رواية حبيبتي المسترجلة الفصل الثاني 2 - بقلم روميساء عصام

الصفحة الرئيسية

رواية حبيبتي المسترجلة البارت الثاني 2 بقلم روميساء عصام

رواية حبيبتي المسترجلة كاملة

رواية حبيبتي المسترجلة الفصل الثاني 2

عشق (بنت جميله ومحجبه قريبه من ربنا ٢٢سنه شعرها لونه بنى وعنيها لونها بنى عندها اخ ومسافر ومش بيسأل عليهم خالص وهى متخرجه من تمريض) 
عشق كانت قاعده تعيط بابها طلع من الاوضه بعد اما ضرب امها 
درويش بغضب: تنزلى حالا تدورى على شغل ومتدخليش غير لما يكون معاكى فلوس بقالى اكتر من اسبوع مزاجى مش مظبوط كتك الاقرف 
عشق بدموع: حاضر يا بابا بس ادخل اشوف ماما بس عشان قلبها تعبها
درويش بغضب:قومى يااختى قومى شوفيها وبعدها علطول تنزلى تدورى على شغل يخربيت خلفه البنات والى عيزنها انا نازل القهوة مش عايز اشوف وشكم ربنا يخدكم ويريحنى منكم 
-خرج درويش من المنزل أما عشق جلست تبكى بحرقه وقلب موجوع ثم دخلت إلى غرفة والدتها كانت خديجه بتعيط من وجع جسمها بسبب الضرب إلى درويش ضربهلها وقلبها إلى تعبها ومحتاج عمليه 
ارتمت عشق فى حضن والدتها:حقك عليا ياماما انا إلى غلطانه عشان ملقتش شغل وبابا ضربك بسببى 
خديجه بدموع : انتى ملكيش ذنب ياحبيبتي ابوكى إلى عايز يأكل من عرق جبين بنته حقك عليا انا انى اتجوزته وخلفتكم اصلاا وخليتك تتبهدلى معايا
عشق وهى بتمسح دموعها: بصى ياماما انا هنزل وادور على شغل ماشى ولو لقيت شغل حلو وفلوسه حلوه نسيب البيت دا ونروح نعيش فى اى حته ان شاء الله فى اوضه 
خديجه وهى ماسكه قلبها وبتنهج:أن شاء الله يا حبيبتي حاضر معلش يا حبيبتي قبل أما تنزلى حاتى ليا كوبايه مايه والعلاج 
عشق بقلق :مالك يا ماما 
خديجه وهى بتحاول تطمن بنتها:انا كويسه يا حبيبتي بس عشان مخدتش الدوا قلبى وجعنى 
قامت عشق ودخلت المطبخ وجابت كاس مايه والعلاج وادتهم لامها 
عشق وهى بتاخد من امها كاس المايه :بلشفا يا ماما بقيتى كويسه 
خديجه وهى بتنهج من الوجع: أنا كويسه بصى يا عشق لو جرالى حاجه فى تلت تلاف جنيه كنت سيباهم من ورا ابوكى عشان اكمل عليها واعمل العمليه ابقى خديهم ليكى 
عشق بدموع: متقوليش كدا انا هنزل اشتغل يا ماما وهعملك العمليه وتبقى كويسه 
................................................................................
-فى المساء رجع عز وياسمين البيت ولاحظو أن سليم مضايق اووى 
ياسمين تجاهلتُ عشان مش عايزه تتعامل معاه 
عز بهدوء:لو سمحتى يا حسناء ياريت تجهزى الغداء وانت يا سليم عايزك 
-نظر سليم لحسناء إلى مشت من قدامه عشان عز ميعرفش أنها قالتله والياسمين إلى ابعدت نظهرها عنه
-‏دخل عز المكتب ودخل وراه سليم وقفل الباب وقف سليم قدام أبوه وقال :نعم يا بابا حضرتك عيزنى فى اى 
سليم بأبتسامه:اقعد بس سليم
-قعد سليم بضيق و كمل عز كلامه 
عز بهدوء:مش هتنزل الشركه 
سليم بضيق:اول الاسبوع الجاى أن شاء الله 
عز بأبتسامه: انا عايزك تكون فى ضهرى انا كبرت وتعبت وعايزك تشيل مكانى يابنى
سليم بمرح:اى يا حاج دا انا بدور ليك على عروسه دا انت لسه صغير بس متقولش لحد اصل امى بتحب ابويا اووى وبتغير عليه 
عز بضحك:ماشى يا أخويا طب مش هتدور ليك بقى على عروسه 
سليم بهدوء: بابا انا مليش انا فى الجواز انا اصاحب آه اتجوز لا 
عز بزعيق: مفيش حاجه اسمها كده 
سليم بغضب:حضرتك قولتلى انزل الشركه وقولت حاضر لكن جواز دا مستحيل 
عز بغضب:لا والله عال صوتك بقى بيعلى عليا كمان 
سليم بأسف:بابا حقك عليا بس انا مش عاوز اتجوز 
عز بهدوء: آخر كلام عندى هتتجوز ياسمين بنت عمك لان دى وصيه ابوها أن هى تتجوزك عشان تبقى فى وسطنا ماااشى يا اما بقى الفلوس بتاعك إلى فى البنك و الفيزا وعربيتك مش هطول منهم حاجه 
سليم برفع حاجب:ودا تهديد بقى ولا اى 
عز بغضب :دا مش تهديد انا بقولك هتتجوزها كل حاجه هتفضل معاك مش هتتجوز ملكش حاجه وبعدين اى إلى مش عاجبك فى ياسمين مش فاهم انا محترمه ومثقفه وناجحة فى شغلها وفى كليتها 
سليم قام وقف : دا كله كويس معلش انا بمنظرها دا هتجوز راجل مش بنت انت يابابا مش بتشوف لبسها ولا حتى طريقتها فى الكلام 
عز بغضب: متتكلمش عنها كده هى انت ليك الشرف اصلا لو اتجوزتها 
سليم لوالده: انا ماشي يا بابا وهروح اخرج مع صحابى وافكر 
-سليم بيفتح الباب لاقى ياسمين واقفه قدام الباب وعنيها بتنزل دموع 
سليم وهو يضرب جبهته: ياسمين متفهمتيش غلط اناا 
ياسمين ببكاء:شكرا يابن عمي على الكلام الجميل دا انا سمعت غظب من عنى مش بلمع اوكر ولا حاجه 
سليم وهو يمسك يد ياسمين: ياسمين متزعليش منى انا بعتبرك اختى والله ومش هقدر اشوفك غير كده 
ياسمين وهى بتمسك أيده وتبعدها عنها:وانا مقولتيش شوفنى حاجه غير كده يا سليم 
- جرت ياسمين على اوضتها وسابته ووهو بيتابعها وهى طالعه بحزن 
-سليم خرج بره وسط نظرات والده ووالدته 
حسناء بغضب:ينفع كده اهو البت سمعت وزعلت 
عز بزهق:مهو من كلام ابنك عليها وانا هعمل اى دى وصيه اخويا اطلعى اقعدى معاها و اتكلمى معاها 
................................................................................
فى النيت 
خالد وهو بيقعد جمب سليم :انت يابنى مش كنت قلت انك مش هتسهر 
سليم بزهق:روحت البيت حصل كام حاجه كده عايز اتكلم معاك فيهم 
خالد بأبتسامه:سمعك احكى 
حكى سليم لخالد كل إلى حصل 
خالد بصدمه:سمعتك مهى حقها تزعل يسطا 
سليم بحزن:انا مقصدتش اجرحها هى إلى سمعت وبعدين انا مستحيل اتجوزها يا خالد مستحيل أنا بعتبرها اختى وبس 
خالد بهدوء:بص فى عينى كدا انت مصدق اصلاا إلى بتقوله مقتنع من جواك أن انت بتعتبر ياسمين اختك 
سليم وهو يتجنب النظر له:آه أنا مقتنع 
نظر له خالد برفع حاجب 
سليم بأحباط:مش مقتنع الصراحه اووى عارف انا متلغبط اووى يا خالد مش عارف انا عايز اى بس إلى انا اعرفه انى مش عايز اشوفها مع غيرى وانا مش عايز اكون معاها 
خالد بأستغراب:انت عبيط صح ولا انانى انا مش فاهمك 
سليم بتفكير :بص انا ممكن اعمل كدا بسهوله خالص مش بابا عايزنى اتجوزها خلاص هتجوزها المهم بقى انها مش هتبقى مع غيرى ابدا 
خالد بصدمه: والله هو فى حد عاقل هيعمل إلى انت هتعمله دا 
سليم ببرود: والله انا هعمل كده على أما أعرف احساسى اى من ناحيتها بقى 
خالد بغيظ:انت مستفز علفكره 
سليم وهو ينظر امامه:اووووووف واى إلى جاب سالى كمان 
سالى ( بنت متدلعه جدا بابها رجل اعمال ٢٣سنه لبسها مش محترم بتحب سليم اووى )
سالى وهى تجلس بجانبه: وحشتنى خالص 
سليم بزهق:انا قايم ماشى يا خالد 
قام سليم لكن لقى نفسه قاعد تانى لان سالى مسكت أيده وقعدته 
سالى وهى تقترب منه وتضع يدها عليه : متقعد معايا شويه يا سليم 
سليم وهو ينظر لها: مخنوق والله ومش ليا مزاج اقعد فى الدوشه 
سالى وهى تقترب اكثر فى محاولة لاغرئه: خلاص منقعدش هنا تعالى نروح الشقه بتاعتك إلى على النيل سوا (وبغمز)هسهرك احلى ليله 
سليم بخبث: طب تعالي يلاا بس هقعد ساعه واحده بس 
خالد بصدمه:انت هتروح معاها 
سليم ببرود:كده كده مش هروح البيت انهارده فهنروح نقعد سوا شويه 
غادر سليم مع سالى أما خالد كان قاعد متنرفز
خالد بنفسه: ياسمين خسارة فيك اصلاا والله 
................................................................................
عند ياسمين كانت قاعده تعيط فى حضن حسناء 
حسناء بحنان:خلاص بقا ياسمين حقك عليا انا 
ياسمين ببكاء: هو ليه بيقول كدا عليا وليه بابا عايزه يتجوزنى غظب عنى وليه مخدتش رأيي اساسا 
حسناء بحنان وهى تبعدها وبتمسح دموعها :بصى يا حبيبتى متزعليش من كلام سليم هو كدا لما بيتنرفز متعرفيش بيبقى عامل زى الاهبل وبيقول اى كلام 
ياسمين وهى تنظر لها :هو انا وحشه للدرجه إلى هو شايفنى بيها دى 
حسناء بأبتسامه:انتى اجمل بنوته يا ياسمينا منا بقولك بيقول اى كلام يا حبيبتي 
ياسمين بدموع:بس انا مستحيل اتجوزه أساساً 
حسناء بحنان:بصى يا ياسمين دى وصيه باباكى انك تتجوز سليم وبعدين مفيش غيرك هيخليه يشوف مستقبله 
ياسمين بأستغراب:اشمعنا انا يعنى 
حسناء بحنان وهى تمسح على شعرها:عشان بيحبك 
ياسمين بصدمه: سليم عمره ما حبنى هو بيعتبرنى أخته مش اكتر 
حسناء بضحك:لا بيحبك بس هو مش بي بين دا ابنى وانا عرفاه 
ياسمين بخنقه:بس هو معلش يعنى بتاع بنات وانا مش بحب كده 
حسناء بخبث:خلاص غيرى من نفسك البسى فستان سيبى شعرك كده يعنى 
ياسمين بزهق: مستحيل اصلاا كده كده انا مش عايزه اتجوزه 
حسناء بحزن:طب عشان خاطري وافقى يا ياسمين سليم عُمر ماحد هيغيره غيرك وكمان عشان متكسريش وصيه ابوكى 
سابت حسناء ياسمين وخرجت وياسمين قعدت تفكر
................................................................................
كان سليم ماشى بلعربيه وكانت معاه سالى 
سالى بأستغراب:سليم انت رايح فين شقتك مش من هنا 
سليم ببرود:مروحك يا سالى عندك فى البيت 
سالى بأستغراب:ليه احنا مش هنسهر سوا 
سليم:هو انا عمرى دخلت بنت اصلا عندى الشقه وبعدين اصلاا نسهر سوا ليه 
سالى وهى تمسك أيده : عشان أنا بحبك وعيزاك 
سليم بسخرية وهو يسحب يده :سالى احنا صحاب بس مش اكتر وانا عايز اقولك فكك منى ماشى 
سالى بأحباط:هو انت ليه مش عايزنى اقرب منك 
سليم :بصى يا سالى انا مش بتاع الحوارات دى انا آه اقف مع بنت بس فى وسط الناس اقولها كلمتين حلوين لكن حاجه ذياده لا 
سالى :طب ما نتجوز يا سليم 
سليم بزهق:سالى انا هتجوز وياريت تبعدى عنى 
سالى بصدمه:هتتجوز مين يا سليم 
سليم:هتجوز ياسمين بنت عمى 
سالى بصدمه: ياسمين مين انت تتجوز ياسمين 
سليم :آه هتجوزها يا سالى واحنا صحاب بس مش اكتر ماشى وبعدين انزلى بقى احنا وصلنا ض
نظرت له بغضب ونزلت من العربية 
................................................................................
فى المساء 
عشق ماشيه فى الشارع بتبكى لان ملقتش شغل وخايفه ترجع من غير فلوس بابها يضربها 
عشق قعدت على الرصيف وبتبص للسما:يارب يارب ارزقني وارحمنى يارب انا عايزه اشتغل عشان اجيب فلوس واجيب علاج امى يارب 
عشق قامت ومشت لقت واحد قاعد بيبيع جرانين 
عشق بدموع للراجل: بكام الجرنان بتاع النهارده  ياحاج 
الراجل:ب خمسه جنيه يا بنتى 
ادت عشق للراجل الفلوس و قعدت تقلب فيه 
لقت مكتوب: مطلوب ممرضه لرعاية شاب و التفاصيل عند الحضور بمرتب ٢٠٠٠٠جنيهات فى الشهر والعنوان.......
عشق بفرحه: الحمد لله الحمد لله يارب 
google-playkhamsatmostaqltradent