو:إلياس حبيبي خد احمد واطلع فوق غير هدومك وغيرله هدومه......
إلياس :طيب.....
وخد احمد وطلع......
ريناد بهدوء:عمو امجد كلمه خليه يرجع هو مهما كان ابنك......
أمجد بغضب:اين مين هو ده يعرف يعني اي اني ابوه ولا يعرف يعني اي أدب........
ريناد بهدوء وابتسامة:كلنا بنغلط يا عمو وأحنا لسة عيال و طايشين وبنضايقكم كتير بس مش معني كده انه انتوا تسسبونا لاء انتوا المفروض تقفوا جمبنا وتاخدوا بإيدينا لغاية ما نبقي احسن لكن حضرتك كده بتسيب ايده وبتبعد عنه وبتسيبه يكمل في غلطه ....وكملت بتنهيده:مش مع كل الناس القسوة بتجيب نتيجة في ناس بتبقي محتاجه الامان والحنية محتاجين يحسوا بالامان و انه اهلهم جمبيهم ومعاهم فلما بتقسوا علي النوعية دي ده بيولد الكره وبيخليهم يعملوا الغلط بالعند فيكم حتي لو هما مش عاوزين وقاسم كده.......عمال يغلط ويغلط ومستني منك رد فعل كويس لكن انت كل مره بتصدمه برد فعل مختلف فده بيخليه يكمل في غلطه
أمجد بحزن:حاولت يا ريناد ..حاولت كتير اتكلم معاه وافهمه بس هو زي ما هو مبيتغيرش....
ريناد بإبتسامة بسيطة: وفيها اي لازم متيأسش من المحاولة وتفضل وراه لغاية ما يتغير .......
أمجد بصلها وسكت......
ريناد حطت ايدها علي كتفه وابتسمت وقالت:روحله يا عمو وكلمه هو مهما كان إبنك الي من لحمك ودمك وواجبك انك تنقذه من الوحل الي هو فيه..........
أمجد ابتسم ليه بحب وهز دماغه وقالها:حاضر يا ريناد.......
ريناد بإبتسامة:طب كلمه ياله اعرف هو فين وروحله......
أمجد بإبتسامة هادية:انا عارف هو فين........
وراح سابها ومشي......
ريناد بتنهيده:يارب...... "وطلعت هي التانية"
_في المقابر_
نلاقي قاسم قاعد قدام قبر من القبور وحاطط دماغه علي القبر وبيتكلم .....
قاسم بنبرة جديدة كلها حزن :وحشتيني اوي يا ماما وحشني حضنك الدافي وكلامك معايا وحشني
عقابك ليا لما كنت بعمل حاجة غلط انا تعبان اوي يا ماما وعمال بأذي الي حواليا ........
"حقيقي انا كشهد تأثرت بيه وفكرة اني بتخيل حالة فدي مأثرة فيا اكتر🥺 "
فضل علي الحال ده شوية وبعدين قام وقف بشموخه وبرده المعتاد ولف عشان يمشي ...فمشي كام خطورة كده
بس سمع صوت حد بينادي بإسمه....
*قاسم...
- الفهرس يحتوي على جميع فصول الرواية كاملة: "رواية تزوجت معاقا ذهنيا" اضغط على أسم الرواية