Ads by Google X

رواية حبيبتي المسترجلة الفصل السابع عشر 17 - بقلم روميساء عصام

الصفحة الرئيسية

رواية حبيبتي المسترجلة البارت السابع عشر 17 بقلم روميساء عصام

رواية حبيبتي المسترجلة كاملة

رواية حبيبتي المسترجلة الفصل السابع عشر 17

عند عماد بزعيق لفاتن:وانتى ازاى تمشى كدا 
 ‏فاتن بزهق:وانا اعمل اى يعنى هى بتحب جوزها لدرجه مش عايزه حد يدخل في اى حاجه تخصه حتى  اكله 
 ‏ ‏عماد بشرود :يبقى هنستخدم ال حل البديل 
 ‏فاتن :واى هو بقى الحل البديل 
 ‏عماد بشر:هقولك 
 ‏_________________________
 ‏فى صباح اليوم التالي استيقظ سليم من النوم وارتدى ملابسه صحت ياسمين من النوم على صوته 
 ‏ياسمين بنعاس:رايح فين يا ياسليم 
 ‏سليم بأبتسامه وهو بيلبس الساعه :رايح الاجتماع مع الجروب 
 ‏ياسمين قامت ووقفت قدامه:آه طب مش انا لازم اجى معاك 
 ‏سليم بأبتسامه:مش عايز اتعبك يا حبيبتي انا هروح وهاجى بسرعه هو مش هيبقى اكتر من ساعه ياياسمين  وبعد كده اجى عشان اخدك ونروح اوريكى حد هتحبيه اووى 
 ‏ياسمين بأستغراب:حد مين 
 ‏سليم بأبتسامه: لما هنروح هعرفك عليه وهنرجع القاهره بكره أن شاء الله خدى بالك من نفسك 
 ‏ياسمين بقلق:وانت كمان يا سليم خد بالك من نفسك 
 ‏غادر سليم المكان ونظرت ياسمين له وهو خارج 
 ‏ياسمين بقلق:مش عارفه ليه انا مش مطمنه يارب اكتبه الخير وابعد عنه اى شر 
 ‏_________________________
 ‏عند سالى كانت قاعده قدام روقه فى مكتب الظابط 
 ‏سالى وهى بتنظر له:أسفه انى مجتش لما جالى الاستدعاء بس انا كنت مسافره 
 ‏الظابط:لا عادى روقه بتتهم حضرتك انك ولعتى فى المحل بسبب وجود مشاكل بينكم 
 ‏سالى بغرور: انا اكبر من انى اشغل دماغى بروقه وبعدين المشاكل إلى بينا مش محتاجه انى أولع ليها فى شغلها واكل عيشها 
 ‏روقه بصدمه:انا مفيش مشاكل بينى وبين حد غيرك انتى إلى ولعتى فى المحل 
 ‏الظابط بغضب:ممكن تسكتى انا إلى بسئلها مش انتى قوليلى يا انسه سالى فى مشاكل بينك وبين سليم الخولى 
 ‏سالى بأستنكار:لا لا انا وسليم صحاب من زمان ومفيش مشاكل بينا خالص 
 ‏روقه بدموع:انتى كدابه انتى ولعتى فى المحل عشان أنا كشفتك قدام سليم 
 ‏سالى بقرف:انتى عايزة اى من كل إلى بتعمليه دا تعويض انتى عايزه كام 
 ‏الظابط:ونتى ليه تديها تعويض وانتى معملتش حاجه 
 ‏سالى:عشان تبعد عنى بقى وبعدين بكلمها دا هدخل سليم فى مشاكل وهو اصلا مش هنا بيقضى شهر العسل فى الساحل 
 ‏الظابط لروقه:هتتنازلى عن المحضر 
 ‏روقه لسالى:هتدينى خمسين ألف جنيه حق المحل إلى اتحرق 
 ‏سالى بغرور:اوك تمام 
 ‏خرجت سالى مع روقه وقال :بصى يا بت انتى دى كانت قرصت ودن منى ماشى وحبيت احرق قلبك على اكتر حاجه كان نفسك تعمليها تاخدى الفلوس ومشوفش وشك فى القاهرة ارجعى لمكانك الصح فى بلدك وعيشى مع جوز امك بعد اما انا نضفتك هترجعى تانى لمكانك الصح يا زباله 
 ‏_______________________
 ‏عند عشق فى طائره خاصه مسافرين المانيا عشان عمليه جاسر
 ‏جاسر:معلش يا حبيبتي هتعبك معايا اليومين الجايين 
 ‏عشق بأبتسامه:وانا عمرى مهتعب بدل الحاجه دى بعملها ليك يا جاسر اهم حاجه تقوم بسلامه أن شاء الله
 ‏جاسر بأبتسامه:أن شاء الله عارفه نفسى اكل اى 
 ‏عشق بضحك:اى يا جاسر 
 ‏جاسر بضحك:أكله سمك حلوه كدا على بحر اسكندريه 
 ‏عشق بضحك: يعنى انت رايح المانيا ونفسك تقعد على بحر اسكندريه 
 ‏جاسر بأبتسامه:اى مكان فى مصر احسن من مليون مره فى ألمانيا وعلفكره مش ببالغ هقولك مثال بسيط انتى مثلا لو توهتى هناك هتعرفى تسئلى حد على المكان انتى مش بتعرفى تتكلمى اللغه فمش هتعرفى المكان والناس مش طيبين زى مصر كدا انتى اصلا هتحسى انك غريبه هناك يعنى مثلا انتى ماشيه فى مصر فى الشارع هتلاقى ناس بتشرب شاى علفكره ممكن تقعدى وتشربى معاهم مجرد انك قولتى السلام عليكم مثلا عندك فى رمضان عمرك ما هتحسى بيه غير فى مصر العيد مش هتسمعى ولا هتحسى بجمال التكبيرات كفايا لما تكونى متخانقه مع حد من صحابك وتيجى تقعى فى مشكله وتنادى عليه هتلاقي معاكى بس الصاحب الجدع ودا على حسب اختيارك مصر فيها حجات جميله يا عشق 
 ‏عشق بأبتسامه وهى تنظر له : حقيقى فيها حجات جميله يا جاسر 
 ‏___________________________
 ‏ياسمين رنت على اسماء تطمن عليها 
 ‏ياسمين بفرحه:اسماء وحشتينى اووى اووى 
 ‏اسماء بضحك:وانتى اكتر كدا يا واطيه نسيانى خالص هو من لقى أحبابه ولا اى 
 ‏ياسمن بضحك :لا والله يا روحي اصل سليم اخد منى الفون وقفله وانا اخدته منه قبل أما ينزل عشان اكلمك 
 ‏اسماء بأبتسامه:المهم طمنينى عنك 
 ‏ياسمين بأبتسامه وهى بتلمس بطنها:مش انا هجيب بيبى صغير نلعب بيه كلنا هههههههههه 
 ‏اسماء بفرحه:مش معقول يا ياسمين الف مبروك يا حبيبتي أنا هبقى خالتو يا جدعان 
 ‏ياسمين بأبتسامه:الله يبارك فيكي يا روحي عقبالك يارب 
 ‏اسماء بخجل:صحيح عايزه احكيلك على حاجه
 ‏ياسمين بأستغراب:احكى يا حبيبتي سمعاكى 
 ‏اسماء حكت ليها إلى حصل بينها وبين خالد 
 ‏ياسمين بضحك:دا الواد طلع واقع اووى يا اسماء هههههههههه لا بس احمد جدع خلاه ينطق 
 ‏اسماء بكسوف:دا انتى متعرفيش كان بيعاملنى ازاى يلاا الله يسهله هيجي بكره يتقدملى قال عشان لما سليم يجى 
 ‏ياسمين بأبتسامه: مبروك مقدما يا روحي 
 ‏اسماء :الله يبارك فيكي يا عيوني مش صحيح انا اتحجبت 
 ‏ياسمين :بيجد ومين إلى اقنعك 
 ‏اسماء بأبتسامه: احمد هو إلى قالى أن مينفعش امشى بشعرى عشان أنا كبرت وكدا وحرام والصراحة انا اقتنعت لان كدا غلط وبعدين عايزه أقرب من ربنا 
 ‏ياسمين بأبتسامه:ربنا يثبتك يا روح قلبي يارب وان شاء الله تقربى بقولك اى مش انا انهارده اتفرجت على فيديو للدكتور اسمه محمد الغليظ اصل سليم كان جايب ورقه وحاطتها على التربيزه وفيها أسماء لشيوخ كويسين فقولت اشوف واحد تعالى احكيلك كان بيحكى عن اى 
 ‏اسماء بأبتسامه:احكى 
 ‏ياسمين بحب:علفكره وانا بتفرج قلبت التليفون على وشه عشان اغض البصر هههههههههه صحيح نسيت اقولك 
 ‏اسماء بضحك:اتغيرتى يا ياسمين 
 ‏ياسمين بهدوء:انا نفسى اتغير اووى بس اتغير عشان اكون قريبه من ربنا بصى بقى قال اى قال إن التدين بسيط لكن احنا إلى بنقلقعه يعنى انا ممكن اروح اتوضى واقف على سجادة الصلاة واصلى احلى ركعتين وانا ساجد كدا اقول يارب يارب انا تعبت من نَفسى ونِفسى اتصلح وبجد تعبان وتنفجر فى البكاء وتقول يارب يارب والله العظيم كل دا وانا ساجد انا حاولت وحاولت وحاولت وبحاول وبحاول ابعتلى اشاره بس تقول إى الغلط فين المشكله عشان اصلحه يارب انا تعبت  مِنى بحبك بس نفسى مش مساعدانى انى انا اوصلك وتنفجر فى البكاء وتقول يارب يارب من غير ما تقول انت عايز اى متقولش قول يارب انا ضعيف كما ترى فقير كما ترى هذيل كما ترى ضال كما ترى وقول يارب اكتبلى الخير وقوله يارب انا كنت ماشى انهارده وشفت..ووقعت في الذنب مع أن انا كنت لسه قايل أن انا ..كلمه وقوله انا عايز ابقى قوى بس مش عارف امسكها اطلب منه وتوكل عليه أول اما يحصلك اى مشكله بص فى السماء لو فى البيت بص فى الارض وافتكر ربنا عارفه يا اسماء تحسى أن الناس إلى قريبين من ربنا عايشين في ركن هادى ركن جميل كدا مفيش حاجه وحشه 
 ‏اسماء بدموع:عندك حق يا ياسمين احنا عايشين فى الضياع خالص 
 ‏ياسمين بأبتسامه:ونعيش في ضياع ليه ليه منعملش زيى الناس دى ونعيش صح احنا نبدأ سوا من الاول 
 ‏اسماء بأبتسامه:وانا موافقة 
 ‏_____________________________
 ‏عند جاسر وصل الفندق ودخل نام وعشق كانت بتصلى فى الأوضه قدام سريرها عشق بدموع فى سجودها:يارب يارب أشفى جاسر ومتحرمنيش منه أبدا يارب وقومه بسلامه انا مليش غيره يارب انا عارفه انك على كل شيء قدير يارب انا ضعيفة يارب وعارفه لما هدعى هتخلينى قويه عشان استحمل يارب احفظه يارب 
 ‏جاسر سمعها وهى بتبكى وابتسم وقال فى نفسه: مش بقول يا عشق انك ربنا بعتك ليا عوض عن كل حاجه شوفتها فى حياتى ربنا يقدرنى واسعدك يا حبيبتي
 ‏________________________
 ‏عند راندا قاعده فى الجنينه مع مراد وبتأكل شادى 
 ‏مراد بأبتسامه: تعبه نفسك ليه يا راندا المربيه بتاعه إلى بتأكله علطول 
 ‏راندا وهى تنظر لشادى بحنان:اولا مفيش حاجه اسمها مربيه تأكل ابنى وانا موجوده يا مراد ومفيش تعب ولا حاجه وانا بحب شادى وانا إلى مسؤله انى اعمله كل حاجه 
 ‏مراد بأبتسامه وهو يمسك يدها ويقبلها:انتى اجمل ام وزوجة شوفتها يا راندا ربنا يرزقنا بطفل منك يا حبيبتي 
 ‏راندا بأبتسامه:يارب يا مراد يارب 
 ‏ثم نظرت لشادى:ويبقى جميل زى شادى كدا 
 ‏شادى بأبتسامه:لا يا نانى يبقى جميل ذيك انتى كدا 
 ‏مراد وهو يمسكه من التشيرت وبمرح:لابقولك اى متعاكسش مراتى كدا انا بغير 
 ‏شادى بضحك:مش انتى بتحبينى يا مامى اكتر من بابى 
 ‏راندا وهى تحتضنه:بحبك يا شادي اكتر من اى حد فى الدنيا
 ‏مراد بضحك:انا انسحب بقى واجيب اتنين لمون 
 ‏_______________________
 ‏فى المساء:-
 ‏ ‏عند سليم خلص الاجتماع بتاعه مع الجروب و اتفق أن الشحنه توصل الصبح المخازن عندهم وخلص كل حاجه 
 ‏ ‏سليم وهو راجع قال يكلم ياياسمين 
 ‏ ‏ياسمين بأبتسامه: سليم من الصبح مكلمتنيش وسايبنى كدا 
 ‏ ‏سليم بأبتسامه:حقك عليا انا اسف يا عيونى قوليلى عامله اى والواد ابنى عامل اى هههههههههه 
 ‏ياسمين بضحك:احنا الاتنين كويسين ومستنينك تيجى بسلامه 
 ‏سليم بأبتسامه:نص ساعه وابقى قدامك يا حبيبتي 
 ‏قفل سليم التليفون ولقى عربيه جايه عليه وبتقف قدامه ونزل منها شويه شباب 
 ‏سليم بقلق نزل:فى اى يا شباب وقفين كده ليه 
 ‏جه واحد وقف قدامه وقال:معلش يا سليم باشا بقى محتجينك فى مشوار( الشاب ضرب سليم على راسه جامد وأغمى على سليم)
google-playkhamsatmostaqltradent