رواية شارع الحب الحلقة الرابعة عشر 14 بقلم فرح وائل

الصفحة الرئيسية

رواية شارع الحب البارت الرابعة عشر 14 بقلم فرح وائل

رواية شارع الحب كاملة

رواية شارع الحب الفصل الرابعة عشر 14

يوسف فكر شوية وبعت رسالة لفيروز 
فيروز كانت بتقرأ الرسالة وهى بتعيط 
" اقسم بالله حبيتك ..ومكنتش بضحك عليكى ..كنت راجع النهاردة عشانك ...السفر اللى سافرته كان عشانك ..بس شكلى اتأخرت ... انا اسف ... بحبك وهفضل احبك " 
فيروز كانت بتعيط وهى بترد عليه 
" انت بتضحك عليا ولا على نفسك ..افهم يا يوسف انت محبتنيش ولو حبتنى مكنش صاحبك هييجى يتقدملى " 
يوسف وهو بيعيط 
" انتى ازاى تفكرى كده .. انا بحبك وانتى عارفة كده كويس يا فيروز "                  #Farah_Wael 
فيروز زاد عياطها مع كلمة 'بحبك '
" انا كنت مخدوعة فيك يا يوسف ..كنت فاكراك بتحبنى بجد ...طلع حبك ليا لعبة ..بس انت كنت شاطر اوى وبتلعب كويس " 
يوسف ....
" انتى ازاى كده ..انا مكسور بسبب حاجتين اول حاجة غدر صاحبى بيا .. تانى حاجة ..حبيبتى بتضيع منى ومين اللي بياخدها صاحبى اللى غدر بيا وانتى داخلة تجرحى فيا ...انتى حتى مفكرتيش تقولى كلمة تهون عليا وجعى ..رغم ان وجعى ميهونش ابدا " 
فيروز سجلتله فويس وهى بتعيط 
" انت فاكر ان انت بس اللى مكسور لو انت اتكسرت مرة ف انا مرتين ..تحب افكرك امتى اول مرة ..ولا بلاش لحسن تقول قلبها اسود مسامحتنيش كل المدة دى ..انا مكنتش اعرف انك مسافر .. كنت بتمنى كل يوم انى اشوفك ..اول ما اسمع صوت اترمى على البلكونة زى الهبلة اشوف يمكن انت ...بس لا مكنتش انت ..بشوف كل صحابك إلا انت ..ليه ..معرفش ..كنت بفتح كل الاكونتات القديمة اللى كنت بتبعتلى منها ... كنت بقرأ مسدجاتك كل يوم ..حتى احلامى كنت فيها ...كنت عايشة على امل ان بعد نتيجة 3 ثانوى يوسف هييجى يتقدملى ..لكن خلصت امتحانات وفضلت مستنية حتى رسالة منك ..   #Farah_Wael  مكالمة ..رنة حتى ..بس مفيش ..واخرتها ايه ..صاحبك جه يتقدملى ..تفتكر ايه رد فعلى ...عايزنى اقولك ايه بعد كل اللى مرييت بيه سنتين عايشة على مجرد فكرة انت ادتهالى .. وفجأة الفكرة اتبخرت وانت واقف مقدرتش تعمل حاجة ..عايزنى اقول ايه ...عايزنى اجى اقولك ..انا لسه بحبك يا يوسف ..متسبش صاحبك ياخدنى من ايدك ..متسبنيش يا يوسف ..خلى بالك منى ..ولا عايزنى اقولك انى ضعيفة من غيرك ..عايزنى اقولك ان كل لحظة من غيرك كانت بتعدى زى السنين بالظبط ..عايزنى اقولك انى مش هقدر ادافع عن نفسى غير بوجودك ..انا قوية وانت معايا ..لا يا يوسف انا مش بحبك ..انا مش بحبك يا يوسف ...كرهتك من اول يوم بعدت عنى فيه ..كرهتك من اول ما شكيت فيا ..كرهتك من اول ما شوفتك ...( بأنهيار ) بحبك يا يوسف ..بحبك " 
يوسف انهار من كلامها وقالها ف فويس 
" مش هسيبك يا فيروز ...انا بحبك وهفضل احبك ..واذا كان هو عايز ياخدك منى ..خليه يورينى ..وشوفى انا هعمل ايه ..كان نفسى ابقى جنبك ..عشان احضنك واهديكى ..بس للأسف مش معاكى ( بهزار ) بس تتعوض ف بيتنا انشاء الله ..بحبك اوى ...روحى نامى يلا انا مش عايز العروسة يطلعلها هالات سودا قبل الفرح .." 
فيروز " هتكلمنى الصبح          #Farah_Wael 
يوسف " اكيد " 
فيروز " تصبح على خير يا من هوته روحى" 
يوسف ابتسم بحب " وانتى من اهله يا من عشقها قلبى وعقلى " 
تانى يوم 
بباها : متعرفيش نيتها ايه ف الحوار ده الواد محامى شاطر وعنده مكتب لوحده 
مامتها : بنتك صغيرة يا رااضى ..
بباها : البت ف اولى جامعة ..تتخطب الاربع سنين دول وبعد كده تتجوز بعد التخرج 
مامتها : يا راضى افهمنى ..البت لسه صغيرة يعنى البت مشافتش شباب كتير ..فى احسن منه ...متقلش عليها 
بباها : طب اسأليها وملكيش دعوة 
مامتها راحتلها الاوضة لقتها قاعدة بتاكل ايس كريم 
مامتها : ايه رأيك ف العريس ده يا فيروز 
فيروز بصتلها : ايه ده على طول كده 
مامتها : ايه رأيك ..      #Farah_Wael 
فيروز : بصى يا ماما انا مش بفكر ف الكلام ده دلوقتي ..يعنى فككوا منى عشان انا قاعدة على قلبكوا 
مامتها : طيب ..إلا مقولتليش مين اللى خطب .
فيروز شرقت : طب هاتى ماية طيب ..
مامتها : شرقتى يعنى 
فيروز : احم ..
مامتها : امبارح صحيتى بتقولى خطب واترميتى على اوضة اخوكى ..مين بقى 
فيروز : ااه ..اصل انا حلمت ان خاالد ..خالد اخويا ..خطب 
مامتها : انتى فاكرانى عبيطة يا بت ..ولا فاكرانى مشوفتكيش وانتى بتبصيله اول ما دخل ..ولا لما سيف طلب ايدك فاكرانى ماشوفتكيش وانتى بصاله 
فيروز بأستعباط : بصاله !! ..مين ده اللى ببصله 
مامتها : يوسف ..فى توضيح اكتر من كده ... انتى لسه بتحبيه ..وعايزاه 
فيروز : ومش عايزة غيره ..ف خلى سيف ده يتكل على الله                                        #Farah_Wael 
مامتها : الواد محامى يا بنتى وابوكى بيحبه 
فيروز : ايه محامى يعنى هيعملى ايه ف الشقة ..هيقول حضرات الكراسى والصالون مثلا ولا ايه 
مامتها : يا خفة ..يعنى يوسف ده هيعملك ايه 
فيروز بأبتسامة : هيعملى الأكل 
مامتها : نعم يا روح امك ..ليه هو شغال شيف ولا ايه 
فيروز : اه ..دخل سياحة وفنادق ..وبقى شيف كويس اوى ومعروف ف اسكندرية ومرسى مطروح ..وبيبنى مطعم ف اسكندرية وبيتفق على شقة ف القاهرة 
مامتها : وعرفتى ده كله ازاى 
فيروز : كلمته لما صحيت وحكالى 
مامتها : وناوى على ايه بقى وصاحبه متقدملك ..
بيقاطعها صوت بينادى من البلكونة 
فيروز بتقوم تبص من البلكونة وبتقول لمامتها : هو ده اللى ناوى عليه ..خالد ...صاحبك جه 
خالد بص من البلكونة : اطلع يسطا واقف تحت ليه 
بعد ما دخل وقعدوا ف الصالون               #Farah_Wael 
يوسف : كرمة  وجوزها ولوچى معايا 
خالد : تنوروا يا عم اطلعوا 
خالد : ايه ياض الشياكة دى ..بدلة و ورد و علبة شوكلاتة وعلبة جاتوه ده انت لو جاى تتقدم مش هتجيب كل ده 
يوسف : هو فين عمى 
خالد : انت جايلى انا ولا جاى لعمك 
يوسف : جايلكوا كلكوا ..هو فين 
راضى : انا اهو يا بنى .. ازيك يا كرمة عاش من شافك 
كرمة : الحمدلله يا عمى عامل ايه 
راضى : الحمدلله كويس ..ازيك يا احمد 
احمد جوزها : الحمدلله كويس 
خالد : بسم الله ماشاء الله ..بنتكوا قمر هاتها يا احمد فيروز كانت عايزة تشوفها 
خالد : فيروز ...لوچى 
فيروز : الله ...بسم الله ماشاء الله ...بصى يا ماما 
بعد ما خالد رجعلهم 
احمد : طبعا انا زى اخو يوسف الكبير ..ف انا جاى لحضرتك يا عم راضى وطالب ايد فيروز ليوسف 
صدمة من راضى ومن خالد             #Farah_Wael 
راضى : ايوة يا بنى بس ...فيروز متقدملها عريس تانى والمفروض انها بتفكر فيه دلوقتى 
يوسف : انا عارف ..ممكن حضرتك تعرض عليها ان انا بردو عايزها ...وهى تختار بينى وبين سيف ..انا كنت بشتغل ف مرسى مطروح..وبعدين روحت اسكندرية وببنى مطعم هناك انا اصلا خريج سياحة وفنادق وكونت نفسى بين المحافظتين غير انى كنت بشتغل هنا ف القاهرة ...جمعت من خمس سنين لحد دلوقتي 500 الف جنيه 
راضى : بسم الله ماشاء الله
يوسف : وانشاء الله كمان كام يوم هروح استلم شقتى جاهزة يدوب بس فيروز هتحط حاجتها فيها وكده خلاص 
راضى : طب وانشاء الله فيما بعد هتستقر هنا وشغلك ف اسكندرية ولا ايه                           #Farah_Wael 
يوسف : لا طبعا ..بالفلوس اللى بتجيلى من مطعم اسكندرية ..هبنى بيها مطعم جديد هنا ..وهو ده هيبقى الفرع الرئيسي وهفضل ف القاهرة مش همشى تانى ..إلا لو الموضوع لازم يعنى 
راضى : بسم الله ماشاء الله ..انا عارفك كنت عيل طايش ايه اللى حصلك 
يوسف : ده موضوع هقوله لحضرتك لو الجواز تم وهيتم انشاء الله 
راضى : انا مقدرش اقولك حاجة عشان سيف ..فيروز هتختار وهنبلغكوا 
يوسف : انشاء الله 
كرمة : هى فيروز مش هتطلع ولا ايه 
راضى : قوم نادى اختك يا خالد 
خالد دخل الاوضة لقاها لابسة فستان ابيض قصير سيكا وطرحة ابيض ف اسود وبنطلون اسود وكوتش ابيض وحاطة ميكأب خفيف 
خالد : اش اش اش ...ايه الجمال ده ..تعالى يلا 
مامتها : هو فى ايه يا خالد                 #Farah_Wael 
خالد : يوسف متقدم ل فيروز 
مامتها : ازاى يعنى هو مشافش صاحبه امبارح بيخطبها 
خالد : شافه ...بس يوسف عنيد يا ماما ..وهو اصلا قالى انه جاى عشان يتقدملها ..ولما جه لقاها تعبانة ف مرضيش يتكلم ..بس سيف سبقه ..المهم تعالى يا فيروز سلمى على كرمة وجوزها وهاتى لوچى كمان 
فيروز خرجت وكانت شايلة لوچى وراحت ل كرمة وعنيها ف الارض : ازيك يا كرمة 
كرمة : الحمدلله ..اول مرة تشوفينى صح 
فيروز بصت ل يوسف لأنه وراها صورتها قبل كده : اه اول مرة ..
كرمة : هاتى لوچى ( فيروز ادتهالها ) 
احمد وقف وبيمد ايده لفيروز : ازيك 
يوسف : احم احم 
فيروز مسلمتش عليه : الحمدلله ..معلش متوضية 
احمد ابتسم بفهم : لا عادى ولا يهمك 
فيروز بصت ف الارض وراحت عند يوسف : ازيك يا يوسف                                     #Farah_Wael 
يوسف برقة : الحمدلله 
راضى : تعالى اقعدى هنا يا فيروز 
مامتها : ازيك يا كرمة 
كرمة : الحمدلله ازيك انتى يا طنط وحشتينى 
مامتها :الحمدلله يا حبيبتي ... ازيك يا احمد 
احمد : الحمدلله 
بعد ساعة 
يوسف : طيب بعد اذنكوا بقى ..
راضى : لسه بدرى يا بتى 
يوسف : لا معلش عشان الشغل ..
راضى : ربنا معاك يا حبيبي ..انشاء الله الرد هيوصلك بعد بكرة 
يوسف : انشاء الله ...سلام عليكم 
بعد ما نزلوا
راضى : فيروز تعالى ورايا 
فيروز دخلت مع بباها الاوضة : نعم يا بابا 
راضى : انتى عارفة الواد ده من امتى؟؟!

google-playkhamsatmostaqltradent