رواية شارع الحب البارت الثانية عشر 12 بقلم فرح وائل
رواية شارع الحب الفصل الثانية عشر 12
يوسف صحى تانى يوم رن على فيروز
فيروز بنوم : الو
يوسف : صباح الخير
فيروز : امم صباح النور ...وحشتنى
يوسف : ايه !!
فيروز : وحشتنى
يوسف : فيرووز ...انتى صاحية ...الوو
فيروز : الو ..
يوسف : ايه مالك
فيروز : م ..مالى ..مالى يعنى ايه ..وبردو اتصلت
يوسف : اه اتصلت ...انتى فاكرة اللى انتى قولتيه ده هيخوفنى مثلا
فيروز : يو ...( بتوطى صوتها ) يوسف انا مبهزرش
يوسف : لو مبتهزريش كان ممكن تعلى صوتك وخالد يسمعك وياخد منك الفون ويقاطعنى
فيروز : انا مش فاهمة انت عايز ايه #Farah_Wael
يوسف : انتى عارفة انى بحبك ..صح
فيروز : .....
يوسف : صح ؟؟
فيروز : عارفة عارفة
يوسف : طيب انا مش عارف بقى انتى بتجبينى ولا لا
فيروز بأستهزاء : ھء ده انت اتجننت رسمى
يوسف : ده استهزاء بقى ولا ايه
فيروز : والله كلك نظر
يوسف : فيروز بطلى استفزاز ..ردى عليا
فيروز : اولا انا مش مستفزة ..اما ثانيا مفيش رد عشان اقولهولك
يوسف بيقلدها : اولا انتى عارفة انك بتستفزينى ..اما ثانيا الرد موجود وانتى مش عايزة تنطقى
فيروز : انت ليه مش مراعى انك اكبر منى بأربع سنيين
يوسف : وانتى ازاى عرفتى انى اكبر منك بأربع سنيين ...وازاى عرفتى عيد ميلادى
فيروز : على فكرة انت صدعتنى
يوسف : انتى دلوقتى عندك 16 سنة يعنى فاضلك سنة وتشرفى جامعة القاهرة وانا عندى 20 سنة و قدامى كام سنة وابقى شيف كبير واعرف اتقدملك
فيروز : تتقدملى !!! لا ده فعلا مجنون رسمى
يوسف : بردو غيرتى الموضوع ومقولتليش ...بتحبينى ولا لا
فيروز : ............. #Farah_Wael
يوسف : فيروز انا ف المناهدة دى بقالى أربع سنيين ..سنتين حبيتك فيهم من بعيد وسنتين بحاول اكلمك ...عشان خاطر الاربع سنيين دول ..اتكلمى لو بتحبينى قولى ..مش بتحبينى انا مش هعمل حاجة يعنى ..ده قرارك
فيروز : يوسف ..انت عارف قرارى
يوسف : انا بصراحة بشوف افعالك بقول حاجة وبسمع ردك بقول حاجة تانية ..ف ياريت توضحى
فيروز : يوسف انا لسه صغيرة وكمان مش عايزة اشغل دماغى بالارتباط عشان مذاكرتى
يوسف : انا مقولتش نرتبط ..انا بس كفاية انى اسمعها منك ..اسمع بس انك بتحبينى و ساعتها استنى لحد ما تعجزى حتى بس ابقى عارف انك بتحبينى
فيروز : يوسف انا مش عايزة مشاكل وكمان انت لسه مشتغلتش وانا لسه مخلصتش هتتقدملى ازاى
يوسف : يا حبيبتى انا بجتهد ف شغلى زى ما بجتهد عشان اثبتلك حبى وخلاص فاضل شوية وهوصل لحلمى
فيروز : خايفة يا يوسف ...حساك ف الاخر هتسيبنى ولا هتعمل حساب انك بتحبنى ولا حتى لأنى بحبك
يوسف : ليه الاحساس د....ايه قولتى ايه ؟!!
فيروز : بقول حساك ف الاخر هتسيبنى
يوسف : لا مش دى ..اللى بعدها
فيروز : انك بتحبنى ؟؟ #Farah_Wael
يوسف : اللى بعدها اللى بعدها
فيروز : مقولتش حاجة تانى
يوسف : بجد بتحبينى
فيروز : انا ...هقول ايه ...بحبك يا يوسف
يوسف : لا ده انا حاسس ان هيجيلى جلطة ...انا جالى شلل خلااص ...جالى نوبة قلبية حادة ...
فيروز : انت غبى ..بعد الشر بطل هبل بقى انت عندك 20 سنة انت مش صغير
يوسف : ااااه ...قلبتى على كرمة اوى
فيروز : كرمة ؟؟! ...كرمة مين
يوسف : كرمة مين لا دى الإكس بتاعتى
فيروز : اااه ..بدأنا من اولها والله كنت عارفة ..منا قولت اكيد واحد زيك عنده بنات كتير بيحبهم او بيلعب معاهم بمعنى اصح وانا واحدة منهم طبعا ما اصل.....
يوسف قاطعها : حيييلك حييلك ...انا مبحبش غيرك وعمرى ما هحب غيرك
فيروز : ثبتنى بكلمتين ثبتنى ...مين كرمة دى يا يوسف
يوسف : دى اختى ..ايه عمرك ما شوفيها
فيروز : لا ...انت عارف مليش علاقة بالناس اللى حواليا
يوسف : امم #Farah_Wael
فيروز : يوسف ...هو سيف عامل ايه
يوسف : سيف !!!
فيروز : اه عرفت انه تعبان بس نسيت اسأل خالد
يوسف : سيف كويس ...بس اتمنى متسأليش عليه تانى ..انتى مالك بيه اصلا
فيروز : الله مش جارى
يوسف : متنسيش انه صاحب اخوكى ...وصاحبى انا كمان
فيروز: فى ايه يا يوسف
يوسف : فى انى بغير عليكى ..يبقى لازم تحترمى غيرتى
فيروز : وانت كنت احترمت غيرتى ف المطعم
يوسف : ساعتها مكنتش اعرف انك بتغيرى
فيروز : وانا مقولتلكش تبعد عنها
يوسف : قولتى وده اللى عملته
فيروز : اومال خدت تليفونها ليه
يوسف : لازم تعرفى يعنى
فيروز: ادتلها رقمك ..تتسلى معاها من ورايا
يوسف : فيروز هدى اعصابك ..خدت تلفونها كتبتلها رقم الشيخ اللى ف الجامع قولتلها يمكن ربنا يهديكى
فيروز : مش عارفة ليه مش مصدقاك
يوسف : انتى معندكيش ثقة فيا ؟؟
فيروز : وهو انا لو معنديش ثقة فيك كنت هكلمك اصلا
يوسف : يبقى مسمعش كلمة مش مصدقاك دى تانى
فيروز : ماشى ..بس على فكرة انا مبحبش التحكمات
يوسف : يا بنتى انا جيت جنبك
فيروز : انت تطول تيجى جنبى اصلا
يوسف : اه انا اطول منك #Farah_Wael
فيروز : احم ليه الإحراج ده بس
يوسف ضحك : انا بجد مش مصدق انى بكلمك
فيروز : ولا انا ..هى الساعة كام
يوسف : الساااعة 7:30
فيروز : يا لهوى
يوسف :ايه ..
فيروز: عندى درس الساعة 8:30 ولسه ملبستش
يوسف : طب يلا روحى البسى درسك فين
فيروز : ف المعادى حتى خالد سافر اسوان امبارح يعنى مش هيعرف يوصلنى
يوسف : طب اطلبى اووبر اعبال ما تلبسى يكون وصل
فيروز : طيب سلام
يوسف : بحبك
فيروز : وانا كمان بس مش وقته ..سلاام
اسما بترن على فيروز : انتى فيين
فيروز : انا هجيلك ب اووبر #Farah_Wael
اسما : اووبر !! ..وانتى معاكى فلوس ل اووبر
فيروز : نسييت خاالص ..خلاص انا نازلة اهو
اسما : انا مستنياكى ف الشارع انجزى بقى
فيروز : سلام
فيروز: انا متأخرة ولسه ملبستش
مامتها : خلاص اركبى ميكروباص
فيروز بتكلمها وهى بتلبس : ميكروباص ايه يا ماما ..مش هنلحق طبعا
( تليفون فيروز بيرن )
مامتها : الو
يوسف : انا عارف انك متأخرة .. مستنيكى ف الشارع اللى ورانا بالمكنة ( الدراجة النارية) بتاعتى هوصلك عشان متتأخريش اكتر من كده..
فيروز : هاتى التليفون يا ماما
مامتها : هو اووبر بقى ييجى بمكنة يا فيروز
فيروز خرجت وهى بتلبس الكوتش : لا اووبر على طول بعربية
مامتها : الرقم ده رن وبيقول انه مستنيكى
فيروز : ده يوسف
مامتها : انتوا بتتكلموا على التليفون
فيروز : ماما ..لما ارجع هكلمك واحكيلك ايه اللى حصل ..سلام #Farah_Wael
مامتها : ماشى يا فيروز ..بقولك اركبى وراه عشان متتأخريش ..
فيروز : اركب وراا مين
مامتها : يوسف مستنيكى بالمكنة ف الشارع اللى ورانا
فيروز : مش هركب وراه ده بيستعبط
مامتها : هتتأخرى
فيروز : انشالله عنى ما روحت ..قال اركبى وراه قال
وهى ماشية قابلته
يوسف : يلا تعالى
فيروز : لا صحبتى مستنيانى
يوسف : مش مهم هاخدكوا انتوا الاتنين
فيروز : يوسف ..انا مش هركب وراك ابدا ( سابته ومشيت )
رجعت هى واسما عشان هيذاكروا مع بعض
يوسف : هى بقت كده يعنى ولا ايه يسطا
سيف : هى اى دى ..
يوسف : المعاملة #Farah_Wael
سيف : معاملة ..ااااه المعاااملة ..مالها بقى
يوسف : بس يا سيف انا مش هتكلم ادامك تانى
سيف " ميعرفش انى فاهمه .." جرى ورا فيروز
سيف : فيروز ..فيروز
فيروز وقفت : نعم
سيف : فين خالد منزلش من امبارح
فيروز : خالد سافر اسوان امبارح ..هو مقالكش
سيف : لا مقاليش ..وطنط عاملة ايه
فيروز بأبتسامة : الحمدلله
سيف : سلميلى عليها ..وسلميلى على عمر لو بتشوفيه مبينزلش خالص
فيروز : عمر مشغول شوية ف دراسته اصل هو 3 عام
سيف : ربنا معاه يارب ونشوفك دكتورة بإذن الله
اسما : مش هنمشى يا فيروز
فيروز: طب بعد اذنك بقى عشان متأخرة على البيت
سيف : اه طبعا اتفضلى
تليفونها بيرن
اسما : مين #Farah_Wael
فيروز : ده يوسف
اسما : هتردى
فيروز : اه ...ال...
يوسف : تتحسدى ده انا قولت مش هتردى
فيروز : وماردش ليه يعنى
يوسف : بعد اللى اتهببتى عملتيه
فيروز : سي..اااا ...يوسف اعدل اسلوبك
يوسف ضحك بأستهزاء : كمان نسيتى اسمى ..يا شيخة ده انتى لسه معترفالى بحبك الصبح ...نسيتى
فيروز : انا كنت هقولك تقصد سيف ..بس لما انت اتكلمت كده ..اتلغبطت #Farah_Wael
يوسف : والله ..على اساس انى هصدقك كده
فيروز : هو من اولها كده ...خلاص انت حر متصدقش
يوسف : اتعدلى
فيروز : انا معدولة الحمدلله وبعدين لما الاقى اسلوبك كويس هتكلم عدل
يوسف : ده انتى ...
فيروز : هااا اتكلم ..انا ايه
يوسف : فيروز حلى عن نفوخى دلوقتى
فيروز : والله ... طيب ايه رأيك نحل للأبد بقى
يوسف : انتى مبتسمعيش الكلام ايه ..سيبينى دلوقتى
فيروز : ماشى هسيبك ...انت حر (قفلت)
فيروز : ماماااا
مامتها : نعم #Farah_Wael
فيروز : اسما تعالى اقعدى ...بصوا انا هحكيلكوا ايه اللى حصل الصبح ....بس ودلوقتي انا قفلت ومش هكلمه تانى
مامتها : طبعا انا بصفتى امك ..هاخد منك التليفون ..اما بصفتى صاحبتك ف ف اللى انتى عملتيه ده مش صح
اسما : طنط عندها حق
فيروز : انا عارفة انى غلطانة ...انا اسفة
مامتها : مترديش عليه اقفلى تليفونك
فيروز : انا هعمل كده
مامتها : يلا اومى ذاكرى
فيروز : حاضر ... يلا يا اسما
دخلوا يذاكروا اما يوسف فهو راح ل سيف
هاجر : ازيك يا يوسف #Farah_Wael
يوسف : الحمدلله فين سيف
هاجر : جوه ف اوضته اتفضل
سيف : تعالى يسطا
يوسف دخله وكان متعصب جدا
سيف : مالك متعصب ليه
يوسف : سيف ...انت ايه اللى بينك وبين فيروز
سيف بصدمة : فيروز !!!!
- تابع الفصل التالي عبر الرابط: "رواية شارع الحب كاملة" اضغط على أسم الرواية