رواية عندما يكون العوض جميلاً البارت الثاني عشر 12 بقلم نور محمود
رواية عندما يكون العوض جميلا الفصل الثاني عشر 12
وصلوا البيت كانت ثريا محضرة ما لذ وطاب من الاكل
ياسمين بصدمة : ايه كل ده
ثريا : ما انا مش عارفه نفسك في ايه حضرتلك كل اللي بتحبيه
ياسمين : ما انا اكيد مش هقدر اكل كل ده
ثريا: كلي اللي تقدري عليه والباقي يقعد
رحمة : ايوا يا عم ماما بنفسها مهتمه بيكي
ياسمين باغاظه : مامتي حبيبتي
اكل وسط جوا كله فرحه وحب بعد الاكل
ثريا : يلا يا هدى اعملي شاي لاختك
ياسمين : استني انا جايه اعمل القهوة لبابا
محمد : ارتاحي انتي اكيد تعبانه من السفر
ياسمين : هو انا جاية مشي انا جايه في طيارة خاصة
هدى : ايوا يا عم اللي اداك يدينا
ياسمين : قل اعوذ برب الفلق
رحمة : خايفة من الحسد حقك ما انتي بقيتي مليونيره
ثريا : ما كفايه يا بت انتي وهي هتنقوا عالبنت ما هي دفعت سنين عمرها مقابل ده
رحمة : احنا بنهزر يا ماما
هدى : ياسمين اوعي تزعلي والله بنهزر لكن احنا نتمالك الخير
ياسمين : عارفه والله وبعدين الفلوس دي انتوا ليكوا فيها انا لولاكوا مكنتش وصلت لكدا
محمد : الفلوس دي بتاعتك تعبك وشقاكي محدش فينا له فيها مليم واحد
ياسمين : مش هنتناقش دلوقتي انا هروح اعمل القهوة واجي
محمد : ماشي
في الطبخ
هدى : قوليلي بقا عملتي ايه هناك
ياسمين : عملت كتير عايزه تعرفي ايه بالظبط
هدى بتفكير : امم عملتي ايه في حياتك العاطفيه مثلا
ياسمين بضحك.: يا زين ما اختارتي ....ما عملتش حاجه مكنش عندي وقت اساسا اعمل حاجه
هدى : يعني ست سنين بره ومفيش حد لفت انتباهك حتى
ياسمين : لا مفيش الحمد لله انا كنت حاطة هدف قدامي ووصلتله الحمد لله
رن هاتف ياسمين
ياسمين : آنجي هل اشتقتي الي بهذه السرعة
انجلينا بغضب :هل تعلمين انك اسوء انسان في العالم اقسم لو رأيتك ساقسم راسك اليابس هذا
ياسمين بجزع : ماذا فعلت لاستحق كل هذا التوبيخ
انجلينا بعصبيه : الم.اخبرك ان تتصلي بي فور وصولك
ياسمين بتذكر : نسيت
انجلينا بتساؤل وسخريه: ولما لم تردي على اتصالاتي
ياسمين باسف : اسفة لم اسمعه
انجلينا : اقسم ان قلبي كاد ان يتوقف عندما خطر ببالي انه اصابك مكروه ما
ياسمين : آسفه حقا لم اسمعه ...ثم انك تعلمين كم كنت مشتاقه لاهلي وقد نسيت كل شيء عند رؤيتهم
انجلينا : حسنا اعلم ذلك اسامحك
ياسمين : شكرا آنجي
انجلينا : لن آخذك منهم اكثر اذهبي اليهم وحدثيني مرة اخرى
ياسمين : سافعل
هدى : مين دي
ياسمين : دي حته من قلبي اختي بجد من اول يوم نزلت ايطاليا اتقابلنا هناك وكان طريقنا واحد في كل حاجه اتعرفنا وبيقينا اخوات اكتر من اصحاب
هدى : ربنا يخليكوا لبعض
ياسمين : امين....انا خلصت القهوة
هدى : وانا خلصت الشاي يلا
خرجوا بالمشروبات
محمد : والله كانت واحشاني القهوة بتاعتك
ياسمين : تعرف كنت كل يوم اعمل قهوة زي ما بتحبها و اشربها او اديها لحد يشربها
محمد وهو يرتشف من القهوة بتلذذ: يااه للدرجادي
ياسمين : انا عمري ما خلفت بوعد ابدا
عمر : انا عرفت انك هتشتغلي في مستشفى هنا
ياسمين : ايوا مستشفى ***
عمر بدهشه : دي نفس المستشفى اللي انا ماسك معمل التحاليل فيها
ياسمين : بجد ؟!!!
عمر بفرحه : آه والله
ياسمين : طب كويس كدا نروح ونرجع سوا
عمر : اكيد طبعا
ياسمين : بس خلي بالك انا شغلي صعب وبكره اخصائي التحاليل في عيشته
عمر : يا ستي تحت امرك
ثريا : في موضوع عايزه اتكلم.معاكوا فيه انتوا الاتنين
ياسمين : اتفضلي
ثريا : دلوقتي انتوا تعليم واتعلمتوا شغل والحمد لله اشتغالتوا يبقى ناقصكوا ايه ؟
ياسمين وهي تعرف التالي : ايه ؟
ثريا : الجواز طبعا انتوا لازم تتجوزوا
ياسمين كانت تشرب الماء فشرقت : كح كح ايه اللي كح كح بتقوليه ده بس يا ماما
ثريا بخضة : اسم الله عليكي
عمر : خدي نفسك بالراحه على مهلك
ياسمين : خلاص انا كويسه
ثريا : الحمد لله ...انا بقول كل واحد فيكوا يشوف حاله وانا جيبالكوا عرسان زي القمر
عمر بص لبابا باستنجاد فنظر له محمد بمعنى اطمئن
محمد : مش من اول يوم كدا يا ام عمر خلي البنت ترتاح شويه
ثريا : ما ترتاح هو انا مسكتها انا عايزاه بس تشوف العريس وتفكر
عمر باندفاع : لا طبعا
ثريا : لا ليه بقا ان شاء الله وبعدين اصبر دورك جاي
عمر : هي لازم تستنى لما تستقر هنا الاول مش يمكن الشغل هنا ميعجبهاش وترجع تاني
ثريا بصدمه : نعععععم ترجع فين اقسم بالله ما يحصل كفايه بقا هتقعد هنا وتتجوز ورجلها فوق رقبتها
عمر : يا ماما ...
ثريا : بلا ماما بلا زفت انا قولت اللي عندي ما تقول حاجه يا محمد انت ساكت ليه
محمد : انتوا ادتوني فرصه اقول حاجه
ثريا : ادينا سكتنا قول بقا كلمه
محمد : انا من رأي ان الكلام ده لسه شويه عليه والقرار قرار ياسمين
ياسمين : يا ماما اديني فرصه شهر واحد استقر واظبط اموري هنا متنسيش اني راجعه بعد ست سنين غياب
ثريا : شهر واحد بس
ياسمين : شهر واحد وبعدين اللي تقولي عليه هعمله
ثريا : ماشي وانت بقا يا سي عمر
عمر : نعم
ثريا : مش ناوي تتجوز بقا اللي زيك ولادهم اتجوزوا
عمر : لسه شويه عايز اكون نفسي
ثريا بغضب : تكون نفسك ايه انت ناسي انك عديت التلاتين وبعدين ايه اللي ناقصك شقة وعندك اتنين واحده ملكك والتانيه اللي فوقينا شغل وشغال ايه بقا اللي هتكونه
عمر بتحجج : عايز عربيه
ثريا بعصبيه : عمر متعصبنيش ما عندنا زفته
عمر : عايزه واحده بتاعتي
ياسمين : لو على العربيه ان اشتريت واحده اون لاين قبل ما انزل وهتوصل بالظبط كمان ساعة تقدر تاخدها او تنزل تشتري اللي تعجبك على حسابي
عمر برفض : انا قولت عايزها من فلوسي
ياسمين : يا سيدي خدها وابقى قسط الفلوس بعدين
عمر في نفسه : طب اقوم اضربها دي ولا اعمل فيها ايه
عمر : لا
محمد : خلاص يا جماعه
ثريا : افضل كدا سيبهم لحد ما يعنسوا ويقعدوا جنبك
محمد : قاعدين في عزهم وعز ابوهم
ياسمين : طب بعد اذنكوا يا جماعه هروح اراجع اوراق العمليه بتاعت بكره قبل العربيه ما توصل
محمد: لو هتنامي نامي وانا هستلم العربيه
ياسمين : لازم استلمها بنفسي
محمد : خلاص اللي يريحك
بعد ساعة خرجت ياسمين لقيتهم لسه قاعدين
ياسمين : حد ينزل معايا عشان العربيه وصلت
محمد بغمزة لعمر: انزل معاها يا انت يا عمر
عمر بابتسامة: ماشي ...يلا
نزلوا تحت وياسمين مضت ورق الاستلام
عمر بانبهار : واااااو تحفه
ياسمين : ايه رأيك
عمر : لا حلوه واللون الاسود جميل
ياسمين : خلاص نروح بيها الشغل بكره
عمر : اوي اوي...ممكن اخدها اخرج بيها النهارده
ياسمين رمت له المفاتيح : ملكك يا كبير
عمر : تسلمي
مر اليوم وسط جو مرح جدا مليئ بالبهجه في صباح اليوم التالي طرقت باب غرفة مدير المشفى وانتظرت ان اذن لها بالدخول
ياسمين بابتسامة: صباح الخير يا فندم
عبدالله ( المدير ) : صباح النور نورتي المستشفى
ياسمين : شكرا منوره بوجود حضرتك
عبدالله : طبعا ده شرف لينا انك تمسكي قسم المخ والاعصاب عندنا انا جهزتلك المكتب بتاعك على احدث مستوى
ياسمين : ولا احدث مستوى ولاحاجه انا عايزة مكتب عادي جدا
عبدالله : المكتب جهز خلاص ولازم يكون حاجه تليق بيكي
ياسمين : خلاص مش مشكله.... دلوقتي انا راجعت ورق عمليات النهارده واخترت كام عمليه صعبه هقوم بيها انا وهيكون معايا مجموعه من المتدربين
عبدالله : زي ما تحبي
ياسمين : في حاجه كمان انا عايزه اعمل يوم في الاسبوع تكون كل العمليات اللي فيه ببلاش وانا هتحمل كل التكاليف ده طبعا للفقراء بس
عبدالله : يوم كل اسبوع كتير والتكاليف هتكون عاليه دي ممكن تعدي مرتبك اساسا
ياسمين : انا مش محتاجه لمرتب انا بشتغل عشان ده شغفي وواجب عليا اساعد المحتاجين
عبدالله : خلاص احنا هندخل معاكي بنص التكاليف
ياسمين : معنديش مانع
عبدالله : على خيرة الله تحبيه يكون يوم ايه
ياسمين : ممكن الاحد من كل اسبوع زي النهارده بما انه اول يوم ليا
عبدالله : فكرة حلوه خلاص هبلغ مجلس الادارة بكدا
ياسمين : ان شاء الله ... يدوب الحق اجهز نفسي بعد اذنك
عبدالله : اتفضلي
خرجت ياسمين وجهزت عشان تبدأ يومها وبالفعل بدأت واليوم كان عادي جدا لحد اخر عمليه جهزت ليها ودخلت بعد تخدير المريض ولكنها صدمت عندما رأته وظلت ترجع للخلف بذهول
احد الاطباء: دكتوره ياسمين المريض جاهز للعمليه
ظلت ياسمين تنظر له بذهول وتجمعت الدموع في عينيها
طبيب اخر: دكتوره ياسمين حضرتك كويسه
نطقت ياسمين اخيراً : الغي العمليه
نظر لها الاطباء بصدمة وحاول احدهم الاعتراض ولكنها لم تعطيه فرصة بل خرجت بسرعة وخلعت كل ملابس العمليه في الممر ورمتها ارضا وذهبت مكتبها جلست عليه وظلت تنظر للخارج بشرود بعد نصف ساعة قطع شرودها طرقات الباب
ياسمين بعد ان مسحت دمعه هاربه: ادخل
عمر : ياسمين انتي كويسه
ياسمين : الحمد لله
عمر بعصبيه : ولما انتي كويسه ازاي تسيبي العمليه وتمشي بعد ما المريض اتخدر المستشفى كلها مالهاش سيرة الا انتي
ياسمين بهدوء : عارف المريض ده مين
عمر : مريض زي اي مريض هيكون مين يعني
ياسمين : مش اي مريض المريض ده يبقى ****
عمر بصدمة : مين ؟!!!!
يا ترى مين المريض وليه ياسمين رفضت تكمل العمليه وهل ممكن تغير رأيها وترجع تعملها تاني
- الفهرس يحتوي على جميع فصول الرواية كاملة: "رواية عندما يكون العوض جميلاً" اضغط على أسم الرواية