رواية يعز عليا أقول كنا البارت الثالث والعشرون 23 بقلم دعاء زينة
رواية يعز عليا أقول كنا الفصل الثالث والعشرون 23
مختار بحقد طلع مسدسه صوبه ناحية إياد:قولتلك لسه مخلصتش وانطلقت الرصاصة وهى عارفة مكانها وهو قلب إياد
وحصل اشتباك بين الرجالة اللى دخلت ومحدش عارف منين ومابين رجالة يحيي
فى اللحظة دى الكل اتجمد ومطلعش غير صرخة كسرت الصمت الرهيب اللى كانوا فيه وهى صرخة أم بس فى اللحظة دى كان أتحرك حسن حضن إياد وخد الرصاصة بداله
أنصاف:ابنننننننننننننننننى طبعاً الكل اتشتت وتركيزه بقى على إياد أكتر حاجة بس مختار استغل ده كويس وهرب واللى ساعده أكتر قنبلة الغاز اللى رجالته رموها بس للأسف محدش من رجالته أقدر يهرب بسبب الحصار اللى كان عليهم وده لأن الوضع كان شبه تم السيطرة عليه
جريت أنصاف على ابنها اللى لقته الحمدلله كويس بس الطلقة دخلت قلب حسن
حسن بتعب مسك إيد:متخافيش يأنصاف مش هخليه يروح زى مابنى راح بسبب الكلب ده
أنصاف: كل اللى حصلك من أعمالك ياحسن
أدهم :إياد أنت كويس
إياد :اه ياصاحبى اطمن وبص حواليها مختاااار فين
يحيي: اطمن ياإياد هرب بس هنجيبه متقلقش وفى اللاسلكي ابعتلى الاسعاف فوراً
حور بصريخ:حيااااة حيااااة فوقى جرى إياد لحور وحط ايده على رأس حياة اخته
أياد:لا ياقلب اخوكى مش هيحصلك حاجه إسعاف بسرعة يايحيي
فى الوقت ده وصلت الاسعاف ونقلوا حسن وحياة وفى عربية حسن أصر أن أنصاف تبقى معاه
حسن:حقك عليا يأنصاف
أنصاف بدموع:حقى وحق جوزى عند ربنا هو يرده لينا
حسن:انا أذيتك اه بس مش ممدوح مأذتهوش ياأنصاف والله
أنصاف:اومال ايه حرمانى منه ومن بنتى السنين دى كلها ايه اسكت ياحسن اسكت يمكن ربنا يريد شفاك ويتم عالخير
حسن بتعب اشتدت عليه أكتر:لا يأنصاف مش هسكت اسمعينى انا اه خطفته هو وبنتك بس هو عايش
أنصاف :انت بتقول ايه
حسن بياخد نفسه بالعافية: جوزك عايش لما طلبت منه ابنى ورفض واتحدينى انى مش هقدر اوصله حتى لو قالى مكانه حمكت عليه عمره كله يعيش بعيد عن بنته وعنك زى مانا بعدت عنك وعن ابنى بس والله ماكنتش أعرف ان ابنى مات
أنصاف بصدمة:أنت ايه يأخى أنت ايه شيطااااان روح ربنا ينتقم منك ربنا ياخدك حسبى الله ونعم الوكيل فيك حسبى الله وبدأ صوتها يعلى ومسكته من رقبته هقتلك هقتلك يمكن الموت يرحمنا من شرك
المسعف اللى معاهم :يامدام أهدى من فضلك مينفعش كده واداها حقنة مهدئة ووصولوا المستشفى
***********************************
حياة عالترولى وأخواتها وأدهم ويحيي معاهم الدكتورة قابلتهم
الدكتورة:لازم تتدخل العمليات حالاً
أنصاف جات تجرى:بنتى حيااااة
أدهم: متقلقيش الدكتورة معاها جوه
إياد بغضب نارى:الكلام اللى سمعته ده حقيقى
أنصاف بدموع :يابنى
إياد بعصبية:أنا مش ابنك لو اللى سمعته ده حقيقى فأنا مش ابنك ولا أنتى أمى فاهمة
أدهم:إياد حاسب على كلامك دى أمك مهما كان
إياد بزعيق اكتر:لا مش أمى أنا أمى ماتت واللى أنت شايفها دى واحدة رخي
إدهم قاطعه قبل مايكمل كلمته بلكمة قويه على شوية:اخرس ياحيوان حزارى حزارى يا إياد تفكر تكمل كلمتك دى صدقنى هتندم عمرك كله
إياد بحدة:ماتتدخلش ي. أدهم أخر مرة واحدة ست دخلت مابينا قاطعنا بعض كتير المرة دى هتبقى النهية
أدهم مسكه من تيشرته وزنقه فى الحيطة:عمرى مامديت ايدى عليك فى عز ما أنت كنت حيوان ومتسرع بس المرة دى لا ورفع ايده ونزل على وشه بلطمة أقوى من الأول المرة دى الست دى تبقى أمك وأمى انا كمان يعنى اوعى تفكر بس تبص ليها بصة متعجبهاش
يحيي قرب فصل مابينهم:لو خلصتوا فرجة الناس عليكوا ممكن تبعدوا عن بعض بقى وتسكته خالص لحد مانطمن على حياة
بعدوا الاتنين وكانت حور منزوية فى ركن لوحدها بص عليها إياد بحزن وقرب يحيي شده ومشى وقرب منها أدهم اللى اول ماقعد
حور اترمت بحزن فى حضنه:انا تايهه يأدهم وحاسة نفسى فى فيلم رخم نهايته مش راضية تيجى
أدهم بلين طفل يواسى أحبابه:بس احنا مش فى فيلم احنا فى رحلة طويلة تهون لو مع ناس بنحبها
حور بصلته ببرأة طفلة عندها سبع سنين:بتحبنى
أدهم بتنهيدة:ياااااااه ياحور بقى معقولة مش عارفة
والله أن القلب بكِ ينبضُ والروح فى انتظار لقائك طامعة ف لقد
أحبتتك بمراهقة فتى عمره السابعة عشر
وعشقتك بقلب شاب عشرينى
وأتمناكى بقلب عجوز ستينى مرضه أحنى له الضهر ولم يجد سواكى عكازه
وأراكى بعين عجوز ثمانين عكفت عيناه عن رؤيت شئ سوى عيناكى♥️
حور بدموع بصتله واكتفت بالصمت فكلامته قد لماسة قلبها حقا فهذا هو حال الكلام المقال بحب يذهب فوراً حيث مكانه الاصلى وهو قلب من أردت ان يشعر بكلامك
أدهم شد على أيديها:حوريتى أنتى لازم تبقى أقوى أختك محتاجاكى ومامتك وإياد وقبلهم كلهم طفلك الكبير اللى ميقدرش يشوف الدنيا غير من عيونك
حوريتى يالوقع لفظه على مسامع حور وكأنها كانت تغرق وبكلامته تلك انتشلها من تعمقها فى فكر كئيب حزين يؤدى بها إلى الهلاك
فى اللحظة دى الدكتورة خرجت قاموا ناحيتها كلهم
*******************************
عالناحية التانية كانت أنصاف بتصلى وتدعى ربها ينجى ليها بنتها ويرزقها تشوف جوزها ولو لمرة واحدة قبل ماتموت ويحنن قلب إياد عليها
أنصاف رافعه ايديها لسماء:ياحنان يامنان ياجابر قلب الغلبان استحلفك بالنبى العدنان أن لا تذقينى الفاجعة فى بنتى ولا مرارة الهجر من ابنى وأن ترزق ثالثتهم الهداية
جئتك وأنا الضعيفة المنكسرة صاحبة القلب الحزين إمراة بعمر الستين أرهقها الحنين لزوج قد ضحى بحلو عمره لحمايتى وأرزقتنى من خلاله بالستر الحليم يارب لم شملى بعيلى وبزوجى عبدك الصالح وأتى لى بحقى وحق أولادى من ذلك الملعون ذو القوة والجبروت فأنت القوى على كل ذى قوة يارب
*************************************
إياد :لو جايبنى هنا عشان أهدى وتسمعنى كلمتين وفرهم ليك يايحيي
يحيي بهدوء:ومين قالك يالعكس أنا جايبك هنا تخرج كل اللى جواك وانا سامعك على الأقل انا طرف محايد مش هنحاز لأى كان
إياد بقهر ووجع : أنا حاسس فى دوامة اللى دخلنى فيها أمى انا كنت شايفها أحسن واحدة فى الدنيا
يحيي بهدوء: وعلى فكرة هى مازالت أحسن واحدة فى الدنيا مش معنى أن الإنسان ليه ماضى وحش كان مخبيه عنك وفجأة اكتشفته فده معناه انه كده وحش بالعكس
إياد :والله اومال ايه معناه
يحيي:معناه انه عاوز يحافظ على صورته قدامك اصل كده كده ماضيه مش هيتغير وأنت مش هتستفيد حاجه لو عرفته او عتبته بيه
إياد: مش سهل أعرف كل ده مرة واحدة واتقبله وأعديه كده عادى
يحيي:مين قال أنت خد وقتك ووقت ماتحس انك اتخطيت اللى حصل ارجع اتعامل تانى
إياد: صعب صعب اوى يايحيي وخصوصاً بعد موضوع ابويا اللى اتحرمت منه عشرين سنة بسببها
يحيي:مش بسببها يحيي بسبب واحد مفيش فى قلبه اى ذرة رحمة
إياد:ده سبب أدعى انى مش هقدر
يحيي: بالعكس ده أقوى أنك تسامح وخصوصاً أنك لو فكرت فزى مانت اتحرمت من ابوك هى كمان اتحرمت من الضهر السند الراجل اللى حماها فى عز ماكانت الدنيا بتاكل فيها فكر ياصاحبى براحتك وهتوصل للى يرضيك ويهدى قلبك
قبل ما يرد إياد قاطعه رنت تليفونه
إياد:الوو
إبراهيم:مريم معاك
إياد بخوف:مريم عند مامتها يا إبراهيم فى ايه خير
إبراهيم:انا عند خالتى يا إياد وطلعت لقيت الباب مفتوح وخالتى نايمة عالكنبة بسألها مش قادرة ترد ولا حتى مجمعة
إياد :انا جاى وقفل من غير اى رد تانى
يحيي: استنى يا إياد فى ايه
مردش إياد وكمل جرى فى وشه
********************************
الدكتورة: الحقيقة مش عارفه اقول لكوا ايه
حور بتوتر:قولى يادكتورة مش وقته تزويق كلام
الدكتورة: الحقيقة لازم عملية نقل الكبد تتم حالا وإلا
حور برعب دب فى اوصالها:والا ايه
الدكتورة: وإلا ربنا يتولاها
أدهم:طيب مفيش اى متبرع ظهر وياخد اللى هو عاوزه
الدكتورة: للاسف لا
حور مسحت عيونها:لا فيه
أدهم بصدمة:قصدك ايه
حور:انا المتبرعة يادكتورة من فضلك شوفى اللازم
أدهم مسكها هزها بعنف:مستحيل ياحور أنتى فاهمة مستحيل
حور:..............
وكأن القدر لم يريدنا معاً
- تابع الفصل التالي عبر الرابط: "رواية يعز عليا أقول كنا" اضغط على أسم الرواية