رواية بنتين من الصعيد الحلقة السادسة والعشرون 26 والاخير بقلم اسراء القاضي

الصفحة الرئيسية

رواية بنتين من الصعيد البارت السادسة والعشرون 26 بقلم اسراء القاضي

رواية بنتين من الصعيد كاملة

رواية بنتين من الصعيد الفصل السادسة والعشرون 26

_الله الله اجيبلكو شجره واتنين لمون علشان الضحك يحلو اكتر. 
مريم _بلااال انت بتقول ايه 
بلال بغضب_ايه مش عاجبك كلامي ولا ايه يا .. ي ضكتوره
سمير_انت مالك يجدع انت داخل علينا تزعق ليه كده،انتي تعرفيه يامريم؟ 
راح بلال ناحيته ومسكه من ياقة البالطو وبعدين ضربه بوكس في وشه وكَرد فعل سمير التاني ضربه 
بلال بغضب _انت عارف اللي عملته ده واقسم بالله لأدفعك تمنه غالي قوووي. ضربه بلال بوكس في وشه تاني _البوكس ده علشان قعدت تضحك وتهزر معاها، ضربه بلال بوكس تاني في بطنه وقاله _ودي علشان نطقت اسمها. 
مريم _بلااال كفايه بقي اللي بتعمله دا هيموت في ايدك ابعد عنوو
بصلها بلال_ايه خايفه عليه ولا اكون جيت قطعت القعده اللذيذه دي علشان كده مدايقه. 
سمير_ لا بقي ده انت زودتها قوي وعايز تتربي من أول وجديد 
بلال بغضب_ انت مين وايه الي مقعدك كده مع مرتي انطقققق 
سمير_مرااااتك!؟ 
مريم بغضب_بسسس بقي كفايه حرام عليكم، اسمعني يابلال اللي قدامك ده كان زميل معانا في الكليه ولما شافني النهارده جه يسلم عليا عادي انا اصلا بوضحكلك ليه المفروض جوزي العزيز كان يديني فرصه ادافع عن نفسي من غير مايحكم او يشك فيا..
سمير_  استاذ بلال مفيش اي حاجه من اللي في دماغك دي وانا مقدر موقفك بس والله انا جيت ارمي السلام علي الدكتوره مريم وكنت همشي لكن انت فهمت غلط
بلال _تمام حصل خير 
سمير_آسف مره تانيه عن آذنكم. 
طلع سميره من الأوضه وفضلت مريم وبلال 
بلال_مريم اناا والله ما.. 
مريم بدموع_بتشك فيا يابلال دي آخرتهاا انت حتي مدتنيش فرصه اتكلم 
بلال_عمري ما شكيت يامريم والله ما كان شك بس انتي عايزاني اعمل اي لما ادخل والاقيكي قاعده مع راجل غريب وصوت الضحك مِسمع 
مريم_تسمعني وتخليني اوضحلك وجهة نظري مش تقعد تضرب وتهززق من غير ماتعرف حاجه 
بلال قرب منها وباس راسها_حقك عليا والله ماقصدت اناا اسف ياعِشق البلال مش معقول يعني هتسيبي ايام ربنا كُلها وتيجي تزعلي مني في يوم زي ده يامريم صدقيني والله والله ماكان قصدي. 
كادت ان ترد مريم ولكن قاطعها دخول الحاجه فاطمه والعمده ونور وحسن وسامح الغرفه. 
بلال_انتو جيتو ليه انا مش قولت محدش ياجي ورانا 
فاطمه_اخص اخص عليك يابلال بقي معايزناش نيجي نطمن عليها. 
بلال_مش عايز اتعبكو يا ام بلال احنا كنا هنمشو دلوقت اصلا.
نور راحت لمريم_مريم عامله ايه دلوقتي طمنيني الدكتور قالك ايه
مريم بخجل_طلعت حاامل.
فاطمه راحت حضنتها _يا ألف نهار ابيض مبروك يابتي ربنا يقومك بالسلامه يارب
نور_ الحمدلله ربنا استجاب لدعواتي علشان مبقاش بطيخه لوحدي. مبرووووك يامريوم 
سامح وحسن باركو لبلال والعمده فضل واقف مكانه متحركش. 
حسن بهزار_بقيتي جده من كل النواحي ياخالتي فاطمه 
فاطمه _وه وه الله أكبر ياولدي قول ماشاء الله 
حسن_بهزر والله مش هحسدهم يعني.
راح بلال ووقف قصاد العمدة 
_مش هتبارك لأبنك يابوي 
_وَلدي اللي هيسيب البيت ووقف قصاد ابوه..؟ 
بلااال باس علي ايده_مش هسيبه يابوي بس انت بقيت دايما تقف قصاد مريم في اي كلمه  وانا كان لازم اخدها ونمشي عشان الوضع يهدي. 
العمده_خلاص ياولدي حُصل خير بس هترجعو من إهنه علي البيت مش علي مكان تاني يابلال
بلال_ ان شاء الله.
اتجمع الكُل في بيت العمده من تاني كان الكل فرحان بإن مريم وبلال مسابوش البيت وفرحانين بِحمل مريم ونور.
فارس بصوت عالي_بصو بقي بما اني هبقي خال ف اناا اللي هسمي واربي البنت او الواد اللي هيجي 
بلال_ ماتاخده تلعب بيه احسن اومال انا هعمل ايه 
فارس_ والله ماليش دعوه وبعدين مش بيقولو الخال والد يعني زيي زيك يابو بلال. 
مريم_يارب بس اما يجي محدش يتكلم وِترمو المسئولية عليا بعدين. 
ليلي _اناا هشيلها معاكي مش تخافي وهخلي فارس برضو يساعدنا .. 
 العمده_ههه "إن كيدهن عظيم حق عايزه تتدبسيه معاكي إياك ياليلي
مريم_" إن كيدهن عظيم ولكن لطفهن أعظم ياعمي 
العمده_ااخ منك يامريم شقلبتي الحال يابت اخوي وبدل ما كنت مش راضي بالبنات حببتي الواحد فيهم يابت اخوي.. 
مريم_الحمدلله ياعمي ان أخيييرا رضيت عناا 
ليلي _امممم احنا نتحب اصلا 
فارس بتسرع_لِيل الفارس المغروره 
مسكه بلال من قفاه_نعم ياخويا قولت ايه 
فارس_والله والله طلعت مني كده. 
(بعد مرور 9اشهر) 
بزعيق_عااااا بلااااال قوم بسرعه همووت 
_نامى يمريم كل يوم نفس الموال ومبتولديش 
زقته من علي السرير_بقولك همووت مش قادره 
_طب انا اعمل ايه دلوقتي قوليلي وانا هعمله وبعدين احنا في الفجر حد يولد الفجرر ياربي
_انت بتهزر دا وقته، انده خالتي فاطمه بسرعه ولا نور آاااااه 
كان لسه طالع بلال من الاوضه شاف حسن نازل وهو شايل نور 
بلال_خير يابو علي 
حسن_دي شكلها هتولد مصحاياني من عز نومتي بصريييخ ف هنروح علي المستشفى 
بلال_وانا اللي طالع انده نور، يلا استعنا علي الشقا بالله وراح شال مريم هو كماان 
مريم _انت ماندهتش نور لييييه
بلال_التانيه هتولد باين والله منك لله انتي وهيا علي المنظر الي بقينا فيه ده حد يصحي الناس بالزعيق كده 
مريم بزعيق_بلاااااااااال 
(وقت الولاده) 
كان بلال وحسن رايحين جايين في ممر المستشفي بقلق والكُل كان بيدعي لمريم ونور لحد ما الدكتور طلع من الأوضه اول ما شافوه حسن وبلال طلعو يجرو عليه
_طمنا يادكتور..
الدكتور برسميه_مين فيكم  استاذ حسن..
حسن بخوف  _اناا انا حسن يادكتور نور حصلها حاجه في ايه؟!
الدكتور_احم استاذ حسن حضرتك اكيد عارف اننا لازم نرضي بقضاء ربنا وقدره وان ربنا لما بياخد منا حاجه بيعوض بحاجه تاني وانت تحمد ربنا علي االي باقي معاك صح..
حسن_انت بتقول ايه انا مش فاهم حاجه تقصد ايه انت..؟
الدكتور_انت عارف ان مدام نور كانت حامل في تؤام زي مدام مريم بس للأسف الولد كان ضعيف جدا مقدرش يستحمل ومات مِننا احنا حاولنا والله قدر الامكان ننقزه بس مقدرناش الأمور خرجت عن السيطرة.
رجع حسن لورا والدموع في عنيه_يعني يعني اناا ابني ماات،انت بتقول ايه انا مكنتش لسه شوفته حتي استحاااله ده يحصل.
العمده_إنا لله وإنا إليه راجعون شِد حيلك ياحسن ياولدي واحمد الله علي البنت االي قعدت.
مسك بلال كتف حسن_ربنا يصبرك ياحسن بس مينفعش اللي هتقوله ده قوم وخليك قوي علشان نور.
مسح حسن وشه_ الحمدلله يارب الحمدلله اللهم آجرني في مصيبتي وأخلفني خيرا منها..لو  سمحتو محدش يتكلم مع نور او يجيبلها سيره سِبوني انا هفهمها براحه وبهدوء.
و قيل أن ؛ " الحُب هُو أن تكُون الأجابات مُطمئِنة، وليستْ مَنطقيّة. "⁦❤️⁩
كانت نور ومريم في نفس الأوضه، مريم خلفت تؤام بنت وولد ونور خلفت البنت 
صفيه_ الف مبرووك يامريم مبروك يانور 
زينب بتريقه لنور_ بطييخه مبروك
نور_عجباني مالكيش دعوه 
فاطمه_مبارك يابنات حمد لله علي السلامه 
دخل حسن الأوضه عليهم وهو شايل بنته _يختي عليها بصو قمر ازاي. 
نور بغيظ_طب اطمن عليا الأول. 
حسن _هنبتديها غيرة اهوو.
بعديها دخلت ليلي وهيا شايله البنت وفارس شايل الولد 
بلال_الله الله ده انا لسه مشوفتهمش وانت وهيا اخدتوهم من دلوقتي 
خد بلال البنت والولد وقعد جمب مريم 
_مُبارك علينا ياعِشق البلال، هنسميهم ايه بقي 
ليلي بسرعه_نسمي البنت نور والولد نسميه امممم زين.!؟ 
العمده بإعجاب _حلو زين يبقي زين الرجاله ان شاء الله
مريم_ زين ونور اسماء جميله ياليلي اتفقنا 
نور_وانا كمان ياليلي اختاريلي اسم للبنت
ليلي بتفكير_نسميها اممم رحمه
حسن_لا انا اللي هسمي بنتي هسميها وعد 
نور_هو رحمه اسم جميل بس خلاص كده اتفقنا علي وعد.. 
مَيل بلاال علي مريم وباس راسها بهمس_ عِيلتنا اكتملت يا ام الزين "ولكى منى كل الحب يا صديقه دربى ويا مسكن وحدتي ونور ظلمتى ودواء لدائى وعلاجاً لجروحى أمانى ومأمنى  . أحبك حتى ينتهى العالم أو حتى بعد أن انتهى من التقاط أنفاسى. 
مريم بنفس الهمس_  ولا زال قلبي يحبك كأول مرة🖤..
(عند نور وحسن)
حسن _مبررروك يا ام وعد.
نور بضحك_الله يبارك فيك يابو وعد
حسن_انا فرحان بيها قوي يانور  بيقولو ان الأب هو اكتر حد بيبقي متعلق ببنته وكده بس اول مره اتأكد دلوقتي.
_اومال ابني فين ياحسن انا كنت حامل في بنت وولد زي مريم!؟
حسن مسك ايديها _نور انتي مؤمنه بقضاء ربنا وعارفه ان ربنا لما بيدينا حاجه حلوه وبعدين يرجع ياخدها احنا نعترض لاا بالعكس ده ربنا عَوضنا ببنت جميله اوي..
نور_انت بتكدب عليا ياحسن لا لا بلاش هزار في الحجات دي والنبي.
خدها حسن في حضنه_ياريتني كنت بهزر يانور،قولي الحمدلله يانور.
نور بعياط_ انت انت بتقول ده ابني مالحقتش اشوفه او افرح بيه ياحسن.مالحقتش اشوف ملامحه او احفظ شكله 
بعياط اكتر_آاااااه يابني مالحقتش اشوفك حتي.
مسك حسن ايديها_ كفايه يانور كفايه انتي والبنت عندي بالدنيا كلها  احمدي ربنا يانور وقولي إنا لله وإنا  إليه راجعون.
نور_إنا لله وإنا إليه راجعون.
راحت فاطمه قعدت جمبها_ربنا يصبر قلبك يابنتي احمدي ربنا واشكريه يانور علي البنت دي متعرفيش الواد كان هيبقي ايه او كان ايه اللي هيحصل بعدين احمدي ربك يابتي..
اترمت نور في حضن فاطمه وشاورت علي قلبها_تعباااانه قوي ياخالتي فاطمه حاسه ان ده متفتت كده انا كنت مستنياه هو واخته كنت بخطط لحجات كتيييره قوي علشان اعمالهالم .
فاطمه_اعملي يابنتي وخططي لبنتك خليها زيك وافتخري بيها وبعدين انتو لسه قدامكم العُمر طويل قوي .
حسن بدموع_قوليلها يا خالتي فاطمه فهميها اني مُكتفي بيها هيا والبنت والله كفايه عندي انها طلعت بالسلامه وجمبي دلوقتي..
 بصتله نور بُشكر وكأنها لقت اللي يحبها بصدق لقت الشخص اللي بيخاف عليها بجد هيا لقت لقت الأمان..! وصوت في الخلفيه بيقول "يكفيني شخص واحد يمنحني الشعور بالأمان، شخص يأخذني من ذاك العالم المليء بالسوء فيكون هو عالمي، قادرًا على عودة الشغف بداخلي، شخص يتسبب في ابتسامتي حينما يضيق بي كل شيء ..
يجعلني اطمئن دائمًا فأنا ممن يسكن الخوف قلوبهم، وجوده سيكون سببًا كافيًا لأكون بخير..
فكيف يعيش الإنسان دون شخص يؤنسه، ولو حدث ذلك سيحتاج يومًا لأحدهم، أنا ممن يكتفون بأشخاصهم ولا يودون شيئًا آخر!
قاطعهم صوت فارس وهو بيقول_ انااا هفضل احكيلهم حكاية مريم ونور لحد ما يكبرو. 
نور ومريم بصوت واحد _ ايه حكاية مريم ونور دي!؟ 
ليلي_ هنحكيلهم ان انتو خليتوني اناا والبنات كلها نتعلم وانكم علمتوني ان البنت مكانتها كبيره،انكم غيرتو تقاليد بلد بحالها وخليتو جدي يوافق علي تعليم البنات هنقولهم زماان بس مش زمان اوي كان عندنا 
فارس بمقاطعه_  هنقولهم كان عندنا بنتين من الصعيد غيرو تقاليد بلد كامله ...
الجميع بِضحك_عَلمونا اننا مَنكسرش للبنت ضلع ونستني اما  يطلعلها اربعه وعشرين ضلع تاني...
#تمت
 علّموا بناتكم أن في هذا الكون أشياء مهمّة، أشياء أهمّ من سفرة الطعام المتناسقة، وزجاج النافذة اللّامع، وسكّر الشاي، أشياء أهمّ من طول شعرها، ولون بشرتها، وتناسق جسدها، ونبرة صوتها، أشياء أهمّ من رضا الناس، وسخط الناس، ونظرة الناس، أشياء أهمّ من براعتها في الطبخ، والمسح، وغسل الملابس، ومسح الحذاء !
علّموها أنّها قويّة، والله يحبّ الأقوياء، علّموها أنّها سَكَن، ووطن، وحضن للضعفاء، علّموها ألّا تخاف من المستقبل فقط لأنّها فتاة، علّموها أنّ الله كرَّمها ورفعها، وكلّ من يحاول إيهامها بغير ذلك فهو ليس إلّا ساذج آخر من الأغبياء ! 
لا ترهقوها بتفاهات مجتمعكم، ولا تنهكوها داخل بيوتكم .. دعوها تخرج، تتعلّم، تسافر، تعيش، وتجرّب كما جرّبتم، تصيب كما أصبتم، وتخطئ كما أخطأتم، دعوها تحلم، وتخطّط، وتنفّذ؛ إن لم تكونوا لها عونًا فلا تكونوا عائقًا، إن لم تكونوا لها أمنًا فلا تكونوا حربًا، دعوها حرّة كما خلقها ربّكم، وأكرموها كما وصَّاكم نبيُّكم، ارحموها من سوء ظنّكم، واحموها من مرضىٰ النفوس وشاكلتهم !
وبدلًا عن انتظار فارس أحلام ينقذكِ .. تعلّمي أنتِ قواعد الفروسيّة، وكوني الفارسة لنفسك، وغيّري حياتك، اقرأي وازدادي نضجًا، وكوني فتاة يتمنّاها كلّ رجل؛ فالواقع يختلف عن حكاية سندريلّا والأميرة النائمة، وكما قيل: "علّموا بناتكم تحقيق أحلامهن قبل الزواج؛ فالرجل ليس مصباح علاء الدين" ❤.
تمت النهاية
google-playkhamsatmostaqltradent