رواية شارع الحب الحلقة العاشرة 10 بقلم فرح وائل

الصفحة الرئيسية

رواية شارع الحب البارت العاشرة 10 بقلم فرح وائل

رواية شارع الحب كاملة

رواية شارع الحب الفصل العاشرة 10

فيروز "شكرا يا حبي.....اى ده انا مالى فى ايه ..يا نهارى لكون حبيته بجد .."
يوسف " مستنى ايه ..فاكر انها هتقولك شكرا ...اكيد هتعملك بلوك زى كل مرة 
فيروز:"شكرا يا يوسف " 
يوسف بفرحة :" العفو ..العفو " 
فيروز : مش عايزة اعمل بلوك ..حاسة انى هزعله ...طب ما يزعل .. ف داهية وانا هوجع دماغى ليه...بلوك 🙂 ...بس هو محتفظ ب ملخصاته ليه ..هو ف سنة كام اصلا ؟؟! (فتحت تلفونها ودخلت على الاكونت بتاع اخوها دورت ف الاصدقاء لقت يوسف محمد وحاطط صورته دخلت على الاكونت لقت فيه صور كتير ليه ولصاحبه دورت ف الاكونت وجابت تاريخ ميلاده وهو بيدرس فين كمان )             #Farah_Wael 
فيروز : عيد ميلاده يوم 18/9/2002 ..يعنى عنده 19 سنة ...هو النهاردة كام 11/9 يعنى فاضل اسبوع على عيد ميلاده ...المدرسة سياحة وفنادق !! ...طب ازاى ادانى ملخصاته يعنى ؟!! ... مفيش مانع اخدله شوية صور ..(خدت اسكرين للصور اللى عجبتها ) خرجت من الاكونت و قعدت تذاكر الملخصات بتاعت يوسف 
اول يوم امتحان ( طبعا نظرا ل اللى حصل ف التعليم ف امتحنوا ف البيت )                         #Farah_Wael 
فيروز راحت ل اسما : جااهزة 
فيروز : ربنا يستر ...افتحى يلاا 
بعد الامتحان 
فيروز : الحمدلله حلينا بسرعة 
اسما : الحمدلله 
فيروز : انا همشى وهستناكى بكرة تجيلى عشان الامتحان 
اسما :طيب ماشى ..
فيروز : هو النهاردة كام 
اسما : 18 
فيروز : والله ...طب انا همشى ..سلام 
اسما : باى                           #Farah_Wael 
فيروز راحت عند محل ساعات اشترت ساعة وبلورة وجابت انواع كتير من الشيكولاتة وراحت جابت بوكس و خلت صاحب المحل يرص الحاجة بشكل حلو ويلفه من بره زى الهدية وخبته ف شنطتها وطلعت بيت يوسف وحطت البوكس على الارض وحطت عليه ورقة " كل سنة وانت طيب ..انا معرفش انت بتحب انهى نوع شوكليت ف جبت انواع كتير ..كل سنة وانت طيب مرة تانية " وخبطت على الباب ونزلت جرى روحت 
يوسف : شوفى مين بيخبط يا كوكى 
كرمة اخته عندها 21 سنة : يوسف انت قاعد جنب الباب ..ولا تيجى تغسل المواعين وانا اجى افتح 
يوسف : خلاص اتسدى 
كرمة: كك سدة 
يوسف : الله يسامحك (بيفتح الباب بيلاقى البوكس ) ...شووو هاذاااا 
كرمة : يا بنى بطل ترعبنى بقى حرام عليك 
يوسف : استنى استنى ... (قرأ الورقة اللى على البوكس) ..مين يعنى مش فاهم ( فتحه لقاه مليان شيكولاتة والبلورة منورة وطالع منها مزيكا تيتانيك وجنبها علبة فتحها لقى ساعة وجواها صورته ) 
يوسف بفرحة : ايه ده !!!               #Farah_Wael 
كرمة خرجت : ايه الشغل العالى ده ...ايوة يا عم يا بختك عندك صحاب يجيبولك هدايا 
يوسف :هدايا ايه ...ده انا صحابى مقشفريين 
كرمة : اومال من مين دى 
يوسف بتفكير :مش عاارف 
سيف صحى على صوت اغانى 
سيف : ياااااه ....هاااجر وطى الصوت شووية 
هاجر دخلت الاوضة : مش انا دى البلكونة اللى قدامنا ..واصلا خلاص الاغانى اتقفلت
سيف : طب خلاص ..جبتى فطار ..
هاجر : جبت وفطرنا 
سيف بتفكير : طب هاتى الشاى بلبن بتاعى والجبنة والبقسمات 
هاجر : هتفطر ف البلكونة هااا
سيف : بفكر ..يلا بسرعة 
دخل البلكونة وف ايده الصينية حطها على التربيزة وجاب كرسى وقعد شاف فيروز ف البلكونة بتذاكر 
سيف شاورلها : ازيك 
فيروز استغربت لأن عمره ما كلمها ف البلكونة : تمام 
سيف : ايه اخبار المذاكرة 
فيروز : الحمدلله                           #Farah_Wael 
سيف : عملتى ايه ف الامتحان النهاردة 
فيروز : كان سهل الحمدلله 
مامتها دخلت : بتكلمى مين
هاجر : ده انا يا طنط 
فيروز بتبص بتلاقى هاجر هى اللى واقفة 
مامتها : ازيك يا هاجر عاملة ايه  
هاجر : الحمدلله 
مامتها : فيروز انا نازلة عند عمتك شوية 
فيروز : ماشى يا ماما ( بتبص بتلاقى سيف ) 
سيف ضحك : متحطيش ف بالك متحطيش ف بالك 
فيروز ابتسمت : بعد اذنك (شدت الستارة ) 
سيف :ضحكت يعنى قلبها ماال
فيروز دخلت لبست ونزلت عشان رايحة مراجعة 
ركبت الميكروباص لقت يوسف قاعد جنبها 
فيروز : معلش يا انسة ممكن تبدلى المكان معايا 
البنت : مش هينفع انا نازلة قريب 
فيروز : ماشى 
يوسف بعد عنها شوية : متخافيش مش هضايقك ....شكرا على الهدية                               #Farah_Wael 
فيروز : هدية !! هدية ايه 
يوسف : ( وراها ايده لقته لابس الساعة )  ده غير البلورة والشيكولاتة 
فيروز :...........
يوسف : بس اموت واعرف عرفتى عيد ميلادى ازاى 
فيروز : انت مش قولت انك مش هتكلمنى تانى ..بتكلمنى ليه 
يوسف : انا قولت مش هبعتلك ..مقولتش مش هكلمك ..ثم ان انتى قولتى انى لو كترت ف الكلام تاانى هشوف رد هيزعلنى منك ..جبتيلى هدية ليه ؟؟! 
فيروز بتشيل الملزمة فالشنطة وكانت هتنزل 
يوسف مسك اديها : استنى ...انا اللى هنزل ..بلاش تتأخرى على معادك ...على جنب يسطاا ...سلام 
ف مطعم ف المعادى 
رئيس الطهاة ( الطباخيين) : عندك تأخير نص ساعة يا بيه 
يوسف : انا اسف يا فندم المواصلات كانت زحمة 
رئيس الطهاة : عارف ان المواصلات زحمة يبقى تنزل بدرى عشان متجيش متأخر 
يوسف : حاضر يا فندم ..              #Farah_Wael 
رئيس الطهاة : اتمنى متتكررش تانى ...اتفضل على شغلك 
يوسف : بعد اذنك يا فندم ...( دخل اوضة تغير اللبس وقلع التيشرت بعصبية ورماه على الارض ) 
ممدوح زميله ف الشغل : اهدى يا يوسف 
يوسف : فارد ريشه علينا ولا كأنه مدير المطعم 
ممدوح :معلش استحمله شوية كلها السنة دى ونمشى 
يوسف : ده بيمسك على الدقيقة يا بنى ..ويقولك الدقيقة مهمة ف حياة الشيف
ممدوح : طالما انت قرفان كده مدخلتش ثانوى عام ليه 
يوسف : ما انا غبى ..رغم ان جبت المجموع اللى يدخلنى عام اخترت سياحة وفنادق قال ايه عشان بحب الطبخ ..مكنتش اعرف انى هتمرمط بالاسلوب ده 
رئيس الطهاة: خلصووا ورانا شغل كتييير 
يوسف : يلا لحسن هيحدف سكاكين المطبخ كلها علينا 
ممدوح ضحك : يلا يلا

google-playkhamsatmostaqltradent