رواية شارع الحب الحلقة السادسة عشر 16 بقلم فرح وائل

الصفحة الرئيسية

رواية شارع الحب البارت السادسة عشر 16 بقلم فرح وائل

رواية شارع الحب كاملة

رواية شارع الحب الفصل السادسة عشر 16

مامتها : فيرووووز...الحقنى يا خااالد ...( راحت لفيروز اللى مرمية على الارض وجنبها ازازة الاكسچين السائل) بت يا فيروز ...انتى يا بت ...
خالد : فى ايه ...مالها 
مامتها : جيب عربية بسرعة عشان نوديها المستشفى 
خالد اتصل بيوسف : يوسف ..هات عربيتك وتعالى بسرعة 
يوسف : فى ايه 
خالد : لقينا فيروز واقعة ف الارض وجنبها ازازة الاكسچين ..بسرعة يا يوسف ..اوعى يا ماما ..
ف خلال خمس دقايق يوسف كان قدام بيتهم بالعربية خدوا فيروز وطلعوا بيها المستشفى ..واقفين قدام اوضة الطوارئ مستنيين الدكتور 
راضى وصل المستشفى هو وسيف وبص ليوسف : انت ايه اللى جابك هنا
خالد : بابا ..يوسف جاى معايا انا 
الدكتور : هو فين يوسف ..
يوسف بلهفة : انا يوسف ...
الدكتور : هى خطيبتك                     #Farah_Wael 
سيف : لا خطيبتى انا 
الدكتور : طب تعالى معايا يا يوسف ...هو انت تقربلها ايه 
يوسف : ... ابن عمها 
الدكتور : واضح انها مش عايزة تتجوز الولد التانى ده ...لأنها كانت بتقول " مش عايزة غير يوسف " 
يوسف : ااا لا ده عشان انا اقرب واحد ليها واااا بباها كان مزعلها ف اى حد يجيلها تقوله عايزة يوسف 
الدكتور : طيب على اى حال متبعدش عنها ...لأن نفسيتها متدمرة فعلا 
الدكتور راح لبباها : البنت نفسيتها متدمرة جدا وده ادى لأنهيار عصبيى واغم عليها من قلة الاكل كمان 
مامتها : طب والأكسجين 
الدكتور : مفيش اى حاجة تدل على انها شربت الاكسچين ..احنا عملنالاها فحص شامل ...بس انصحكوا متزعلوهاش خالص الفترة دى ..وحاولوا تخلوها راضية عن اى حاجة 
خالد : حاضر يا دكتور 
الدكتور : ممكن يوسف يدخلها ..لأنها عايزاه 
اول ما يوسف دخل فيروز قامت من على السرير وجريت عليه وحضنته                    #Farah_Wael 
يوسف : بس بس ...ايه الجرى ده حد تعبان يجرى كده 
فيروز : بحبك اوى يا يوسف ..
يوسف : وهو انتى لو بتحبينى كنتى عملتى اللى عملتيه ده 
فيروز : عملت ايه 
يوسف : الاكسچين ...عايزة تموتى ...ده انا كنت اموت قبلك 
فيروز : انا اسفة ...ملقتش حل تانى ..بس انا ملحقتش اخده والله ..انا اول ما مسكت الأزازة وقعت على الارض ...هتسيبه ياخدنى يا يوسف 
يوسف: فيروز ... بباكى عايز مصلحتك ...تتجوزى محامى احسن ما تتجوزى طباخ 
فيروز : ومين قالك انى بصيت للمهنة ..وهو انا لما حبيتك بصيت انك بتشتغل ف مطعم او لا ...واصلا من قبلها انا عارفة انك ف سياحة وفنادق ...ورغم كده حبيتك لأنى مبصيتش لكده ...انا بصيت ل انسان بيحبنى ومستعد يعمل اى حاجة عشانى                  #Farah_Wael 
يوسف : بس سيف احسن منى ...هيعيشك عيشة راقية وتبعدى عن المنطقة اللى قاعدين فيها دى 
فيروز : مش عايزة العيشة دى طول ما انت مش موجود ..انا كنت حاطة حاجات كتير ف دماغى لجوازنا ..مش عايزاهم ...انا عايزاك انت يا يوسف ..
يوسف : انتى تعبانة دلوقتى ...ارتاحى وكمان سيف بره 
فيروز شالت المحاليل اللى متوصلة بأديها وكانت بتقوم من السرير بس يوسف مسك اديها 
يوسف : انتى عبيطة بتعملى ايه ...
فيروز : ابعد عنى ...ابعد عنى يا يوسف ... انت اتخليت عنى ...انا واقفة ف وشهم ..وانت اتخليت عنى ...عايزنى اتجوزه ..
يوسف : يا فيروز ...
فيروز : بس بقى ...بلا فيروز بلا زفت ..انت عايزنى ولا لا ما هو انا مش هرمى نفسى عليك اكتر من كده 
يوسف مسك اديها : يا حبيبتي ..ا...
فيروز شدت اديها : انا مش حبيبتك لحد ما تقولى عايزنى ولا لا 
يوسف : عايزك بس ..                     #Farah_Wael 
فيروز : مفيش بس ...عايزنى يبقى هنتجوز 
يوسف : طب وبباكى 
فيروز : بابا .....
يوسف : فيروز مفيش حل 
فيروز : لا هنقف ادامه ..لحد ما نتجوز 
يوسف : لا يا فيروز ...انتى ممكن يجرالك حاجة من المناهدة دى 
فيروز : انا هيجرالى حاجة لو متجوزتكش 
يوسف : لا مش هيحصل حاجة ...هتعيشى حياتك ..وهتتجوزى وهتخلفى كمان وهيبقى عندك اولاد حلوين شبهك ..
فيروز : تقصد ايه 
يوسف : اتجوزيه يا فيروز 
فيروز بصدمة مع وجع شديد ف قلبها : اااتجوزه ..
يوسف : اه ..
فيروز : انت ...طب هو ...انسى ..ده رأيك 
يوسف :....... اه                       #Farah_Wael 
فيروز : طيب ...حاليا مفيش حاجة بتربطنا ببعض ..اطلع بره ونادى على خطيبى وبابا بعد اذنك 
يوسف : فيروز ..انا قلبى اتك..
فيروز : قلبك ؟؟! ...هو انت عندك قلب بيحس زينا كده ...لو عندك مكنتش هتقول اتجوزيه 
يوسف : عايز اطلب منك طلب 
فيروز : افندم 
يوسف : حضن اخير ...
فيروز بصتله بوجع وهى بتعيط : كان ف ايدك الحضن ده ...وانت اتخليت عنه ..عايزه تانى ليه ...اطلع بره 
يوسف مسك اديها بالعافية وحضنها وهى بتحاول تبعد عنه بس استسلمت وعيطت ف حضنه 
يوسف : بحب.
فيروز بعياط : قولها يا يوسف ..ومستعدة انسى اى حاجة قولتها 
يوسف بيعيط : سلام ...              #Farah_Wael 
فيروز : يوسف استنى ...يوسف ...( بأنهيار ) استنى يا يوسف   
يوسف : عمى ...فيروز عايزاك انت وسيف ..خالد معلش لحظة 
خالد : نعم ..
يوسف حضنه وقعد يعيط ..: انا غبى ..غبى ...انا سيبتهاله ...كنت بديها امل بس سيبتهاله ...
خالد : اهدى يا يوسف ..انا عارف انك بتحبها 
يوسف بعياط : وايه الفايدة ...بحبها وهتتجوز غيرى 
خالد : خلاص يا يوسف كل ده عياط ..اهدى يا بنى 
يوسف قام من على الارض وبص لخالد بدموع : متنساش تعزمنى على الفرح يا خالد 
خالد : يوسف متكسرش نفسك كده عشان خاطرى 
يوسف : نفسى انا كسرتها بأيدى واهى جوه هتتجوز غيرى ..سلام 
خالد : استنى هاجى اوصلك 
يوسف : خليك معاها 
عند فيروز                                   #Farah_Wael 
فيروز : انا موافقة يا بابا ...
راضى : على ايه يا بنتى 
فيروز : هتجوز سيف 
راضى وسيف : الف مبروك 
سيف : عمى الخطوبة بعد بكره تكون العروسة شدت حيلها 
راضى : طب ما تخليها الاسبوع الجاى 
سيف : لا لا ...بعد بكره انا مظبط كل خاجة 
راضي : ماشى يا بنى اللى يريحك 
يوم الخطوبة عدى وفيروز قدمت ف جامعة القاهرة طب اسنان ..وعدى سنتين
سيف : عمى انا عايز فيروز تيجى معايا 
راضى : فين 
سيف : اسكندرية ..انا شايف ان بقالها كتير مبتخرجش ..ف عايز اخرجها خروجه حلوة 
فيروز : بس انا مش عايزة اخرج ...
راضي : ليه ..روحى مع خطيبك يومين وارجعوا 
فيروز استغربت : لما نتجوز هبقى اسافر معاه 
راضى : ومفيهاش حاحة لما تتفسحوا مع بعض ..هتسافروا امتى              #Farah_Wael 
سيف : النهاردة بليل 
راضى : قومى جهزى شنطتك 
اول ما وصلوا اسكندرية 
سيف : تعالى انا حجزت شاليه على البحر لينا احنا الاتنين بس 
فيروز : ليه احنا بس 
سيف : عشان تبقى براحتك ...ومش هنضطر نخرح بره كل حاجة هتجيلنا بس الاكل هننزل المطعم اللى تبع الشاليه 
فيروز : قولى ايه اخبار الشقة 
سيف : لسه بدور ...
فيروز : انت معاك كام للشقة 
سيف : 250 الف 
فيروز : وهتلاقى شقة ب 250 الف 
سيف : انشاء الله .. متستعجليش 
فيروز : طيب انا جعانة ..
سيف : تعالى ننزل ناكل وبعدين نروح على البحر 
فيروز : ماشى 
وهما قاعدين بياكلوا                   #Farah_Wael 
* سيف عاش من شافك 
سيف قام حضنه : يوسف ...عامل ايه يسطا كده متجيش الخطوبة 
يوسف : معلش كنت سافرت ..ازيك يا فيروز 
فيروز : الحمدلله انت ايه اخبارك 
يوسف : الحمدلله 
سيف : انت بتعمل ايه هنا 
يوسف : انا ...انا صاحب الشاليه والمطعم 
سيف : بسم الله ماشاء الله 
يوسف : عندى مطعم وشاليه ف شرم بردو ..
سيف : ربنا يزيدك
يوسف : الله يخليك ..انتوا اتجوزتوا ولا لسه 
سيف : لا ل...
فيروز : حبيبي انا شبعت ..هتطلع معايا ولا لا 
سيف بأستغراب : حب...لا تعالى هطلع معاكى 
فيروز : يلا يا روحى ... بعد اذنك 
يوسف : اتفضلوا .....سيف عازمكوا على الغدا هاا هنا ف نفس المكان 
سيف : تمام ماشى                    #Farah_Wael 
يوسف : احلوت بنت عم راضى 
فيروز سابت ايده : اوعى كده ...
سيف : الله ..كش من شوية حبيبي وروحى 
فيروز : سيف ..انت عارف كويس انى بكره يوسف ..مش عايزاك تقلل مننا ادامه فاهم 
سيف : طيب 
على الغدا فيروز لابسة فستان سهره بكم لونه نبيتى وطرحة بيضا وجزمة بيضا وحاطة روچ نبيتى مع شوية ميكأب تانى بسيط 
فيروز : هو فين سى زفت ده 
سيف : مش هو اللى واقف هناك ده 
فيروز بصت شافت ولد وبنت : لا مش هو 
سيف : والله هو ..
فيروز : مش هو ...يوسف مكنش معاه بنات لما قابلناه 
سيف : طب استنى ...يووووسف 
يوسف شاورله وجالهم : اعرفكوا يا جماعة ...شذا حبيبتى ...سيف وفيروز ( شذا كانت لابسة فستان اسود فيه لمعة بسيطة ومفتوح من الجنب لحد ركبتها وفاردة شعرها الاسود ولابسه كوليه باين عليه انه الماس وحطه ميكأب خفيف )                    #Farah_Wael 
شذا : اه اه طبعا عارفاها ..يوسف اول ما قابلته مكنش بيبطل حكاوى عنك 
فيروز : عنى انا 
يوسف : احم احم ...شذا فيروز وسيف مخطوبين 
شذا : طب مش هناكل يا روحى ..انا جعانة بص هات ايدك (بتحط ايده على معدتها ) 
يوسف : يا لهوى لازم ناكل فووورا ..اطلبوا يا جماعة اطلبوا ...تعالى نطلب انا وانتى بقى 
شذا ضحكت بكسوف : يوسف ...مش قدامهم كده 
يوسف : عادى يا شذا ..عندكوا مانع لو بوستها 
سيف : ايه ؟؟! 
يوسف : عندكوا مانع لو بوستهااا
سيف : لا لا خااالص 
يوسف : شوفتى تعالى بقى ( بيدارى وشهم بالمنيو )
سيف : انا هطلب ايس كريم الفراوله
شذا : وانا كمان 
يوسف وفيروز مع بعض : وانا اوريو 
يوسف وفيروز بصوا لبعض وقالوا : خلاص ميلك شيك 
يوسف : مش عايز 
فيروز : هاتلى عصي فراولة
يوسف قرب من الجارسون : هات اتنين سبانش لاتيه 
الجارسون : حاضر يا فندم 
فيروز : انتوا اتعرفتوا على بعض ازاى 
شذا : ف شرم ...كنت لسه واصلة شرم ..لقيته جايلى وعرض انه يوصلنى واتعرفنا ف الطريق واخدت رقمه ..وبعد كده حبينا بعض 
سيف : ومش ناويين تتجوزوا               #Farah_Wael 
يوسف : مش دلوقتي ..احنا اتفقنا هنلف العالم كله سوا ..ولما نرجع مصر تانى هنتجوز 
شذا : فاكر سفرية لندن يا چوو ..كانت جامدة 
يوسف : لا انا فاكر سفرية باريس وليالى باريس 
شذا : چوو ..
يوسف : معلش اندمجت 
سيف : معلش يا جماعة انا نسيت موبايلى فوق هجيبه واجى 
يوسف : براحتك 
شذا : وانا هكلم مامى اقولها على حاجة ضرورى وارجعلكوا 
يوسف : هتوحشينى 
شذا ابتسمت ومشيت فيروز قامت و وقفت على البحر 
يوسف قام وقف جنبها : عاملة ايه 
فيروز : الحمدلله 
يوسف : اخبار الكلية ايه 
فيروز : كل حاجة تمام                    #Farah_Wael 
يوسف : طب كويس ...بس ممكن طلب 
فيروز وهى باصة قدامها : اتفضل 
اتفاجأت بيوسف وقف قدامها ومسح الروچ بتاعها بمنديله : الروچ تقيل ..مش مناسب ل بنت محجبة 
فيروز : ابعد عنى ..شوف شذاا عاملة ايه فنفسها وبعد كده تكلمنى ...وبعدين اصلا انت ازاى تكلمنى كده ..
يوسف : بعيدا عن اى حاجة قولتيها ... وحشتينى 
فيروز بصتله بوجع : وحشتك ؟؟! ...مش عيب تقول كده وانت مرتبط وانا كمان مخطوبة لصاحبك 
يوسف: انا بحب شذا 
فيروز : والله مسألتكش بتحبها ولا لا
يوسف : فيروز ...انتى لسه بتحبينى ؟؟
فيروز فكرت وبصتله : بحبك 

google-playkhamsatmostaqltradent