رواية الانتقام من الأب البارت الخامس والعشرون والأخير بقلم اسماء زيدان
رواية الانتقام من الأب الفصل الخامس والعشرون والأخير
فالمديريه وتحديداً مكتب المستشار عماد بعد ماشاف الادله وكلام معتز رفع سماعة تلفون مكتبه
المستشار:ايوا تعالى يامحمود تعالى عاوزك
وقفل وبعد دقائق دخل محمود
محمود:ايوا يافندم
المستشار عماد:تحضر قوه دلوقتى وتروح مع ارسلان وايام تجيبو معتز
محمود:ماشى يافندم وخرج
المستشار:اظن كدا كله تمام يامدام ايام
ايام باستغراب:انسه من فضلك
المستشار رفع حاجبه ونظر لارسلان
ارسلان بأحراج:احم احم احنا كاتبين كتب الكتاب بس مفيش فرح لسه
المستشار: تمام ابقى اعزمونى
ايام: طبعاً يافندم
وبعدها دخل محمود:كله تمام يافندم
المستشار نظر لايام وارسلان:اتفضلو روحو معاه
قامو من مكانهم: تمام يافندم
وخرجو وانطلقو على بيت معتز فالصحرا
#بقلم_اسماء_زيدان
فالفيلا دخل معاذ ومعاه بسنت ورحمه وشهد قامت شافتهم و
شهد وهى بتنظر لرحمه:ومين دى كمان يامعاذ مراتك
معاذ:لا بنت الدكتور مراد واخت بسنت فالرضاعه وهتعيش معانا
شهد بصدمه: يعني دى دى بنت مراد
معاذ:ايوا
شهد بجمود:وهى متقعدش مع ابوها ليه جايه هنا ليه
معاذ: عشان ابوها اتقتل
شهد بصدمه والدموع عرفت طريقها:ايه مراد مات
رحمه بدموع:ايوا ياطنط بابا مات وسبنى لوحدى
شهد وقعت على الارض من صدمتها ومعاذ جرى عليها وبسنت ورحمه
معاذ:ماما ماما مالك ردى عليا
بسنت بدموع:طنط فوقى ارجوكى
معاذ:ماماااااا
نزل على صوت معاذ كل العيله و مروه شافت شهد جريت عليها و
مروه:حصلها اى وقعت كدا
معاذ:قولتلها مراد مات ووقعت كدا
مروه بصدمه:مات
بسنت:ايوا ياطنط
سليم قرب منهم وحمل شهد وطلعها اوضتها وحاولو يفوقوها مفيش فايده معاذ طلب الاسعاف ونقلوها المستشفى
#بقلم_اسماء_زيدان
وصلت العساكر وايام وارسلان والعساكر التفت حول البيت ودخل محمود وايام وارسلان وبعض العساكر جوه البيت
كان معتز يدوب بيفوق ولاقى المسدسات متصوبه ف اتجأه
نظر لايام وارسلان
معتز:انتو بتعملو اى هنا
ايام:ووقعت ومحدش سمى عليك يامعتز وهشوفك وانت بتتشنق وحق امى يرجع
معتز باستغراب:امك مين
ايام نظرت لمحمود بمعنى خده و
محمود:مش وقت كلام حط يا عسكرى الكلبش ف ايده
وفعلا اخده معتز على البوكس وراح المديريه
__________$$$$
ف المستشفى فاقت شهد وبدأت تبكى وتصرخ و
شهد بصريخ:مرااااد مراااد ارجع وانا هسامحك مقدرش اعيش من غيرك مرااااد انت حبى الاول والاخير وانا مسمحاك ياحب عمرى
معاذ ومروه دخلو ومروه اخدتها ف حضنها و
مروه بدموع:اهدى ياحبيبتى وحدى الله
شهد بدموع وصريخ:هتولى مراااااد مقدرش اعيش من غيره انا مسمحاه هتولى حبيبى مراااااااد رد عليا
معاذ واقف بحزن على والدته مش عارف يعمل اى و
معاذ بتفكير:انتى بتعيطى عليه وتصرخى ليه مش دا اللى باعك واتخلى عنك مش دا سبب انك بعدتى عن بلدك وروحتى بلد متعرفيش فيه حد مش دا سبب الكانسر اللى جالك بسبب شغلك فالمطاعم عشان تربينى انا واختى ومكنتيش بتهتمى بصحتك مش دا اللى مش معترف بولادك انتى بتعيطى عليه ليه
شهد بصريخ ودموع:انا مسمحاه هتهولى مقدرش اعيش من غيره دا حبيبي والنفس اللى بتنفسه مراااااااد انت فين ياحبيبى متسبنيش مراااااد
هنا بسنت جابت الدكتور ودخل و عطاها منوم تركيزه عالى وخرج هو ومعاذ ومروه و
مروه:بدموع هى مالها يادكتور بتصرخ ليه كدا
الدكتور:عندها انهيار عصبى
معاذ:ليه كل دا بدل ماتفرح
الدكتور:هى واضح انها كانت رافضه ومش متوقعه ولا متخيله انه هيموت او يختفى كدا بسهوله عشان كدا دخلت ف انهيار عصبى
مروه:ماشى يادكتور شكراً
الدكتور:على اى دا شغلى عن اذنكم
وسابهم ومشى وهما وقفو يدعو لشهد
#بقلم_اسماء_زيدان
فالفيلا ف اوضة رعد دق الباب و
رعد: ادخل
نهى: العصير يارعد بيه
رعد بهيام:ادخلى حطيه هنا عالسرير
نهى باستغراب:نعم ياخويا سرير اى دا اللى حط عليه العصير
وحطت هى العصير على طوله جنبها وقالت:العصير اهو انت مش مشلول عشان اجبهولك عند السرير عن اذنك
ولسه هتفتح الباب
رعد بصوت عالى ومثل فيه الغضب:اقفى عندك
نهى بخوف ثبتت مكانها:اى ا انا م معملتش حاجه غ غلط
رعد قام من مكانه ببرود مهلك للاعصاب ووقف قصدها:بقا انتى اقولك هاتى العصير عالسرير تقوليلى انت مشلول
نهى:هااا مقصدش انا اسفه
رعد:وانا مش قابل اعتذارك دا
نهى:ا امال عايز اى
رعد بتفكير:اممممممم امممم اصبرى افكر
نهى:طيب همشى انا لحد ماتفكر
رعد: خلاص لاقيت الفكره ادخلى حضريلى الحمام
نهى بصدمه :نعم
رعد:زى ماسمعتى ولا اخد انا حقى بطريقتى
نهى: خلاص هحضرلك الحمام
واتحركت بعيد عنه دخلت الحمام وبدأت تجهزه ورعد واقف عالباب وبحركه مفاجاه فتح الدش والميه نزلت منهمره على نهى
نهى شهقت بصدمه:انت مجنون ازاى تعمل كدا
رعد بابتسامة مستفزه: عشان مبقاش مشلول وتلمى لسانك
وخرج قفل الباب بالمفتاح وسابها فالحمام والميه نازله عليها وهى مش عارفه تقفل الدش وجات تتحرك كانت هتقع لان الشامبو وقع كله عالارض
نهى بغضب:وربى لاوريك يارعد بس اخرج من هنا
________$$$$
فى مديرية أمن الجيزة
دخل معتز وكانت الصحافه ف انتظاره وهو بيدارى وشه والعساكر بتبعد الصحافيين و
واحد من الصحفيين:رجل الأعمال معتز مقبوض عليك بتهمة اى
واحد اخر:صحيح حضرتك جاى ف قضية اغتصاب
محمود بصوت عالى: لو سمحتو ميصحش كدا ابعدو بدل مانستخدم العنف
العساكر بعدت الصحافيين ودخل معتز مكتب المستشار عماد وكان ف انتظاره
عماد:يا اهلا وسهلا يامعتز بيه
معتز بغضب مكتوم: اهلا بيك ياسيادة المستشار ممكن اعرف انا هنا المره دى بعمل اى
عماد:نفس القضيه تبع المره اللى فاتت
معتز:والادله طلعت فشنك عايزين اى تانى
عماد:تحب نبدأ التحقيق ولا هتكلم المحامى بتاعك يحضر التحقيق
معتز:ماشى هكلم اخويا
وفعلا اتكلم من تلفون مكتب المستشار وسليم رد
سليم:الوووو
معتز:سليم انا معتز
سليم:انت فين يامعتز شهد تعبت وجالها انهيار عصبى وفالمستشفى
معتز بغضب:ف داهيه شهد واللى جابو شهد هاتلى المحامى بتاعى وتعالى المديريه
سليم:مديريه ليه
معتز:اخلص ياسليم مش ناقص تحقيقاتك هات الدكتور مرسى وتعالى
سليم:ومسعد ماله اجيب طيب
معتز:قولت الدكتور مرسى وانجز
سليم بنفاذ صبر:ماشى شوى وهنكون عندك
قفل معتز وقعد و
عماد ببرود:منور يامعتز
معتز: بنورك
#بقلم_اسماء_زيدان
فالحمام ف اوضة رعد
نهى اتحركت من مكانها وهى سانده عالحيط خوفاً لتقع لحد ماوصلت للباب وخبطت عليه جامد
ورعد كان نايم قام من نومه و
رعد بنوم: ادخل
نهى بغضب من داخل الحمام: ادخل ازاى ياحمار انت وانت قافل الباب افتح يارعد
رعد فاق من نومه:اى دا مين فالاوضه
نهى:ياربى عالغباء رعد افتح بقا
رعد:افتح اى انتى فين
نهى:ياض انت متخلف مانت حبسنى فالحمام افتح بقا
رعد فاق عالاخر قام نط من السرير:يانهار الوان دا البت ف الحمام وانا نمت ياختاااااى هتموتنى دلوقتى
نهى بغضب:رعد افتح
رعد راح فتح الباب بس ملقهاش
رعد باستغراب:انا كان بيتهيألى ولا اى
نهى من ورا الباب:انت يازفت هتلى هدوم
رعد:انتى بتتكلمى منين
نهى:من ورا الباب هتلى هدوم
رعد:انتى اخدتى شاور ف حمامى
نهى بغيظ وبنها وبين نفسها:يابن المتخلفين
وبعدين قالت بصوت عالى:رعد انت فتحت الميه عليا وهدومى شالت ميه مينفعش اخرج كدا هتلى اى هدوم بقا
رعد بغباء:بس انا معنديش هدوم بنات هنا اجبلك منين
نهى بنفاذ صبر: بقولك اى هدوم اخلص
رعد:ماشى اصبرى
راح فتح دولابه ووقف محتار شوى وبعدين اخد تيشيرت بكم وطويل واخد بنطلون برمودا وراح ادهملها وقفل الباب
___________$$$$
فى مدرسة حبيبه وسيف
حبييه قاعده على السلم لوحدها وباين عليها الزعل و
فارس:مالك يا حبيبه
حبيبه:مليش وملكش دعوه بيا
فارس:حبيبه بجد مالك
حبيبه بعصبيه:قولتلك ماليش وامش من هنا ولا اسيبلك انا المكان
فارس بهدوء:حبيبه انا بعتذر عن اللى حصل ممكن تدينى فرصه اعرفك على نفسى بجد انا معجب بيكى وعايز ارتبط بيكى
حبيبه قامت من مكانها:وانا مش برتبط بحد عارف ليه لانى انسانه والارتباط دا للبهائم بس عن اذنك
فارس مسك ايدها:طب ياست الله يسامحك اى رأيك نبقا صحاب
حبيبه:سيب ايدى
فارس:مش قبل مانتكلم
حبيبه:عايز اى اخلص
فارس:انا فارس مروان لما حكيت لبابا عن ابوكى قالى انهم كانوا صحاب وبجد ياحبيبه انا معجب بيكى جدا ادينى فرصه بس ولو غلط ياستى هختفى من حياتك
حبيبه:طب سيب ايدى وهفكر واقولك
فارس بفرحه:ماشى وبلاش نظرة الحزن اللى ف عيونك دى مش لايقه عليك
وسابها ومشى وهى ابتسم بحب وقعدت مكانها عالسلم
#بقلم_اسماء_زيدان
فالمستشفى
شهد مش بتتكلم مع اى حد نهائي مفيش غير دموعها نازله مش بتقف ومش بتتكلم مع اى حد و
مروه:هى مش بتتكلم ليه يادكتور
الدكتور:للاسف بسبب الصدمه دى هى فقدت النطق
معاذ بنفاذ صبر:ايوا والحل اى
الدكتور:دى حاجة بتاعت ربنا احنا ملناش دخل وتقدرو تخدوها البيت بس بعد جلسة الكيماوي عن اذنكم
الدكتور مشى وهما وقفين مصدومين من اللى حصل لشهد
بسنت:اهدى يامعاذ هتكون بخير ان شاء الله
معاذ: يارب بقولك روحى انتى ورحمه بقا ارتاحو انتو مرتحتوش خالص
بسنت:لا ياحبيبى هفضل معاك هنا
مروه: اسمعى الكلام وخدى اختك وروحو الفيلا يلا
بسنت: حاضر
واخدت رحمه ورجعو الفيلا
##############
فالمديرية
وصل الدكتور مرسى واتكلم مع المستشار عماد و
مرسى:طيب انا طبعاً مسمحولى اتكلم مع موكلى قبل التحقيق
عماد ببرود: طبعاً طبعاً بس هنا فالمكتب
مرسى:تمام ماشى
ومرسى اخد معتز واقعدو على جنب و
مرسى: معتز بيه موقفك صعب جدا فالقضيه لكن هنحاول نخرجك اى سؤال او هى توجيه تهمه عايزك ترد بكلمه واحده محصلش
معتز:اسمع يامرسى اعمل اى حاجه وخرجنى من هنا انت اكبر محامى ف مصر وقضيه زى دى مش هتقف معاك وعالفلوس هتاخد اللى انت هتقول عليه وزيادة لكن تخرجنى من هنا
مرسى:اهدى يامعتز بيه انت بس اسمع الكلام واى كلمه تقول محصلش
معتز:ماشى
قطع كلامهم عماد:هااا يادكتور مرسى خلصتو
مرسى: طبعاً يامعالى المستشار
عماد:جميل قولى يا استاذ معتز كنت بتعمل اى امبارح ف بيت الصحرا بتاعك
معتز:بيتى واروحو ف اى وقت
عماد:واشمعنى الوقت دا بالذات
معتز:كنت زهقان وروحت اقعدى لوحدى شوى
عماد:متأكد انك كنت لوحدك
معتز:ايوا
عماد:امال مين ضربك بالمسدس وفقدت وعيك
معتز بتوتر:ا ا محصلش
عماد برفع حاجب:هو اى اللى محصلش
معتز بتوتر:كل اللى قولته دا محصلش
عماد نظرله ببرود وكمل تحقيق معاه وكل رد معتز هو محصلش محصلش
بعد 5 ساعات
عماد نظر لمرسى:هى دى بقا الكلمه اللى حفظتهاله لما اتكلمتو يادكتور مرسى
مرسى: والله موكلى قدامك اهو يعني هينكر ليه
عماد نظر لمعتز:احنا بقالنا 5 ساعات بنتكلم وانت مفيش غير محصلش محصلش بس احب اقولك انى نفسى طويل اوى ومش هتخرج غير لما تعترف بكل جرايمك
هنا مرسى اتكلم: كدا مينفعش الضغط على معتز بيه يامعالى المستشار
عماد:اى اللى مينفعش بالظبط هاااا
مرسى:الضغط دا
عماد:امممم دكتور مرسى انا عارف القانون كويس واتعلمنا وحضرتك اتعلمت ان مش من حق المحامى يتدخل وقت التحقيق صح
مرسى بأحراج:انا بعتذر
عماد:براحتك يامعتز نكلم بكره تحقيقات
ونادى المستشار على العسكرى ياخد معتز الحجز و
معتز بغضب:اى دا انا مستحيل ابات فالحجز انتو مش عارفين انا مين
عماد بغضب ضرب على المكتب: هنا الكل فى مستوى واحد وصوتك ميعلاش ف مكتبى فاهم
خدوه ياعسكرى
العسكرى اخد معتز عالحجز ومرسى خرج من المديريه
_____________$$$$$
بليل فى كافيه عالنيل يجلس ايام وجنى وارسلان و
ايام:جنى كدا زى ماتفقنا اهو وانتى دلوقتى مش هتروحى الملجأ لا هتروحى شقتك اللى اشترناه ومكتوبه بأسمك وكمان المشروع اللى انتى كنتى عايزاه قرب يخلص وتبدأى الشغل والعربيه قدام الكافيه منتظراكى وليكى مبلغ فالبنك فى حاجه تانى
جنى وهى حابسه الدموع:لا وعادى انا مش عايزه كل ملوش لازمه اصلا انا ممكن ارجع الملجأ تانى
ايام:لا طبعاً دا كان اتفقنا من الاول وبشكرك جدا على كل اللى عملتيه
جنى ابتسمت وبصت لارسلان:تقدر تطلقنى دلوقتى يا استاذ ارسلان
ارسلان:جنى متفتكريش اننا كدا استغلناكى انتى عملتى حاجه كبيره اوى ورجعتى حقوق ناس كتير كانت هضيع
جنى بدموع محبوسه:لا طبعاً مفيش استغلال ولا حاجه ممكن بقا تطلقنى عشان امشى
ارسلان بصلها بحزن:ا ا انتى طالق ياجنى
جنى قامت من مكانها:كدا تمام وكل حاجه زى ماتفقنا وهنتظر ورقة الطلاق عن اذنكم
وخرجت تبكى وركبت عربيتها وفضلت تبكى و
جنى ببكاء:ليه ليه حبيتك ليه اااااه ياقلبى بتحبه ليه هو دا اللى هتفضل مقفول ومتحبش حد ليه حبيته وانت عارف النهايه ليه
وضربت بأيدها على صدرها مكان قلبها:بطل بقا توجعنى مقولتلكش حبه بطل تدق بقا وعيش لوحدك محدش هيحبك
وشغلت العربيه ودموعها منهمره وبتسوق بسرعه
وبعد دقائق الدموع عمت عيونها ومش شايفه الطريق ومش عارفه تهدى السرعه وهوب ضربت ف شجره ورأسها انضربت ف دريكسون العربيه وفقدت وعيها
___________$$$$$
عند ايام وأرسلان و
ايام:حاسه أنها زعلانه
ارسلان:احنا اتفقنا على كدا من الاول ولا نسيتى
ايام بتفتكر
فلاش باك
فالمستشفى الخاصه بالمخابرات و
ارسلان:انا عرفت انك ليكى حق عندنا فعلاً
ايام:طيب شكراً انك عرفت اتفضل امشى بقا وملكش دعوه بيا
ارسلان وهو خارج:كنت هقف معاكى ونجيب حق مامتك بس ياخساره
ايام بلهفه: ازاى
ارسلان:نتجوز
ايام:نعم ياروح امك
ارسلان:لمى لسانك دا
ايام:انت بتقول كلام غريب بتقول نجيب حق امى ونتجوز ازاى
ارسلان:مانتى اسمعى للاخر
ايام:ماشى
ارسلان:شوفى احنا هنتجوز وفى واحد صديقى بيعمل مسكات للوش على حسب ملامح الشخص اللى انتى عايزاه ف احنا بقا نتجوز ونعملك مسك بنفس ملامح مامتك وتدخلى الفيلا معايا ووقتها نطارد معتز لحد مايعترف بنفسه ووقتها هطلقك قولتى اى
ايام بتفكير:ماشى موافقه ابعت هات المأذون دلوقتى
ارسلان:مش لما تخفى
ايام:لا انا هخرج وارجع معاك واخف فالبيت براحتى
ارسلان:تمام هروح اجيب المأذون وشهود ووكيل ليكى وجاى
ايام: ماشى
باك
ارسلان بيكمل كلامه:وبعدها انتى لما عرفتى ان نجيه بتدى مخدرات لرعد قررتى تسافرى بورسعيد عشان يبقا بعيد عنها ويتعالج ووقتها
ايام بتكمل:ووقتها كنا بنفكر نجيب مين ياخد مكانى فالفيلا
فلاش باك
فوق سطح الفيلا
ايام:انا لازم اسافر واخد رعد مش هسيبه يموت
ارسلان بغضب:ومين هياخد مكانك هنا مش لازم تعالجيه دلوقتى اصبرى لما نمسك معتز
ايام:هيكون رعد مات انا هسافر بعد بكره وان شاء الله هنلاقى حل تصبح على خير
باك
ايام بغيظ:وانت بقا بتصحى الصبح تبوسنى ليه وتقولى بشكر شاهى انها خرجت من الحمام كدا
ارسلان بصدمه:انتى كنتى صاحيه
ايام بخجل:ايوا كنت صاحيه
ارسلان:اممممم المهم اننا لاقينا جنى فاليوم دا
فلاش باك
ارسلان وايام جهزو وخارجين يروحو المخابرات وهما فالعربيه طلعت قدامهم بنت بتجرى جامد و
ايام:وقف وقف يا ارسلان
ارسلان وقف العربيه بسرعه وايام نزلت راحت عند البنت وارسلان كمان و
ايام:انتى بتجرى ليه
البنت ببكاء:هتضربنى وانا تعبت من الضرب
ارسلان باستغراب:مين دى الاول اسمك اى
البنت:جنى اسمى جنى
ايام بفرحه:حلو اوى طيب مين دى اللى هتضربك
جنى ببكاء:المسؤله عن الملجأ هتضربنى
ايام بصدمه: ليه
جنى: عشان نسيت الاكل عالنار وروحت سرحت شعرى والاكل اتحرق وهى كانت هتحرقلى شعرى وتضربنى وانا هربت منها
ايام بحزن: خلاص ياحبيبتى اهدى قومى معايا محدش هيقربلك
فعلا جنى مشيت معاهم وركبو واخدوها على مطعم
باك
ايام:وساعتها اتفقنا معاها على كل دا وهى وافقت ونجحت كمان
ارسلان بهيام ومحن:المهم ف كل دا انى بحبك
يا يومه
ايام بغرور:مانا عارفه
ارسلان:امممم طب وانتى
ايام بمكر:وانا اى
ارسلان:مش هنستهبل بقا
ايام قامت من مكانها:اه فهمت قصدك فعلاً والله انا تعبانه خالص يلا نرجع الفيلا
وسابته ومشيت وهو بغيظ حاسب على المشاريب وخرج
#بقلم_اسماء_زيدان
اثناء الوقت دا ف ألمانيا كانت بنت بتسوق عربيتها وفى شخص بيطاردها ويضرب عربيتها وهى مش قادره تسيطر على العربيه و
البنت:انت مجنون
(الكلام بلالمانى طبعاً وانا اخاف عليكم لو كتبت المانى فهو مترجم عربى 😂😂😂
اسفه انا اصلا معرفش غير فرنش وانجلش 🙂💛)
الشخص التانى:اقفى ياميار هجيبك برضوا
ميار:بطل تضرب العربيه مش عارفه اتحكم فيها
الشخص:طب اقفى مش هسيبك
ميار العربيه خرجت عن سيطرتها وقفت العربيه ونزلت تجرى منها والشخص دا بيجرى وراها وبدون سابق انذار ميار خبطت ف شخص تانى والشخص دا مسك ميار ووقفها ورا ضهره و
الشخص:مين دا وبيجرى وراكى ليه
ميار بدموع:دا اريس زميلى فالشغل وكان عايز ياخد من مجوهراتى
الشخص بعد ميار وكان اريس وصل وبيشد ميار من ايدها
الشخص مسك ايد اريس وضربه برأسه ف رأسه برضوا
(انتو فهمتو دى 😂😂💙)
الشخص ضرب اريس على الاخر ووقع على الارض واخد ميار ومشى خطوتين و اريس قام جاب حجر من الارض وضرب الشخص على دماغه وجرى على عربيته و
ميار بصدمه: اعاااااا فوق الله يخليك خلينا نمشى من هما
ونظرت للسما واتكلمت عربى:اعمل اى دلوقتى ياربى وعربيتى بعيده
وبعد تفكير قامت وجابت عربيتها جنب الشخص الملقاه على الأرض وقومته ودخلت العربيه ومشيت
_________$$$$$
اشرقت الارض بنور ربها
استيقظت جنى ولاقت نفسها ف اوضه وعلى سرير ورأسها ملفوفه بشاش قامت و
جنى:انا فين واى جابنى هنا
حاولت تقوم بس حست بدوران قعدت تانى عالسرير و
جنى بصوت عالى:انتو ياللى هنا حد يرد عليا
والباب يتفتح ويدخل شخص شايل صنيه عليها الفطار و
الشخص:حمدلله على السلامه بقيتى كويسه
جنى:انت مين وانا جيت هنا ازاى
الشخص:عربيتك كانت مضروبه ف شجره وانتى جواها وبتنزفى من دماغك ف جبتك هنا ونضفتلك الجرح ولفيته بشاش انتى كويسه بقا
جنى: الحمدلله بشكرك جدا وعربيتى فين
الشخص:بعت الميكانيكي يجبها ويصلحها
جنى ابتسامه: بشكرك جدا يا استاذ ا
الشخص بابتسامة: محمود العميد محمود
جنى: تعبتك معايا يا استاذ محمود
محمود:ولا تعب ولا حاجه دا شغلى
جنى: شكراً بجد
___________$$$$$$$$$
فى المديرية
دخل معتز مكتب المستشار لتكميل التحقيق كان موجود الدكتور مرسى
عماد:امممم عامل اى يامعتز
معتز:زفت على الاخر
عماد:مانت اعترف عشان نخلصك من كل دا
معتز:اعترف ب ايه بجرائم انا معملتهاش
عماد:بس متقولش معملتش عشان كل الادله ضدك
معتز:فين الادله دى ورهانى
عماد:لو طلعتها هحولك للمحاكمه
معتز بتوتر لكن مظهرش:ورهانى برضوا
بدأ عماد يطلع كل الادله و صوت اعتراف معتز
ومعتز عيونه كادت تخرج من مكانها وبعد ماسمع وشاف الادله وقع على الكرسى بانكسار وانهزام
عماد نظر لمرسى بسخريه:حقيقى منورنى ونورك زايد النهارده يادكتور مرسى
مرسى بأنهزام:دا نور معاليك
عماد ابتسم لمرسى بأنتصار ورجع نظر لمعتز وقال:انت اللى اخترت ولو كنت اعترفت كان هيخفف عنك الحكم دلوقتى انتظر نهايتك
ونادى على العسكرى ياخد معتز الحجز ودخل معتز الحجز بتوهان و
احد المساجين:مالك يا باشا
معتز دفعه بعيد بغضب:ابعد عنى واعرف انت بتكلم مين
مسجون اخر:لا لا ياحيلتها كلامك دا يبقا بره مش هنا هنا احنا الملوك وبره ابقا اتعامل براحتك ياروح امك
معتز ضربه بوكس:انا اقول اللى عايزه ف المكان اللى يعجبنى
مسجون تالت قام مطلع موس وجرح معتز ف كتفه
معتز بألم:ااااه ياولاد الكلب
وضرب اللى جرحه بالموس وقعه على الارض
جه مسجون تانى وبالموس وجرح معتز جرح جامد ف صدره
المسجون الاول: عشان تحترم اسيادك
وضربه هو كمان بالموس ف بطنه جرح جامد وبطنه نزفت
معتز حط ايده على بطنه وركع على رجليه:ياولاد الكلب انا هوريكم
جه المسجون التانى حط الموس على رقبة معتز:احترم نفسك بدل مانهى عليك
معتز ثبت مكانه وباقى المساجين بتجرح ف معتز مره ف رجليه ومره ف دراعه وعلى صدره وأخيراً علمو على وشه
معتز بألم وصريخ:اااااه ابعدو بقا
وهنا دخل العساكر وضربوا نار فالسقف والمساجين بعدت عن معتز والعساكر اخدت معتز على مستشفى السجن
#بقلم_اسماء_زيدان
وبعد اسبوع
شهد رجعت البيت ولسه مش بتتكلم
ومعاذ وبسنت الحياه بينهم عادى
عبدالرحمن بيقرب من رحمه
وفارس وحبيبه علاقتهم بقت كويسه
وسيف مهتم بمذكرته وشاهى كذالك
وسليم واقف مع معتز وبيتابع الشركه
والحياه حلوه بين رعد ونهى
وايام اعترفت بحبها لارسلان
ومحمود بقى قريب من جنى وبينهم صداقه و
واقفه ايام فالفيلا بتكلم سراج و
ايام:وحشنى اوى يابابا
سراج:وانتى كمان ياحبيبتى اى مش ناويه تيجى بقا
ايام بفرحه:لا انت اللى هتيجى تحضر جلسة معتز بعد يومين
سراج بفرح:بتتكلمى جد
ايام:جد الجد يابابا
وهنا شاهى دخلت وشاورت بأيدها لايام بمعنى هااى وايام شاورتلها برضو
ايام:بقولك اى يابابا هات احمد معاك عشان مشفتوش من زمان
سراج: حاضر ياحبيبتى بكره هنكون عندك خلى بالك من نفسك
ايام:حاضر
وقفلت مع سراج
فى اوضة معاذ
معاذ مشغول باللاب توب فاتح شات مع ميار وهى بتحكيله على اللى حصلها معاها
معاذ بيكتب:ومعرفتيش ميك الشخص دا
ميار بتكتب:لا هو فضل نايم لحد الصبح ولما صحى متكلمش خالص ولما كلمته طلع شخص طيب جدا وبقينا اصدقاء
معاذ بيكتب:واسمه اى دا
ميار بتكتب:امممم هو بيقولى انه مصرى واسمه حسام
معاذ بيكتب:تمام ماشى خلى بالك من نفسك
ميار بتكتب:حاضر ماما عامله اى
معاذ بيكتب:كويسه الحمدلله انا هقفل دلوقتى عشان عندى شغل
ميار بتكتب:ماشى ياحبيبى ربنا معاك جود باى
معاذ بيكتب:جود باى
خرجت بست من الحمام فالوقت دا و
بسنت: عايزه افهم حاجه يامعاذ
معاذ: اتفضلى
بسنت :انا فاكره ان السكينه وقعت من ايدى اللى قتلت بيها مراد وطبعاً عليها البصمات بتاعتى وكمان انا فتحت باب الشقه وبرضو بصماتى امال الظابط ملقيش حاجه ليه
معاذ بابتسامة:بعد ماجبتك هنا الفيلا انا رجعت عند مراد تانى بس لاقيت الاسعاف واخده انا طلعت الشقه وفتحت الباب وشيلت السكينه وغسلتها ومسحت كل البصمات
بسنت بشكر: شكراً ياحبيبى انقذتنى
معاذ بابتسامة حزن:ولا يهمك يلا نامى بقا
بسنت:حاضر
_________$$$
ومر يومين بدون احداث جديده والكل اتجمع فالمحكمه ودخل معتز القفص بعد ماجروحه بقت كويسه
ودخل الراجل اللى بيقول محكمه دا (انا معرفش اسمه اى 😂😂😂)
الراجل:محكمه
الكل وقف
ودخل القاضى ودخل بعده المستشارين وكان بينهم عماد راح وقف ف مكانه المخصص ليه
القاضى:الدفاع يتفضل
هنا اتكلم عماد:سيدى القاضى حضرات الساده المستشارين إن هذا الذئب البشرى الذى يقع خلف قبضان الحديد امامكم قد قام بخطف واعتداء المجنى عليها ضحى عبدالله انور اسبوعا كاملا وهذا بنأنا على دفتر المجنى عليها التى تركته لأبنتها طالبه بحقها وكذالك اعتراف الجانى معتز الدمنهوري بصوته وهو يحاول الاعتداء على فتاه اخرى وهذا الحدث من اسبوع او اكثر ولذلك اطلب بأشده العقوبات له لكى يكون عبره لكل من يعتبر وتنتهى هذه الذئاب البشريه التى تقوم بابشع الجرائم وهى جريمة الاغتصاب وشكرا
القاضى موجها كلامه للمحامى:فى اى دفاع
مرسى بأسف: سيدى القاضى نحن بشر وشيطاننا ونفسنا اقوى مننا والرغبه بشىء تصنع المستحيل لذالك اطلب ان تكون رحيما بالحكم على موكلى نظراً لابنائه وزوجته وعائلته ومستواه الاجتماعى وسيرته
هنا عماد رفع حاجبه بسخريه وابتسامه انتصار على ثغره
والناس فالقاعه بدأت بالاعتراض على طلب مرسى ومروه لما عرفت ان كل دا حصل مع صديقتها بكت بحرقه وسليم اخدها ف حضنه وايام وارسلان قاعدين بقوه وانتصار ومايا وباقى العيله يبدو على وجههم الحزن والسخط على والدهم
القاضي ضرب بالشكوشك: هدوء وإلا هخلى القاعه
الكل سكت
القاضي:الحكم بعد الاطلاع على الأوراق
الراجل:محكمه
الكل وقف
وخرج القاضى والمستشارين وبعد دقائق دخل تانى
الراجل:محكمه
الكل وقف ودخل القاضى والمستشارين و
معتز اتكلم:لحظه ياسيدة الريس انا عايزه اقول حاجه
القاضي:عايز تقول اى يامعتز
معتز:انا عارف نهايتى كويس وعشان كدا عايز اقول كل حاجه انا اعتديت على اكتر من 5 بنات
ايام ومايا وشاهى ومروه شهقو بصدمه
معتز بيكمل وموجه كلامه للناس فالقاعه:ومنهم اتنين قتلتهم وواحده وواحده هربت اما ضحى دى كانت الاخير ومعرفش عملت كدا ازاى وبلغت وبنتها مين دى وانا اللى خليت معاذ يفبرك فيديو اعتداء على بسنت وبكل بساطه مكنتش بسنت اللى فالفيديو ولا كان مراد ولا معاذ بس خليته يعمل كدا عشان يحرضها تقتل مراد
قطع كلامه صوت شخص بجانبه فتاه
الشخص:غلطان يابن الدمنهوري مراد ممتش
القاضي:مين انت
الشخص: أنا مراد عبدالرحمن اللى بيقول انى اتقتلت
هنا الكل التفت لمراد و
شهد بتقطع فالكلام:م م مر مراد و و م مي ميار
مراد:انا بطلب بحقى ياسيادة القاضى وبطالب بأشد عقوبه له
وهنا ايام اتكلمت:ممكن اتكلم واقول حاجه ياسيادة القاضى
القاضي:انتى مبن الأول
ايام نظرت لمعتز بانتصار:انا ايام معتز الدمنهوري بنت الراجل دا وبنت المجنى عليها ضحى اللى كانت ضحيه من ضحايا معتز الدمنهوري بس هى خرجت من بين انيابه وانا اللى قدمت البلاغ وبطلب ياسيادة القاضى بما انى مسؤله عن حق والدتى انه يتشنق ف ميدان عام
القاضي بدأ يتكلم:المرأه هى الام والاخت والزوجه والابنه هى اساس الاسره واساس المجتمع هى نصف المجتمع وبتنشأ النصف الاخر وبدون أمراه لا يوجد اسره ولا مجتمع ولذلك حكمت المحكمة حضوريا على معتز عبد الفتاح الدمنهوري بالاعدام شنقا فى الميدان العام للدوله لكى يكون عبره لكل من تتسول له نفسه بارتكاب هذه الجريمه
الناس فالقاعه بدأت تصرخ بفرح وانتصار الحق ومايا و شاهى ورعد متأثرين بجرايم معتز وبسنت نظرة لمعاذ باستحقار وشهد خدت مراد ف حضنها وكذالك رحمه
والعساكر اخدت معتز من القفص وخرجت بره المحكمة والصحافه كانت منتظراه على احر من الجمر وذهب معتز للميدان العام وهو ماشى والناس ماشيه وراه لحد وصل ف قلب الميدان والناس بدأت تهتف بالانتصار والحق وبعض الشباب والناس حدفت معتز بالطوب والجزم
وتم شنق معتز
يتبع الخاتمة رواية الانتقام من الأب اضغط هنا
- الفهرس يحتوي على جميع فصول الرواية (رواية الانتقام من الأب كاملة)