رواية اتجوزك انتي اتجننتي ولا اى يبنتى الفصل الثالث 3

الصفحة الرئيسية

رواية اتجوزك انتي اتجننتي ولا اى يبنتى البارت الثالث

رواية اتجوزك انتي اتجننتي ولا اى يبنتى كاملة جميع الفصول

رواية انتقام حبيبي الفصل الثالث 3

= ينفع تسمحيلى بس بدقيقتين من وقتك
– زى م سمحتلى بدقيقتين اوضح فيهم وادفع عن نفسى من عشر سنين صح
= اسمعينى بس يا ندى انا ندمان و حابب نرجع وهعوضك عن كل حاجه صدقينى
– هتعوضنى عن اى بالظبط ؟؟! عن شبابى الى ضاع ولا عن كميه الذل الى شفته
= اوعدك مش هشك فيكى تانى . انتى كمان متكدبيش عليا ف اى حاجه اى تخبى
– وانا عشان خبيت عنك حاجه تقوم تعمل دا كله؟! للاسف تعبت نفسك وجيت فالبرد دا . روح ربنا ينتقم منك
قفلت الباب و دخلت اوضتى ونمت
* اليوم الى بعدو*
كنت نازله اودى العيال للمدرسه كالعاده بس فاجأنى مصطفى وهو جاى علينا
= خدى يا حبيبى اللعبه والفستان دا ليكى و انت يا مالك خد العربيه والمسدس دول
فريده اخدت اللعبه والفستان اما مالك اخدهم منه ورماهم عالارض
■ مش باخد حاجه من ناس غريبه بعدين مامتى بتجبلى كل حاجه عايزها
= بس انا مش غريب .. انا ..
-متقول انت مين ؟؟! قولهم انك السبب فكل الى عيشناه لغايه النهارده . قولهم انك السبب ف ضياع طفولتهم بسبب انك صدقت اخوك و رفضك انك تصدقنى . لو سمحت ابعد عننا و سيبنا نعيش . لسا الامور بادئه تتظبط معانا من فتره قصيره ف ياريت تنسانا وتروح تتجوز واحده تانيه و تجيب عيال تكون متأكد انهم عيالك
اخدت العيال وسبته ومشيت
بعد المدرسه
دخلت المدرسه اجيب العيال بس اتفاجأت ان المدرسه فيها بلالين كتير لونهم احمر زى الى بحبهم . ظهر مصطفى فجأه و وقف على ركبته
= تقبلى تتجوزينى مره تانيه و ننسى كل حاجه حصلت ونبدأ صفحه جديده انا وانتى و فريده ومالك . احنا نستاهل فرصه تانيه يا ندى
ضربته بالقلم
-لا مش هقبل ابدا . لو كنت انت اخر راجل فالدنيا مش هقبل اعيش معاك يوم واحد . دا انت عقدتنى من الرجاله كلهم انت وعماد الزفت . تانى مره لو حبيت تعمل روميو او جتلى الشقه تانى انا هطلب الشرطه فااهم . هقولهم بيتهجم عليا انا و ولادى و كدا كدا محدش يعرف انهم مش ولادك لانهم مش مكتوبين ب اسمك
اخدت العيال ومشيت و سبته وهو مصدوم ومش عارف يرد
*تانى يوم *
النهارده كان الجمعه واجازه من المدرسه ف يدوب رحت الشغل و رجعت . على ١١ بالليل كدا كان الباب بيخبط جامد جدا لدرجه ان اتخضيت . فتحت و كان مصطفى الى بيخبط . كان باين عليه سكران
= ارجوكى سامحينى انا مستعد اعمل اى حاجه عشان بس تسامحينى . كل انسان بيغلط يا ندى وانتى كمان غلطتى على فكره لما خبيتى عنى . انا عايز اعيش مع اولادى ونكون زى اى عيله طبيعيه . قوليلى بس اعمل اى وتسامحينى وانا اعمله
– الحاجه الوحيده ال تقدر تعملها هى انك تسبنا فحالنا وتروح تشوف حياتك . مفيش اى حاجه فالدنيا هتخلينى اسامحك و حتى لو انا سامحتك ف الاولاد مش هيسامحوك على كل يوم باتو فيه وهما جعانين ولا كل يوم وهما بردانين و لابسين هدوم متقطعه و متغطيين ب لحاف متقطه و متخيط من كل مكان . امشى يا مصطفى و متجيش تانى
قفلت الباب و رحت انام
انا فعلا مش هسامحه ابدا . مصطفى دا يعتبر تانى غلطه فحياتى بعد ارتباطى بكريم وانا اصلا بقيت بقرف منه و مش بستحمل اشوف وشه قدامى
عدى ست شهور مجاش فيهم تانى . قولت الحمدلله اهو عقل و نسينا . اى الجديد يعنى م هو مكنش فحياتنا من الاول عايز نكون اسره طبيعيه ازاى
اتفاجأت بالباب بيخبط جامد جدااا
£افتحى احنا الشرطه والا هنكسر الباب
-شرطه ؟؟!!
£ معانا امر ب اخد الطفلين و تسليمهم لباباهم . اترفعت عليكى قضيه حضانه للاطفال من ٦ شهور ونظرا انك مجيتيش ولا جلسه رغم اننا كنا بنبعتلك انذارات كتير ف اتحكم بحضانه للطفال ل باباهم استاذ عماد كامل
– لحظه بس قضيه اى وجلسه اى وانذارات اى . محدش بعتلى اى حاجه بخصوص قضيه
£ مكتوب عندنا هنا ان كل حاجه اتبعتت على بيت اهلك نظرا ان محل اقامتك فالبطاقه مكتوب هناك وكمان طليقك قال انك عايشه هناك بقالك سنه ( من سعت متطلقتو )
– انا مرحتش بقالى ١١ سنه . وعايشه هنا من سعت م اتطلقت
£ ملناش دعوه بالكلام دا . هما كمان لما كانو بيروحو كتير يبعتو انذارات سألو والدك و ووالدتك وقالولهم انك عايشه معاهم وانك بتطنشى الانذارات دى بعدها قالو انك هربتى و جيتى للعنوان دا عشان منقدرش نلاقيكى وناخد الاولاد ف ياريت تسلميهم لينا بهدوء
بعياط -دا ظلم انا والله مكنت اعرف ان فيه قضيه اساسا . قولهم طيب يعيدو النظر فالموضوع . انا مليش غير اولادى و عايشه عشانهم . هتاخدوهم منى ليه ؟؟!
£ سبق وقلتلك ان دى الاوامر ف ياريت تسلميهم بهدوء عشان مصلحتهم
دخلت ولبست فريده ومالك وانا بعيط
□ احنا رايحين فين يا ماما
– هتروحو لبابا شويه وهاجى اخدكم متقلقوش
■ بس انا مش عايز بابا . دايما بيضربنا ومش بيخلينا ناكل . ماما ارجوكى متسبناش
وفضلو يعيطو ويحضنو فيا
– لازم تروحو . بصو اوعدكم هاجى اخدكم تانى . مش هسبكم عنده كتير . خلى بالك من اختك يا مالك
سلمتهم للشرطه و كأنى بسلم روحى . بسلم الحاجه الوحيده الى طلعت بيها من الدنيا دى
اول لما اخدوهم فضلت اعيط كتيير و اصرخ و اكسر فكل حاجه حواليا . مكنتش اتخيل ان هيجى يوم وياخدوهم منى زى م اخدو منى كل حاجه حلوه فحياتى
لما اخدوهم كان نص الليل . استنيت الصبح بفارغ الصبر عشان اروح اخدهم او اتفاهم معاه حتى . دا مكنش بيطيقهم ولا بيرضى يصرف عليهم . ازاى فجأه اتحول و بقا عايز ياخد حضانتهم و يربيهم هو . انا عارفه ان عماد كلب فلوس و اكيد مش كام شهر الى غيروه و خلوه عايز يربى عيال مش عياله . لازم اروحله وافهم منه كل حاجه واتفاوض معاه . يمكن عمل كدا عشان عايزنى اديله فلوس او حاجه . وانا الى افتكرت انى خلصت منه للابد لما اتطلقت منه

يتبع الفصل الرابع والأخير اضغط هنا
google-playkhamsatmostaqltradent